Elohiym Image .. مقالات طويلة ..

 هل عدم الانتظار وقت كافي امام الرب و التصرف بتسرع بطرق جسدية و تنتمي لروح العالم ممكن يتسببوا في مشاكل و مصايب ؟!! في الامور الروحية لما تبقى محتاج تصلي لأمر ما ..  اتعلم تاخد اوقات طويلة عارض الامر ده على الرب في انتظار كلمته ..  حتى لو كان ده وسط احداث يومك و مشاويرك او شغلك او رعاية بيتك او اطفالك ..  الرب بيحترم انتظارنا له و تخصيصنا للوقت امامه .. لانه اعلان خضوع له و اعلان سيادة له ..  لا تتعجل ابداً .. حتى لو الضرورة انك تتصرف بسرعة .. اتصرف بطريقة بسيطة منطقية مؤقتة و انت طالب حكمة من الرب الى ان يأتي صوته .. اهمية صوت الرب سواء من خلال كلمته او في الاحداث بوضوح او في رؤيا او حلم او اعلان .. انه بيحمل سلطان الرب و بيحسم الامور بطريقة عجيبة ..  مرات الرب بيصمت علشان تتوب و تجلس امامه للفحص .. مش علشان تتصرف بدماغك او تلجأ لطرق الظلام ..  ---------------------------- قصة الملك حزقيا و ربشاقي الاشوري .. ممتعة جدا ..   انتظار حزقيا الملك للرب بالمسوح و التعييرات الخاصة بربشاقي .. 🙇🏻‍♂️👇 في سفر الملوك الثاني ١٩  1 فَلَمَّا سَمِعَ ...

  بخصوص السحر .. بينجح ابليس انه يقنع الناس ان السحر قوة خاصة مهدفة عليهم و انهم مش ها ينفع بسهولة يخرجوا من تحت التدمير ده .. وناس تانيين بينجح ابليس انه يخليهم مربوطين بفكرة ان كل تعطيل بيحصل لهم لابد وراه سحر مدمر .. و ان لازم حد معين هو اللي يكسر السحر ده .. و ده فعلا بيبقى حقيقي أحياناً لو الرب منح لشخص شرف انه يدخل معاك الحرب دي ويصلي ويطلب نصرة المسيح .. لكن اللي مش صح ومش حقيقي .. انك تفترض انك غرقت لو ما فيش حد يساعدك .. وتفترض ان قصتك اتحسمت في دمار لان في سحر .. اسف .. لحد هنا ووقف .. !! السحر نوع من انواع كتير للنشاط الشيطاني .. وهو مش نهاية قصتك .. وبيتلف بسهولة جداً زي باقي نشاطات ابليس بمجرد ما الشخص يطلب خلاص المسيح ويعيش متلصق بكلمة الرب بأمانة وخضوع .. بمجرد ما بتعيش وتنتمي لملكوت الرب .. بتدرك ان ابليس صغير ومعظم اسلحته قديمة اوي ومتهالكة قدام قوة الرب في ملكوته .. فبرجاء .. قبل ما تدور على حد يكسر السحر .. روح توب فعلا من قلبك امام الرب واطلب الخلاص اللي لك في المسيح .. وعيش بأمانة وخضوع للرب .. لان قوة الرب إذا دخلت حياتك فعلا .. السحر هو اللي ها يهرب من حياتك ...

 هل قلبك يعيقك عن نوال بركات الرب ؟؟  اه جداً جداً جداً ..  مثال .. يعني ممكن تكون بتقول يارب لك كل المجد .. ( يعني انت سيد على حياتي لتفحصها لانك العلي الممجد ) ..  و يجي الرب يبص على قلبك .. يلاقيك .. واقف بتحتقر اللي جنبك .. و بتقلل من قيمة الاخرين  .. و مش بتحكي غير في نقائصهم و ضعفهم ..  فيقول الرب .. انت كاذب .. مذبح قلبك نجس .. ده مش مذبح لي .. و لا دي ذبيحة لي .. دي ذبيحة لتمجيد شياطين ..  و انا لست ممجد في حياتك .. انت لا تخشاني ..  و انا لن اظهر مجدي لك ..  استمر في كذب شفاهك .. لان دينونة قلبك غير التائب قريبة ..  يوئيل ٢ : ١٣ وَمَزِّقُوا قُلُوبَكُمْ لاَ ثِيَابَكُمْ". وَارْجِعُوا إِلَى الرَّبِّ إِلهِكُمْ لأَنَّهُ رَؤُوفٌ رَحِيمٌ، بَطِيءُ الْغَضَبِ وَكَثِيرُ الرَّأْفَةِ وَيَنْدَمُ عَلَى الشَّرِّ. "يَقْتَرِبُ إِلَيَّ هذَا الشَّعْبُ بِفَمِهِ، وَيُكْرِمُني بِشَفَتَيْهِ، وَأَمَّا قَلْبُهُ فَمُبْتَعِدٌ عَنِّي بَعِيدًا." (انجيل متى 15: 8).   ضروري نتوب .. و مازالت صلاتي اديني يارب قلب يرضيك .. و اشخاص حقيقيين .. امين ..

  من خلال حياتى البسيطة مع الرب وخدمتى .. اكتشفت ان من اكتر اعراض القيود اللى بسبب الظلمة .. انها بتاخد البشر لحالة تشبه حالة ابليس فى السماء قرب سقوطه .. - تقوى ظاهرية .. بيكونوا منفصلين عن الله لكنهم مش قايلين كدة لا للرب ولا للمحيطين بيهم .. قاعدين عادى فى اجواء العبادة لكن قلبهم فى حتة تانية خالص ومقررين انهم فى اى فرصة متاحة ها يهربوا من محضر الرب .. - ضعف ادراكهم لقيمة محضر الرب .. او التواجد امامه وامام حقه .. بدأت بشكل واضح تظهر عليهم اعراض اللامبالاة للالتصاق بالرب .. يعنى عادى لما ما يصلوش عادى لما ما يقروش فى كلمة الله .. - تظهر عليهم اعراض الموت الروحى .. لكنهم يسرعوا بكتمها .. تظهر نجاسة ويسرعوا فى تخبأتها .. نجاسة قلب او توجهات او كلمات من القلب على اللسان .. او حواس تعمل فى اتجاه البحث عن مسارات خارج قوانين قداسة الله .. - الاستهانة بأى كلمات حق او صلوات او اعلانات من عرش الرب .. يمكنها ان ترجعهم للعبادة الحقيقية والتراجع عن قبول الشر .. - قلبهم المخدوع يجيد ايجاد اعذار .. زى ان الله بيحدنى .. او هو سيد قاسى .. او الرب مش عايز حد يعرف الخير والشر زيه .....

 مهم جداً انك تفرق بين اكرام الرب و عطاء روح العالم ..  اكرام الرب هو من ايد الرب و بطريقته هو المعجزية و في وقته هو و لمجده هو .. و ده جزء من تعاملاته مع الخاضعين الامناء .. و مش بيجيبوه بذراعهم البشرية و لا بالتملق او المخادعة او المهادنة او اي طريقة من طرق المعاهدة مع روح العالم ..  اما عطاء روح العالم فهو هدفه الانشغال عن عبادة الرب و تقوية ربط النجاسة اي الانفصال عن الرب و التمرد على سيادته ..  و ده للاسف بيملى العالم و الساكنين فيه و بيدخل الانظمة و الاشغال و البيوت  و للاسف دخل المجال الروحي ..  فهو بيقنع الشخص او الاشخاص ان متاح لهم يخدوا عطايا مذهلة بالخداع بالتملق بالمهادنة بالنجاسة بالهوى ..  و قيس على كدة مئات المشاكل اللي فيها روح العالم بخداع  ب يقول حقك تدخل في علاقات ما دام شريكك او شريكتك مريض او مريضة او مشغول او مشغولة ..  و اللي يهمس جواه بخداع ويقوله الرب مش بيعطي لك فممكن تكون محتاج تشغل دماغك او ابقى قدم للكنيسة مبلغ او اكرم فلان او او  و ممكن كمان يقنعهم ان ده عطاء من ايد الرب لهم .. و ان عمل الرب محتاج شوية حكمة...

  من وقت كنت بصلي ..  وشوفت جزء من جذع شجرة .. كان مكسور .. وكان جواه تراب كتير اوي وحبات رمل وحشرات صغيرة .. مهما حاولت تخبطه على الارض مش ها يبقى نظيف أبداً .. ده ممكن يتكسر اكتر .. شوفت ايد مسكته تحت مصدر مياه .. وبدأت المياه تنزل عليه وتغمره بالكامل .. شوفت المياه وهي بتدخل جوة انسجته وأليافه .. وبتدخل لمناطق جواه لا يمكن تتشاف من برة .. وممكن أصلاً ما نبقاش عارفين بوجودها .. وبدأت تكتسح الحشرات والتراب والرمل وكل اللي يقابلها ..  وكان الرب بيكلمني ان دي كلمته مياه الحياة و احنا بنصلي بيها وبنعلنها على ناس .. الكلمة دي ها تدخل لمناطق عميقة جداً جداً جداً .. وها تنضف وتشفي حتى اللي مستخبي عن عيوننا و في الظلام ..  نكمل صلاة بشكل مستمر .. شعب الرب ها يكون عابد قوي جداً بالحق في الازمنة دي .. لان غمر المياه الرهيب ده .. هو اللي الرب ها يشفي بيه نفوس وبيوت وشعوب .. وها نشوف عجائب ..  ايوة عايزين غمر المياه دي يارب .. 🌊🌊🌊 مجداً مجداً مجداً 💥🙇🏻‍♂️

 حرب العدو المستمرة .. هي حرب لإطفاء نار روح الرب في اعماقنا ..  اي ادخال روح العالم بظلامه و شكلياته و نظامه و مظهريته  ..  لتحل محل نار الروح و اظهاراته ..  سواء في داخل الكنيسة اي جماعة المؤمنين .. او في حياتنا الشخصية ..  تسالونيكى الاولى ٥ : ١٩ لاَ تُطْفِئُوا الرُّوحَ. 👉🔥 جاية بمعاني كتير .. منها لا تحدوا من اعمال روح الرب فيكم .. لكي لا تكونوا منطفئين كالعالم  .. لا تغطوا نار و انوار الروح لكي تتناسبوا مع العالم ..  لا تحجبوا هوية روح الرب .. لكي لا تصيروا شبه هوية العالم ..  لا تحدوا من اعمال الروح .. لانه روح المسيح في الكنيسة ..  النهاردة طول اليوم ها كون بصلي بالاية دي .. يارب املأني قوة .. لكي لا يسلبني العدو هوية و سلطان روحك في اعماقي ..  تظل نيرانك متقدة على مذبح حياتي للابد .. 🙇🏻‍♂️🔥

 كنت حاضر اجتماع و اثناء وقت العبادة .. شوفت رؤيا رائعة فرقت معايا خالص ..  شوفت ان اصواتنا كلنا في المكان ( اصوات اللي بيعبدوا على المنبر و اللي تحت المنبر ) ..  بتتجمع من كل فم من افواهنا .. و بدأت تعمل حزمة من خيوط مضيئة كل خيط هو صوت حد فينا .. و الخيوط كانت فيها ضوء لامع مليان توهج و ألوانها مختلفة ..  في روحي ميزت ان التوهج هو مسحة الروح القدس في كل خيط اي كل صوت ..  و بدأت حزمة الخيوط تتحرك و تتشكل و تعمل ارض المكان و حوائطه و سقفه ..  و بعد كدة بدأت تنتشر و تعمل شكل الآلات و المنبر و اللي واقفين عليه و كل المكان باقت خامته الحزم المضيئة دي ..  كان المكان كله عبارة عن لوحة مجد هائل فيها ألوان مختلف بتتحرك و بتلتف حول نفسها .. و مليانة بمسحات الروح المتوهجة .. توهجها كان مذهل زي كأنها بتشع موجات ترددها قوي و عجيب و بيغسل و يسبي الكيان ..  المكان كان كأنه هيكل مضيء من عالم السماويات ..  و ده بيدينا ادراك عن اهمية اصواتنا و احنا خاضعين للروح و ممتلئين بيه .. اهمية تكريس اصواتنا و كلمة الرب و ذبائح الشفاه في افواهنا ..  اهمية الاجتماع...

 هل انت مستعبد لغيرك ؟؟!!!!  🤔🤔 اكبر مشكلة انك تقبل تكون عبد للناس اللى حواليك .. علشان انت عايزهم يمجدوا ذاتك .. !! من فترة كان عندى زميل فى الكلية .. كان متزن جدا وشخصية ودودة ..  ببص على صفحته من فترة لاقيته بيكتب كلام قمة فى التعصب والاساءة للغير .. بدرجات مهينة للمختلفين معاه فى وجهات النظر ..  قولت ماله ايه اللى حصل معاه ليه اتشوه كدة ..  ببص على بوستات قديمة له .. لاقيته كان بيكتب حاجات جميلة خالص .. لكن واحد او اثنين بس .. اللى كانوا بيهتموا ..  لكن لم بدأ يكتب حاجات فيها نسبة تعصب .. بدأ يلاقى  عدد كبير من الناس معجب بكدة .. من دافع انه كلام دينى .. من دافع ان حلو الانسان يبقى له فى الدين .. من دافع انه بيكسر فى ناس مش عاجبينهم .. اى دافع وخلاص ..  مع الوقت القصة عجبته .. بدأ يزود كلامه المتعصب .. لغاية ما بدأ يستفز الغير علانية ويدور على اى موضوع يضايقهم بيه .. وياخد تفاعل اعجاب وحب اكتر .. !!  على فكرة قصة زميلى دى .. لا تختلف ابدا عن قصة واحد بدأ ينزل بوستات تهكم او تنمر .. او واحد بدأ ينزل بوستات اباحية الى حد ان الناس بدأت تست...

 اختبار جميل ..  من فترة كان فى شخص غالى عندى .. كان داخل عمليات .. وكانت نفسيته منهارة وموجوع جدا وخايف من احداث كتيرة ..  حد اتواصل معايا قبل العملية بيوم .. وقالى ارتبلك وتصلى معاه فى الموبيل .. وكلمنى عن وضعه الصعب نفسيا ..  قولت ماشى نعمل كدة ليه لأ ..  انا دايما عندى ايمان ان الرب قادر انه يتدخل في اى وقت ..  كلمته بالليل وكانوا مبلغينه ومرحب بكدة ..  هو بيحب الصلاة .. لكن عمره ما صلى مع حد فى موبيل .. بيحضر اجتماعات بس ..  بدأت اشاركه بالحق اللى جوايا .. واشاركه بإيمانى فى شكل وقت الصلاة ده .. وهو صدق معايا فى الحق وامن فى اللى انا كنت مصدق بيه عن الوقت ده ..  بدأنا الوقت .. وبدأت اشعر بشعور كنت بحسه فى الاجتماعات .. لكنى ميزته فى المكالمة .. الاجواء بدأت تمتلىء بحرارة روحية ..  وعرفت ساعتها ان الروح القدس يملىء اجواء التواصل ده .. بدأنا نصلى بحق واعلان للحق ..  وبعدها قولتله .. الرب ها يديك تتملى ضحك ..  فى اوقات وانت فى الروح وجوة حرارة روح الرب .. بتبقى مميز ان اللى بتقوله منه وبيحصل ..  بدأ فعلا يضحك ويغمره فرح ...

 من وقت كنت بكلم الرب عن امور كتيرة صعبة بتحاصرني وبتحاصر حياة الناس ..  كأنها بتجبرهم يغرقوا ..  و انا بصلي .. شوفت شلال مياه عملاق اندفاع المياه فيه سريع جداً جداً .. وكان بيجرف كل حاجة في طريقه من قوته ..  وشوفت شخص جواه والمياه بتسحبه وقرب ينزل من نهاية الشلال ..  كان في حالة من الاعياء كأنه شرب مياه كتير ومش بيتنفس بسهولة .. بيحرك ايده براحة خالص كأنه بيحاول وخلاص .. لان قوة الشلال كانت رهيبة .. مشهد محزن انا قولت جوايا خلاص ها يقع من فوق وقصته ها تخلص وسط اشجار وحاجات عملاقة المياه برضه بتشدها في تيارها ..  لكن فجأة وهو في اعياء .. كأن صخرة اتزرعت وسط المياه دي .. وكأنها هي اللي واقفة مستنياه .. ما احتاجش يعافر يوصلها هو اصلاً ما كانش فيه اي قوة ..  وفجأة الصخرة حجزته عن الوقوع .. واحاطت بيه رغم التيار .. وكانت صخرة سهل تسلقها جداً .. وعرف يتسلق عليها و نجا من المياه الكثيرة ..  ولاقيت الرب بيقولي بوضوح .. انت ما تقدرش تنجو .. لكن انا ها كون الصخرة اللي ها تلاقيها قدامك في كل ظرف صعب .. وها تلاقيها جاهزة تماماً علشان تنقذك .. 💥🌊 ما فيش كلا...

 ابليس بيجتهد دائما انه يسلب البشر من موقعهم فى داخل الحضور الالهى ..  ولذلك ابليس شغال بنشاط انه يصنع اجيال .. عمياء وصماء عن ادراك الحضور الالهى ..  اجيال تخطىء بدون ادراك لجمال وروعة الصورة والهوية المتواجدة لهم داخل الحضور الالهى ..  اجيال تعتبر الجنس خارج اطار الزواج امر عادى جدا .. وليس زنا او  دعارة او عهارة .. !! اجيال تعتبر انه من الطبيعى الاستغلال الدائم للحواس فى البحث عن المتعة .. !!  ولم يدركوا انهم ذبائح حية للرب وان أعضائهم آلات للنور لا للظلام ..  اجيال تعتبر الاجهاض امر طبيعيا .. وليس اماتة لإخفاء نواتج علاقات فى الظلام ..  اجيال تفقد معنى العهد الذى فى الزواج .. ليصبح ورقة عرفى .. بسيطة يسهل فقدها وفقد الزواج معها فى اى وقت .. !!  ابليس كائن مظلم لم يعد يدرك روعة الرب وجمال اعماله .. وكذلك الماكثون معه هم مثله .. !! ينضح عليهم بما له .. ويتنفس فيهم بقتله .. ذاك كان قتالا من البدء .. لم يثبت فى الحق .. علموا ولادكم يمسكوا الحق ويقروا فيه ويفكروا فيه .. لان هو ده اللى ممكن يكسر ابليس واعماله ..

 امبارح كنت بصلى ..   وشوفت شخص جاثى على ركبتيه بيصلى .. لكنه كان متألم جدا ..  شوفته من ظهره مشدود بسلسلة عملاقة متثبتة فى ظهره .. ببص لاقيت اخر طرف السلسلة دى .. ممسوك بإيد كائن شيطانى .. واقف محتجب فى الظلام ..  فهمت من المشهد .. ان الشخص ده بيعانى وطالب الرب لكنه مجهد تماما لدرجة انه مش عارف يعمل حاجة ولا عارف ايه سبب الاجهاد الدائم ده ..  السبب كان ثقل السلسلة دى .. والكائن اللى بيشدها فى الظلام .. المهم فضل الشخص ده بيصلى لدرجة انى حسيته بيفقد كل قوته وبينهار .. لكنه متعلق بالرب ..  وفى اللحظة دى ..  شوفت الرب فى شكل شخص مضييء لابس ملابس ناصعة .. بياضها من عالم تانى فعلا ...  وجيه ووقف فى النص بين الكائن الشيطانى والشخص اللى بيصلى ..  وعطى ظهره للرجل  وبص ناحية الظلام ..   ومسك السلسلة العملاقة .. وشدها بقوة رهيبة لدرجة انه اخرج الكائن الشيطانى من ظلامه ووقفه قدامه ..الكائن ده كان فعلا قوى جدا عضلاته وحركته على الارض وملامحه .. فعلا محارب قوى .. لكنه فعلا كان مرعوب من نور الرب وبيغطى وجهه وبيبص فى الارض كأنه متألم من...

 خطير جداً .. موهبة روحية و لكن ..  !!  مش معنى انك شخص عندك موهبة روحية او بتصلي بعطية من روح الرب زي التكلم بالألسنة  او او او ..  انك كدة مستمتع بكامل مشيئة الرب لحياتك ..  لا .. للاسف .. انت كدة على اول خطوة ..  لان العطية لا تحتاج الى مجهود .. الرب شاف قلبك فقرر يعمل من خلالك و يشاركك مجده ..  لكن اللي فعلاً ممكن ينقلك و يفتح بركات على حياتك هو خضوعك لكلمة الرب و توبتك و تغيير ذهنك و شفاء مشاعرك و حاجات كتير و دي بقى محتاجة مجهود كتير منك  .. لان مكافآتها بتنقل الحياة ..  ها شارك بمثال انا مألفه و غير واقعي و ان تشابه مع حياة احد .. فهذا الشخص انا لا اعرفه ..  👉 المثال : يعني ممكن يكون الشخص بيشوف رؤى .. لكنه عمره ما خضع لصوت الرب من جهة توبة عن طريقة تعامل سيئة مع الموظفين اللي تحت ايده ..  و نتيجة كدة .. هو بيخدم بالموهبة .. لكنه دايما عنده ازمة مالية في شغله لان الموظفين سلبيين و معظمهم بيمشي كل فترة ..  اه الرب مباركه .. لكن ايام كتير بيرفض يخدم و بيبقى عصبي لان عنده مشاكل في تعيين ناس جديدة ..  هو معاه موهب...

 من وقت كنت بصلي وشوفت ..  انسان في بقعة من الوحل .. وكان مش عارف يطلع نهائياً منها .. بيعافر وبيكافح بألم شديد علشان يتحرك خطوة للامام ..  كان الطين سميك ومتماسك وكل ما بيحاول يطلع .. بيلاقي نفسه بيرجع للوراء .. تدفق مستمر للوحل ..  كان هزيل وضعيف وقرب يتصاب بالاعياء لانه مش قادر يرتاح .. الوحل كان واصل لمسافة فوق بطنه ..  مشهد مؤلم جداً .. ويبدوا ان قصته خلصت .. لان كمان على مسافة بعيدة شوفت ارض ممكن يوصل لها لكنها كانت بعيدة جداً جداً وهو مش عارف يتحرك حتى خطوة لقدام .. لكني شوفت ايد الرب بوضوح دخلت المشهد بشكل سريع جداً وغير متوقع كأنها زي البرق والرعد .. ومسكته وانتشلته تماماً من الوحل .. فجأة بقى برة الوحل ..  و اتقفلت الرؤيا قدام عيون روحي .. والكلمة اللي بتتردد جوايا .. " موسى المُنتَشل من الماء " .. الرب جاي ينتشلني وينتشل ناس كتير .. وفجأة ها نبقى برة سلطان الوحل ..  اؤمن اؤمن اؤمن يارب .. لتكن مشيئتك للابد .. 🙇🏻‍♂️ 🙇🏻‍♂️🙇🏻‍♂️

 مهم جداً .. و انت ماشي في مسار الايمان .. انك تدرك ان اول عدو ليك ممكن يظهر امام اتمام الرب لبركاته لك .. هو عمل الخطية الساكنة في نظام العالم و التي كنت عبداً لها قبل قبول خلاص المسيح .. و هي تحارب احتياجات جسدك لتتسلط عليك و تعيقك عن مواعيد الرب   .. !! و الخطية ليست خللاً في طبيعتك .. لكنها عدواً لطبيعتك الجديدة ..  قصة صعبة يمكن في المستقبل  يبقى لها شرح اكتر ..  لكن بولس الرسول بيؤكد الكلام ده ..  👇📖💥   رومية ٧ .. ١٤  فَإِنَّنَا نَعْلَمُ أَنَّ النَّامُوسَ رُوحِيٌّ،  ( نحن متأكدين ان هدف قوانين الرب و كلمته هو قيادتنا للحياة .. انه نظام روحي وضعه الرب )  وَأَمَّا أَنَا فَجَسَدِيٌّ مَبِيعٌ تَحْتَ الْخَطِيَّةِ. ( و مع ذلك فهناك صراع قائم في اعماقنا .. لان جسدنا كان عبداً مستنزفاً تحت سيادة سيد قاسي هو الشرير واداته الخطية )  ١٥لأَنِّي لَسْتُ أَعْرِفُ مَا أَنَا أَفْعَلُهُ، ( و بسبب هذه الحرب نصاب بالتشويش احيانا .. فلا نعرف اين الصواب ) إِذْ لَسْتُ أَفْعَلُ مَا أُرِيدُهُ، بَلْ مَا أُبْغِضُهُ فَإِيَّاهُ أَفْعَلُ. ( احيانا ف...

 بقالى كام يوم مشغول برسالة حزقيا الملك اللى بعتها مع مرسلين منه ل اشعياء النبى .. وعمال اسأل نفسى .. لو انا كنت ملك والمدينة متحاصرة ومئات الالاف من الجنود برة .. وتعييرات رهيبة بتترمى على الشعب .. والوقت ضيق خالص .. ولازم تبعت تطلب نجدة من نبى الرب ..  ها تقول ايه .. اكيد ها تحكى عن بشاعة الموقف وعدد الالات والامكانيات اللى عند العدو او تاريخه الحربى او التلفيات اللى فى الاسوار والابواب او الجوع ونقص المخزون ..  لكنه اذهلنى لانه بعت وقال الجملتين دول بس .. !! اشعياء ٣٧ ..  ٣  فَقَالُوا لَهُ: «هَكَذَا يَقُولُ حَزَقِيَّا: هَذَا ٱلْيَوْمُ يَوْمُ شِدَّةٍ وَتَأْدِيبٍ وَإِهَانَةٍ، لِأَنَّ ٱلْأَجِنَّةَ دَنَتْ إِلَى ٱلْمَوْلِدِ وَلَا قُوَّةَ عَلَى ٱلْوِلَادَةِ.  4  لَعَلَّ ٱلرَّبَّ إِلَهَكَ يَسْمَعُ كَلَامَ رَبْشَاقَى ٱلَّذِي أَرْسَلَهُ مَلِكُ أَشُّورَ سَيِّدُهُ لِيُعَيِّرَ ٱلْإِلَهَ ٱلْحَيَّ، فَيُوَبِّخَ عَلَى ٱلْكَلَامِ ٱلَّذِي سَمِعَهُ ٱلرَّبُّ إِلَهُكَ. فَٱرْفَعْ صَلَاةً لِأَجْلِ ٱلْبَقِيَّةِ ٱلْمَوْجُودَةِ».  حزقيا بيقول كدة ل أشعياء .. بيقوله اعرض...

  في انسانة مباركة .. سألتني عن تفاصيل اكتر عن اقضية البُطْلِ .. فجاوبتها بالإجابة دي .. مع العلم ان الموضوع ده اكبر من كدة .. لكن الرب بيباركنا وبنتشارك مع بعض لمجد الرب .. 👇 اقضية البُطْلِ .. هي سلطان وحكم وقضاء اتفرض علينا .. سواء روحي او بشري .. ولاننا لجأنا للرب العادل .. بيبدأ يطلق قوته وحريته وحقه في حياتنا .. وبينزع هذا التحكم الباطل الذي هو كائن لسلبنا .. وبيعلن الرب اننا تحت حكمه هو مش هذا القضاء الباطل .. مثال روحي .. ممكن شخص يتولد في بيئة او عائلة تتبع السحر او العرافة .. ويبقى تحت سلطان كلماتهم اللي قالوها عليه حتى من قبل ما يتولد .. لكن لما بيلجأ للرب بينزع الرب اقضية اي قضاء البطل.. وممكن كلهم يكونوا بيهلكوا وبيتدمروا بحوادث واحداث غريبة الا هو .. إليه الشر والقضاء الباطل لا يقرب .. مثال بشري .. ممكن يكون الشخص اضطريته معيشته انه يبقى بيعمل لدى شخص ظالم بيحكم عليه بشكل مستمر وبيستهلكه وبيستنزفه .. ويجي يلجأ للرب .. فالرب ينزع اقضية البطل.. يعني يقود حياة الشخص ده لرفض الظلم رغم ان دي مش شخصيته اللى  ترفض .. ويفتح له الرب طرق للنمو والغنى .. ويبقى شخص نا...

 بوست مرعب .. و يحتاج الى الخضوع امام الرب .. ليتكلم الرب الى القلب لا الانسان .. 👉👉 زمان الرب ألزم جميع الاسباط انها تكرم سبط لاوي ..  لان سبط لاوي كان وظيفته يكهن .. يعني يعمل في داخل خيمة الرب او هيكله .. يعني يعبد الرب و يعلن سيادته بقلب حار بالقداسة اي التخصيص للرب .. ( سواء كان كاهن او مساعد في اعمال الهيكل او نبي او عابد او عازف عابد او رائي ) ..  يعني ما كانش سبط عاطل و الناس بتعطف عليه ..  لا خالص ده كان شغال في منطقة حرجة هما مش ها يقدروا يشتغلوا فيها  .. كل واحد في باقي الاسباط بيزرع و يمتلك و يبني و يرتاح كل يوم في بيته .. لكن لاوي لا .. لاوي بالشهور بيبقى داخل خيمة الرب و هو سعيد بكدة و مستمتع .. و الباقيين كانوا عارفين ان دوره هام .. لان من غير العبادة و المذبح اللي عليه الذبيحة للرب طول اليوم ..  اي عدو ممكن يهجم و ينتصر و اي مرض ممكن يقضي على الشعب او الارض و اي زنا يدخل و اي خراب يدخل و اي لعنات تدمر و اي سحر او إله غريب ممكن يستعبدهم  ..  دور لاوي كان حاسم ..  و لما الرب قالهم اهتموا بكل احتياجات لاوي .. ما كانش بيخلق نظام...

 من وقت ..  كان الرب بيكلمني انه بيعمل عمل لا يستطيع احد ان ينزعه .. وشوفت في روحي .. المسيح وملابسه كانت مضيئة جداً جداً جداً ..  وكان ماسك في ايده اوتاد من نور هائل .. وكان بيضربها بإيده في الارض وبيثبتها في عمق الارض ..  كانت اوتاد عملاقة جداً تصل لما فوق السحاب في ارتفاعها ..    وميزت في روحي بوضوح جداً أنهم مؤمنين في الزمن ده ..  ببص لاقيت ارواح وشياطين بيجتمعوا كفرق لمحاولة انتزاع الاوتاد المضيئة دي من الارض ..  لكنهم كانوا زي الاقزام جداً جداً جداً كأنهم بحجم حشرات على الارض .. والاوتاد كانت بإرتفاع ناطحات بالنسبة لهم ..  لن يتمكنوا ابداً من انتزاع غرس الرب .. وشوفت خريطة العالم .. وكل دولة فيها اوتاد نور كنقط مضيئة جداً .. وبدأت كل الاوتاد تطلع خطوط نور تتوصل ببعض في كل الدول .. زي خريطة مسارات الطائرات ..  وقتها شعرت براحة هائلة .. الملكوت ها يكون واضح جداً في زماننا ده .. المؤمنين في دول العالم ها يتوصلوا ببعض وده فعلا بدأ يحصل .. وها يميزوا قيمة الاتصالات دي ..  ها يعرفوا كويس قوة ومفاهيم الملكوت ووحدته .. ومجد الرب ها يب...

 لكل شخص عنده شكوك كتير و تساؤولات مازال لم يجد لها اجابات .. او خلاف مع الرب  .. الرسول بطرس بيشارك بحل واضح للي بيمروا  بالظروف دي ..  و هي ان الحل الامثل هو انكم ما تبعدوش عن كلمة الرب نفسها ..  لان الكلمة بها قوة هائلة .. مسحة و هوية روح الرب .. و ده اللي ها يخليها تزرع نور و تهاجم الظلمة اللي في اعماقكم .. لغاية ما ها تنالوا شفائكم او حل ازمتكم ..  رسالة بطرس الرسول الثانية ..  ١٩وَعِنْدَنَا الْكَلِمَةُ النَّبَوِيَّةُ، وَهِيَ أَثْبَتُ، ( ستتمكن الكلمة من الوقوف في اعماقكم .. حتى تحفظكم من هذه الحرب ) الَّتِي تَفْعَلُونَ حَسَنًا إِنِ انْتَبَهْتُمْ إِلَيْهَا، كَمَا إِلَى سِرَاجٍ مُنِيرٍ فِي مَوْضِعٍ مُظْلِمٍ، ( انه الامر الافضل ان تلجأوا للكلمة .. لانها ستضيء بدون تراجع حتى لو الظلمة في كل مكان )   إِلَى أَنْ يَنْفَجِرَ النَّهَارُ، وَيَطْلَعَ كَوْكَبُ الصُّبْحِ فِي قُلُوبِكُمْ، ( و ستستمر الكلمة فعالة الى ان يظهر المسيح بوضوح منتصرا في اعماقكم و يخلصكم و يحسم حروبكم ) ٢٠عَالِمِينَ هذَا أَوَّلاً: أَنَّ كُلَّ نُبُوَّةِ الْكِتَابِ لَيْسَتْ مِ...

  من وقت كنت بصلي و شوفت انسان متواجد لوحده وسط جزيرة ومحاط بكمية مياه رهيبة حوالين الجزيرة دى .. وكان رايح جاى يحاول فى كل اتجاه انه يلاقى طريقة يخرج بيها من هناك .. ما كانش لاقى ابدا .. وكان بييأس ويقعد مع نفسه وسط الصخور وينوح ويبكى بشكل هيستيرى ويصرخ بندم رهيب .. والرب كلمنى انه الرجل ده امكانياته كلها خلصت .. مستحيل يقدر يلاقى حل .. ومستحيل يوصل لى .. لكن انا اللى جايله بنفسى .. انا جايله بطريقة عمر ما توقعاته او امكانياته ها تتخيلها .. ولاقيت الرب مد اصبعه على المياه .. واصبعه كان بيخرج منه نور لامع رهيب .. وعمل خط مستقيم تجاه الجزيرة دى .. ولاقيت الخط ده اتحول لكوبرى قوى جدا جدا جدا .. وبدأ الرجل ده يجرى عليه بجنون وبذهول وبسرعة رهيبة .. لانه ادرك ان ده عمل معجزى ما كانش ابدا فى خياله .. فرصته الوحيدة اللى ما كانش متوقعها علشان ينجو .. والرب كان بيكلمنى انه عنده جسور وامور معجزية لاتوجد اصلا فى توقعتنا واحنا مسجونين فى حدود واقعنا .. وان الرب بإصبعه ها يعمل احداث معجزية لمنتظريه .. وها يغير امامهم الازمنة والاوقات .. هلليلويا .. انا يارب اول واحد منتظر .. اؤمن اؤمن اؤ...

 هل التسبيح و الاعتزال ممكن يقدروا يزعجوا الشرير و يحطموا قيوده بسبب ملك الرب نفسه في حياتنا ؟؟  عايز اقولك في الاول ان التقديس و القداسة هما بداية وضوح هوية الملك المرعبة للعدو في اعماقنا ..  و من ملامح التقديس و القداسة : الهتاف و الاعتزال من اجل الملك ..  خليني اشرح .. القداسة و التقديس وجه من اوجه المُلك .. يعني اول ما الملك بيمسك الحكم .. بيبدأ يغير امور كتير في حياة تابعيه الاوفياء ..  بيبدأ يخصص نفسه لأمورهم .. و يدعوهم لتخصيص نفسهم في خضوع له ..  فبيدخلوا معاً في علاقة بها جوانب متعددة .. ها تكلم النهاردة على جانبين منها هما : الهتاف و الاعتزال ..  في سفر اشعياء ٥٢ ..  إشعياء النبي بيعلن بدأ ازمنة الافتقاد الالهي لشعبه .. يعني الرب ها يبدأ يملك عليهم بمجده من جديد و يضع من مجده على ازمنتهم .. يعني ها يبقوا خاصته مقدسين له .. و ها يبدأ يصنع معهم عجائبه ..     ٦لِذلِكَ يَعْرِفُ شَعْبِيَ اسْمِي. لِذلِكَ فِي ذلِكَ الْيَوْمِ يَعْرِفُونَ أَنِّي أَنَا هُوَ الْمُتَكَلِّمُ. هأَنَذَا". ٧مَا أَجْمَلَ عَلَى الْجِبَالِ قَدَمَيِ الْمُبَشّ...

  كنت بصلي من اجل شخص عنده تحديات كتير و مش شايف اي تغيير في الاحداث .. و شوفت مشهد جميل خالص .. شوفت عود نبات او ساق نبات يشبه القصب .. بيمر عليه الزمن و شكله هو هو بدون اي تغيير او اثمار .. و فجأة جيه المسيح و وقف قدامه .. و مد ايده تجاه ساق او عود النبات ده .. و للوقت .. بدأت اوراق صغيرة تنبت من جوانب الساق دي .. اوراق لونها اخضر حاد جميلة و مليانة حياة .. و بعد شوية بدأ كل الساق يكتسي بفروع اصغر طالعة منه و تلف حواليه و اوراقه باقت كثيفة و بقى مليان حياة .. الانطباع الروحي اللي خرجت بيه .. ان المسيح قادم ليبدأ بسلطانه امور لم تكن من الممكن ان توجد لو قعدنا عشرات السنين ننتظرها .. هو ها يكون البداية العجيبة لأمور من ايده هو .. ايده هي اللي ها تطلع الاوراق .. نعم اؤمن ان الرب  مزمع ان يصنع عجائب لم نعرفها .. هو مجد الخاضعين للابد .. ونعم سطور و احداث قصتهم العجيبة .. اؤمن افتداء المسيح يغطي ازمنة اتعطلت .. و يأتي بأزمنة الرب الفائقة ..

 لكل شخص بيقول يارب انا ضعيف جداً .. ازاي ها نفذ المهام الكبيرة اللي انت عايزها ؟؟ الرب طلب من موسى مهمة مستحيلة .. فرد واحد يروح يخرج شعب من عبودية لفرعون و لأمة مجهزة جداً و جيشها رهيب .. و جواها كهنة شر و سحرة .. !! موسى .. قال .. يارب طيب ازاي ؟؟ و الرب رد عليه .. ينفع جداً لاني انا ها كون معاك ..  سفر الخروج ٣ ..  ١٠فَالآنَ هَلُمَّ فَأُرْسِلُكَ إِلَى فِرْعَوْنَ، وَتُخْرِجُ شَعْبِي بَنِي إِسْرَائِيلَ مِنْ مِصْرَ".  ١١فَقَالَ مُوسَى ِللهِ: "مَنْ أَنَا حَتَّى أَذْهَبَ إِلَى فِرْعَوْنَ، وَحَتَّى أُخْرِجَ بَنِي إِسْرَائِيلَ مِنْ مِصْرَ؟" ١٢فَقَالَ: "إِنِّي أَكُونُ مَعَكَ 🙇🏻‍♂️💥💥💥💥 الرب بنفسه ها يكون معاك و هذا كافي جداً للابد .. مجداً مجداً مجداً 🙇🏻‍♂️💥

  فى موضوع خطير وبقالى فترة نفسى اسجل عنه ومش لاقى وقت .. 🙏 ممكن الرب يوعد اشخاص بمواعيد .. وما ينالوهاش لانهم خرجوا من دايرة الخضوع له .. ؟؟!!!! الاجابة اه .. 👉 شاول الملك .. الرب اختاره علشان يحكم اسرائيل واجرى بيه تحرير للشعب من تهديد ناحاش العمونى .. والرب حط هيبة عليه والشعب كان بيخشاه لمجد الرب ..  كان ممكن يكمل كدة .. وصموئيل كان بيحبه لدرجة انه قعد ينوح عليه .. والرب قاله وقف بكاء .. انا قد رفضته ..  والسبب انه كان مستبيح فى مواقف كتير ومش خاضع لسلطان الرب .. تقديم ذبيحة بدل صموئيل .. والذهاب لعرافة ..  مواقف كتيرة فى الكتاب كدة مش ده بس ..  احذروا احذروا احذروا .. مواعيد الرب مشروطة بالخضوع للرب .. لان الرب هو الوحيد اللى يعرف يتمم مواعيده ..  وغير كدة .. لا تلوم على الرب .. او تعتبر رجاله غير امناء لما كلموك بمواعيده .. ده طبعا لو انت متأكد جدا انهم رجال الرب وقالوا كلامه ليك ..  اه موضوع خطير وجدلى جدا .. لكن برضه بشاركه بأمانة ..  ويفهمه فقط اللى اتعلم الخضوع .. لان شاول بكبريائه ما فهمش كدة .. لغاية لما روح العرافة قاله بكرة ها تكون...

 من شوية كنت بصلي .. وبقول يارب حروب كثيفة جداً عليّ وعلى مؤمنين كتير ..  فشوفت في روحي .. جندي في حرب وكان قاعد على الارض راكع و مستخبي وراء درع طويل شبه اللي بيبقى مع الامن ..  وكان بيتعرض لإطلاق نار كثيف عليه .. لدرجة ان صوت الطلقات كان زي المطر ..  وكان عمال يرج الدرع اللي في ايده من كتر قوة الطلقات ..  فكونت حاسس بمشاعره وبقول يارب مين ينقذ غيرك من الكثافة دي ..  وفجأة لاقيت ايد عملاقة من السما .. نزلت امام درع الجندي ده .. درع عملاق من الاسمنت .. ارتفاعه كأنه عمارة .. ومن ثقله اهتزت الارض كأنه زلزال ..  وفجأة انتهى صوت الطلقات .. وساد الهدوء والسكون التام .. لان الرب بنفسه ماسك درع مهول لا يمكن تخيله .. ليتم يارب قولك وحكمك وانصافك من جهة طالبيك للابد ..  نعم تأتي الرؤيا لمنتظريها .. ومنتظريها يركضون لمجد الرب .. مجداً مجداً مجداً 💥💥

 نبوة و لا توقع ايجابي ؟؟!! 🧐😭 مصيبة لما الناس يعيشوا بلا انتظار حقيقي من القلب للرب .. فبيفقدوا التمييز  ..  في فرق في العالم الروحي .. بين النبوة و التوقع ..  يعني يجي شخص يقولك عن المستقبل الروحي ليك .. و يكون كلام ايجابي و فيه تقدم و تطور و  و و و ..  فتقبل منه الكلام بلا فحص .. فتكون تحت سلطان كلماته او بركاته الزائفة ..  البعض بيتشجع و بيكمل طريق انتصارات على قوة التحفيز ده .. و ممكن دي ما تكونش خطة الرب .. و ممكن الشخص ينجح و خدمته تتسع .. لكنه ما اخدش بركات الرب .. اللي كانت ممكن تبان في حياته بوضوح وقت ما كان متضع و خاضع للرب ..  و البعض الاخر .. مش بيجد تأييد في حياته يساعده يوصل للمستوى العالي اللي الشخص صاحب التوقعات الروحية قاله .. فبييأس و يبتعد عن الرب .. لانه بيظن ان الرب اللي كلمه مش امين و لا تمم كلامه ..  او بيرفض يخضع لصوت الرب لان صوت الرب الحقيقي بيكلمه في نمط حياة اصعب و فيها تحديات ..!! مصيبة .. تحت شعار .. اعلان .. او شخص بيتنبأ ..  و للاسف في منهم بيبقى مدرك انه أداة لإبليس او مدرك انه مخادع .. و بيكمل عادي يخ...

 من وقت كنت بصلى مع شخص متألم جدا جدا .. وقصته واقعها صعب والامور متجها لوضع اسوء ..  وانا بصلى شوفت المسيح ماسك صورة تشبه ألعاب البازيل .. اللى الاطفال بيقعدوا ويركبوا قطعها المتبعثرة لغاية ما بتكمل قدامهم الصورة ..  وشوفت المسيح ماسك قطعة فى ايده وبيحطها فى الصورة .. والصورة باقت كاملة .. والرب كان بيكلمنى بصوت واضح فى روحى ..  " انا ممكن اعمل معجزة .. انا ممكن اشفى من خلال طرق كتير .. انا ممكن اخلى الاحداث ( المعجزة او الشفاء او النهاية الحاسمة ) دى اخر قطعة فى الصورة " .. !!  الكلام سمعته فى نفس الوقت اللى المسيح باصص فيه على الصورة وبيحط القطعة اللى فى ايده ..  كتير كنت بقول للرب .. ليه فى ناس كتيرة متألمة .. وفى ناس بتنتهى حياتهم فى ألم .. وفى ناس بتصنع لهم معجزة او بتوجد لهم حلول .. وكان دايما يرد على .. انه صالح وله حكمة ..  لكن المرة دى .. رد على .. رد انا حسيت انه جاوب على كل سؤال جوايا ..  اللى من بعيد عمره ما ها يعرف الفنان فى خياله ايه .. وبيرسم او ها يرسم ايه فى اللوحة ..  مش بنعرف ابدا غير لما بيخلص خالص اخر لون .. وبيوقف وبي...

 لكل شخص متألم والعدو بيهاجمه بكثافة بضربات موجعة جداً وكأنها ضربات للكسر والتدمير ..  الصبح شوفت مشهد بسيط ..  شخص منبطح على الارض وجهه للارض وبيصلي امام الرب .. ومشبك ايديه في بعض ورأسه بينهم تلامس الارض .. وكان بيصلي بتضرع وانشغال تام بالرب ..  و اثناء كدة كان في شيطان ماسك عصاية معدنية ومستمر في الضرب بحقد رهيب على ايدين العابد اللي بيصلي ..  ولاقيت الايدين بتاعته مليانة انوار هائلة .. عرفت ان الرب بيسكب مجد رهيب على العابد ده ..  و كل ما الشيطان يضرب بالعصا المعدن .. ما كانش الانسان ده بيوقف عبادة ده كان بيستمتع اكتر بالرب .. والنور المتوهج ده كان بيملى ايده اللي بتتضرب .. وما فكهومش ابداً وفضل يستمتع بالرب ..  وهنا اتقفل المشهد قدام عيون روحي .. خليك متواجد امام الرب .. اشبع بالجلوس معاه ..  لان الرب بيسكب من حضوره ومجده عليك .. لغاية لما اعدائك ها يصيبهم الخزي و نعم قوتهم ستتحطم امام مجد الرب ..  فمن يقف امام سيد الارض كلها ؟؟  مجداً م جداً مجداً 💥🙇🏻‍♂️

  لكل حد بيقدم افضل ما عنده للناس .. ومع ذلك بيبعدوا عنه .. !! المشكلة مش فيك .. المشكلة فيهم هم .. لكن عايز اقولك مش انت لوحدك اللى اجتازت هذا الامر المؤلم .. لكن المسيح ايضا يجتازه معك .. وبمجرد ادراكك لكدة .. ها يبدأ شفاءه يدخل لحياتك ..  هلليلويا .. 🙇🙇 المسيح يقدم كل محبة .. ويتعرض للترك والخيانة .. !! يوحنا ٦ .. 📖 ٦٦مِنْ هذَا الْوَقْتِ رَجَعَ كَثِيرُونَ مِنْ تَلاَمِيذِهِ إِلَى الْوَرَاءِ، وَلَمْ يَعُودُوا يَمْشُونَ مَعَهُ. ٦٧فَقَالَ يَسُوعُ لِلاثْنَيْ عَشَرَ:"أَلَعَلَّكُمْ أَنْتُمْ أَيْضًا تُرِيدُونَ أَنْ تَمْضُوا؟" ٦٨فَأَجَابَهُ سِمْعَانُ بُطْرُسُ:"يَارَبُّ، إِلَى مَنْ نَذْهَبُ؟ كَلاَمُ الْحَيَاةِ الأَبَدِيَّةِ عِنْدَكَ، ٦٩وَنَحْنُ قَدْ آمَنَّا وَعَرَفْنَا أَنَّكَ أَنْتَ الْمَسِيحُ ابْنُ اللهِ الْحَيِّ". ٧٠أَجَابَهُمْ يَسُوعُ:"أَلَيْسَ أَنِّي أَنَا اخْتَرْتُكُمْ، الاثْنَيْ عَشَرَ؟ وَوَاحِدٌ مِنْكُمْ شَيْطَانٌ!" ٧١قَالَ عَنْ يَهُوذَا سِمْعَانَ الإِسْخَرْيُوطِيِّ، لأَنَّ هذَا كَانَ مُزْمِعًا أَنْ يُسَلِّمَهُ، وَهُوَ وَاحِدٌ مِنَ الاثْنَيْ عَ...

 من وقت كنت بصلي .. شوفت مشهد بسيط خالص .. 🙇 شوفت كف ايد انسان مليانة بكمية مجوهرات صغيرة .. شكلها اكيد جذاب .. لكن ورا ايد الانسان .. ظهرت ايد عملاقة جدا جدا جدا كانت ايد الرب .. وكانت مليانة انواع من الكنوز والعطايا الفريدة والمذهلة فى شكلها .. لدرجة انها خلت ايد الانسان كأنها بهتانة وضعيفة اوى وكأن فيها حفنة من الظلط .. !! وانا شايف المشهد .. قولت لنفسى كدة .. يا باخت اللى يبص على الرب ..  ايد الانسان صغيرة اوى .. لكن ايد الرب فعلا كبيرة اوى ..  جوايا الايتين دول في مزمور ٣٧ ..   ٢٥أيضا كنت فتى وقد شخت، ولم أر صديقا تخلي عنه، ولا ذرية له تلتمس خبزا. ٢٦اليوم كله يترأف ويقرض، ونسله للبركة. ما تستناش الناس ها تخسر صدقنى جدا .. انتظر الرب واصبر له .. وهو يصير كنزك وقوتك .. امين 🙏🙇

 كنت بصلي من اجل انسانة .. و شوفت مشهد جميل خالص ..  شوفت انها لابسة تاج مليان كريستالات تشبه الالماظ و مترصع بفصوص كتير و كان من الفضة او الذهب الابيض .. في المشهد .. قولت ده مذهل حقيقي ..  و فجأة شوفت ايد الرب بتمسك التاج ده و بتنتزعه من فوق رأسها ..  و للحظة حزنت جوايا قولت ليه كدة المشهد اتحول للحزن ده ..  لكن فجأة لاقيت ايد الرب بتتوجها بتاج جديد .. و من كثرة بهاء و مجد هذا التاج .. ما قدرتش انا في الرؤيا افتكر تفاصيل و ملامح التاج السابق ..  لان التاج ده .. كان صنعة صانع محترف .. تاج من عالم السماء و ليس الارض .. تاج مزيج من الذهب بدرجات مختلفة و مرتفع و بدرجات و احجار كريمة و نقوش مرهبة تسبب فرح و بهجة فائقة ..  كان التاج ممتلىء ببهاء و مجد من الرب ..  و وقتها فهمت الرؤيا ..  ممكن نكون مذهولين بتكريمات او مجد في العالم .. و مشغولين بصراعات و امور من العالم .. لكن اول ما بننتظر الرب .. بنكتشف ان اللي كان قبل كدة كان باهت بل زي ما بيقول بولس الرسول يحتسب ك نفاية ..  لان في درجات من التعويضات و المجد لدى الرب .. يضعها على بنيه .. و ...

 لكل شخص متعرض لهجمات شديدة من العدو .. وكأن الامور بتتعطل اكتر ولن تصل بيه ابداً الى المواعيد .. و العدو بيحط موجات تدمير واضحة و اعاقة واضحة على كل منطقة في حياته الرب متكلم فيها بمواعيده ..  كنت بحكي مع صديق العدو بيحاربه بشراسة .. عن عجز هجمات ابليس مهما كانت قوتها عن اتمام تعطيل حياة المدعوين من الرب حتى لو هجماته استمرت فترة زمنية مش قليلة ببشاعة في التدمير ..  لان الرب بيحيطهم بفيض حياته وشفاءه فبيكملوا وبينالوا تنقية وكرامة اكتر وعمق شركة اكبر مع الرب .. وبرضه بينالوا المواعيد لان قلوبهم خاضعة للرب ..  و انا بقول الكلام ده ..  شوفت مشهد جميل ومفرح ..  شوفت صخرة كبيرة واقفة قدام مجرى مائي صغير .. وكانت معطلة مرور المياه .. بالعافية كمية صغير اوي بتعدي من حواليها ..  لكن فجأة شوفت شلال ضخم جداً من اعلى جبل .. بدأ يفيض جوة المجرى الصغير ده ..  و المياه بدأت تبقى قوية جدا و كثيفة خالص و سريعة الجريان .. و فجأة المياه ازاحت الصخرة دي نهائياً كأنها كورة حد بيشوطها .. و بدأت تجري وسط المياه .. لغاية لما اختفت في كثرة المياه المندفعة .. 🌊🌊 اعلن ...