اختبار مجيد ساوند كلاود

 اختبار جميل ومشجع  ..  🙇🔥

من وقت كنت بصلي من اجل ان التسجيلات الصوتية تكون متاحة على تطبيق ساوندكلاود لانه متاح في كل الدول و على كل انواع الاجهزة .. 

Sound cloud .. 🎤🎧🎙️

لكن من زمان انا اتعودت مع الرب .. اني ما ادخلش في ميدان جديد .. غير لما اكون بصلي و منتظر قدامه الرب لوقت .. و الرب بنفسه هو اللي يشاور اني اتحرك .. 

فقعدت اصلي من اجل ساوندكلاود .. لان النسخة المجانية بتدي وقت قليل يعني عدد تسجيلات صغير .. فلازم يكون فيه دفع مالي .. اشتراك يعني  .. 

بس المرة دي رد الرب ما جاش بسرعة .. 

تمر سنين .. كذا مرة اصلي و الرب يشاور انه لسة ما جاش الوقت .. و ان هو بنفسه ها يعطي اشارة واضحة .. 

كل سنة اصلي و ما فيش إشارة .. 

المهم من اسبوعين .. دخلت ابص عليه .. و المرة دي كان الروح بيشاور في اعماقي .. صلي ان الاشارة تظهر .. صلي ان الرب يعين شخصية تكلمك لوحدها و تقولك ساوندكلاود لازم يشتغل و انا ها شارك فيه .. 

وصليت كدة فعلا .. من غير ما اشارك حد بكدة .. 

المهم من كام  يوم لاقيت انسانة بتحب الرب اسمها " M " دخلت كتبت لي .. ان الرب بيباركها لما بتسمع التسجيلات على الفيسبوك .. لكنها لاحظت ان الاعلانات بتقطع التسجيل .. 

و فجأة لاقيت سؤال جواها .. هو ليه محب ما يكونش عنده ساوندكلاود .. و صوت الرب يوصل للعالم المحتاج بدون دوشة اعلانات .. ؟؟!!!

كلمتني .. فأنا عظمت الرب .. قولتلها مبلغ اشتراكه ينفع ادفعه انا .. لكن انتي كنتي العلامة .. و حكيت لها .. ان بسبب محبتها للرب وغيرتها .. عمل كبير ها يبدأ يتحرك .. 

و كمان هي صممت انها تتدفع اشتراك اول سنة .. 

الرب يبارك قلبك يا " M " نصلي ان تعويضات و بركات الرب تغمرها ..

بفرح اوي باللي قلوبهم فيها نار الروح القدس وغيرته .. مش بس عايزين عطايا ابوهم و نجاحهم ..لكن كمان عايزين يقدموا عمرهم و محبتهم و كل شيء ونجاحهم لأبوهم .. هؤلاء شركاء الرب في ملكوته و هو يفيض فيهم بمجد فائق للابد .. 

نعم "مغبوط هو العطاء أكثر من الأخذ" (سفر أعمال الرسل 20: 35) .

نصلي من اجل قناة ساوندكلاود .. و من اجل سندة ومعونة الرب لي علشان ابذل اقصى مجهود فيها في الوقت اللي جاي علشان توصل للقريبين و البعيدين و اليعيدين جداً .. 

اسيب معاكم رابط قناة ساوندكلاود .. 

اشكرك يا إلهي الصالح من اجل كل خطوة بتعملها معايا و مع ابنائك و بناتك .. بعجائب و بغيرة محبتك .. 

امين مسحة الروح القدس تكون منسكبة على القناة دي لإقامة وفك الكثيرين .. و نعم ها بدأ على صوتك انت يا إلهي..  و انت عارف ازاي ها تكمل الصورة بينا كلنا في ملكوتك العجيب .. نعم انت بيدك كل امرنا للابد .. 

اصدقائي المباركين .. ❤️

تقدروا من الان تعملوا متابعة للقناة و ها تتابعوا كل تسجيلات صوتية قديمة او جديدة .. 

كل التسجيلات .. ها تكون بتنزل بإستمرار و ينفع هناك تكتبوا تعليقاتكم وتشاركوا منها بحرية تامة لصفحاتكم الشخصية او رسائلكم او جروباتكم هنا او في اي مكان او رسالة او موقع او دولة .. 

المشاركات ها تنزل سواء اجزاء او خدمات كاملة مع ترتيبها في قوائم و اضافة شواهد او شرح ان وجد و ده تطوير ها يتم بالتتابع .. بدأت فعلا اعمل فهارس منظمة لتنظيم التسجيلات سواء ب نوع المحتوى او هدفه .. 

ده رابط القناة .. 👇💥💥💥

https://on.soundcloud.com/0dK32e9FkKzId996T1

اعترف ان ظروف حياتي صعبة جداً لكني بختبر امور معجزية من ايد الرب بتخليني اتمنى ان خلاصه و تحريره و كلمته و صوته و اعلانه يوصلوا لكل شخص زي ما وصلوا لي و غيروا حياتي .. 

صلواتنا لبعض 🙏💥