Elohiym Image .. مقالات طويلة ..

 مسحة الرب هي الوحيدة اللي ها تخلي حياتك غير منطقية .. 🔥 يعني بولس بيصنع خيام وده عمل مجهد جداً.. لكنه بيخدم في اوقات كتيرة ظاهرة لنا او خفية .. !! بيدرس الكلمة اوقات طويلة .. وبرضه بيعلم وبيكتب رسايل تعليمية وتشجيعية .. !! بيصلي كتير بشكل منفرد وبيشوف اعلانات السما وبيتكلم بألسنة الروح اكثر من الجميع .. ومع ذلك بيصلي مع الناس اوقات طويلة سراً وعلناً .. !! بيسافر كتير وبيتعرض لإهانة وآلام جسدية من اجل مجد الرب ..  ومع ذلك بيكمل بفرح واضح جداً الجميع .. !! والسبب انه كان خاضع و امين قدام الرب .. ما كانش مزيف .. !! رغم ان المُحزن ان في نفس عصره كان في ناس في الكنائس بيحاولوا يثبتوا انه ضعيف و ان ناس غيره هما اللي بدأوا العمل الروحي مش هو .. !! والغريب .. ان اللي كانوا بيقولوا كدة كانوا ناس ما تحملوش حتى ربع الالم اللي عاشه هو من اجل كلمة الرب .. !!   كان انسان حقيقي وخاضع ..  بولس مش منطقي .. اه هو فعلاً لازم يبقى مش منطقي .. والسبب في مسحة الرب اللي على حياته .. 🔥 اخضعوا والرب يمسحكم بمسحات مختلفة .. وقتها ها نشوف ناس زي بولس الرسول حقيقيين وخارج منطق البشر الط...

 هل عدم الانتظار وقت كافي امام الرب و التصرف بتسرع بطرق جسدية و تنتمي لروح العالم ممكن يتسببوا في مشاكل و مصايب ؟!! في الامور الروحية لما تبقى محتاج تصلي لأمر ما ..  اتعلم تاخد اوقات طويلة عارض الامر ده على الرب في انتظار كلمته ..  حتى لو كان ده وسط احداث يومك و مشاويرك او شغلك او رعاية بيتك او اطفالك ..  الرب بيحترم انتظارنا له و تخصيصنا للوقت امامه .. لانه اعلان خضوع له و اعلان سيادة له ..  لا تتعجل ابداً .. حتى لو الضرورة انك تتصرف بسرعة .. اتصرف بطريقة بسيطة منطقية مؤقتة و انت طالب حكمة من الرب الى ان يأتي صوته .. اهمية صوت الرب سواء من خلال كلمته او في الاحداث بوضوح او في رؤيا او حلم او اعلان .. انه بيحمل سلطان الرب و بيحسم الامور بطريقة عجيبة ..  مرات الرب بيصمت علشان تتوب و تجلس امامه للفحص .. مش علشان تتصرف بدماغك او تلجأ لطرق الظلام ..  ---------------------------- قصة الملك حزقيا و ربشاقي الاشوري .. ممتعة جدا ..   انتظار حزقيا الملك للرب بالمسوح و التعييرات الخاصة بربشاقي .. 🙇🏻‍♂️👇 في سفر الملوك الثاني ١٩  1 فَلَمَّا سَمِعَ ...

  بخصوص السحر .. بينجح ابليس انه يقنع الناس ان السحر قوة خاصة مهدفة عليهم و انهم مش ها ينفع بسهولة يخرجوا من تحت التدمير ده .. وناس تانيين بينجح ابليس انه يخليهم مربوطين بفكرة ان كل تعطيل بيحصل لهم لابد وراه سحر مدمر .. و ان لازم حد معين هو اللي يكسر السحر ده .. و ده فعلا بيبقى حقيقي أحياناً لو الرب منح لشخص شرف انه يدخل معاك الحرب دي ويصلي ويطلب نصرة المسيح .. لكن اللي مش صح ومش حقيقي .. انك تفترض انك غرقت لو ما فيش حد يساعدك .. وتفترض ان قصتك اتحسمت في دمار لان في سحر .. اسف .. لحد هنا ووقف .. !! السحر نوع من انواع كتير للنشاط الشيطاني .. وهو مش نهاية قصتك .. وبيتلف بسهولة جداً زي باقي نشاطات ابليس بمجرد ما الشخص يطلب خلاص المسيح ويعيش متلصق بكلمة الرب بأمانة وخضوع .. بمجرد ما بتعيش وتنتمي لملكوت الرب .. بتدرك ان ابليس صغير ومعظم اسلحته قديمة اوي ومتهالكة قدام قوة الرب في ملكوته .. فبرجاء .. قبل ما تدور على حد يكسر السحر .. روح توب فعلا من قلبك امام الرب واطلب الخلاص اللي لك في المسيح .. وعيش بأمانة وخضوع للرب .. لان قوة الرب إذا دخلت حياتك فعلا .. السحر هو اللي ها يهرب من حياتك ...

 كنت حاضر اجتماع و اثناء وقت العبادة .. شوفت رؤيا رائعة فرقت معايا خالص ..  شوفت ان اصواتنا كلنا في المكان ( اصوات اللي بيعبدوا على المنبر و اللي تحت المنبر ) ..  بتتجمع من كل فم من افواهنا .. و بدأت تعمل حزمة من خيوط مضيئة كل خيط هو صوت حد فينا .. و الخيوط كانت فيها ضوء لامع مليان توهج و ألوانها مختلفة ..  في روحي ميزت ان التوهج هو مسحة الروح القدس في كل خيط اي كل صوت ..  و بدأت حزمة الخيوط تتحرك و تتشكل و تعمل ارض المكان و حوائطه و سقفه ..  و بعد كدة بدأت تنتشر و تعمل شكل الآلات و المنبر و اللي واقفين عليه و كل المكان باقت خامته الحزم المضيئة دي ..  كان المكان كله عبارة عن لوحة مجد هائل فيها ألوان مختلف بتتحرك و بتلتف حول نفسها .. و مليانة بمسحات الروح المتوهجة .. توهجها كان مذهل زي كأنها بتشع موجات ترددها قوي و عجيب و بيغسل و يسبي الكيان ..  المكان كان كأنه هيكل مضيء من عالم السماويات ..  و ده بيدينا ادراك عن اهمية اصواتنا و احنا خاضعين للروح و ممتلئين بيه .. اهمية تكريس اصواتنا و كلمة الرب و ذبائح الشفاه في افواهنا ..  اهمية الاجتماع...

 اختبار جميل ..  من فترة كان فى شخص غالى عندى .. كان داخل عمليات .. وكانت نفسيته منهارة وموجوع جدا وخايف من احداث كتيرة ..  حد اتواصل معايا قبل العملية بيوم .. وقالى ارتبلك وتصلى معاه فى الموبيل .. وكلمنى عن وضعه الصعب نفسيا ..  قولت ماشى نعمل كدة ليه لأ ..  انا دايما عندى ايمان ان الرب قادر انه يتدخل في اى وقت ..  كلمته بالليل وكانوا مبلغينه ومرحب بكدة ..  هو بيحب الصلاة .. لكن عمره ما صلى مع حد فى موبيل .. بيحضر اجتماعات بس ..  بدأت اشاركه بالحق اللى جوايا .. واشاركه بإيمانى فى شكل وقت الصلاة ده .. وهو صدق معايا فى الحق وامن فى اللى انا كنت مصدق بيه عن الوقت ده ..  بدأنا الوقت .. وبدأت اشعر بشعور كنت بحسه فى الاجتماعات .. لكنى ميزته فى المكالمة .. الاجواء بدأت تمتلىء بحرارة روحية ..  وعرفت ساعتها ان الروح القدس يملىء اجواء التواصل ده .. بدأنا نصلى بحق واعلان للحق ..  وبعدها قولتله .. الرب ها يديك تتملى ضحك ..  فى اوقات وانت فى الروح وجوة حرارة روح الرب .. بتبقى مميز ان اللى بتقوله منه وبيحصل ..  بدأ فعلا يضحك ويغمره فرح ...

 خطير جداً .. موهبة روحية و لكن ..  !!  مش معنى انك شخص عندك موهبة روحية او بتصلي بعطية من روح الرب زي التكلم بالألسنة  او او او ..  انك كدة مستمتع بكامل مشيئة الرب لحياتك ..  لا .. للاسف .. انت كدة على اول خطوة ..  لان العطية لا تحتاج الى مجهود .. الرب شاف قلبك فقرر يعمل من خلالك و يشاركك مجده ..  لكن اللي فعلاً ممكن ينقلك و يفتح بركات على حياتك هو خضوعك لكلمة الرب و توبتك و تغيير ذهنك و شفاء مشاعرك و حاجات كتير و دي بقى محتاجة مجهود كتير منك  .. لان مكافآتها بتنقل الحياة ..  ها شارك بمثال انا مألفه و غير واقعي و ان تشابه مع حياة احد .. فهذا الشخص انا لا اعرفه ..  👉 المثال : يعني ممكن يكون الشخص بيشوف رؤى .. لكنه عمره ما خضع لصوت الرب من جهة توبة عن طريقة تعامل سيئة مع الموظفين اللي تحت ايده ..  و نتيجة كدة .. هو بيخدم بالموهبة .. لكنه دايما عنده ازمة مالية في شغله لان الموظفين سلبيين و معظمهم بيمشي كل فترة ..  اه الرب مباركه .. لكن ايام كتير بيرفض يخدم و بيبقى عصبي لان عنده مشاكل في تعيين ناس جديدة ..  هو معاه موهب...

 مهم جداً .. و انت ماشي في مسار الايمان .. انك تدرك ان اول عدو ليك ممكن يظهر امام اتمام الرب لبركاته لك .. هو عمل الخطية الساكنة في نظام العالم و التي كنت عبداً لها قبل قبول خلاص المسيح .. و هي تحارب احتياجات جسدك لتتسلط عليك و تعيقك عن مواعيد الرب   .. !! و الخطية ليست خللاً في طبيعتك .. لكنها عدواً لطبيعتك الجديدة ..  قصة صعبة يمكن في المستقبل  يبقى لها شرح اكتر ..  لكن بولس الرسول بيؤكد الكلام ده ..  👇📖💥   رومية ٧ .. ١٤  فَإِنَّنَا نَعْلَمُ أَنَّ النَّامُوسَ رُوحِيٌّ،  ( نحن متأكدين ان هدف قوانين الرب و كلمته هو قيادتنا للحياة .. انه نظام روحي وضعه الرب )  وَأَمَّا أَنَا فَجَسَدِيٌّ مَبِيعٌ تَحْتَ الْخَطِيَّةِ. ( و مع ذلك فهناك صراع قائم في اعماقنا .. لان جسدنا كان عبداً مستنزفاً تحت سيادة سيد قاسي هو الشرير واداته الخطية )  ١٥لأَنِّي لَسْتُ أَعْرِفُ مَا أَنَا أَفْعَلُهُ، ( و بسبب هذه الحرب نصاب بالتشويش احيانا .. فلا نعرف اين الصواب ) إِذْ لَسْتُ أَفْعَلُ مَا أُرِيدُهُ، بَلْ مَا أُبْغِضُهُ فَإِيَّاهُ أَفْعَلُ. ( احيانا ف...

 هل التسبيح و الاعتزال ممكن يقدروا يزعجوا الشرير و يحطموا قيوده بسبب ملك الرب نفسه في حياتنا ؟؟  عايز اقولك في الاول ان التقديس و القداسة هما بداية وضوح هوية الملك المرعبة للعدو في اعماقنا ..  و من ملامح التقديس و القداسة : الهتاف و الاعتزال من اجل الملك ..  خليني اشرح .. القداسة و التقديس وجه من اوجه المُلك .. يعني اول ما الملك بيمسك الحكم .. بيبدأ يغير امور كتير في حياة تابعيه الاوفياء ..  بيبدأ يخصص نفسه لأمورهم .. و يدعوهم لتخصيص نفسهم في خضوع له ..  فبيدخلوا معاً في علاقة بها جوانب متعددة .. ها تكلم النهاردة على جانبين منها هما : الهتاف و الاعتزال ..  في سفر اشعياء ٥٢ ..  إشعياء النبي بيعلن بدأ ازمنة الافتقاد الالهي لشعبه .. يعني الرب ها يبدأ يملك عليهم بمجده من جديد و يضع من مجده على ازمنتهم .. يعني ها يبقوا خاصته مقدسين له .. و ها يبدأ يصنع معهم عجائبه ..     ٦لِذلِكَ يَعْرِفُ شَعْبِيَ اسْمِي. لِذلِكَ فِي ذلِكَ الْيَوْمِ يَعْرِفُونَ أَنِّي أَنَا هُوَ الْمُتَكَلِّمُ. هأَنَذَا". ٧مَا أَجْمَلَ عَلَى الْجِبَالِ قَدَمَيِ الْمُبَشّ...

 لكل شخص بيقول يارب انا ضعيف جداً .. ازاي ها نفذ المهام الكبيرة اللي انت عايزها ؟؟ الرب طلب من موسى مهمة مستحيلة .. فرد واحد يروح يخرج شعب من عبودية لفرعون و لأمة مجهزة جداً و جيشها رهيب .. و جواها كهنة شر و سحرة .. !! موسى .. قال .. يارب طيب ازاي ؟؟ و الرب رد عليه .. ينفع جداً لاني انا ها كون معاك ..  سفر الخروج ٣ ..  ١٠فَالآنَ هَلُمَّ فَأُرْسِلُكَ إِلَى فِرْعَوْنَ، وَتُخْرِجُ شَعْبِي بَنِي إِسْرَائِيلَ مِنْ مِصْرَ".  ١١فَقَالَ مُوسَى ِللهِ: "مَنْ أَنَا حَتَّى أَذْهَبَ إِلَى فِرْعَوْنَ، وَحَتَّى أُخْرِجَ بَنِي إِسْرَائِيلَ مِنْ مِصْرَ؟" ١٢فَقَالَ: "إِنِّي أَكُونُ مَعَكَ 🙇🏻‍♂️💥💥💥💥 الرب بنفسه ها يكون معاك و هذا كافي جداً للابد .. مجداً مجداً مجداً 🙇🏻‍♂️💥

 من كام يوم كنت بصلي ..  وشوفت مؤمن راكع على الارض بيصلي .. وامامه كتيبة من الشياطين ..  كانوا مناظرهم سوداء شاحبة ومعاهم اسلحة حراب مناظرها غريبة بنقوش .. وكانوا بيصيحوا صيحات اللي بيستعدوا لشن هجوم موحد قوي .. كان صوتهم عالي جداً زي الضجيج .. لكن المؤمن ده كان في حالة هدوء وكأنه في خلوة ومنطقة منفصلة عنهم .. سلام في مشهده ..  وفجأة لاقيت نار الرب ظهرت كشعلة صغيرة من الارض .. وبدأت تزيد بشكل رهيب .. لدرجة انها باقت عاملة زي النار اللي بتمسك في الغابات .. نار مهولة الارتفاع والقوة .. وحصل مشهد فائق .. بدأت النار تطوق وتحاصر كتيبة الشياطين .. لغاية لما احاطتهم من كل جهة كدائرة .. وبدأوا يلفوا خوفاً منها وينحصروا في دائرة ويصرخوا بعويل صراخ ألم رهيب ..  طبيعة الرؤية مختلفة .. لان دائما الرب بيحيط بنيه بنار حماية .. لكن يبدو ان الرب بيغير شكل الحرب .. الرب رايح يرعب أعدائه ويريهم بيمينه المخاوف ..  نكمل صلاة كلنا.. تثبت احكام الرب من جهتنا .. وعدونا يرجع الى الخلف .. لان الرب العابر امامنا .. هو نار آكلة .. مجد اً مجداً مجداً🔥🔥🔥

 الزمن اللي جاي مش ها يحقق فيه انتصارات حقيقية ..  غير المتضعين اللي ها يقدروا بروح الرب اللي مالي قلوبهم .. انهم يتنازلوا عن مجد ذاتهم و يعطوا كرامة لباقي اعضاء جسد الرب المتنوعين ..  هؤلاء سيمدون يد الشركة بقوة الروح و ستصل شراكتهم لأناس في مناطق جغرافية خارج امكانياتهم ..  انها الوصلات الفائقة .. معجزة الرب في ملكوته .. معجزته في الخاضعين .. و دي مش مجرد تجمع في زحمة تحت شعارات نهضة او وحدة .. لا دي تجميعة الروح بنفسه و ليس الانسان .. ها يختبروا وحدة الملكوت وقوته .. ها يختبروا دعم سماوي و عجائب ..  مفتاح الزمن ده هو .. قلوب متضعة و خاضعة للروح ..  اما اللي ها يعيشوا حول ذاتهم او في عزلتهم .. ها يكونوا دويلات صغيرة .. تحارب لتثبت ..  و دائما سيكون الرب امين مع الامناء ..  لكن يا باخت المتضعين الخاضعين .. سيختبروا العجائب .. و سيختبروا اجتماع العظام كل عظم الى عظمه كجيش عظيم .. و سيسمعوا صراخ العدو يا تلفي يا تلفي امام مجد الرب فوقهم ..  انا بقبل يا رب اني اتضع و اخضع اكتر و انفتح على اللي روحك يصنعه في اعماقي .. لتكن انت الاول و السيد ....

 دايما بيكون قدام كل حد فينا اختيار من اثنين .. الاختيار الاول ..  نجري على الخمر ( اي حاجة مسكنة تسبب غياب الوعي الروحي .. اي حاجة تنهي الوقت و تفنيه لغاية لما اليوم او الحياة تخلص .. هرباً من الالم او الذكريات او التشوه او الحزن او التعييرات او او او اي حاجة تعزلنا عن الرب و تخلينا مع نفسنا في حالنا .. و الحاجة دي بتبقى غذاء برضه و منطقة راحة عملها المعذبين نفسهم .. اثاث بيتهم علشان يقعدوا و يرتاحوا ..  و للاسف مش بنبقى مع نفسنا .. بنبقى مع المعذبين اللي كل همهم يقتلوا نفوسنا ثم ابديتنا .. ) لكن الاختيار الثاني .. 🙇🏻‍♂️🔥 هو ان نطلب الرب بكل قلوبنا .. فيملأنا بنيران روحه .. بوعي منه .. وعي روحي يكسر سلطان كل الالم و الذكريات و و و و .. امتلاء بما له و هذا كافي لتطرد كل ادوات المعذبين و المعذبين نفسهم ..  انه نااااار هائلة من تقديس تعزلنا عنهم بفواصل عثرة أمامهم .. لا يمكنهم عبورها ..  نااااار قضاء تجعلهم عاجزين فاقدي السلطان مكشوفين في ضعف و خزي و دينونة للابد .. 📖📖📖📖🙇🏻‍♂️🙇🏻‍♂️🙇🏻‍♂️🙇🏻‍♂️🔥🔥🔥🔥👇👇👇 أفسس ٥ : ١٨ وَلاَ تَسْكَرُوا بِال...

 الاختبار ده كان من سنة بالظبط .. لكن مازال مفرح جداً ومشجع لإيماننا في اختراقات الرب لشكل حياتنا الروتيني .. إلهنا صانع عجائب ويأتي بغتة .. 🔥🔥 امبارح في شخصية اختبرت اختبار مجيد .. و الاختبار ده متاح لنا كلنا من الرب .. و ها حكي بعض و ليس كل تفاصيل القصة .. لمجد الرب و لفتح عيوننا ..  القصة بدأت .. ان الشخصية دي رنت من شهر مايو على الماسينچر .. و المعظم عارف اني مش ب رد .. لان معظم يومي في دوشة شغل او مواصلات عادية لاني مش عندي سيارة .. فبعتذر في الغالب عن المكالمات الصوتية ..  لكن الشخصية دي اصرت بالايمان .. و سجلت تسجيل صوت في اول يوم في الشهر الحالي شهر يونيو .. و برضه للاسف ما لاحقتش ابص عليه لانه اصلا في الرسائل الخارجية .. لانها مش صديق عندي ..  بحكي القصة كدة لتشجيع ايمانكم .. و امبارح يعني بعد ٢١ يوم .. كتبت تاني في الرسائل الخارجية .. و هذه المرة كنت قربت انام .. و الماسينچر كالعادة قالي في رسائل .. المرة دي لاقيت نفسي رايح بفتح الرسائل .. و ببص على الخارجي .. و لاقيت رسائل كتير كالعادة .. لكن المرة دي شوفت انها لسة كاتبة حالا .. و لاقيت قوة في داخ...

    امبارح في شخصية اختبرت اختبار مجيد .. و الاختبار ده متاح لنا كلنا من الرب ..  و ها حكي بعض و ليس كل تفاصيل القصة .. لمجد الرب و لفتح عيوننا ..  القصة بدأت .. ان الشخصية دي رنت من شهر مايو على الماسينچر .. و المعظم عارف اني مش ب رد  .. لان معظم يومي في دوشة شغل او مواصلات عادية لاني مش عندي سيارة ..  فبعتذر في الغالب عن المكالمات الصوتية ..  لكن الشخصية دي اصرت بالايمان .. و سجلت تسجيل صوت في اول يوم في الشهر الحالي شهر يونيو .. و برضه للاسف ما لاحقتش ابص عليه لانه اصلا في الرسائل الخارجية .. لانها مش صديق عندي  ..  بحكي القصة كدة لتشجيع ايمانكم .. و امبارح يعني بعد ٢١ يوم .. كتبت تاني في الرسائل الخارجية ..  و هذه المرة كنت قربت انام .. و الماسينچر كالعادة قالي في رسائل .. المرة دي لاقيت نفسي رايح بفتح الرسائل .. و ببص على الخارجي .. و لاقيت رسائل كتير  كالعادة  .. لكن المرة دي شوفت انها لسة كاتبة حالا .. و لاقيت قوة في داخلي تجبرني على فتح الرسالة مهما كانت القصة اللي ورا الرسالة ..  لان كل رسالة وراها قصص طويلة .....

 اللي فعلاً بيحرك حياتك مش كلمات بيقولها اي شخص وهو بيصلي معاك .. اللي بيحرك حياتك هو علاقتك مع الرب خضوعك له .. لما تتملي بكلمته و يحاصرك روحه ..  وقتها فقط ها يظهر لك عمق مجده و عجائبه .. و وقتها كل كلام اتقال ليك من الرب من خلال اشخاص اخرين ها تختبر تحقيقه .. المفتاح هو قلبك انت و ليس افواه الاخرين .. 👉

    مجنون كورة الجدريين .. لم يكن يحتاج الى قيود لحمايته من تجريح جسده .. و لم يكن لديه مشكلة نفسية تحتاج الى معالج او مشير  .. و لم يكن يحتاج الى الاستمرار في عزلة في قبوره .. لقد استقرت الشياطين في حياته لتحاربها دائما .. لتعيق امكانيات و بركات الرب فيه و له  .. لقد كان حقاً في احتياج شديد إلى يسوع .. ليحرره من الشياطين و يطلقه للابد .. مرقس ٥ : ٩ وَسَأَلَهُ:"مَا اسْمُكَ؟" فَأَجَابَ قِائِلاً:"اسْمِي لَجِئُونُ، لأَنَّنَا كَثِيرُونَ". مرقس ٥ : ١٥ وَجَاءُوا إِلَى يَسُوعَ فَنَظَرُوا الْمَجْنُونَ الَّذِي كَانَ فِيهِ اللَّجِئُونُ جَالِسًا وَلاَبِسًا وَعَاقِلاً، فَخَافُوا. و هذه جزء من مهمتنا ان نكمل تحرير الكثيرين .. لوقا ١٠ : ١٧ فَرَجَعَ السَّبْعُونَ بِفَرَحٍ قَائِلِينَ:"يَارَبُّ، حَتَّى الشَّيَاطِينُ تَخْضَعُ لَنَا بِاسْمِكَ!". بصلي الرب يعطي لكنيسته من المؤمنين مسحة لإكمال مهامها .. لإيصال خلاص ابنه و حقه و حريته الى المحتاجين للشفاء من سموم الشرير و قيوده ..

 عايز تعرف معنى الرعاية اللي شبه المسيح .. شوف بولس الرسول .. بيشتغل بإيده وبيتعب علشان يوفر مبلغ لمصروفاته علشان يروح لناس بعيدة يقولهم المسيح صار خلاصكم .. شوفه و هو متعرض لإضطهاد من ناس في الكنائس في زمنه و بيطلعوا عليه سمعة سيئة .. ومع ذلك بيقيم شعبهم بكلام الحق والاعلان  .. و بيصلي ويتمخض امام الرب بحزن ووجع من اجلهم .. شوفه وهو بيتعرض لألم جسدي ونفسي وحروب روحية .. و مع ذلك بيعلن الحق وبيشجع الاخرين برؤية المسيح والخضوع لروح الرب حتى وسط الالم .. عايز تعرف اكتر عن الرعاية .. الرعاية حب واحتضان رغم الالم ..

 عن الخضوع .. 🙇🏻‍♂️ كلما اقتربت من الرب كلما ازدت خضوعاً .. اقتربت يعني قررت من قلبك بعد آلام كتيرة في العالم .. انك تتقدس اي تنفصل عن فكر وطريقة العالم .. لتعيش وقت اطول مع كلمته و في عبادته .. ليس عن عزلة وتجرد .. لكن بتغيير حقيقي مستمر في اعماقك وحواسك بسبب عمل روح الرب .. الخضوع هو قبول ترك الشاطيء بضجيجه للدخول الى العمق الى نهر سباحة لا يعبر .. هو السعي لجلسة اطول واعمق مع الرب للتغيير على صورته .. هو محبة تجعلني اتغير  كما هو بفرح رغم اي ألم .. 🙇🏻‍♂️

 رومية ٨ : ١٤ لأَنَّ كُلَّ الَّذِينَ يَنْقَادُونَ بِرُوحِ اللهِ،  ( فقط من يخضعون من كل قلوبهم لقيادة روح الرب كسيد على حياتهم ) فَأُولئِكَ هُمْ أَبْنَاءُ اللهِ. ( هم فقط من سيظهر فيهم الروح سمات الرب الفائقة .. حياتهم ستكون معجزة .. سيرثوا ملامح الرب .. هم ابناءه ) بنخضع لك يارب .. نعم اثق انك تتغاضى عن ازمنة جهلنا في العالم و تنتشلنا للابد .. 🙇🏻‍♂️

 وَكَانَ عِنْدَ إِصْعَادِ التَّقْدِمَةِ أَنَّ إِيلِيَّا النَّبِيَّ تَقَدَّمَ وَقَالَ: "أَيُّهَا الرَّبُّ إِلهُ إِبْرَاهِيمَ وَإِسْحَاقَ وَإِسْرَائِيلَ، لِيُعْلَمِ الْيَوْمَ أَنَّكَ أَنْتَ اللهُ فِي إِسْرَائِيلَ، وَأَنِّي أَنَا عَبْدُكَ، وَبِأَمْرِكَ قَدْ فَعَلْتُ كُلَّ هذِهِ الأُمُورِ. ٣٧اسْتَجِبْنِي يَا رَبُّ اسْتَجِبْنِي، لِيَعْلَمَ هذَا الشَّعْبُ أَنَّكَ أَنْتَ الرَّبُّ الإِلهُ، وَأَنَّكَ أَنْتَ حَوَّلْتَ قُلُوبَهُمْ رُجُوعًا". ٣٨فَسَقَطَتْ نَارُ الرَّبِّ وَأَكَلَتِ الْمُحْرَقَةَ وَالْحَطَبَ وَالْحِجَارَةَ وَالتُّرَابَ، وَلَحَسَتِ الْمِيَاهَ الَّتِي فِي الْقَنَاةِ. ٣٩فَلَمَّا رَأَى جَمِيعُ الشَّعْبِ ذلِكَ سَقَطُوا عَلَى وُجُوهِهِمْ وَقَالُوا: "الرَّبُّ هُوَ اللهُ! الرَّبُّ هُوَ اللهُ!". ٤٠فَقَالَ لَهُمْ إِيلِيَّا: "أَمْسِكُوا أَنْبِيَاءَ الْبَعْلِ وَلاَ يُفْلِتْ مِنْهُمْ رَجُلٌ". فَأَمْسَكُوهُمْ، فَنَزَلَ بِهِمْ إِيلِيَّا إِلَى نَهْرِ قِيشُونَ وَذَبَحَهُمْ هُنَاكَ. ملوك الاول ١٨ .. 🔥🔥🔥🙇🏻‍♂️🙇🏻‍♂️🙇🏻‍♂️