Elohiym Image .. مقالات طويلة ..

 كنت بصلي من اجل انسانة لها انتظار طويل امام الرب في دموع كثيرة من اجل استجابات صلوات ..  شوفتها في غرفتها بتصلي وكل يوم تبكي امام الرب و دموعها قطرات تنزل على الارض ..  و كل يوم بتعمل كدة ..  لكني فجأة شوفت القطرات اللي على الارض مجتمعة وباقت مجرى مائي بدأ يتحرك من غرفتها .. و يمشي في بيتها .. و يخرج من تحت باب بيتها الى الخارج ..  و بدأ ينزل الارض اللي برة بيتها اللي مليانة تراب .. و بدأت الارض تتشربه ..  و فجأة بعد وقت .. بدأت الارض تنبت كلها .. نبتات خضراء صغيرة .. من بعيد كان شكلها مذهل ..  اكتست الارض خضرة .. و اتقفلت الرؤيا قدام عيون روحي ..  --------------------------- لكل شخص امين بيتضرع امام الرب من اجل تحديات صعبة او ميراث روحي او زمني او ابناء روحيين او جسديين او تغيير شريك او شريكة حياة او امر معجزي ..  دموعك امام الرب لا تزول .. لان الرب يحفظها امامه ..  لا تطرح ثقتك لا تتوقف عن صلواتك .. المطر القادم عظيم ..

 نصلي من اجل المرضى اللي في ظروف صعبة ..  زيارات خاصة من المسيح لهم ..  نعلن يهوه رفا اسم الرب يكون لشفاءهم ..  كنت بشارك صديق لي .. و لاقيت نفسي بطمنه و بقوله .. " الرب للجسد " 👉 يمكن العبارة تذهلك .. لكن دي جزء من اية .. " وَلكِنَّ الْجَسَدَ لَيْسَ لِلزِّنَا بَلْ لِلرَّبِّ، وَالرَّبُّ لِلْجَسَدِ." ( رسالة بولس الرسول الاولى الى اهل كورنثوس 6: 13) ..👉🔥 الاية لها تفسيرات كتير ..  منها ان الرب يحب ان يقدس و يحمي اجسادنا و يسكن فيها ك هيكله بل و يعلن من خلالها عن مجده ..  هلليلويا .. النهاردة طول اليوم ها كون بصلي بالاية دي و ها علنها بالايمان امام الرب .. نعم الرب لأجسادنا و اجساد ابنائنا و بناتنا ..  نعم نكون امة مقدسة شعب يقتنيه اي يحفظه و يخصصه الرب بنفسه ..  اؤمن اؤمن اؤمن .. 🙇🏻‍♂️🔥

 من اكتر الايات اللي بتعزيني .. في العهد القديم .. هي الاية دي .. 👇 "فِي سَنَةِ وَفَاةِ عُزِّيَّا الْمَلِكِ، رَأَيْتُ السَّيِّدَ جَالِسًا عَلَى كُرْسِيٍّ عَالٍ وَمُرْتَفِعٍ، وَأَذْيَالُهُ تَمْلأُ الْهَيْكَلَ." (إش 6: 1) اول ما إشعياء النبي " فقد " عزيا الملك .. لقى قدامه الرب بنفسه .. في وقت " فقد عزيز "  .. بتكون النفس البشرية ضعيفة جداً قدام درجات ضغط شديد و مشاعر فقد رهيبة ..  في الوقت ده .. المعين البشري ضعيف .. مهما حاول يسند ..  لكن يظهر على الافق .. المعزي الحقيقي .. الرب بنفسه ..  " أَنَا أَنَا هُوَ مُعَزِّيكُمْ. " (إش 51: 12) اول ما المسيح صعد الى السماء .. كانت درجة " الفقد " موجعة للتلاميذ .. لكنه علم بكل آلام البشر .. لانه رب الكل ..  فأرسل لهم الروح المعزي .. تراءى لهم بغمر مراحم ليمجد المسيح في وسطهم .. "وَأَمَّا الْمُعَزِّي، الرُّوحُ الْقُدُسُ، الَّذِي سَيُرْسِلُهُ الآبُ بِاسْمِي، فَهُوَ يُعَلِّمُكُمْ كُلَّ شَيْءٍ، وَيُذَكِّرُكُمْ بِكُلِّ مَا قُلْتُهُ لَكُمْ." (يو 14: 26) نسأل الرب ان يفيض بالتعزيات في قلوب من ...