Elohiym Image .. مقالات طويلة ..

 خطير .. !!  ارواح العرافة .. تقدر تشارككم بكلام مشجع جدا جدا جدا .. !! وتقدر تحكى رؤى روحية واكرام الرب بيعمله لكم .. !!  وتتنبأ ان مستقبلكم مليان خدمة للرب .. !! طيب عملوا كدة ازاى .. ؟؟!!  لانهم ببساطة جزء من العالم الروحى .. وفاهمين الرب عايز ايه من حياتنا .. وفاهمين احنا ممكن نشوف ايه من اعلانات الرب .. وممكن نكون منتظرين ايه من الرب ..  طيب وهو معقول العرافة تقولنا ها تبقوا خدام رائعين ؟؟!!  الاجابة اه جدا جدا ..  لان مش المشكلة ها نبقى خدام ولا لأ .. المشكلة ها نخدم ازاى بأى روح ولمجد مين ؟؟ ها سيب معاكم الكلمتين دول .. وقريب اسجل حاجة عن كدة .. هو ليه بولس تضجر من عرافة فيلبى .. وهى بتقول كذا يوم انه هو واللى معاه بينادوا بالخلاص .. ؟؟!!  الاجابة .. لانها كانت بتدعوه لمساحة من المجد .. انه يبقى متدعم بيها وب شهرتها فى المدينة .. ويكسب على حب الناس لها .. راحة رهيبة وقبول من الناس واكرام ومجد ارضى .. ان خضع لدعمها الدائم له ..  لكنه ادرك المكيدة .. اى اتفاق بين اهداف الظلمة واهداف النور ..  ورفض كدة وكسر سلطان روح العرافة عن المدي...

 بروفيل الشيطان ..  سألت نفسى سؤال .. لو الشيطان عمل حساب او اكونت لنفسه .. ياترى ها يقول انه شيطان .. ؟؟ ولا ها يحط صور دينية وايات كتابية ؟؟!!  الشيطان بيعرف كلمة الله وبيحفظها جيدا ويستطيع ان يجادل بيها ..  هى واضحة على لسانه جدا .. وده ظهر اوى وهو بيجرب المسيح .. لكنها لا تظهر فى اعماقه ولا تؤثر فيه .. !!  سهل جدا انك تبقى حاطت كلام الله من برة حياتك لكن مش جواها .. بتقول وتجادل وكأنك تعلم .. لكنك لا تعيش ما تعلمه .. !! سهل الفيس او التويتر او الانستجرام او اى موقع تانى .. تملاه بكلام يقول انك حافظ الكلمة .. لكنك لو مش بتعيش الكلمة وبتتغير بيها لصورة الله .. تبقى فعلا في مصيبة .. !!  المسيح وصف الفريسين بإنهم قبور مبيضة .. يعنى من برة شكل القبور ابيض ومفرح وحواليه ورود وأشجار .. لكن جوة موت وهلاك رهيب .. !!  يارب توبنا امام وجهك .. لا لصورة التقوى الخادعة .. نعيش حقيقيين امامك .. لكى نوجد امام انوارك للابد ولا ننطرح فى تعييرات الظلام الابدية ..

 هل عدم الانتظار وقت كافي امام الرب و التصرف بتسرع بطرق جسدية و تنتمي لروح العالم ممكن يتسببوا في مشاكل و مصايب ؟!! في الامور الروحية لما تبقى محتاج تصلي لأمر ما ..  اتعلم تاخد اوقات طويلة عارض الامر ده على الرب في انتظار كلمته ..  حتى لو كان ده وسط احداث يومك و مشاويرك او شغلك او رعاية بيتك او اطفالك ..  الرب بيحترم انتظارنا له و تخصيصنا للوقت امامه .. لانه اعلان خضوع له و اعلان سيادة له ..  لا تتعجل ابداً .. حتى لو الضرورة انك تتصرف بسرعة .. اتصرف بطريقة بسيطة منطقية مؤقتة و انت طالب حكمة من الرب الى ان يأتي صوته .. اهمية صوت الرب سواء من خلال كلمته او في الاحداث بوضوح او في رؤيا او حلم او اعلان .. انه بيحمل سلطان الرب و بيحسم الامور بطريقة عجيبة ..  مرات الرب بيصمت علشان تتوب و تجلس امامه للفحص .. مش علشان تتصرف بدماغك او تلجأ لطرق الظلام ..  ---------------------------- قصة الملك حزقيا و ربشاقي الاشوري .. ممتعة جدا ..   انتظار حزقيا الملك للرب بالمسوح و التعييرات الخاصة بربشاقي .. 🙇🏻‍♂️👇 في سفر الملوك الثاني ١٩  1 فَلَمَّا سَمِعَ ...

  بخصوص السحر .. بينجح ابليس انه يقنع الناس ان السحر قوة خاصة مهدفة عليهم و انهم مش ها ينفع بسهولة يخرجوا من تحت التدمير ده .. وناس تانيين بينجح ابليس انه يخليهم مربوطين بفكرة ان كل تعطيل بيحصل لهم لابد وراه سحر مدمر .. و ان لازم حد معين هو اللي يكسر السحر ده .. و ده فعلا بيبقى حقيقي أحياناً لو الرب منح لشخص شرف انه يدخل معاك الحرب دي ويصلي ويطلب نصرة المسيح .. لكن اللي مش صح ومش حقيقي .. انك تفترض انك غرقت لو ما فيش حد يساعدك .. وتفترض ان قصتك اتحسمت في دمار لان في سحر .. اسف .. لحد هنا ووقف .. !! السحر نوع من انواع كتير للنشاط الشيطاني .. وهو مش نهاية قصتك .. وبيتلف بسهولة جداً زي باقي نشاطات ابليس بمجرد ما الشخص يطلب خلاص المسيح ويعيش متلصق بكلمة الرب بأمانة وخضوع .. بمجرد ما بتعيش وتنتمي لملكوت الرب .. بتدرك ان ابليس صغير ومعظم اسلحته قديمة اوي ومتهالكة قدام قوة الرب في ملكوته .. فبرجاء .. قبل ما تدور على حد يكسر السحر .. روح توب فعلا من قلبك امام الرب واطلب الخلاص اللي لك في المسيح .. وعيش بأمانة وخضوع للرب .. لان قوة الرب إذا دخلت حياتك فعلا .. السحر هو اللي ها يهرب من حياتك ...

 مهم جداً انك تفرق بين اكرام الرب و عطاء روح العالم ..  اكرام الرب هو من ايد الرب و بطريقته هو المعجزية و في وقته هو و لمجده هو .. و ده جزء من تعاملاته مع الخاضعين الامناء .. و مش بيجيبوه بذراعهم البشرية و لا بالتملق او المخادعة او المهادنة او اي طريقة من طرق المعاهدة مع روح العالم ..  اما عطاء روح العالم فهو هدفه الانشغال عن عبادة الرب و تقوية ربط النجاسة اي الانفصال عن الرب و التمرد على سيادته ..  و ده للاسف بيملى العالم و الساكنين فيه و بيدخل الانظمة و الاشغال و البيوت  و للاسف دخل المجال الروحي ..  فهو بيقنع الشخص او الاشخاص ان متاح لهم يخدوا عطايا مذهلة بالخداع بالتملق بالمهادنة بالنجاسة بالهوى ..  و قيس على كدة مئات المشاكل اللي فيها روح العالم بخداع  ب يقول حقك تدخل في علاقات ما دام شريكك او شريكتك مريض او مريضة او مشغول او مشغولة ..  و اللي يهمس جواه بخداع ويقوله الرب مش بيعطي لك فممكن تكون محتاج تشغل دماغك او ابقى قدم للكنيسة مبلغ او اكرم فلان او او  و ممكن كمان يقنعهم ان ده عطاء من ايد الرب لهم .. و ان عمل الرب محتاج شوية حكمة...

 ابليس بيجتهد دائما انه يسلب البشر من موقعهم فى داخل الحضور الالهى ..  ولذلك ابليس شغال بنشاط انه يصنع اجيال .. عمياء وصماء عن ادراك الحضور الالهى ..  اجيال تخطىء بدون ادراك لجمال وروعة الصورة والهوية المتواجدة لهم داخل الحضور الالهى ..  اجيال تعتبر الجنس خارج اطار الزواج امر عادى جدا .. وليس زنا او  دعارة او عهارة .. !! اجيال تعتبر انه من الطبيعى الاستغلال الدائم للحواس فى البحث عن المتعة .. !!  ولم يدركوا انهم ذبائح حية للرب وان أعضائهم آلات للنور لا للظلام ..  اجيال تعتبر الاجهاض امر طبيعيا .. وليس اماتة لإخفاء نواتج علاقات فى الظلام ..  اجيال تفقد معنى العهد الذى فى الزواج .. ليصبح ورقة عرفى .. بسيطة يسهل فقدها وفقد الزواج معها فى اى وقت .. !!  ابليس كائن مظلم لم يعد يدرك روعة الرب وجمال اعماله .. وكذلك الماكثون معه هم مثله .. !! ينضح عليهم بما له .. ويتنفس فيهم بقتله .. ذاك كان قتالا من البدء .. لم يثبت فى الحق .. علموا ولادكم يمسكوا الحق ويقروا فيه ويفكروا فيه .. لان هو ده اللى ممكن يكسر ابليس واعماله ..

 مهم جداً .. و انت ماشي في مسار الايمان .. انك تدرك ان اول عدو ليك ممكن يظهر امام اتمام الرب لبركاته لك .. هو عمل الخطية الساكنة في نظام العالم و التي كنت عبداً لها قبل قبول خلاص المسيح .. و هي تحارب احتياجات جسدك لتتسلط عليك و تعيقك عن مواعيد الرب   .. !! و الخطية ليست خللاً في طبيعتك .. لكنها عدواً لطبيعتك الجديدة ..  قصة صعبة يمكن في المستقبل  يبقى لها شرح اكتر ..  لكن بولس الرسول بيؤكد الكلام ده ..  👇📖💥   رومية ٧ .. ١٤  فَإِنَّنَا نَعْلَمُ أَنَّ النَّامُوسَ رُوحِيٌّ،  ( نحن متأكدين ان هدف قوانين الرب و كلمته هو قيادتنا للحياة .. انه نظام روحي وضعه الرب )  وَأَمَّا أَنَا فَجَسَدِيٌّ مَبِيعٌ تَحْتَ الْخَطِيَّةِ. ( و مع ذلك فهناك صراع قائم في اعماقنا .. لان جسدنا كان عبداً مستنزفاً تحت سيادة سيد قاسي هو الشرير واداته الخطية )  ١٥لأَنِّي لَسْتُ أَعْرِفُ مَا أَنَا أَفْعَلُهُ، ( و بسبب هذه الحرب نصاب بالتشويش احيانا .. فلا نعرف اين الصواب ) إِذْ لَسْتُ أَفْعَلُ مَا أُرِيدُهُ، بَلْ مَا أُبْغِضُهُ فَإِيَّاهُ أَفْعَلُ. ( احيانا ف...

  ها قول كلام خطير .. و الكلام ده يسري عليّ انا قبل اي حد تاني .. كل واحد فينا مطالب انه يفحص دائما دوافعه امام الرب و ده ممكن يتطلب صوم او تكريس وقت مع كلمة الرب لان الكلمة بتكشف الاعماق .. كمان كل واحد مطالب انه يفحص روح ما يسمعه .. يعني ممكن تسمع كلام يبان من الكتاب و تشجيع مستمر و اسرار من العالم الروحي مستمرة و ترقيات و سلطان و و و .. لكن انت بعد ما بتفرح شوية .. بتتملى حزن و قيود و بتنفصل عن الرب .. لغاية لما بتاخد جرعة جديدة .. !! تاني بقول ..  لا تعيق الحق .. بإنك تروح تقول لفلان او لفلان محب بيتكلم عليك .. انت خد كلامي و روح اقعد بيه قدام الرب .. و هناك عيونك تتفتح ..  مالكش دعوة بغيرك .. الرسالة ليك انت .. و ياريت ماحدش يدخل في رسايل يقولي هو انت بتتكلم عن فلان او فلانة او او .. و لا حد يكتبلي كل خادم يركز في نفسه او خدمته .. و نرفض التنافس .. لا ده .. حق كتابي يقيسنا كلنا  و انا اول الجميع و بأكد انا ملزم افحص دايما نفسي و انتم كمان تفحصوني بالحق .. و لا احد بستثنيه من الحق و لا حتى انا  .. و القريبين مني عارفين اني لا اسلم بوضع احد روحياً في ...

  ارواح الشر هي أرواح من اشكال نشاطها .. انها تميت .. و ده طبعاً بسبب واجهتهم المستمرة للابد في اعماق الهلاك ..  للاسف .. احيانا الناس بيفتكروا ان " تميت " يعني تقتل و بس .. !! لكن لا .. 👉 تميت يعني ممكن تسيب الناس عايشين بالجسد .. و حياتهم مكملة .. لكن مكملة في انفصال عن محضر الرب الحقيقي اللي ممكن يغيرهم و يصنع فيهم حياة للابد .. يعني تتسبب في نزييف تدريجي يقود الكيان الى التدهور و السقوط و الانهيار و الانعزال و الرغبة في الانتحار و الرغبة في الهروب الى اي نمط ادمان ..  ادمان .. اه .. و مش ادمان مواد مخدرة بس .. لا برضه .. ده ادمان علاقات انواع مشاعر انواع صور او موسيقى او اغاني  او اجواء .. اه اجواء اجواء كافيه او نادي او خروجة .. او اجتماع .. اجتماع ؟!! .. اه حقيقي .. اجتماع مع شخص او مع اشخاص او مع حدث او مع هيئة او مع خدمة او او او .. اي اجتماع بمعزل عن حضور الرب اللي يتواجه مع الأشخاص بتوبة و قبول واضح لخلاص المسيح و كلمته و عمل روحه .. !!  مرعب جداً .. أشباه الحقيقة .. للاسف ليست حقيقية و لن تقود للحياة الابدية .. 😭 لا يمكن كشف ارواح الشر الا في ...

  مش كل الكلام الجميل .. من الرب .. !!  ايوب واجهته مشكلة كبيرة .. هي ان في اشخاص قريبين منه و هو منفتح بمشاعره عليهم .. و واثق فيهم .. و في نفس الوقت .. كلامهم يبان ايجابي ..  لكن للاسف كلامهم كان وراه قوة معطلة بتزعجه اكتر .. و بتخليه مش عارف يشوف صلاح الرب في قصته .. و مش عارف يلتصق بالرب و يطلبه ..  قوة بتحيطه بموت في نفسه و عزلة .. ان خلاص قصته مش مهمة عند الرب و لا الرب ها يقف معاه .. و انه لازم ها يحصد تدمير بلا معونة من إله الامين .. !! أيوب ١٦ : ٢ "قَدْ سَمِعْتُ كَثِيرًا مِثْلَ هذَا. مُعَزُّونَ مُتْعِبُونَ كُلُّكُمْ! ------------------- بفتكر كمان قصة بطرس لما جيه فجأة للمسيح ينصحه و يمنعه عن الحديث عن الدخول للصليب و الموت .. لان ده ممكن يشتت التابعين له و يخوفهم ..  كلام فعلاً مهم وهدفه حماية المسيح .. لكن ايه فايدة تابعين بلا خلاص او تحرير حقيقي ؟ ايه فائدة ان المسيح يملك على ثورة ضد الرومان لأشخاص لن يرجعوا للاب السماوي ؟ انجيل متى ١٦ ..  ٢١مِنْ ذلِكَ الْوَقْتِ ابْتَدَأَ يَسُوعُ يُظْهِرُ لِتَلاَمِيذِهِ أَنَّهُ يَنْبَغِي أَنْ يَذْهَبَ إِلَى ...

 من كام يوم كنت بصلي ..  وشوفت مؤمن راكع على الارض بيصلي .. وامامه كتيبة من الشياطين ..  كانوا مناظرهم سوداء شاحبة ومعاهم اسلحة حراب مناظرها غريبة بنقوش .. وكانوا بيصيحوا صيحات اللي بيستعدوا لشن هجوم موحد قوي .. كان صوتهم عالي جداً زي الضجيج .. لكن المؤمن ده كان في حالة هدوء وكأنه في خلوة ومنطقة منفصلة عنهم .. سلام في مشهده ..  وفجأة لاقيت نار الرب ظهرت كشعلة صغيرة من الارض .. وبدأت تزيد بشكل رهيب .. لدرجة انها باقت عاملة زي النار اللي بتمسك في الغابات .. نار مهولة الارتفاع والقوة .. وحصل مشهد فائق .. بدأت النار تطوق وتحاصر كتيبة الشياطين .. لغاية لما احاطتهم من كل جهة كدائرة .. وبدأوا يلفوا خوفاً منها وينحصروا في دائرة ويصرخوا بعويل صراخ ألم رهيب ..  طبيعة الرؤية مختلفة .. لان دائما الرب بيحيط بنيه بنار حماية .. لكن يبدو ان الرب بيغير شكل الحرب .. الرب رايح يرعب أعدائه ويريهم بيمينه المخاوف ..  نكمل صلاة كلنا.. تثبت احكام الرب من جهتنا .. وعدونا يرجع الى الخلف .. لان الرب العابر امامنا .. هو نار آكلة .. مجد اً مجداً مجداً🔥🔥🔥

  هل ممكن ان يتم خداع شخص بيمتلك تمييز روحي بسبب تأثيرات من مشاعر يدعمها الشرير سواء من خلال ارواح خداع او هوى او زنا او غي ؟!! اه ممكن جداً جداً جداً ..  الحقيقة دي طريقة من طرق كتير بيحب العدو انه يتبعها مع الامناء ..  و ده حصل مع يشوع بن نون اللي كان قائد اسرائيل و كان خليف ل موسى و عيّنه الرب للشعب ..  و رغم ان حياة يشوع فيها مواقف من تمييز روحي واضح و حكم واضح و نقي .. و معاينة لملائكة .. يعني مساحة ادراك روحي مميز .. سفر يشوع ٥ ..   ١٣وَحَدَثَ لَمَّا كَانَ يَشُوعُ عِنْدَ أَرِيحَا أَنَّهُ رَفَعَ عَيْنَيْهِ وَنَظَرَ، وَإِذَا بِرَجُل وَاقِفٍ قُبَالَتَهُ، وَسَيْفُهُ مَسْلُولٌ بِيَدِهِ. فَسَارَ يَشُوعُ إِلَيْهِ وَقَالَ لَهُ: "هَلْ لَنَا أَنْتَ أَوْ لأَعدَائِنَا؟" ١٤فَقَالَ: "كَلاَّ، بَلْ أَنَا رَئِيسُ جُنْدِ الرَّبِّ. الآنَ أَتَيْتُ". فَسَقَطَ يَشُوعُ عَلَى وَجْهِهِ إِلَى الأَرْضِ وَسَجَدَ، وَقَالَ لَهُ: "بِمَاذَا يُكَلِّمُ سَيِّدِي عَبْدَهُ؟" ١٥فَقَالَ رَئِيسُ جُنْدِ الرَّبِّ لِيَشُوعَ: "اخْلَعْ نَعْلَكَ مِنْ رِجْلِكَ، لأَنَّ الْمَكَانَ الَّذِي أَنْ...

 احيانا الخادم بيفكر انه محمى بشكل دائم ومعصوم من التأثيرات الشيطانية الخبيثة التى تدخل حياته فى صمت .. !! ومنها ارواح العرافة و ارواح الزنا و ارواح الكذب  .. !! فالعرافة بتدخل بسهولة لحياته لو اجتهد انه يقول للناس امور غيبية عن حياتهم حتى لو الرب ما كلمهوش ..  والزنا بيدخل له بسهولة لو بدأ فى الانفتاح على اجواء تفصله عن حضور الرب حتى لو كانت محادثات او مناسبات على هامش الخدمة ..  والكذب بيدخل له بسهولة لو بدأ يشارك الناس بكلام كأنه من الرب وهو مش من الرب حتى لو بدافع تهدئتهم او استمالة رضاهم عنه بشكل ثابت او الحفاظ على شعبيته ومتابعيه ..  والحقيقة ان الانواع دى من الارواح مش بتحتاج الى طقوس او تودد لجلبها .. لانهم ببساطة بيجتهدوا يدخلوا فى حياة اى خادم ويبهدلوها .. !!  اللياقة ثم اللياقة ثم اللياقة .. صوموا وصلوا وامتلئوا بالحق فى كل حين .. امتحنوا كل شىء فى الروح .. ليكن الرب الاول امامكم لا ذاتكم .. امين 🙇🙏

 كذب و افتراء لتعطيل الهوية و اجهاض الدعوة .. !!! 😭 احذر ايها المدعو من الرب .. لا تتراجع ابدا  امام الكذب بل امتلىء بالروح .. و اعلن كلمة الرب و الرب سيفضح  الكذب و الافتراء للابد .. 🙇🏻‍♂️📖🔥 القصة بتبدأ لما الملك اخاب عمل الشر في اسرائيل اكتر من جميع الملوك السابقين .. بل و تزوج ايزابل بن ملك الصيدونيين و اتى ب شرها فوق شره  .. 👉👉 سفر الملوك الاول ١٦ .. 30 وَعَمِلَ أَخْآبُ بْنُ عُمْرِي الشَّرَّ فِي عَيْنَيِ الرَّبِّ أَكْثَرَ مِنْ جَمِيعِ الَّذِينَ قَبْلَهُ. 31 وَكَأَنَّهُ كَانَ أَمْرًا زَهِيدًا سُلُوكُهُ فِي خَطَايَا يَرُبْعَامَ بْنِ نَبَاطَ، حَتَّى اتَّخَذَ إِيزَابَلَ ابْنَةَ أَثْبَعَلَ مَلِكِ الصِّيدُونِيِّينَ امْرَأَةً، وَسَارَ وَعَبَدَ الْبَعْلَ وَسَجَدَ لَهُ. 32 وَأَقَامَ مَذْبَحًا لِلْبَعْلِ فِي بَيْتِ الْبَعْلِ الَّذِي بَنَاهُ فِي السَّامِرَةِ. 33 وَعَمِلَ أَخْآبُ سَوَارِيَ، وَزَادَ أَخْآبُ فِي الْعَمَلِ لإِغَاظَةِ الرَّبِّ إِلهِ إِسْرَائِيلَ أَكْثَرَ مِنْ جَمِيعِ مُلُوكِ إِسْرَائِيلَ الَّذِينَ كَانُوا قَبْلَهُ. وهنا ظهر شخص مدعو من الرب .. و الرب يؤيد...

  كلام مهم .. بخصوص النشاط الشيطاني او حروب العدو تجاه الافراد او الجماعات ..  واضح من الكتاب المقدس .. ان تركيز و اهتمام المسيح و الرسل من بعده ..  كان بشكل واضح على تقديم كلمة الرب المشتعلة بنار الروح القدس ..  لانها كانت كافية لإضعاف الشرير و كسر هيمنته على ارواح او نفسيات او اجساد البشر ..  "وَكَانُوا يُواظِبُونَ عَلَى تَعْلِيمِ الرُّسُلِ، وَالشَّرِكَةِ، وَكَسْرِ الْخُبْزِ، وَالصَّلَوَاتِ." (أعمال الرسل 2: 42) ثم يأتي بعد الكلمة اي تعليم الرسل مما قاله المسيح و من كلمة الرب ..  يأتي دور الشركة وكسر الخبز مع المؤمنين المقادين بالحق أيضاً و بهم عمق خضوع للروح و ايمان واضح بالمسيح الرب و المخلص ..  ثم حياة الصلاة و اللهج الواضح بالحق سواء بشكل فردي او جماعي ..   لم يعطي المسيح او الكتاب المقدس او الرسل اهتمام واضح بالتكلم عن مملكة العدو و نظامها .. لانهم ببساطة كانوا متيقنين انه ان ثبت البشر في المسيح المخلص و كلمته و روحه .. فسوف يضعف الشيطان و يظهر صارخاً هارباً او يهرب في صمت مقطوعة قيودة و مكسورة هيمنته ..  نعم كانوا مقادين بالروح...

  الشيطان له قناعات كتيرة بيفرضها علينا كل فترة ..  👉🤔 ولازم نكون في حالة من الوعي من خلال كلمة الرب وروحه .. لكي لا نصبح في جهالة من جهة قناعاته الشريرة ..  واحدة من القناعات دي .. ان في اوقات في اليوم او الاسبوع .. بتكون جافة جداً وبعيدة عن الرب ومظلمة وباردة ..  ميعاد معين قبل النوم او عند الاستيقاظ اثناء النوم او في الصبح .. او عند مقابلة شخص معين او عند دخول العمل ..  او مثلا يوم الخميس او الجمعة .. مش بنعرف نصلي .. !!  او في اوقات الضغوط والحروب مش ها نعرف نمتلىء بالروح .. لا ده كذب .. اذكروا الفتية الثلاثة ..  ودانيآل قبل و داخل جب الاسود .. اذكروا سحابة شهود الايمان في العبرانيين ..   دي قناعة من كبرياء الشيطان وعماه وتشوهه .. الشيطان فاكر ان مذابح الرب ممكن تنطفىء نارها زي مذابحه هو .. !!  لا ده كذب وصلي معايا واعلن .. انك مذبح للرب .. وان جميع اعلانات الرب في كلمته بتأكد ان مذابحه السماوية لا تنطفىء نارها ابداً .. لانه هو نارها بنفسه .. 🔥🔥 مجداً مجداً مجداً .. كل اوقاتنا ستصير مشتعلة بالروح .. الزمن ده زمن نار المسحة ومش ها...

    بقالي فترة مميز بشكل واضح هياج من ابليس في اجواء مصر الروحية .. كل ما ارفع عيني و اصلي من اجل مصر اميز مركبات مظلمة في السماء الروحية ..  قد تشعر ان كلامي غريب لكن في مذابح للعدو بيبنيها في الظلام سواء برة مصر لإستهداف ازمنتها .. من خلال سحرة او عرافين او كلمات من لهم معرفة مؤثرة في جمهور من البشر ..  او له مذابح في الارض نفسها من طرق شيطانية كثيرة يبنيها ليضعف البلد .. ابسط نماذج بنشوفها في الميديا و ترويج حروب السحر و غيره ..  مساحات الافتراءات الشديدة ..  التعدي ال ج ن س ي على الاطفال .. او او او  من حوالي ١٠ سنين لاحظت نفس الحرب دي في الاجواء و طلبت نتحد و الرب باركنا جداً ..  فالروح ذكرني ببعض مما كتبت وقتها  .. و أشكر الرب روحت للموقع الالكتروني و تمكنت اني ألاقي المقال القديم ( و ده احد اهداف انشاءه )  ..  فها نزل المقال زي ما هو ..  👇👇 -------------------------------- بقالى فترة كل ما اصلى فى الروح وارفع عينى لفوق .. اشعر ان مملكة الظلام فى الاجواء الروحية لمصر فى حالة من النشاط الهائل والتحرك السريع .. 🤔 لما بشو...

    الوقت اللي فات سمعت كذا شكوى بخصوص احلام مزعجة من العدو ..  لأشخاص مدعوين من الرب ..  و في الاحلام دي .. بيهددهم .. ان القريبين ها يموتوا او ها يمرضوا ..  او ان بيوتهم او ارضهم او ممتلكاتهم او اولادهم ها تحصل فيها مشكلة او ها يحصل عليهم هجوم ..  او هما نفسهم ها يتعرضوا لمشكلة .. او يحاصرهم برغبات في الانفصال لو ازواج او في الانتحار او يحاصرهم بوصلات مع اشخاص اشرار و نجسين فيجملهم  في عيونهم بالهوى ..  الرب خلق الانسان بجسد مادي في عالم مادي ليحقق من خلال مسيره مع الرب مشيئة الرب الكاملة ..  ف ملىء روحه بالحواس اليقظة دائما علشان يكون متصل بشكل مستمر بالملكوت الروحي المستمر في النشاط و العبادة و استقبال الاعلانات الصدارة من الرب في محضره .. علشان كدة سواء في اوقات يقظة اذهاننا و نشاط اجسادنا في النهار او في اوقات راحة اذهاننا و اجسادنا في الليل حيث الاحلام ..  بتكون ارواحنا جاهزة لإستقبال اعلانات الروح القدس و متصلة بمحضر الرب و ملكوته ..  ------------------------- شواهد كتابية من العهد القديم ..  يوئيل ٢ : ٢٨ " وَيَكُونُ بَ...

      من اكتر الامور المرعبة اللي قابلتني في حقل الخدمة ..  ان روح التسلّط بدأ يعمل بنشاط في محاربة ملكوت الرب من خلال الاختباء خلف غلاف و ستار المحبة الخادعة الغير حقيقية و التي ليست من روح الرب .. يعني ممكن تلاقي شخص شكله الخارجي مليان روح محبة .. لكنه مليان في اعماقه بروح التسلط .. فيسلب الاشخاص دعوتهم بتسلط شكل محبة .. انا خايف عليكم .. خليكوا هنا جنبي .. و احنا مع بعض ها نبقى اقوى .. او و احنا مع بعض ها ننال مواعيد .. او و احنا مع بعض مش ها نبقى في تشويش ..  او و احنا مع بعض ها تحصل النهضة .. ما ينفعش تبقوا معايا و مع حد تاني او مع فلان او او   و يراقب تحركات الكل مش بمحبة لكن بتسلط .. و لو شاف حد منهم قرر حتى يقول امين او مجداً للرب في اي مجتمع اخر ..  يلمح له .. او يواجهه .. او يتجاهله .. او يبطل يصلي معاه .. او او او   من الامور اللي فيها قهر و تجويع و تعطيش ..  علشان الشخص يستسلم بسرعة ..  ازمة المتسلط .. انه بيجيد التسلط يعني عنده سلطان بسبب روح التسلط .. فيقدر يأثر بمشاعر قوية على اللي قدامه .. فيخافوا من دموعه او حز...

   مصيبة .. مذبح بديل .. لإله بديل .. !! يربعام .. رغم انه استقبل من النبي اخيا الشيلوني .. ان الرب يهوه عايز يملّكه على عشر اسباط .. و ها يقف معاه ان اطاعه و رفض آلهة الامم .. سفر الملوك الاول ١١ ..   ٢٩وَكَانَ فِي ذلِكَ الزَّمَانِ لَمَّا خَرَجَ يَرُبْعَامُ مِنْ أُورُشَلِيمَ، أَنَّهُ لاَقَاهُ أَخِيَّا الشِّيلُونِيُّ النَّبِيُّ فِي الطَّرِيقِ وَهُوَ لاَبِسٌ رِدَاءً جَدِيدًا، وَهُمَا وَحْدَهُمَا فِي الْحَقْلِ.  ٣٠فَقَبَضَ أَخِيَّا عَلَى الرِّدَاءِ الْجَدِيدِ الَّذِي عَلَيْهِ وَمَزَّقَهُ اثْنَتَيْ عَشَرَةَ قِطْعَةً ٣١وَقَالَ لِيَرُبْعَامَ: "خُذْ لِنَفْسِكَ عَشَرَ قِطَعٍ، لأَنَّهُ هكَذَا قَالَ الرَّبُّ إِلهُ إِسْرَائِيلَ: هأَنَذَا أُمَزِّقُ الْمَمْلَكَةَ مِنْ يَدِ سُلَيْمَانَ وَأُعْطِيكَ عَشَرَةَ أَسْبَاطٍ.  ٣٢وَيَكُونُ لَهُ سِبْطٌ وَاحِدٌ مِنْ أَجْلِ عَبْدِي دَاوُدَ وَمِنْ أَجْلِ أُورُشَلِيمَ الْمَدِينَةِ الَّتِي اخْتَرْتُهَا مِنْ كُلِّ أَسْبَاطِ إِسْرَائِيلَ، ٣٣لأَنَّهُمْ تَرَكُونِي وَسَجَدُوا لِعَشْتُورَثَ إِلهَةِ الصِّيدُونِيِّينَ، وَلِكَمُوشَ إِلهِ الْمُو...