Elohiym Image .. مقالات طويلة ..

 اختبار جميل ومشجع  ..  🙇🔥 من وقت كنت بصلي من اجل ان التسجيلات الصوتية تكون متاحة على تطبيق ساوندكلاود لانه متاح في كل الدول و على كل انواع الاجهزة ..  Sound cloud .. 🎤🎧🎙️ لكن من زمان انا اتعودت مع الرب .. اني ما ادخلش في ميدان جديد .. غير لما اكون بصلي و منتظر قدامه الرب لوقت .. و الرب بنفسه هو اللي يشاور اني اتحرك ..  فقعدت اصلي من اجل ساوندكلاود .. لان النسخة المجانية بتدي وقت قليل يعني عدد تسجيلات صغير .. فلازم يكون فيه دفع مالي .. اشتراك يعني  ..  بس المرة دي رد الرب ما جاش بسرعة ..  تمر سنين .. كذا مرة اصلي و الرب يشاور انه لسة ما جاش الوقت .. و ان هو بنفسه ها يعطي اشارة واضحة ..  كل سنة اصلي و ما فيش إشارة ..  المهم من اسبوعين .. دخلت ابص عليه .. و المرة دي كان الروح بيشاور في اعماقي .. صلي ان الاشارة تظهر .. صلي ان الرب يعين شخصية تكلمك لوحدها و تقولك ساوندكلاود لازم يشتغل و انا ها شارك فيه ..  وصليت كدة فعلا .. من غير ما اشارك حد بكدة ..  المهم من كام  يوم لاقيت انسانة بتحب الرب اسمها " M " دخلت كتبت لي .. ان...

 " اغواء الحية القديمة سلطان الادمان وسلب القداسة "  خدمة تم تدوينها ..  في الأوقات اللي فاتت كنا بنتكلم على خداع الحية القديمة إبليس ..  ورغباتها الكامنة إنها تخلي البشر شاعرين إنهم لا يستحقوا الاقتراب من الله أو إن الله مش راغب في العلاقة معاهم، أو إنهم أقل بكثير من إنهم يعرفوا الله أو يكونوا في شراكة معاه. وشوفنا حاجات كتيرة قوي واتكلمنا فيها في الجزئين اللي فاتوا. لكن النهاردة وأنا قاعد بصلي، من أول اليوم يمكن كان قدامي قوي واضح إن كمان الحية ممتلئة بالإغواء، ممتلئة بالإغواء وأن الإغواء فيه سلب. الإغواء فيه سلب للرغبات الأساسية بتاعتك. ممكن يكون أنت عندك أهداف واضحة، أنت ماشي في طريق وعندك أهداف واضحة، لكن اللي حصل إيه؟ بالإغواء...  اللي حصل بالإغواء إن أنا حطيت لك لافتات ثانية وأضواء ثانية حواليك خليتك مش قادر تركز في طريقك، مش عارف تاخد اتجاه واضح إنك تكمل طريقك بنفس الدوافع بتاعتك، لكن خليتك مذبذب ومش شايف بوضوح، كأنها ضباب ظهر قدامك في الطريق وأجبرك إنك تركن على جنب وتريح، أو أجبرك إنك تدخل أماكن ثانية أنت مكنتش مخطط لها في مسيرتك. وده جزء من الخداع. الح...

  من وقت شوفت مشهد بسيط خالص ..  شوفت انسان او انسانة .. بيغرق في مياه كثيرة اوي ..  وكانت المياه دي لونها اخضر غريب كأنها بحر موت .. وكان في كائنات مظلمة بتنظر له من بعيد بسعادة كأنهم بيتفرجوا على مشهد ممتع ..  وكان خلاص بيفقد انفاسه .. وفرد ايديه وبدأ يسقط للقاع وغمض عيونه ..  و انا بقول خسارة قصته انتهت في الهلاك ..  لاقيت في لمح البصر بسرعة اكبر من اي سرعة ممكن اكون شوفتها ..  ايد الرب عملاقة ومهولة .. دخلت في عمق المياه وانتشلته وخرجت بيه في لحظة ..  و اتقفلت الرؤيا قدام عيون روحي ..  لا نتوقف ابدأ عن طلب الرب من اجل الاخرين حتى لو الواقع بيأكد انهم بيهلكوا ويموتوا ..  لان يد الرب لن تكون ابداً قاصرة على ان تخلص ..  سيدركهم الرب .. هذا الضال كان ميتاً فعاش و كان ضالاً ولم تنتهي قصته في الضلال بل وجده الرب ..  نعم إلهنا جبار ويخلص دائماً .. مجداً مجداً مجداً 🙇🏻‍♂️💥

 " الإله الذي يمنطقني بالقوة " خدمة تم تدوينها ..  في المزمور 18 وعدد 32 .. بيقول كده كاتب المزمور، بيقول: «الْإِلَهُ الَّذِي يُمَنْطِقُنِي بِالْقُوَّةِ وَيُصَيِّرُ طَرِيقِي كَامِلًا». المزمور ده ممتع جداً جداً لأن المزمور ده بيوصف العلاقة بين الإنسان والله. وبيوصف حالة الإنسان الواضحة، يعني مزمور تقراه وأنت بتقراه تلاقيه بيوصف الإنسان الضعيف اللي عنده اضطرابات وعنده مشاكل وبيسقط، ممكن يسقط وأعداؤه أقوى منه، ممكن حبال الهاوية تحيط بحياته، ممكن يتفزع بسبب سيول هلاك أو مواقف فيها هلاك واضحة، ممكن أشراك موت تترسم قدامه أو تتحط له زي كمائن للموت. فبيوصف شخص ضعيف وعنده صراخ قدام الرب، عنده إحساس بالضعف، عنده إحساس بالاحتياج، ممكن أعداؤه بيصيبوه في يوم بليته، ممكن بيبقى في أماكن فيها ضيق أو أوقات في الزمن في حياته فيها ضيق. فتبص للمزمور نفسه تلاقيه فيه إنسان والإنسان ده واضح جداً وضعيف وعنده مساحات كبيرة من عدم القدرة وعدم القوة. لكن الممتع في المزمور ده إنه بيرسم شكل إن الإنسان معمول عشان ما يكملش ضعيف، الإنسان معمول علشان يكتمل بالرب الإله، يكتمل بقوة الرب، يكتمل بحضور الرب في حي...

  عايز اشارك بإختبار لمجد الرب .. و ممكن يشاور على حاجات كتير لتعليمنا ..  من وقت .. بعد ما وصلت شغلي الصبح ..  لاقيت شخصية ما .. لم اتحدث معها مسبقاً .. داخلة على الماسينچر بتكتب مساء الخير ..  عادة مش بفتح اي رسائل في الشغل الا نادراً .. و برضه مش بفتح رسائل فيها تحية فقط بدون اي تفاصيل .. لان الرسائل اللي فيها تفاصيل بصلي علشانها لو ما لحقتش افتح او بفتح لو الروح القدس ألزمني بكدة بشكل واضح ..  لاقيت نفسي ببص للرسالة و مش قادر ما افتحش .. قوة روح الرب جوايا بتحاصرني افتح ..  عادة كل محادثة بيبقى جواها عشرات التفاصيل .. و كنت لسة واصل الشغل و عندي دوشة في دماغي .. لكني صليت للحظة .. وقولت يارب قوة من عندك مهما كانت التفاصيل ..  و دخلت رديت التحية .. فطلبت مباشرة انها تتكلم بمكالمة ماسينچر .. انا مش بعمل كدة في الشغل و عادة مش بلاقي وقت بعد الشغل و دايما بعتذر .. لاقيت الرب بيلزمني ..  فقولتلها اوك ..  بدأت تتكلم .. و في اول المكالمة عرفت انها من محافظة في وجه قبلي .. و فصل النت عندها .. و بعد ما رجع طلبت رقم الموبيل لان شبكته افضل .. و تاني...

 من وقت كنت بصلي .. لكي يعبر الرب بنا من الضيق الى الرحب ..   و كانت قدامي الاية دي .. 👇 إشعياء ٦٣ : ٩ فِي كُلِّ ضِيقِهِمْ تَضَايَقَ .. وشوفت في روحي الرب و هو قاعد مع كل شخص متضايق و لجأ له ..  وكان الرب مادد ايده في لهفة كأنه منتظر يحضن اللي جاي له ..  كان بياخد كل الضيق في حضنه .. و ملامح بتتغير و كأنه بيحزن بأحزاننا بيحس بينا جداً ..  وكان بيكمل بإبتسامة و يعطي مكانه راحة و تعافي و شفاء ..  فرحت بالمشهد ده .. لان إلهنا مش بيتفرج علينا بسلبية .. لكنه بيجدد اعماقنا من كل تلف .. هو مصمم يشفينا و يخرجنا الى الرحب و النور ..  اه بنتألم جداً .. لكننا مش لوحدنا .. هو ها يكون بيعبر بينا للابد ..  مجداً مجداً مجداً 🙇🏻‍♂️💥

  " بركات سماع صوت الرب "  خدمة صوتية تم تدوينها ..  صلاة :-                                                                                         في اسم الرب يسوع. ليس مثل الرب إلهنا إلى الأبد. ليس مثل الرب إلهنا إلى الأبد. وإنت بتعلن الكلمات دي هتلاقي الرب بيستعلن في سماواتك. أؤمن إن الرب بيفتح مساحات من الإعلان الشخصي لكل واحد فينا والإعلان الجماعي لنا كلنا وإحنا واقفين قدامه. ليس مثل الرب إلهك يشورون. ليس مثل الرب إلهك يشورون. ارفع عينك كده بالإيمان. الرب ماليني بالكلام ده إن احنا نتقابل معاه ونشوفه.  رفعوا عيونهم ولم يروا إلا يسوع واحده. أؤمن إن كلنا في أماكننا المختلفة في اسم الرب يسوع. أؤمن إن انت ترفع عينك بالإيمان أياً كان مكانك وتقول ليس مثل الرب إلهي. ليس مثل الرب إلهي. يركب الغمام في اسم الرب يسوع. أؤمن وانت بتعلن هذا الإعلان في اسم الر...

 من وقت كنت بصلى .. وشوفت فى روحى المشهد ده .. شوفت مجموعة مؤمنين ماسكين سيوفهم واسلحتهم وبيحاربوا بشراسة ..بيحاربوا مجموعة قوية جدا من جنود الظلمة ..  وكانوا الجنود دول متكتلين كأنهم واقفين يمنعوا المؤمنين عن التقدم .. وميزت فى روحى ان فى ارض مواعيد ومنطقة راحة والعدو بيجتهد انه يستهلك المؤمنين ويستنزفهم قبل ما يوصلوا لها .. واثناء ما كانوا المؤمنين بيحاربوا .. وما فيش تقدم بيحصل .. بدأ المؤمنين يميزوا ان الامر محتاج مش بس الحرب بالحق والمواعيد .. لكن كمان لازم يطلبوا الرب الجبار .. وفعلا بدأوا يرفعوا قلوبهم ويرفعوا ايديهم ويصيحوا قدام اجناد الظلمة ويطلبوا الرب ويسبحوه ويعلنوا انه يخرج امامهم .. وساعتها سمعت فى روحى .. كلمات واضحة .. " انا الرب مسكن الحروب " .. ولقيت ايد عملاقة كلها نور مهول .. ايد اكبر مئات المرات من كل جنود الظلمة .. جات ومسكتهم فى قبضتها واغلقت عليهم واختفوا تماما .. واتقفل المشهد قدامى .. وادركت فى روحى ان الكنيسة محتاجة تتحد اكتر بالرب .. تلتصق بيه وتعلن اسمه وتعلن ان الحرب هى للرب .. لان وجود الرب بيخلى العدو تختل خططه ويفقد اتزانه .. انه الوقت لطلب ال...

  من وقت كنت بصلي وشوفت طريق طويل كأنه في صحراء ومليان رمل واحجار .. ويبان صعب المشي فيه ..  وانا باصص على الطريق .. كنت عارف اني لو مشيت فيه ها عطش وها جوع وها تجرح بطوب ومش هلاقي مكان انام بالليل .. فكونت بكلم نفسي وبقول .. هل ها حصل على رعاية هناك .. ؟!!! وفي نفس اللحظة الرب رد عليّ .. ألست انا الراعي صخر اسرائيل .. ؟؟!!  هلليلويا .. في لحظتها اكد لي وبيأكد لكل واحد .. انه شايف الطريق الصعب اللي ها نجتازه .. وانه موجود بشكل فعلي وثابت ..  وهو عارف هو مين بالنسبة لنا .. هو الراعي والصخر .. وها يفضل ثابت في رعايتنا الى الابد .. مجدا مجدا مجدا 💥🙏🙇🏻‍♂️