المسيح يرى المكافأة الاعظم - رؤيا روحية

 كنت بصلي من اجل انسانة .. و شوفت مشهد جميل خالص .. 

شوفت انها لابسة تاج مليان كريستالات تشبه الالماظ و مترصع بفصوص كتير و كان من الفضة او الذهب الابيض ..

في المشهد .. قولت ده مذهل حقيقي .. 

و فجأة شوفت ايد الرب بتمسك التاج ده و بتنتزعه من فوق رأسها .. 

و للحظة حزنت جوايا قولت ليه كدة المشهد اتحول للحزن ده .. 

لكن فجأة لاقيت ايد الرب بتتوجها بتاج جديد .. و من كثرة بهاء و مجد هذا التاج .. ما قدرتش انا في الرؤيا افتكر تفاصيل و ملامح التاج السابق .. 

لان التاج ده .. كان صنعة صانع محترف .. تاج من عالم السماء و ليس الارض .. تاج مزيج من الذهب بدرجات مختلفة و مرتفع و بدرجات و احجار كريمة و نقوش مرهبة تسبب فرح و بهجة فائقة .. 

كان التاج ممتلىء ببهاء و مجد من الرب .. 

و وقتها فهمت الرؤيا .. 

ممكن نكون مذهولين بتكريمات او مجد في العالم .. و مشغولين بصراعات و امور من العالم ..

لكن اول ما بننتظر الرب .. بنكتشف ان اللي كان قبل كدة كان باهت بل زي ما بيقول بولس الرسول يحتسب ك نفاية .. 

لان في درجات من التعويضات و المجد لدى الرب .. يضعها على بنيه .. و لا يمكن وصفها بالكلمات .. لانها فائقة و عجيبة .. 

نعم اؤمن يارب .. انك تجازي اللذين يسألونك من قلب صادق .. 

شكرا من اجل كل فقد .. لان تعويضاتك ستكون فائقة و مجيدة ..

مجداً مجداً مجداً 🙇🏻‍♂️💥