Elohiym Image .. مقالات طويلة ..

  بخصوص السحر .. بينجح ابليس انه يقنع الناس ان السحر قوة خاصة مهدفة عليهم و انهم مش ها ينفع بسهولة يخرجوا من تحت التدمير ده .. وناس تانيين بينجح ابليس انه يخليهم مربوطين بفكرة ان كل تعطيل بيحصل لهم لابد وراه سحر مدمر .. و ان لازم حد معين هو اللي يكسر السحر ده .. و ده فعلا بيبقى حقيقي أحياناً لو الرب منح لشخص شرف انه يدخل معاك الحرب دي ويصلي ويطلب نصرة المسيح .. لكن اللي مش صح ومش حقيقي .. انك تفترض انك غرقت لو ما فيش حد يساعدك .. وتفترض ان قصتك اتحسمت في دمار لان في سحر .. اسف .. لحد هنا ووقف .. !! السحر نوع من انواع كتير للنشاط الشيطاني .. وهو مش نهاية قصتك .. وبيتلف بسهولة جداً زي باقي نشاطات ابليس بمجرد ما الشخص يطلب خلاص المسيح ويعيش متلصق بكلمة الرب بأمانة وخضوع .. بمجرد ما بتعيش وتنتمي لملكوت الرب .. بتدرك ان ابليس صغير ومعظم اسلحته قديمة اوي ومتهالكة قدام قوة الرب في ملكوته .. فبرجاء .. قبل ما تدور على حد يكسر السحر .. روح توب فعلا من قلبك امام الرب واطلب الخلاص اللي لك في المسيح .. وعيش بأمانة وخضوع للرب .. لان قوة الرب إذا دخلت حياتك فعلا .. السحر هو اللي ها يهرب من حياتك ...

  الصبح قومت من نومي على حلم بحكي فيه لحد و انا بضحك على ذكريات .. ان ازاي ايزابل تم سحقها و انتهت .. وكنت بقوله " ياهو بن نمشي " قال من معي ؟؟ و اتجمعوا ورموها برة .. ايوة " من للرب ف اليّ " .. و خلص الحلم .. قومت من نومي ادور على جملة " من للرب ف اليّ " لاقيت موسى قالها .. 👇 "وَقَفَ مُوسَى فِي بَابِ الْمَحَلَّةِ، وَقَالَ: «مَنْ لِلرَّبِّ فَإِلَيَّ». فَاجْتَمَعَ إِلَيْهِ جَمِيعُ بَنِي لاَوِي." (خروج 32: 26). في حادثة الشعب لما كان بيرقص وبيزني امام العجل اللي صنعه هارون .. وموسى كان فوق في الجبل بياخد لوحي الشريعة من الرب .. المهم بعد الجملة دي .. اجتمع إليه كل من في سبط الكهنوت لاوي .. و انطلقوا لتنقية الشعب من كل من يعبد آلهة مصر وتماثيلها .. و حصل تنقية للشعب .. و النهاردة ها نده بالايمان على ارواح امناء معايا .. ده وقت هزيمة ايزابل في زماننا ده برضه .. ايوة .. «مَنْ لِلرَّبِّ فَإِلَيَّ» .. وها يجتمع كل القاطعين عهد بأمانة امام ذبيحته .. اؤمن في وحدة يصنعها روح الرب .. تسحق جميع مكائد و ارواح ايزابل .. مجداً مجداً مجداً 🙇🏻‍♂️💥

  الصبح قومت وشوفت المشهد ده .. انا مش عارف ده حلم ولا رؤيا .. المهم .. شوفت ارض كأنها صحراء او برية .. مليانة حجارة ورمال وفاضية من اى حياة .. وفجأة المشهد بقى من بعيد .. وشوفت الارض دى عليها ناس متفرقين فى كل مكان .. وكل واحد فيهم كان مربوط فى رجليه ثقل كأنه صفيحة حديد ثقيلة اوى .. فى منهم اللى شوفته بيحاول يطلع ناحية السماء .. لكن الثقل كان بيثبته فى الارض .. لكنى شوفت ناس من كتر ما عضلاتهم باقت قوية وهما بيحاولوا يطيروا .. بدأوا فعلا يطيروا بالثقل ده .. لغاية ما وصلوا لمنطقة فى السماء .. وقع منهم الثقل .. وطاروا لغاية ما اختفوا من قدام عينى .. وشوفت برضه ناس تانيين .. كانوا ماشيين على الارض مش رافعين عيونهم للسماء .. فضلوا ماشيين .. وكل فترة الثقل بتاعهم يشدهم لتحت الارض .. ينزل بيهم شوية وهما مش حاسين .. لغاية ما بدأوا يتكيفوا مع الثقل .. وينزلوا معاه لتحت لدرجة انى شوفت منهم ناس بدأت تغوص لتحت بإرادتها كأنهم بيعوموا بس فى رمال .. وفضلوا يعوموا والثقل يدفعهم .. لغاية ما وصلوا لنقطة بقوا هما بيشدوا الثقل لتحت برغبتهم .. كانوا متشوهين فى شكلهم .. شكلهم اتغير وبقى مليان عضلات بس ...

 الصبح قومت من نومي على حلم بحكي فيه لحد و انا بضحك على ذكريات .. ان ازاي ايزابل تم سحقها و انتهت ..  وكنت بقوله " ياهو بن نمشي " قال من معي ؟؟ و اتجمعوا ورموها برة .. ايوة " من للرب ف اليّ " ..  و خلص الحلم .. قومت من نومي ادور على جملة " من للرب ف اليّ "  لاقيت موسى قالها .. 👇 "وَقَفَ مُوسَى فِي بَابِ الْمَحَلَّةِ، وَقَالَ: «مَنْ لِلرَّبِّ فَإِلَيَّ». فَاجْتَمَعَ إِلَيْهِ جَمِيعُ بَنِي لاَوِي." (خروج 32: 26). في حادثة الشعب لما كان بيرقص وبيزني امام العجل اللي صنعه هارون .. وموسى كان فوق في الجبل بياخد لوحي الشريعة من الرب .. المهم بعد الجملة دي .. اجتمع إليه كل من في سبط الكهنوت لاوي .. و انطلقوا لتنقية الشعب من كل من يعبد آلهة مصر وتماثيلها .. و حصل تنقية للشعب ..  و النهاردة ها نده بالايمان على ارواح امناء معايا .. ده وقت هزيمة ايزابل في زماننا ده برضه .. ايوة .. «مَنْ لِلرَّبِّ فَإِلَيَّ» .. وها يجتمع كل القاطعين عهد بأمانة امام ذبيحته ..  اؤمن في وحدة يصنعها روح الرب .. تسحق جميع مكائد و ارواح ايزابل ..  مجداً مجداً مجداً 🙇🏻‍♂️💥

 من كام يوم حلمت .. بحلم غريب .. حلمت ان فى كائن غريب يشبه التنين بيتمشى فى الارض .. وكان بيعرض نفسه للناس بعيون حنونة اوى وحركات بسيطة هادية ومشيته خفيفة على الارض ومخالبه مخبيها .. وشكله يبان كائن لطيف بيحب الكل .. العجيب ان الناس ما كانوش بيهربوا منه ولا شايفين حقيقته .. دول كانوا بيتغزلوا فيه ومسحورين بجماله .. وفى منهم اللى اتجمعوا يشاوروا لبعض .. ويحكوا لبعض عن جماله .. ويقولوا لبعض دى فعلا ام لنا .. دى مليانة حب ازاى كدة .. !! وانا واقف فى الحلم فى قمة الذهول مش عارف اصرخ لمين ولا لمين .. وبسأل نفسى ازاى الناس دول مصدقين المنظر ده ومفتونين بيه .. ومصدقين اللى بيقولوه .. ازاى ده فعلا تنين مدمر والشر باين فيه جدا جدا جدا .. ؟؟!! قومت من نومى .. وانا بقول للرب يا رب .. هو ها يجى وقت الناس ها يبقوا مقتنعين ان ابليس ام لهم او اب .. طب ازاى ؟؟!! لاقيت جملة واضحة فى اعماقى .. " غياب الحق يعمل كدة " .. !! يارب بصلى لا تغيب شريعتك من اعماقنا .. لكى لا ننخدع بالظلام .. ولكى لا نصدق الكذاب فى ازمنة تضليله وخداعه .. امين .. 🙏🙏

 امبارح قومت من نومي على حلم بشارك فيه شخص بكلام عن الحرب الروحية .. و قولتله .. " انا ما عرفش كل العالم الروحي .. لكني اعرف المسيح " و قومت من نومي على الجملة دي .. ايوة المسيح كافي جداً وهو كل ما نحتاج وسنحتاج للابد .. ايوة هي دي دعوتنا ان نعرفه هو وحده .. ونشترك معه في آلامه ومجد قيامته للابد .. مجداً مجداً مجداً .. 🙇🏻‍♂️💥