Elohiym Image .. مقالات طويلة ..

  مازال رد المسيح  هو افضل اجابة لكل شخص ابليس بيحاصره بأكاذيب انه بيهلك لوحده وسط الضغوط وان فات حقه إله .. ⁦❤️⁩⁦❤️⁩ يسوع المسيح فعلا كلامه ينبع الى حياة ابدية لانه من عند الاب خرج .. ومن يسمع صوته ويقبله لن يموت الى الابد .. ولن يهلك فى تعييرات الظلام .. هلليلويا .. 💪💪 نعم يارب كل ما تصنعه فى حياتنا هو كامل وبحكمة .. وسنفهم فيما بعد كم كان لخيرنا فى ملكوتك .. افتح عيوننا لنرى اكاذيب ابليس وتبطل شباكه امامنا فى اسم يسوع .. 🙏🙏

 المزامير ١٤٥ : ٨ اَلرَّبُّ حَنَّانٌ وَرَحِيمٌ اول مرة اشوف الاية دى كدة .. لازم كل واحد فينا يبقى مليان ايمان وإحساس بالامان والسلام .. لان لنا إله هويته حنان ورحيم .. يعنى كل تعاملاته معانا سواء فاهمنها او لسة بنفهمها .. لازم ها تكون تعاملات مليانة بحنانه ورحمته .. هلليلويا 💪💪

 رومية ٨ : ١٤ لأَنَّ كُلَّ الَّذِينَ يَنْقَادُونَ بِرُوحِ اللهِ،  ( فقط من يخضعون من كل قلوبهم لقيادة روح الرب كسيد على حياتهم ) فَأُولئِكَ هُمْ أَبْنَاءُ اللهِ. ( هم فقط من سيظهر فيهم الروح سمات الرب الفائقة .. حياتهم ستكون معجزة .. سيرثوا ملامح الرب .. هم ابناءه ) بنخضع لك يارب .. نعم اثق انك تتغاضى عن ازمنة جهلنا في العالم و تنتشلنا للابد .. 🙇🏻‍♂️

 المزامير ١٦ : ٥ الرَّبُّ نَصِيبُ قِسْمَتِي وَكَأْسِي. أَنْتَ قَابِضُ قُرْعَتِي. زمان كانت الغنيمة بتخضع للقرعة .. و كل فرد كان له نصيب يقسم له .. كاتب المزمور بيقول الرب هو نصيبي في كل حرب ضدي .. يعني بخرج بغنيمة هي انتصاري فيه .. و دي اكبر من المكاسب المادية .. و احيانا كانوا بيرموا احجار او انواع بوص .. و كل شخص يقبض يعني يمسك قرعته .. بيبقى البوص او الاحجار عليها رموز تعبر عن ترتيب او مهام  .. هو برضه بيقول .. الرب ها يمد ايده وها يقبض قرعتي .. يعني انا مش متروك للحظ او الصدفة او لقرار اي حد .. لا .. الرب بنفسه بيحدد مصيري .. اية مذهلة ..  وها صلي بيها لغاية بكرة .. 🙇🏻‍♂️🙇🏻‍♂️🙏🙏

 يعقوب ٣ لاَ تَكُونُوا مُعَلِّمِينَ كَثِيرِينَ يَا إِخْوَتِي، عَالِمِينَ أَنَّنَا نَأْخُذُ دَيْنُونَةً أَعْظَمَ! ٢لأَنَّنَا فِي أَشْيَاءَ كَثِيرَةٍ نَعْثُرُ جَمِيعُنَا. إِنْ كَانَ أَحَدٌ لاَ يَعْثُرُ فِي الْكَلاَمِ فَذَاكَ رَجُلٌ كَامِلٌ، قَادِرٌ أَنْ يُلْجِمَ كُلَّ الْجَسَدِ أَيْضًا عجبني في كلام يعقوب الواقعية .. سهل تقيّم وضع الناس بالذهن .. وتتسرع في الحكم .. و تروح تنصحهم وتلومهم ..  وتعلّم فيهم .. لكن الاصعب .. و ده المطلوب حقيقي .. انك تقعد قدام الرب وتتألم من اجلهم .. وتطلب من الرب كلمات لها شفاء من اجلهم .. سهل نمثّل ادوار ناس راشدين وبينصحوا .. لكن صعب نكون حقيقيين بما يكفي لتغيير و انتشال الاخرين .. يارب ساعدني اكون حقيقي لان ده احتياج ناس كتير في الزمن ده  .. 🙇🏻‍♂️🙏

 اشعياء ٥٧ ..  ٣"أَمَّا أَنْتُمْ فَتَقَدَّمُوا إِلَى هُنَا يَا بَنِي السَّاحِرَةِ، نَسْلَ الْفَاسِقِ وَالزَّانِيَةِ. ٤بِمَنْ تَسْخَرُونَ، وَعَلَى مَنْ تَفْغَرُونَ الْفَمَ وَتَدْلَعُونَ اللِّسَانَ؟ أَمَا أَنْتُمْ أَوْلاَدُ الْمَعْصِيَةِ، نَسْلُ الْكَذِبِ؟ ٥الْمُتَوَقِّدُونَ إِلَى الأَصْنَامِ تَحْتَ كُلِّ شَجَرَةٍ خَضْرَاءَ، الْقَاتِلُونَ الأَوْلاَدَ فِي الأَوْدِيَةِ تَحْتَ شُقُوقِ الْمَعَاقِلِ فارق معايا جدا .. وضوح الصورة الروحية .. اللى بيرسمها اشعياء بكلامه .. ابليس نجح مع الوقت انه يرسم صورة خادعة عن نفسه للناس .. والناس باقوا بيخافوا وبيترعبوا منه .. حتى اللى فى الكنيسة نفسها .. !! بينما هنا إشعياء النبى بينده على بنى الساحرة .. مش بيهرب منهم او بيقول خلينى فى حالى .. او ربنا يكفينا شرهم .. !! ده هو اللى بيجرى وراهم علشان يسقط عليهم قضاء الله .. مش خايف من ابليس .. لكنه بيطلق سلطان مهول بإعلان الرب .. وابليس وبنيه هما اللى بيهربوا من قوة اعلانات الرب اللى فيه .. 🔥🔥 هو ده الواقع الحقيقى .. الواقع كما هو فى السماء .. 💪💪🔥🔥

 يعقوب١ لِذلِكَ اطْرَحُوا كُلَّ نَجَاسَةٍ وَكَثْرَةَ شَرّ، فَاقْبَلُوا بِوَدَاعَةٍ الْكَلِمَةَ الْمَغْرُوسَةَ الْقَادِرَةَ أَنْ تُخَلِّصَ نُفُوسَكُمْ. عجبني اوي في النص ده .. انه شبه النجاسة وكثرة الشر .. بإنهم زي ادوات كانت معانا في رحلتنا في العالم .. و العالم كله معاه نفس الادوات دي .. لكن .. اذا اردت انك تستلم ادوات جديدة و هي كلمة الرب اللي ها تبدأ تتغرس .. كلمة قادرة .. ها تعرف تغيرك وتنتشلك .. لازم تكون بترمي شنطة الادوات القديمة .. 👉 امين يارب .. ساعدني اشوف بوضوح الادوات القديمة .. و ابدأ ارميها .. انا عايز ادواتك انت .. 🙇🏻‍♂️🙏 و ده باقي النص .. تطبيق عملي .. لكل شخص قرر يترك النجاسة وكثرة الشر .. ويبدأ يعمل اعمال الرب بنار كلمته ..  📖🔥👇 ٢٢وَلكِنْ كُونُوا عَامِلِينَ بِالْكَلِمَةِ، لاَ سَامِعِينَ فَقَطْ خَادِعِينَ نُفُوسَكُمْ. ٢٣لأَنَّهُ إِنْ كَانَ أَحَدٌ سَامِعًا لِلْكَلِمَةِ وَلَيْسَ عَامِلاً، فَذَاكَ يُشْبِهُ رَجُلاً نَاظِرًا وَجْهَ خِلْقَتِهِ فِي مِرْآةٍ، ٢٤فَإِنَّهُ نَظَرَ ذَاتَهُ وَمَضَى، وَلِلْوَقْتِ نَسِيَ مَا هُوَ. ٢٥وَلكِنْ مَنِ اطَّلَعَ عَلَى النَّامُ...

 ١وَالآنَ هكَذَا يَقُولُ الرَّبُّ، خَالِقُكَ يَا يَعْقُوبُ وَجَابِلُكَ يَا إِسْرَائِيلُ: "لاَ تَخَفْ لأَنِّي فَدَيْتُكَ. دَعَوْتُكَ بِاسْمِكَ. أَنْتَ لِي. ٢إِذَا اجْتَزْتَ فِي الْمِيَاهِ فَأَنَا مَعَكَ، وَفِي الأَنْهَارِ فَلاَ تَغْمُرُكَ. إِذَا مَشَيْتَ فِي النَّارِ فَلاَ تُلْذَعُ، وَاللَّهِيبُ لاَ يُحْرِقُكَ. ٣لأَنِّي أَنَا الرَّبُّ إِلهُكَ قُدُّوسُ إِسْرَائِيلَ، مُخَلِّصُكَ. جَعَلْتُ مِصْرَ فِدْيَتَكَ، كُوشَ وَسَبَا عِوَضَكَ. ٤إِذْ صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ. أُعْطِي أُنَاسًا عِوَضَكَ وَشُعُوبًا عِوَضَ نَفْسِكَ 🔥🔥 اشعياء ٤٣ 💪💪

 مهما كانت الهموم اللي بتترمى جوة اعماقنا ..  برضه إلهنا مش ها يسيبنا لوحدنا .. وها يحتضن حياتنا كما الام لطفلها ..   وسنفيض بالفرح واليقين بسبب محبته الفائقة .. ونعم سيظل هو الضامن الوحيد وللابد .. مجداً مجداً مجداً 💥🙇🏻‍♂️ المزامير ٩٤ : ١٩ عِنْدَ كَثْرَةِ هُمُومِي فِي دَاخِلِي، تَعْزِيَاتُكَ تُلَذِّذُ نَفْسِي. 🎉👏

 النهاردة طول اليوم ها كون بصلي بالايتين دول .. 👇 ٩ قَالَ الْعَدُوُّ: أَتْبَعُ، أُدْرِكُ، أُقَسِّمُ غَنِيمَةً. تَمْتَلِئُ مِنْهُمْ نَفْسِي. أُجَرِّدُ سَيْفِي. تُفْنِيهِمْ يَدِي. ١٠ نَفَخْتَ بِرِيحِكَ فَغَطَّاهُمُ الْبَحْرُ. غَاصُوا كَالرَّصَاصِ فِي مِيَاهٍ غَامِرَةٍ   خروج ١٥ مهما كانت قوة العدو و خطته المحكمة و أحلامه و شهوته لتدميرنا .. فإلهنا ها يسحق كل قوة العدو و خطته و احلامه للابد .. نعم إلهنا فخر قوتنا .. مجداً مجداً مجداً .. 🙇🏻‍♂️💥

 النهاردة طول اليوم ها كون بصلي بالاية دي 👇 المزامير ١٦ : ٤ تَكْثُرُ أَوْجَاعُهُمُ الَّذِينَ أَسْرَعُوا وَرَاءَ آخَرَ .. ها توب عن اوقات كتير عيشت فيها بعيد عن مشيئة الرب و امتلأت اوجاع .. لان الرب يعود ويغطينا بمراحم ويفتقد ازمنة جهلنا وينتشلنا من نتائج حياتنا التي عشناها في الظلام بجهالة  .. 🙇🏻‍♂️

 رومية ١٢ : ٢👉💥 وَلاَ تُشَاكِلُوا هذَا الدَّهْرَ، ( لا تتخذوا شكل ومعيشة العالم مقياس لتوجهاتكم )❌ بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، ( ولكن اسعوا دائماً لمقاومة ان يكون شكلكم كشكل العالم الذي يعيش بالشر .. قاوموا بتغيير ناتج عن تجديد ذهنكم بفعل قوة الروح والامتلاء بفكر الرب وكلمته )  ✔️ لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ. ( عندئذ ستختبروا متعة الانسجام والتواجد داخل ارادة الرب لحياتكم .. ستكون حياتكم صالحة وممتعة وكاملة  .. 🙇🏻‍♂️🙇🏻‍♂️💥💥

   مهم جدا انك تتعود تنتهر عدوك وماله ..  🔥🔥 والانتهار معناه رفض وازاحة وطرد عدو من الارض .. بواسطة السلطان والقوة .. والعدو ده مش شرط يكون روح شرير او جندى شيطانى فى مملكة ابليس .. لكن ممكن يكون كذبة فكرة شهوة ومشاعر ظنون فكر يعلو ضد مملكة الرب .. الانتهار انك تعلن الحق وتسحق بيه الكذب .. تطلق النور من جواك وتحطم بيه العتمة والظلام .. تقول كلمات الرب ضد عدوك .. تعلن اعلانات الرب بإيمان ضد كل شكوك واكاذيب واقفة ضد حياتك .. لازم تدرك ان ارضك غالية جدا .. ولازم فى اعداء عاوزينها بكل ثرواتها الى الابد .. 🤔🤔 يارب اطلق ألسنتنا .. لتحكم على ابليس فى القضاء وتحطم شكاياته .. لتكون آلات للنور وتضرم دائرة الكون روحيا .. فى اسم يسوع .. 🔥🔥

 المقطع ده من اشعياء ١ .. ولفت نظرى جدا الصبح .. النبى بالروح بيعلن مشكلة سدوم وعمورة .. انهم مش بيسمعوا لكلام الرب ولا للشريعة اللى خارجة من فمه .. وانا ببص على الكلمات دى .. سألت نفسى .. هو مش ده حل بسيط ان الناس يسمعوا لكلام الرب وحياتهم تنجوا .. ؟؟ 🤔🤔 الرب مش عايز اى حاجة منهم وهما بعاد بقلوبهم عنه .. لا عايز ذبائح ولا اعياد ولا اى تقدمات ولا حتى فرائض واشكال عبادة متكررة ودائمة .. ولا تكرار فى صلوات .. الرب عايز قلوب بس .. وبدأ يطالبهم فى الاية ١٦ .. انهم يسيبوا الشر ويتعلموا يعملوا اعمال الخير .. سألت نفسى هو فى حد بيعرف يطلع ويهرب بنفسه من غواية الشر .. علشان يوقف ويبدأ ينوى وينجح انه يتعلم الخير وطريقه .. 🤔🤔 ساعتها لاقيت الرب بيرد على .. فى عدد ١٨ .. انه هو الحل .. هو اللى يمحوا تأثير خطاياهم عليهم .. ويطلقهم فى طريقه .. وكل ده بعمل بسيط منهم .. انهم يبدأوا يسمعوا لشريعته وكلامه .. 👉👉 مرات كتير بنكافح نخرج من شباك الخطية .. وما بنبقاش عارفين ان الحل مش فينا وفى كفاحنا .. الحل فيه هو .. هو اللى يقدر يعمل كدة .. 💪💪 من تعلق بيه ينجو .. هلليلويا .. 🔥🔥

 التكوين ١٩ : ١٧ وَكَانَ لَمَّا أَخْرَجَاهُمْ (ملاكان اخرجا لوط و عائلته من سدوم و عمورة ) إِلَى خَارِجٍ أَنَّهُ قَالَ: "اهْرُبْ لِحَيَاتِكَ. لاَ تَنْظُرْ إِلَى وَرَائِكَ، وَلاَ تَقِفْ فِي كُلِّ الدَّائِرَةِ. اهْرُبْ إِلَى الْجَبَلِ لِئَلاَّ تَهْلَِكَ". بصلي الرب يملأنا بعيون مبصرة لنرى الشر و ننفصل عنه مهما كانت التكلفة .. فأفراح سدوم هي داخل الهلاك .. و زنا عمورة هو للجحيم .. 🙇🏻‍♂️💥

 امثال ٢١ ..  ٢٩اَلشِّرِّيرُ يُوقِحُ وَجْهَهُ،  ( الشرير يتصرف بعنف و تكبر و كأن الحقوق له و هو كاذب و يرغب في اخافة الصديق ) أَمَّا الْمُسْتَقِيمُ فَيُثَبِّتُ طُرُقَهُ.  ( ولكن المستقيم امام الرب سيظل ثابت و لن يعيقه الشرير ابداً ) ٣٠لَيْسَ حِكْمَةٌ وَلاَ فِطْنَةٌ وَلاَ مَشُورَةٌ تُجَاهَ الرَّبِّ.  ( كل خبث و تدبير الشرير لا تقوم امام حق و عدالة الرب ) ٣١اَلْفَرَسُ مُعَدٌّ لِيَوْمِ الْحَرْبِ،  ( قد تكون الحرب شديدة و العدو يجهز آليات ضخمة امام امكانياتنا البسيطة ) أَمَّا النُّصْرَةُ فَمِنَ الرَّبِّ. ( و لكن الامر محسوم لان نصرتنا ثابتة و تخرج من اعماق إلهنا للابد ) مجداً مجداً مجداً 🙇🏻‍♂️💥 النصرة من الرب 🎉🎉🎉

  "لأَنَّنَا نَعْلَمُ أَنَّهُ إِنْ نُقِضَ بَيْتُ خَيْمَتِنَا الأَرْضِيُّ، ( مهما كانت قوة و شراسة حرب العدو لمحاولة هدم خيمتنا الضعيفة الارضية .. سواء النفوس او الاجساد او الظروف و الاحداث الزمنية ) فَلَنَا فِي السَّمَاوَاتِ بِنَاءٌ مِنَ اللهِ، بَيْتٌ غَيْرُ مَصْنُوعٍ بِيَدٍ، أَبَدِيٌّ." ( فلن تنجح حرب العدو لان الرب قد ثبتنا في مشورته الابدية فخيمتنا جزء من هيكله الابدي ) نعم هو هيكل لم تصنعه اي ملائكة ليس بيد اي كائن بل بيد الرب نفسه .. و لن يستطيع العدو ان يهدمه للابد .. نعم نحن في امان بسبب صخر يعقوب للابد .. مجداً مجداً مجداً 🙇🏻‍♂️💥

 سبعين مرة يارب ؟!!! يعني اخطأ في حقي خطأ واضح و متعمد ..  و اغفر له سبعين مرة اخطاء متعمدة ..  ؟!! اه تغفر له سبعين مرة .. لاني غفرت لك اكتر من كدة بكتير .. !! أحياناً بنتصور ان عدم غفراننا ده اوبشن خاص بينا ..  لكن لا .. دي وصية مباشرة من الرب ..  و الامتناع عنها كالعصيان و هو معاداة لطبيعة الرب ..  لان الرب بيغفر .. عايز تعيش مع الرب .. اغفر .. لان الرب بيغفر .. الغفران خطوة اعمق للمجد ..

 يوحنا .. عنده ارتكازات هامة جداً بيبني حواليها بنية ادراكه الروحي جوة الملكوت .. في الجزء ده .. بيرتكز حوالين .. الشراكة في الطبيعة مع الرب .. لنا نفس توجهاته .. من جهة رفض الاشتراك في الخطية و التشوه بها ..  لنا نفس فكره .. من جهة وصاياه و الاستمرار في مسار المسيح كمثال حقيقي واضح ..  لنا نفس اعماله .. الثمار تظهر في محبتنا المستمرة لبعض ..  لنا نفس محضره الممتلىء بالنور بلا خزي في تشوه الظلام ..  لم نعد في الظلام .. لنا نور واضح في الابن و لنا مسحة فائقة في الروح ..  لا سلطان لشهوة الشرير و لا قوة لكذبه المضلل ..  مجدا للرب 🙇🏻‍♂️💥

 يوحنا بيعرض شكل الحرب على الارض ..  تحتاج تمييز روحي من خلال ما نسمعه و نلمسه و نراه و نقرأه في المسيح و كلمته ..  وقتها سندرك في انوار الرب .. ان اعمالنا تسلك في نوره ..  و هذه هي الشراكة التي ستنمو و ستمتد للابد ..  لكن العدو يلقي علينا سهام و غيوم الظلام في طريق دعوتنا .. لكن الرب اوجد الحل .. دم يسوع المسيح هو الحل و سيطهر اعماقنا من سموم الحية ..  ان اعترفنا بشكل واضح اننا في احتياج لقوة الرب لنكمل الطريق معه .. سيعمل الابن بنشاط سيفتدينا دائما بدمه .. و سيقيمنا بروحه ..  مجدا مجدا للرب احنا مع إله امين جدا 🙇🏻‍♂️💥