المؤمن اليقظ

 

الامثال ٣ : ٥

تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ.

معظم الاوقات اللى الناس فيها بينفصلوا بقلوبهم عن الرب .. وبيروحوا يعتمدوا على اذهانهم وحواسهم وخبراتهم الخاصة ..   

بتكون اوقات فيها سلب وسقوط .. والسبب الكتاب بيعلنه ان فى كائن كأسد بيجول ملتمسا من يبتلعه .. البلع ده حاجة بعد الاحاطة والهجوم والتجريح والتمزيق والقتل .. اول ما الاسد بيخلص دول بيبدء يبلع بهدوء .. 

لما يشوع اعمتد على ذهنه وحواسه .. شاف الجبعونيين انهم فعلا شعب جاى من ارض بعيدة ولبسهم اتقطع واكلهم تلف من كتر المسافة .. ودخل معاهم فى عهد .. بينما هما كانوا جنبه اصلا .. وبسببهم دخل حرب مش بتاعته لانه فى عهد معاهم .. !!!

لما شمشون اعتمد على ذهنه وحواسه وهو منفصل عن الانصات للرب .. كانت دليلة بتخونه بوضوح وبتجيب اعداء يقبضوا عليه وبتقوله كل يوم ازاى اذلك .. وهو ما كانش مميز خالص .. لغاية ما اتسلب منه عينيه وبقى اعمى .. واتسلبت منه كرامته ومكانته وما بقاش قائد بقى سجين ومستعبد .. واتسلبت منه ارادته وبقى بيلف فى طاحونة كأنه حيوان !!!

الرب نور كامل لا ظلمة فيه .. وانت جوة الرب .. وانت قاعد قدامه وملتصق بيه .. ها تشوف كل حاجة بوضوح .. حتى الظلمة ها تشوفها بوضوح ..

وانت مشترك مع الرب اللى له ها يبقى ليك .. زى ما هو مش بيتسلب .. انت كمان مش ها تتسلب .. 

زى ما هو حر .. انت ها تبقى حر ..حر من القيود والسهام والفخاخ .. لان الرب ها يبقى قوتك .. ها يرفع اجنحتك كالنسور ها تكون الشباك باطلة امامك وانت فوق فى السماء بقوته ..

يارب بصلى .. انك تدخل بينا الى نهر سباحة لا يعبر .. نلتصق بيك وننسى الشاطىء وضجيجه وذكرياته .. تقييس ألف ذراع وتعبر كل واحد فينا .. حواسنا تمتلىء بيك وارواحنا تفيض فيك الى الابد .. ندخل معك فى عهد ل

ا ينتهى .. 🙏🙏