Elohiym Image .. مقالات طويلة ..

 كنت حاضر اجتماع و اثناء وقت العبادة .. شوفت رؤيا رائعة فرقت معايا خالص ..  شوفت ان اصواتنا كلنا في المكان ( اصوات اللي بيعبدوا على المنبر و اللي تحت المنبر ) ..  بتتجمع من كل فم من افواهنا .. و بدأت تعمل حزمة من خيوط مضيئة كل خيط هو صوت حد فينا .. و الخيوط كانت فيها ضوء لامع مليان توهج و ألوانها مختلفة ..  في روحي ميزت ان التوهج هو مسحة الروح القدس في كل خيط اي كل صوت ..  و بدأت حزمة الخيوط تتحرك و تتشكل و تعمل ارض المكان و حوائطه و سقفه ..  و بعد كدة بدأت تنتشر و تعمل شكل الآلات و المنبر و اللي واقفين عليه و كل المكان باقت خامته الحزم المضيئة دي ..  كان المكان كله عبارة عن لوحة مجد هائل فيها ألوان مختلف بتتحرك و بتلتف حول نفسها .. و مليانة بمسحات الروح المتوهجة .. توهجها كان مذهل زي كأنها بتشع موجات ترددها قوي و عجيب و بيغسل و يسبي الكيان ..  المكان كان كأنه هيكل مضيء من عالم السماويات ..  و ده بيدينا ادراك عن اهمية اصواتنا و احنا خاضعين للروح و ممتلئين بيه .. اهمية تكريس اصواتنا و كلمة الرب و ذبائح الشفاه في افواهنا ..  اهمية الاجتماع...

 مهم جداً .. و انت ماشي في مسار الايمان .. انك تدرك ان اول عدو ليك ممكن يظهر امام اتمام الرب لبركاته لك .. هو عمل الخطية الساكنة في نظام العالم و التي كنت عبداً لها قبل قبول خلاص المسيح .. و هي تحارب احتياجات جسدك لتتسلط عليك و تعيقك عن مواعيد الرب   .. !! و الخطية ليست خللاً في طبيعتك .. لكنها عدواً لطبيعتك الجديدة ..  قصة صعبة يمكن في المستقبل  يبقى لها شرح اكتر ..  لكن بولس الرسول بيؤكد الكلام ده ..  👇📖💥   رومية ٧ .. ١٤  فَإِنَّنَا نَعْلَمُ أَنَّ النَّامُوسَ رُوحِيٌّ،  ( نحن متأكدين ان هدف قوانين الرب و كلمته هو قيادتنا للحياة .. انه نظام روحي وضعه الرب )  وَأَمَّا أَنَا فَجَسَدِيٌّ مَبِيعٌ تَحْتَ الْخَطِيَّةِ. ( و مع ذلك فهناك صراع قائم في اعماقنا .. لان جسدنا كان عبداً مستنزفاً تحت سيادة سيد قاسي هو الشرير واداته الخطية )  ١٥لأَنِّي لَسْتُ أَعْرِفُ مَا أَنَا أَفْعَلُهُ، ( و بسبب هذه الحرب نصاب بالتشويش احيانا .. فلا نعرف اين الصواب ) إِذْ لَسْتُ أَفْعَلُ مَا أُرِيدُهُ، بَلْ مَا أُبْغِضُهُ فَإِيَّاهُ أَفْعَلُ. ( احيانا ف...

 هل التسبيح و الاعتزال ممكن يقدروا يزعجوا الشرير و يحطموا قيوده بسبب ملك الرب نفسه في حياتنا ؟؟  عايز اقولك في الاول ان التقديس و القداسة هما بداية وضوح هوية الملك المرعبة للعدو في اعماقنا ..  و من ملامح التقديس و القداسة : الهتاف و الاعتزال من اجل الملك ..  خليني اشرح .. القداسة و التقديس وجه من اوجه المُلك .. يعني اول ما الملك بيمسك الحكم .. بيبدأ يغير امور كتير في حياة تابعيه الاوفياء ..  بيبدأ يخصص نفسه لأمورهم .. و يدعوهم لتخصيص نفسهم في خضوع له ..  فبيدخلوا معاً في علاقة بها جوانب متعددة .. ها تكلم النهاردة على جانبين منها هما : الهتاف و الاعتزال ..  في سفر اشعياء ٥٢ ..  إشعياء النبي بيعلن بدأ ازمنة الافتقاد الالهي لشعبه .. يعني الرب ها يبدأ يملك عليهم بمجده من جديد و يضع من مجده على ازمنتهم .. يعني ها يبقوا خاصته مقدسين له .. و ها يبدأ يصنع معهم عجائبه ..     ٦لِذلِكَ يَعْرِفُ شَعْبِيَ اسْمِي. لِذلِكَ فِي ذلِكَ الْيَوْمِ يَعْرِفُونَ أَنِّي أَنَا هُوَ الْمُتَكَلِّمُ. هأَنَذَا". ٧مَا أَجْمَلَ عَلَى الْجِبَالِ قَدَمَيِ الْمُبَشّ...

 هل ممكن الشخص او الجماعة يكملوا خدمتهم بطريقة نفسانية غير مدعومة بمسحة الروح القدس ؟ !!  او تؤدي خدمتهم النفسانية الى خسائر في حياتهم الشخصية .. ؟!! و ايه هي نتائج كدة عليهم و على الاخرين ؟؟ ---------------------------- مبدئياً لازم تبقى متأكد ان دور عرض الحق الكتابي هو انك تتشجع انك تقف في مكانك الروحي السليم في جسد روحي سليم امام الرب .. و تبقى بتساعد كثيرين انهم لا يفقدوا ميراثهم في اعمال الرب في وسطهم و من خلالهم ..  و دائما يؤدي الحق مع خضوع للروح القدس الى توبة و دخول في عمق ميراث الرب .. و ليس لإحباط او اعاقة عمل الرب ..  المهم .. كل شخص او جماعة - مهما كانت دعوتهم و مسحة الروح القدس في حياتهم بيكون عندهم قدرة نفسية محدودة على مقاومة الضغوط و الاعباء سواء من العالم او من المخدومين .. و القدرة على مقاومة الضغوط ها شبهها .. بالاناء اللي بيمتلىء .. يعني ها يفضلوا يمتلأوا من كلمات او شكوى او حروب او اوجاع الاخرين و ضغوط العالم .. بجانب تحدياتهم و آلامهم الشخصية .. و مش ها يقدروا يمتلأوا اكتر من قدرتهم ..  و لازم .. و ما فيش حل اخر .. غير انهم يفرغوا الك...

  الامثال ٣ : ٥ تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ. معظم الاوقات اللى الناس فيها بينفصلوا بقلوبهم عن الرب .. وبيروحوا يعتمدوا على اذهانهم وحواسهم وخبراتهم الخاصة ..    بتكون اوقات فيها سلب وسقوط .. والسبب الكتاب بيعلنه ان فى كائن كأسد بيجول ملتمسا من يبتلعه .. البلع ده حاجة بعد الاحاطة والهجوم والتجريح والتمزيق والقتل .. اول ما الاسد بيخلص دول بيبدء يبلع بهدوء ..  لما يشوع اعمتد على ذهنه وحواسه .. شاف الجبعونيين انهم فعلا شعب جاى من ارض بعيدة ولبسهم اتقطع واكلهم تلف من كتر المسافة .. ودخل معاهم فى عهد .. بينما هما كانوا جنبه اصلا .. وبسببهم دخل حرب مش بتاعته لانه فى عهد معاهم .. !!! لما شمشون اعتمد على ذهنه وحواسه وهو منفصل عن الانصات للرب .. كانت دليلة بتخونه بوضوح وبتجيب اعداء يقبضوا عليه وبتقوله كل يوم ازاى اذلك .. وهو ما كانش مميز خالص .. لغاية ما اتسلب منه عينيه وبقى اعمى .. واتسلبت منه كرامته ومكانته وما بقاش قائد بقى سجين ومستعبد .. واتسلبت منه ارادته وبقى بيلف فى طاحونة كأنه حيوان !!! الرب نور كامل لا ظلمة فيه .. وانت ...

 الزمن اللي جاي مش ها يحقق فيه انتصارات حقيقية ..  غير المتضعين اللي ها يقدروا بروح الرب اللي مالي قلوبهم .. انهم يتنازلوا عن مجد ذاتهم و يعطوا كرامة لباقي اعضاء جسد الرب المتنوعين ..  هؤلاء سيمدون يد الشركة بقوة الروح و ستصل شراكتهم لأناس في مناطق جغرافية خارج امكانياتهم ..  انها الوصلات الفائقة .. معجزة الرب في ملكوته .. معجزته في الخاضعين .. و دي مش مجرد تجمع في زحمة تحت شعارات نهضة او وحدة .. لا دي تجميعة الروح بنفسه و ليس الانسان .. ها يختبروا وحدة الملكوت وقوته .. ها يختبروا دعم سماوي و عجائب ..  مفتاح الزمن ده هو .. قلوب متضعة و خاضعة للروح ..  اما اللي ها يعيشوا حول ذاتهم او في عزلتهم .. ها يكونوا دويلات صغيرة .. تحارب لتثبت ..  و دائما سيكون الرب امين مع الامناء ..  لكن يا باخت المتضعين الخاضعين .. سيختبروا العجائب .. و سيختبروا اجتماع العظام كل عظم الى عظمه كجيش عظيم .. و سيسمعوا صراخ العدو يا تلفي يا تلفي امام مجد الرب فوقهم ..  انا بقبل يا رب اني اتضع و اخضع اكتر و انفتح على اللي روحك يصنعه في اعماقي .. لتكن انت الاول و السيد ....

      كانت الكنيسة تصلي .. والرب استعلن بقوته .. فأخرج الملاك بطرس من سجن محروس بأربع ارابع من العسكر .. ولذلك سنصلي .. لا تفخر ايها الشيطان .. فملاك الرب سيدخل سجون بنيك في اي وقت .. ليخرج المحبوسين بتجبرك .. 🙇🏻‍♂️

 النموذج اللي اتكلم عنه المسيح و اللي كافي انه ينتصر على مملكة الشيطان .. هو نموذج كنيسة اي مجموعة من المؤمنين .. سماتهم الرئيسية 👇 هي المحبة المنسكبة من روح الرب ❤️🔥 والثبات الواضح في كلمة الرب 📖💥 انها سمات هيكل روحي يسكن فيه الرب الاله للابد .. يارب بصلي اني اكون خاضع انا و امناء شعبك امامك .. علشان نمتلىء بما لك .. و نكون اعمدة في هيكلك الابدي المجيد .. 🙇🏻‍♂️

 بساطة الرب في اعماقنا لا تتعارض مع حكمته .. 👉 فقد نكون متضعين ممتلئين بسلامه وصلاحه .. لكن هذا لا يعطل ان نكون ممتلئين بقوته و حكمته الكافية لفهم مخططات العدو و اتلافها وللرد على العدو وسحقه .. قد اكتب كلمات بسيطة تحمل المسحة .. لكن هذا لا ينفي ان الرب يعطيني حكمة لإدارة امور معقدة لخطط زمنية ضخمة و منظمة قد تشمل سنوات قادمة .. نعم .. اننا نرث الرب .. وهو متزن جداً لانه فائق دائماً .. يوسف و موسى و الكثيرين كانوا بسطاء و مليانين حكمة .. انه الرب يصنع اشخاص رائعين كما هو أيضاً .. 🙇🏻‍♂️💥

 طبيعة الانسان الساقطة .. تحتاج الى المواجهة الصريحة مع المسيح المخلص .. وليس الاستتار او الدعم الكاذب .. بشعارات رنانة .. من التنمية البشرية او حتى من الكتاب نفسه .. ولا حتى سيرة قديسين تكفي لإقامة الانسان من سقوطه وتشوهه .. يا سادة .. قدموا المسيح فقط بوضوح فهو وحده كافي للخلاص ..  🙏

 رومية ٨ : ١٤ لأَنَّ كُلَّ الَّذِينَ يَنْقَادُونَ بِرُوحِ اللهِ،  ( فقط من يخضعون من كل قلوبهم لقيادة روح الرب كسيد على حياتهم ) فَأُولئِكَ هُمْ أَبْنَاءُ اللهِ. ( هم فقط من سيظهر فيهم الروح سمات الرب الفائقة .. حياتهم ستكون معجزة .. سيرثوا ملامح الرب .. هم ابناءه ) بنخضع لك يارب .. نعم اثق انك تتغاضى عن ازمنة جهلنا في العالم و تنتشلنا للابد .. 🙇🏻‍♂️

 الكلام ده مهم للزمن الصعب اللي ناس كتير داخلين عليه .. بسبب نقص موارد العالم .. الكلام لكل من له وزنة هي التسلّط على اخرين .. سواء اب او ام او صاحب عمل او مدير .. 👉 ما فائدة ان تعطي الغريب من فائضك .. بينما تترك اهل بيتك و الاجير ليموتوا جوعاً .. ؟!!! 🤔🤔🤔🤔 الخدمة الحقيقية .. بتبدأ في بيوتنا و اشغالنا .. و هي خدمة الرب ..  بطريقة عملية واضحة جداً امام الرب في دوافعها .. وممكن تكون في الخفاء من غير ما حد يصقف ..  بمشاعر و اهتمام و رعاية لأمور مادية او ازمات وغفران ودعم ..  للي احنا بنتسلّط عليهم .. الخدمة مش بس منبر او لمن يقف على منبر  ..  👉 الخدمة حالة قلب حقيقي ..  والرب يكافىء الامناء حتى لو لم يراهم احد .. ابراهيم كان بيبارك عبيده .. وعندما دخل حرب انتصر بهم ..  لان الرب نظر لقلب ابراهيم .. يرى الرب قلبك في بيتك وعملك ..فيجازيك ببركات فيهما .. ❤️👉

 اشعياء ٢ .. 🔥🔥 يارب بصدق ان الكلمات دى تغطينا فى السنين الجاية .. اؤمن ان من صهيون الروحية من الكنيسة بيتك .. تخرج الشريعة .. وتنفك امم وشعوب من سلطان ابليس وتأثيراته بسبب الاعلان الظاهر فى الكنيسة .. 🔥🔥

 هل الناس بيكونوا أحياناً سبب خروج نفسهم من الكنيسة لانهم مش خاضعين لروح الرب ؟؟ الاجابة نعم جداً  .. 🤔 ازاي بقى اللي انت بتقوله ده ؟؟ ها قولك .. احشاء الرأفات .. دي مش بس ان الجسد يحتوي العضو المتألم .. دي كمان ..  ان كل عضو ينسجم بفهم لحدود ووظيفة العضو الاخر .. يعني ما ينفعش الكبد .. يروح يطرد الكليتين من مكانهم .. ويقولهم .. انا ها فلتر سوائل الجسم وها عادل املاحه و ها قوم بكل وظائفكم يا كليتين .. الإجابة ده عضو مريض .. و خلاياه وشكله اتغير  .. و على الارجح لازم الجسد ها يخرجه للخارج لانه بقى عدو للجسد .. يعني بيآذي ويعطل الجسد ..  !! حاجة تانية  .. جزء من التمييز الروحي انك بتميز وجود حواجز اجتماعية و دي مش ضد وحدة الجسد .. يعني مش ها ينفع تكون شاب و تفضل كل جلستك مع شابات .. وتقول ده جسد .. لا ..  في حدود .. وخضوعك للرب يدي لي التمميز .. برضه مش ها ينفع تكون ليك ثقافة معينة  .. وتسمح لنفسك انك تتداخل مع ناس في الجسد ثقافتهم ومعيشتهم مختلفة وهما مش داعيينك للدخول والتعايش .. و ده مش ضد وحدة جسد المسيح .. لكن الروح هو اللي بيفتح الكل على بعض ...

 من انجح الخدع اللي ابليس عملها تاريخياً .. انه اقنع الكنيسة انه انهزم و وقف حربه ضدها .. بدليل انها بتتسع وبتبني مباني كتير ولها عشرات النشاطات والاحداث الكبيرة .. و كمان العالم قابلها جداً لدرجة انه بيعرض عليها مشاركته في اعلان إله واحد للجميع .. وبيطلب منها انها تقبل ال " م ث ل ي ي ن " و " ا ل ا ج ه ا ض "  .. وهي كل ده ككنيسة .. مش مميزة اي حاجة .. وفرحانة خالص وسعيدة جداً جداً جداً .. وبتشكر الرب انه خلاها مؤثرة وناجحة في العالم .. !!! 😭😭😭 لا حقيقي ؟؟!! و هو لو الكنيسة بتنفذ تعليم المسيح كان العالم ورئيسه رحبوا بيها كدة .. ارجعوا للتاريخ .. شوفوا الرسل و رجال الكنيسة الاولى .. اتهانوا اهانات لا يمكن حتى تخيلها .. و كل ده علشان كانوا ماشيين ورا المسيح .. و شافوا وجه ابليس البشع .. مش وجهه الكيوت اللي بيقول براڤووو نرحب بالكنيسة المنتصرة اللي بتنفذ احلامنا .. !!! ملحوظة .. البوستات الفترة دي .. ها توجع .. اذا كنت تشعر بوجع .. توقف من فضلك عن متابعتي .. انا لا ابحث عن كم .. انا ابحث عن نوع .. شكراً .. 🙏❤️

 اشعياء ٥٧ ..  ٣"أَمَّا أَنْتُمْ فَتَقَدَّمُوا إِلَى هُنَا يَا بَنِي السَّاحِرَةِ، نَسْلَ الْفَاسِقِ وَالزَّانِيَةِ. ٤بِمَنْ تَسْخَرُونَ، وَعَلَى مَنْ تَفْغَرُونَ الْفَمَ وَتَدْلَعُونَ اللِّسَانَ؟ أَمَا أَنْتُمْ أَوْلاَدُ الْمَعْصِيَةِ، نَسْلُ الْكَذِبِ؟ ٥الْمُتَوَقِّدُونَ إِلَى الأَصْنَامِ تَحْتَ كُلِّ شَجَرَةٍ خَضْرَاءَ، الْقَاتِلُونَ الأَوْلاَدَ فِي الأَوْدِيَةِ تَحْتَ شُقُوقِ الْمَعَاقِلِ فارق معايا جدا .. وضوح الصورة الروحية .. اللى بيرسمها اشعياء بكلامه .. ابليس نجح مع الوقت انه يرسم صورة خادعة عن نفسه للناس .. والناس باقوا بيخافوا وبيترعبوا منه .. حتى اللى فى الكنيسة نفسها .. !! بينما هنا إشعياء النبى بينده على بنى الساحرة .. مش بيهرب منهم او بيقول خلينى فى حالى .. او ربنا يكفينا شرهم .. !! ده هو اللى بيجرى وراهم علشان يسقط عليهم قضاء الله .. مش خايف من ابليس .. لكنه بيطلق سلطان مهول بإعلان الرب .. وابليس وبنيه هما اللى بيهربوا من قوة اعلانات الرب اللى فيه .. 🔥🔥 هو ده الواقع الحقيقى .. الواقع كما هو فى السماء .. 💪💪🔥🔥

 لماذا يترك الناس الكنيسة ؟؟!! 😭😭 سؤال صعب جداً جداً جداً .. و له عشرات الاجابات .. لكن واحدة منهم و هي هامة جداً وقابلتني .. غياب احشاء الرأفة .. 👉😭 يمكن تستغرب و انت بتقرا .. وتقول بس كدة ؟؟!! اه صدقني .. !! احشاء الرأفة اللي اتكلم عنها الرسل في العهد الجديد .. مش معناها اني اشوف حد غلبان فأقول " يا حرام ده غلبان .. او حقيقي صعب عليّ خلونا نفكر نساعده او نسلم عليه في اخر الاجتماع .. " احشاء الرأفة .. هي ان الاعضاء جميعاً يتألموا من اجل ضرر او احتمالية فقد عضو في الجسد .. عارف يعني ايه يتألموا .. يعني يبكوا ويتوجعوا جداً بمرارة .. ويبقوا مش قادرين يعيشوا كجسد سليم غير بشفاءه .. يعني لو ايدك اتلسعت من الحلة او رجلك اتجرحت من خشباية صغيرة .. كل جسدك .. كل جسدك .. كل جسدك .. بيبكي ويصوّت ويجري ويشوف علاج ويتكلم فون ويحجز لطبيب .. مش لما عضو يتألم .. جميع الاعضاء .. تقول بصوا احنا من الاصلح نستغنى عنه .. و يوجدوا العلل اللي مش موجودة ويسببوا الاسباب اللي مش موجودة .. 😭😭 يقولوا ده مش عاجبه حاجة .. ده عايز يكون الكبير .. ده بيوجعنا علشان كلنا نقوله احنا تحت امره .. ده عايز ي...

 الكنيسة الحقيقية .. هي جسد من مؤمنين خاضعين .. هم هيكل للرب .. و لن تموت ولو سارت في برية العالم للابد .. لان روح الرب فيها وحياته يعطيها و لن تنتهي .. عروس فائقة مرعبة للظلام كجيش متحد تحت راية ملك غالب .. و لو انفتحت ابواب الجحيم وجيوشها .. فلن يستطيعوا ان يهزموا جسد رأسه المسيح القائم من الاموات للابد بمجد .. 🙇🏻‍♂️🔥💥

 دعوتنا .. 👉 اننا نرضي الرب .. مش نرضي الناس .. نجيب نفوس للرب .. مش نجيب نفوس لنا .. نغير اعماق البشر بمسحة الروح .. مش نغير مذاجنا بكمية اعجابات الناس لكلماتنا او لبوستاتنا التي تستحك مسامعهم ولا تغير جوهرهم ..

 في امر هام الرب علمهوني زمان .. كل ما زادت اجواء العبادة الحقيقية في حياتي .. كل ما ابليس بيبقى مش عارف يكمل خداع وتخفي .. رغم انه كحية دي احد افضل مهاراته .. لكنه بيفقدها كل ما كانت انوار الرب بتزيد جوة اعماقي .. ولذلك كل ما شعب الرب ها يتحد بالروح مش بالشعارات والزحمة والعدد الكبير .. كل ما ابليس ها يتفضح .. ها تلاقي ناس ماسكين مراكز او مشاهير .. بيتصرفوا تصرفات غريبة ويقولوا كلام غريب .. والناس ها يبدأوا ينفروا منهم ويبتعدوا عنهم .. و ده على فكرة اول قصة تحريرهم من اتباع غير الرب حتى لو الشكل بيقول ان دي عبادة للرب .. فهي مش بالشكل .. اذا ما كانش الرب بيملى المشهد .. يبقى المشهد مش خاص بالرب .. امين نكمل صلاة .. فتسقط قيود الجميع .. شعب عظيم يقوم من الموت لمجد الرب .. امين .. 🙇🏻‍♂️