يعقوب و الالم .. الابن و الالم و المجد ..

 امبارح قعدت افكر في قصة يعقوب ..

قصة فيها كمية ألم رهيبة ..

شخص شاف نفسه قيمته قليلة في بيت ابوه .. فقرر يستغل اعياء اخوه بعد الصيد الطويل .. ويجبره انه يبيع له بكوريته بطبق عدس .. تصرف وحيش جداً .. !!  

وبعد شوية يخدع ابوه اللي بيحبه ويستغل ضعف ابصاره بطريقة خسيسة جداً .. علشان يجرد اخوه من اخر حاجة فاضلة له وهي بركة ابوه له ك بكر .. !!

من بعيد كدة .. يعقوب ما يصلحش يكون شريك في مواعيد الرب ل إبراهيم واسحق ..

لكن فجأة يظهر المفتاح الحقيقي في قصة كل واحد فينا .. " الالم " 👉

يجتاز يعقوب الالم بشكل رهيب ..

يسيب امه اللي بيحبها جداً ..

يهرب في رعب البرية ..

يشوف لمحة من مجد السماء وياخد تأكيد انه شريك في مواعيد  .. فيتعشم ان الدنيا في صفه ..

يروح لخال مخادع .. يزود فيه طبيعة الخداع وياخده بعيد عن التشكيل ..

و تاني يتألم ٧ سنين و مش ها يوصل لحبيبته ..

ويشتغل ٧ كمان علشان يوصل لها ..

وبعد ما يوصل لها ..  يقرر يستقل عن خاله ..

يهرب في رعب للبرية تاني .. هربان من خاله وعبيده الكتير .. ومرعوب من اخوه اللي خدعه من زمان ..  

وبعد ما ينجح .. يكتشف ان مراته حبيبته اللي خرج بيها من سنين الخداع مش نافع تنجب ..

وبعد ما تنجب تموت وهي بتولد ابنه  الثاني ..

و ابنها البكر اللي بيفكره بيها .. يفترسه وحش كما حكى إخوته ..

وتحدث مجاعة مهلكة وكل موارده تخلص ..

ويخاف على اولاده .. ويترعب اكتر لما يقوله شمعون اتحبس في مصر و لازم ناخد بنيامين ..

القصة مؤلمة بشكل مفزع ..

وفي الاخر .. يكون يعقوب في مكانه وسط مواعيد الرب .. ويمتلىء بكلمات النبوة ويصير يعقوب احد العمالقة اللي صنعهم الرب ..  صنعهم بالالم .. 👉

الابن يتعلم الطاعة .. اي ان يصير كنفس نهج وطبيعة ابيه .. بسبب اجتياز حالة الالم ..

بوست بيعبر عن حالتنا ..  😭😭

وبرضه مجداً مجداً مجداً 🙇🏻‍♂️💥