لا للوشم اجسادنا هياكل للرب ..

 من كام يوم كنت حاضر اجتماع ولاقيت شاب داخل راسم وشم .. شكله يبان جميل وملفت جدا .. ما عرفش هو عارف معناه او لا .. لكنى كنت عارف الرمز ده .. ده من رموز ديانة قديمة فى الصين .. انا فاكره كويس .. ساعتها عرفت ان الشاب ده فى مصيبة هو مش عارف نتايجها عليه .. ⁦🤦🏻‍♀️⁩⁦🤦🏻‍♀️⁩😢😢

امبارح حد كلمنى بالتليفون وبرضه حكى معايا فى الموضوع ده .. وقالى ياريت تكتب عنه ..

النوضوع غاية فى الخطورة .. منتشر طبعا من زمان جدا .. لكنه حاليا ازداد انتشارا .. بسبب الموضة واتصال العالم ببعضه وتطور التكنولوجيا..

الموضوع ده هو الوشم .. بتلاقى شباب وبنات .. عاملين وشم على مناطق مختلفة فى اجسامهم ..

وهما ما يعرفوش حجم المشكلة اللى هما داخلين فيها..

خلينى الاول اشارككم بآيتين وبعد كدة ها بدأ اناقش جزء صغير من القصة ..

في اللاويين ١٩:‏٢٨ التي تقول:‏ " وَلاَ تَجْرَحُوا أَجْسَادَكُمْ لِمَيْتٍ. وَكِتَابَةَ وَسْمٍ لاَ تَجْعَلُوا فِيكُمْ. أَنَا الرَّبُّ "

فى الثنية ٤ .. ٢٣اِحْتَرِزُوا مِنْ أَنْ تَنْسَوْا عَهْدَ الرَّبِّ إِلهِكُمُ الَّذِي قَطَعَهُ مَعَكُمْ، وَتَصْنَعُوا لأَنْفُسِكُمْ تِمْثَالاً مَنْحُوتًا، صُورَةَ كُلِّ مَا نَهَاكَ عَنْهُ الرَّبُّ إِلهُكَ. ٢٤لأَنَّ الرَّبَّ إِلهَكَ هُوَ نَارٌ آكِلَةٌ، إِلهٌ غَيُورٌ. ٢٥"إِذَا وَلَدْتُمْ أَوْلاَدًا وَأَوْلاَدَ أوْلادٍ، وَأَطَلْتُمُ الزَّمَانَ فِي الأَرْضِ، وَفَسَدْتُمْ وَصَنَعْتُمْ تِمْثَالاً مَنْحُوتًا صُورَةَ شَيْءٍ مَّا، وَفَعَلْتُمُ الشَّرَّ فِي عَيْنَيِ الرَّبِّ إِلهِكُمْ لإِغَاظَتِهِ، ٢٦أُشْهِدُ عَلَيْكُمُ الْيَوْمَ السَّمَاءَ وَالأَرْضَ أَنَّكُمْ تَبِيدُونَ سَرِيعًا عَنِ الأَرْضِ الَّتِي أَنْتُمْ عَابِرُونَ الأُرْدُنَّ إِلَيْهَا لِتَمْتَلِكُوهَا. لاَ تُطِيلُونَ الأَيَّامَ عَلَيْهَا، بَلْ تَهْلِكُونَ لاَ مَحَالَةَ. ٢٧وَيُبَدِّدُكُمُ الرَّبُّ فِي الشُّعُوبِ، فَتَبْقَوْنَ عَدَدًا قَلِيلاً بَيْنَ الأُمَمِ الَّتِي يَسُوقُكُمُ الرَّبُّ إِلَيْهَا.

مشكلة كبيرة بيقع فيها الناس .. انهم بيفترضوا ان كلام العهد القديم بعيد عنهم خالص من زمان .. ومش ها يأثر فيهم ..

لكنهم بينسوا ان المسيح ما جاش لينقض الناموس بل ليكمله..
وبينسوا ان المسيح هو كلمة الله .. وهو الاقنوم الثانى فى الكيان الالهى .. وان الاب هو الله يهوه اللى اصدر هذه الاقوال لموسى.. !!

والمسيح بيقول لم يصنع شىء من ذاته بل كما رآى عند الاب صنع .. يعنى مش متناقد فى اى فعل او قول او فكر مع الاب السماوى..

ولذلك ما ينفعش بسبب نعمة المسيح المتقدمة لنا .. اننا نرمى تماما توجيهات الله فى العهد القديم ورا ظهرنا ..

دايما كانت بتبان الوصايا بسيطة خالص .. لكن العقاب اللى الرب بيتوعد بيه .. قوى جدا .. وده مش تناقد ..

ده زى ما ابنك يجى يمسك حاجة مدمرة زى السكينة وتقوله لو مسكتها ها ضربك وها عاقبك ..

هو ممكن يكون مستغرب رد فعلك .. لكنه للأسف مش بيبقى عارف سبب رد فعلك وهو خطورة اللى ها يعمله على نفسه..

نرجع لمشكلة الوشم .. مشكلة الوشم معقدة جدا .. ان كل رسم بيحمل تصور وابداع صانعه ..

والرب رسم الارض بالحكمة .. واعلن انه المسئول عنها المالك والمتحكم ..

وابليس بيسعى انه يستخدم نفس القوانين اللى حطها الله .. فلو ابليس ملى ذهن حد لتصوير رسم او نحت او صورة لإله او وثن او رمز .. وجيت انت او انتى بجهل .. عجبتكم الرسمة ووشمتوها ..

تبقوا بتتبعوا نهج وتحت سلطان صانع الرسمة .. اللى هو ابليس ..

وده بيفوض له السلطان كمالك الرسمة انه يدخل لحياتكم بوسائل كتيرة ويسبب شكاية لحياتكم او يدخل بلعنة تبوظ شكل حياتكم او حياة اللى حواليكم ..

خلينا نتفق على حاجة .. مش معنى ان ماحدش بيتكلم فى الموضوع ده .. ابقى انا مبالغ اوى .. لا خالص .. ده موضوع حقيقى .. والكتاب المقدس سرد عنه كلام كافى .. بس للاسف ما حدش بيبص عليه .. لان المعظم بيستسهل اننا فى النعمة تمام ..

والناس بيواجهوا مشاكل وحياتهم بتتربط وبتتعطل وهما نش عارفين فين النعمة وايه مشكلتهم ؟؟!!

اى حاجة على اجسامكم من رسوم ممنوعة .. لان المالك هو الله .. ما تحوطوش اختام او علامات او رسومات انت وانتى مش ادها..

دى بوابات على الظلمة .. وابليس بيتحدى الله انه يوشم ويغير ملكية جسد الانسان ..

دى مش شياكة ولا موضة .. دى رموز من عبادات قديمة وكتب غريبة واحيانا .. بتشع نجاسة وتدمير لكل اللى يبص عليها ..

الموضوع كبير وانا كدة قايل قشرته الخارجية فقط..

فى رسوم مرتبطة بسحر وارواح وبتتحط زمان على انواع من المحاربين او السحرة او العاهرات او اشخاص معينين لمهام خاصة ..

جسدكم هيكل الله .. لا تجعلوه مغارة لصوص