Elohiym Image .. مقالات طويلة ..

 من شوية كنت بصلى وافتكرت تحديات كتيرة اوى قابلتنى .. والرب فى لحظتها قالى : " انا قد اغلقت البحر " ..  هلليلويا القصة خلصت من فوق

 كلمات الرب قالها لى .. " وعندما لا ترانى فى الواقع .. سترانى فى اعماقك .. وعندها سيبدأ انتصارك .. نعم ازيح الغيوم بقوتى واطلق انوارى التى لن تنتهى .. "   هلليلويا مجدا مجدا مجدا للرب 👏

 من شوية كنت بصلي و بشارك الرب بأمور كتير جرحتني .. لان اوقات بنقدم محبة و نجد ان العائد جروح ..  !! لاقيت الرب بيرد في روحي بجملة خلتني اتوقف فوراً عن المرارة .. 👇 " لقد كنت خادماً لقوم يكرهونني "   الجملة دي خلتني اشوف عمق و درجة محبة المسيح لأناس يخططون لقتله .. !!  يارب اعطنا شفائك .. و محبتك لمن ينكروا و يخونوا او يخطأوا او او او ..  اعطنا محبة تشفي الاخرين و تتحمل تجريحهم الى ان يكتمل شفائهم ..  نعم نلتصق بك و نعبر معك الى راحتك ..

 من شوية افتكرت مراحم كتيرة الرب سندنى بيها .. واوقات كتيرة صعبة تمم هو فيها كل كلامه .. وافتكرت كل وقت ضعف كان بيخرجنى هو لوحده منه بقوته الهائلة ومجده ..  وفى وقتها لاقيت الرب بيقولى " انى لا اتركك وحدك وانت تتمم مشيئتى .. اما يوافيك كلامى ؟!! " .. 👉 هلليلويا .. ها يوافينى كلامك يا ملك .. ولسة الى الابد ها تفضل توفى وتتمم كلماتك واكرامك لمنتظريك .. مجدا مجدا مجدا .. 👏👏

 كلمات الرب قالها لى من زمان .. " من يحبنى ويطلبنى .. سأفتح بألمه .. عيون روحه .. فيرانى ويحيا معى للابد .. " 🙏🙇

 الصبح كان الرب بيكلمنى .. ان اسمه فوق اسم اى عائق بيواجهنا .. اختار اسماء معطلاتك مهما كانت قوتهم سواء اشخاص اشرار او امراض او ظروف او شىء .. وتعالى واعلن ان إلهك هو الرب .. اعلن اسمه على حياتك .. اعلن انك ملتصق بيه .. وانه واقف معاك فى حربك .. إلهك لا ينهزم ابدا .. يا موسى قول للفرعون لا يوجد إله عندك ليثبت امام إلهى .. هلليلويا 💪💪

 الصبح كنت بصلي .. وبقول " يارب في احتياجات كتيرة عندي و انت عارف امتى وقت تسديدها .. لاقيت الرب بيرد بوضوح .. " هل اعوزتك شيء ؟؟ " رجعت افكر لاقيتني فعلا مش محتاج حاجة .. فقولت " يارب انت سددت كل حاجة فاتت في وقتها " .. لاقيت الرب بيرد " وبغنى " .. !! 👉 ايوة فعلا .. ما فيش حاجة الرب بيعملها معانا بتبقى عادية .. لا .. كله بيبقى تسديد مميز وفيه اكرام ووفرة .. ما اجمل إلهنا .. إله راعي .. ايل شداي .. 🙇🏻‍♂️❤️

 في مرة كنت بصلي .. وبقول يارب انا عايز ملكوتك يمتد .. لاقيت الرب بيرد في روحي بوضوح .. " و انت بتكلمني و انا بكلمك .. الملكوت بيمتد " ساعتها فهمت قيمة صلواتنا وعبادتنا للرب .. طول ما احنا واثقين فيه وبنكلمه وبنعبده بخضوع القلب .. وهو بيتكلم لنا .. رعب ها يقع على ممالك الظلام .. لان تشريعات الرب فينا بتمد انوار الرب لملايين الاميال .. نعم الملكوت يتسع بجلستنا معك يا سيد .. مجداً مجداً مجداً 💥🙇🏻‍♂️

 كلمات الرب كلمني بيها النهاردة .. " إلتفت اليّ فتخلص .. إلتفت اليّ لاني استطيع ان اشعل قلبك ..  انا المشتعل الواقف في وسط العليقة " .. 🔥🙇🏻‍♂️ اول مرة ادرك ليه العليقة كان مظهرها مشتعل ولكنها ما كانتش بتتحرق .. والسبب انه هو اللي كان مشتعل في وسطها .. وهو اللي اشعل قلب موسى .. وها يشعل قلب كل الواقفين ومنتظرينه .. هلليلويا .. 🔥🙇🏻‍♂️

  فى مرة كنت بصلى .. وبقول للرب يارب فى ناس كتير اوى مشيوا وراء انبياء كذبة اتنبأوا بإسمك او خدام خدعوهم بإسمك او معتقدات ربطت حياتهم وكانت على اسمك برضه ..  !! لاقيت الرب بيقولى .. انا امين تجاه اللى ماشيين ورايا .. ودول ما كانوش اصلا عايزين يمشوا ورايا .. دول ماشيين ورا اللى بيخدم ذاتهم .. دول بيعبدوا نفسهم مش بيطلبوا وجهى .. لهذا اكل ثروتهم وحياتهم غرباء حتى لو كانوا تحت غطاء اسمى .. !! ساعتها فهمت ليه القمح والزوان بيتسابوا للاخر مع بعض .. اصل القمح ماشى ورا سيده وسيده امين .. والزوان ورا نفسه والهلاك مستنيه ..

 الظهر كنت بصلى علشان ظلم واقع على ناس كتير .. 🙇 وكان الرب بيكلمنى .. " فى العالم سيكون هناك ظلم .. لكنى معك " ميزت جوايا ان الظلم بيعمل فعلا ضرر واضح لمؤمنين .. لكنى شوفت بوضوح ايد الرب اللى بتبنى كل اللى اتكسر بسبب الظلم والضرر ده .. وبتعوض وبتضيف عن اللى اتاخد بغير عدل .. جوايا واضحة اوى جملة .. " ملكوت الرب ممتلىء بالعدالة ولن يقبل استمرار اثار الظلم على من يملك هو عليهم .. هو عادل ويشفى " ايوة يارب .. ها ننتظرك ولن يخيب رجائنا فيك .. 🙇🙇

 امبارح كنت بصلى .. 🙇 وشوفت قدامى وادى كبير اوى مليان رمال كتيرة جدا .. وعينى ما جابتش آخره كله جبال رمال .. ولا يوجد اى مظهر حياة بيه .. وميزت جوايا ان ورا المشهد ده حياة وخير .. ولاقيت نفسى بقول للرب .."  يارب وده اعديه ازاى ده .. و انا ماعيش غير عصا .." اتكلمت بنفس طريقة يعقوب لما قال عبرت هذا الوادى بعصا والان صرت جيشين .. قولت الجملة للرب بيأس .. وانا بفكر جوايا لو بعد الرمال دى مواعيد مش ها ينفع اوصل للمواعيد دى ابدا .. !! لكن اتفاجئت برد الرب .. قال انا ها عدى بيك هناك .. انا مش بحتاج اى عصا .. انا بعدى الوادى ده عادى .. 💪💪 الجملة كانت بسلطان رهيب صدم روحى وذهنى .. الوادى اللى مستحيل بالنسبة لى .. وبدور على امكانينى اللى زى العصا .. هو بيعديه رايح جاى بسهولة تامة .. وبدون امكانيات .. ويقدر يشيلنى ويقفز بى فوق مرتفعاتى .. هلليلويا اصله إله .. والغير مستطاع عندى مستطاع عنده جدا .. هلليلويا .. ❤️❤️💥💥

 لكل شخص انهكته حروب العدو .. من شوية كنت بصلي .. وبقول " يارب انت عارف ان في امور كتير في اعماق حياتي اتصابت بالاجهاد من كتر الحروب  .. لاقيت الرب بيرد في روحي .. " انا اضع فيك قوتي " ..  و اثناء مكان بيقولي كدة .. شوفت .. بيت مبني على مجموعة اعمدة .. و الاعمدة دي بدأت تضعف كلها مرة واحدة و تتفتت .. انا قولت المبنى ها ينهار فوق بعضه .. لكن في لمح البصر في لحظة .. شوفت اعمدة جديدة مليانة نور و قوة و خامتها زي الرخام العملاق .. بتصعد من الارض و بتحمل المبنى بثبات تام .. و اختفت الاعمدة الضعيفة و اتفتت و استقر المبنى على اعمدة النور .. إلهنا يحملنا على اذرعه الابدية .. نعم الصدِّيق لن يسقط لان الرب مسند يده .. مجداً مجداً مجداً .. صخر يعقوب معنا للابد .. 🙇🏻‍♂️💥

 الصبح كنت بكلم الرب عن تحديات كتير واقفة قدام مواعيده .. و كان كلام الرب واضح لي و لكل شخص منتظر تحقيق المواعيد .. " يا موسى لا تصدق كذب العدو .. هذه الشمس الحارقة في البرية و رعي الغنم .. لن يمحوا نصرتي لك .. انا اكون نصرتك .. " كفاية علينا انك انت يارب الضامن و الضمان .. مجداً مجداً مجداً.. 🙇🏻‍♂️💥

 من كام يوم كان عندنا ليلة صلاة .. 🔥🔥 وانا داخل القاعة .. سمعت الرب بيقولى .. " انت باصص لى .. ولا بتتملى بالخزى .. ؟؟ " وشوفت نص وشى منور ومبهج لانى باصص على الرب .. ونص وشى التانى .. فى الظل اسود ومليان خزى وغضب وحقد وحيرة وضغط وكمية مشاعر وحشة جدا .. اتصعقت من السؤال ومن المشهد .. وعرفت فى روحى ان ما فيش وضع وسطى .. يعنى يا ابقى كدة يا ابقى كدة .. بفتكر الاية العملاقة .. اللى ازداد عمقها جوايا بعد الرؤية دى .. المزامير ٣٤ : ٥ نَظَرُوا إِلَيْهِ وَاسْتَنَارُوا، وَوُجُوهُهُمْ لَمْ تَخْجَلْ. يارب مش ها نزل عينى من عليك .. انت مليان مجد وفعلا بعيد عن النظر ليك .. خزى وعار وتشوه رهيب .. لتكن قلوبنا على طرقنا .. لتكون قلوبنا كاملة امامك .. فى المسيح يسوع 🙏🔥

 من كام يوم كنت بصلي .. وبقول يارب الشر بيدبر في العالم مكايد لإتلاف البشر وكل شيء .. انا اعمل ايه ؟!! لاقيت الرب بيرد عليَّ .. " امتليء بالروح " .. ساعتها افتكرت لما المسيح نفخ في التلاميذ علشان يقبلوا عطيت الروح القدس .. وقالهم خير لكم اني انطلق .. لان المُعّزي ( السند والمحامي ومن يقف لدعمك في الحرب ) قادم .. !! امكثوا الى ان تنالوا القوة .. وفي يوم الخمسين حل حليهم روح القوة وبدأوا يتكلمون بألسنة .. بصلي ان ينسكب علينا روح الرب .. كما رأى يوئيل ٢ : ٢٨ .. انه وقت الفيض بالقوة وليس وقت للضعف .. هلليلويا .. 💥💥💥

 من فترة كان الرب بيكلمنى .. سيب الناس يحكموا عليك ويقيموا حياتك براحتهم .. يجتمعون عليك وهم يسقطون .. انا لى قولى وكلمتى تبطل حكمهم .. وكل توقعاتهم على حياتك لا تقوم ولا تكون حتى لو كان الواقع يؤيدها لانى انا معك .. ستكون ما اخبرك به وليس ما يخبرونك به .. حتى ان حكم الناس على اسرائيل انها عارية .. فسيعبر الرب عليها ويغطيها بهدب ثوبه .. ويقيم معها عهدا ابديا لا ينقض .. هلليلويا .. صدق الرب .. ليكن الرب صادقا وكل انسان كاذبا .. 🔥🔥

 كلمات الرب قالهالي .. " لانك تخضع لقيادتي .. سيظل ابليس يصرخ بعويل .. لانه يعلم اني سأنتصر دائماً .. " اؤمن اؤمن اؤمن 🙏

 لكل شخص حاسس بعار بيخليه يهرب لوحده بعيد .. الرب بيقولك .. " لماذا تجتهد ان تستتر وحدك في الظلام ..؟!! الظلام لا يسترك بل يفضحك .. تعالى اليَّ .. انا قد اعدت الفدية وعارك عليها يكون .. انا اشفي المرأة السامرية ولن تخزيها مدينة كاملة .. " هلليلويااا 💥💥

 امبارح كنت بصلي وفي حيرة وبسأل الرب .. " هو ليه يارب في ناس بتموت كدة في اوقات غير متوقعة وبيسيبوا الجميع في وجع وألم " ..؟!! وكان الرب بيكلمني بشكل واضح .. " عندما ينتهي حاجز الجسد سيفهم الجميع ان قراراتي كانت كاملة في كل لحظة .. حتى من في الجحيم سيدركون اني كامل في قضائي  " .. !! يارب اعطنا المعونة .. بالعقل لن ندرك عمق فكرك وحكمتك .. لكن بالايمان نتيقن انك صنعت الصلاح والرحمة بشكل كامل .. ارفع يارب من هم في ألم التساؤلات ووجع الفراق والفقد .. امين 🙏🙇🏻‍♂️