الرب يصنع امور عجيبة لمنتظريه ..

 لكل شخص متعرض لهجمات شديدة من العدو .. وكأن الامور بتتعطل اكتر ولن تصل بيه ابداً الى المواعيد .. و العدو بيحط موجات تدمير واضحة و اعاقة واضحة على كل منطقة في حياته الرب متكلم فيها بمواعيده .. 

كنت بحكي مع صديق العدو بيحاربه بشراسة .. عن عجز هجمات ابليس مهما كانت قوتها عن اتمام تعطيل حياة المدعوين من الرب حتى لو هجماته استمرت فترة زمنية مش قليلة ببشاعة في التدمير .. 

لان الرب بيحيطهم بفيض حياته وشفاءه فبيكملوا وبينالوا تنقية وكرامة اكتر وعمق شركة اكبر مع الرب .. وبرضه بينالوا المواعيد لان قلوبهم خاضعة للرب .. 

و انا بقول الكلام ده .. 

شوفت مشهد جميل ومفرح .. 

شوفت صخرة كبيرة واقفة قدام مجرى مائي صغير .. وكانت معطلة مرور المياه .. بالعافية كمية صغير اوي بتعدي من حواليها .. 

لكن فجأة شوفت شلال ضخم جداً من اعلى جبل .. بدأ يفيض جوة المجرى الصغير ده .. 

و المياه بدأت تبقى قوية جدا و كثيفة خالص و سريعة الجريان ..

و فجأة المياه ازاحت الصخرة دي نهائياً كأنها كورة حد بيشوطها .. و بدأت تجري وسط المياه .. لغاية لما اختفت في كثرة المياه المندفعة .. 🌊🌊

اعلن ايمانك معايا .. ان مهما حارب العدو بالعيان .. لن يتمكن من تعطيل مواعيد الرب لنا .. 

لان الرب يدفع قوته امام صخورنا كسيل جارف ..  

" تَشَدَّدُوا وَتَشَجَّعُوا. لَا تَخَافُوا وَلَا تَرْهَبُوا وُجُوهَهُمْ، لأَنَّ الرَّبَّ إِلَهَكَ سَائِرٌ مَعَكَ. لَا يُهْمِلُكَ وَلَا يَتْرُكُكَ." (تث 31: 6)

مجداً مجداً مجداً 🔥