Elohiym Image .. مقالات طويلة ..

 اكبر مصيبة ممكن تواجهها .. واللى هى اكبر من الكرونا ومن اى كوارث اخرى متواجدة .. 👉👉👉 ان عدم غفرانك لأخوك .. قادر على انه يمنعك من مشاركة الرب الابدية .. 👉👉👉 --------------------- اللى مش عارف يغفر .. يبقى مش عارف يلتصق بالرب علشان يرمى قدامه الكراهية والانتقام اللى مازالوا جواه .. ويبقى متشوه ورافض التنازل والاتضاع قدام الرب .. روح شوف مثل العبد اللى الملك غفر له كتير او عفى عنه فى الكتير ... وهو ما رضاش يعفو عن عبد تانى كان له دين عنده .. دى قصة فى الكتاب على فكرة والمسيح هو اللى حكى عنها .. الصلاة الربانية اللى بتصليها .. المسيح بيعلم فيها تلاميذه .. واغفر لنا ذنوبنا كما نحن نغفر ايضا للمذنبين إلينا .. !! يعنى عايز يفهمهم ان قبول صلواتهم ناتج عن انهم بيغفروا .. ده شكل من اشكال الاخلاء والذبيحة .. سيدك نفسه على الصليب قدم الغفران تجاه الللى صلبوه .. !! هو مش ده الكتاب اللى فى ايدينا برضه كلنا .. ولا حلو لما كل واحد يكره اللى جنبه وما يروحش يعترف له ويفضلوا فى كراهية وكل واحد ماسك طايفة او اجتماع او خدمة او صفحة. فين القربان اللى المسيح قال سيبه على المذبح ما تقدمهوش لانك لا...

 ابليس بيجتهد دائما انه يسلب البشر من موقعهم فى داخل الحضور الالهى .. ولذلك ابليس شغال بنشاط انه يصنع اجيال .. عمياء وصماء عن ادراك الحضور الالهى .. اجيال تخطىء بدون ادراك لجمال وروعة الصورة والهوية المتواجدة لهم داخل الحضور الالهى .. اجيال تعتبر الجنس خارج اطار الزواج امر عادى جدا .. وليس زنا او دعارة او عهارة .. !! اجيال تعتبر انه من الطبيعى الاستغلال الدائم للحواس فى البحث عن المتعة .. !! ولم يدركوا انهم ذبائح حية للرب وان أعضائهم آلات للنور لا للظلام .. اجيال تعتبر الاجهاض امر طبيعيا .. وليس اماتة لإخفاء نواتج علاقات فى الظلام .. اجيال تفقد معنى العهد الذى فى الزواج .. ليصبح ورقة عرفى .. بسيطة يسهل فقدها وفقد الزواج معها فى اى وقت .. !! ابليس كائن مظلم لم يعد يدرك روعة الرب وجمال اعماله .. وكذلك الماكثون معه هم مثله .. !! ينضح عليهم بما له .. ويتنفس فيهم بقتله .. ذاك كان قتالا من البدء .. لم يثبت فى الحق .. علموا ولادكم يمسكوا الحق ويقروا فيه ويفكروا فيه .. لان هو ده اللى ممكن يكسر ابليس واعماله ..

 السر والعلن .. 🤔 العلاقة مع الله فى السر لازم بيظهر لها صدى فى العلن .. 🤔 ولذلك المسيح قال ان من ثمارهم تعرفونهم .. لان الثمار اللى فى العلن لازم ها تبين بوضوح طبيعة الجذور ومصدر تغذيتها اللى تحت الارض فى السر .. وده مقياس ناجح جدا جدا .. لانه لا يمكن لشجرة سيئة ان تنتج اثمارا صالحة .. فى اشجار بتظهر من بعيد مليانة خير .. لكن تقرب منها تتيقن بشكل واضح انها داخل لعنة .. لانها لم تثمر الصالح ولن تثمر .. يارب بصلى .. اننا نكون امناء فى سرنا امامك .. ليرى الناس اعمالنا الحسنة التى تجعلهم يرونك بوضوح ويمجدون اسمك .. امين .. 🙏🙏

 من البوابات الهامة لأعماق الانسان .. هي بوابة المشاعر .. لان لما بتتعاطف مع شخص او بتقبل تنفتح عليه .. بينفع وقتها ينقل ليك مشاعره وتوجهاته ويشاركك وتشاركه .. ده جزء من تصميم الرب لنا .. و اعتقد ده تصميمه في كل مملكته العاقلة .. وهدفه المجتمع .. فالملكوت مجتمع راقي جدا جدا جدا يسوده الرب .. لكن المصيبة ان احد بوابات المشاعر هي المواساة او التعزية .. فاللي بيواسيك او بيعزيك بتنفتح عليه بسهولة جدا .. احذر احذر احذر .. ايوب وصف وصف خطير .. معزون متعبون .. يعني ناس شكلهم الخارجي بيعزي ويواسي .. وده المفروض يشفي جزء جواك .. لكن لا ده مش بيحصل .. دول بيزودوا ألمك وتشوهك وتعبك .. و احيانا بيقودوا لزنى ونجاسة وعلاقات مريضة وكوارث ..!! انعزل عن هؤلاء فوراً علشان تستقبل من الرب تعزيته .. حتى لو ها تفضل فترة في ألمك لوحدك منتظر الرب .. ميز بالرب اثر كل علاقة وتعزية .. ليكن ايضا كلامنا بالروح و الا فلنصمت الى ان ننال كلام بالروح بالذات في اوقات التعزية .. امين .. 🙏🙏 احذر من المعذيين المتعبون .. الرب يعطنا التمييز دائماً لما نقول ولما نسمع .. 🙇🏻‍♂️🙇🏻‍♂️

 خطورة المعرفة اللى مصدرها الشيطان .. 🤔🤔 انها بتستقر فوق حياة الاشخاص وبتسيطر عليهم لانهم مش خاضعين للرب .. يعنى اللى بيقرا الابراج او بيلجأ لشخص يكلمه عن مستقبله او القرارات اللى ممكن ياخدها وتسبب النجاح والانتصار او كلمات يتم تلاوتها او اعلانها ليه وفيها انتصار وحماية وهى مش من الرب .. ده بيضع نفسه تحت سلطان مصدر هذه المعرفة او مالكها .. وممكن المالك ده يتدخل فى اى وقت ويدمر اجزاء من حياة الشخص ومؤكد ها يهلكها للابد .. لانه اصبح شريك فيها .. وكأنه بيسوق سيارة تجاه الابدية .. والراكب بجانبه هو شيطان .. اين سيذهب .. ؟؟ سيذهب لهلاك وجهته أبدية .. 😭😭

 الانسان كائن روحى .. مش مجرد جسد ونفس .. 🤔 وتجمع اى بشر بشكل منظم لازم ها يكون له تأثير روحى .. 👉 واللى معتبر ده لا ينتمى للكتاب المقدس او ده فكر غريب على الحق الكتابى .. يروح يبص على قصة برج بابل .. ويبص على احداث ما قبل الطوفان برضه .. وخيانة جزء من رجال شعب الرب مع بنات مؤاب وقصص كتير .. ولا دول من برة الكتاب ؟؟ اكيد بحب الاتزان ودايما بسعى لكدة .. لكن بزعل لما العلمانية او منطقية العصر الحديث او ايمان العالم المبالغ فيه بمصداقية التاريخ او قوة العلم والحكمة الارضية .. تستخدموها فى تدمير اجيال جديدة .. بشوية افكار فلسفية .. وتفصلوهم عن حق كتابى واحداث وحروب روحية .. هما ارادوا او لم يردوا .. جزء منها .. فكروا فى الكلام .. وروحوا ادرسوا الكتاب .. او خليكم فى نظرياتكم وافضلوا ابعدوا عن الحق .. لغاية لما تلغوا نصوص من الكتاب وتلغوا قصص او تعتبروا بعضها خيالى وتشيلوا ايات ومقاطع وفصول واسفار .. وده فعلا بقى بيحصل .. !! انتم احرار ومسئولين عن نفسكم .. انا زعلان على اجيال بتتعلم بشكل غير متزن .. ها تدمروهم كدة .. وفى الاخر ها يهربوا من الرب بسببكم .. !!

 فنيئيل ( المواجهة مع الرب ) .. تكوين ٣٢ : ٣٠ 👉👉🤔🤔 القصة دى رهيبة جدا .. ومن الظهر والرب بيفتح روحى عليها ..📖 الرب كلم يعقوب ان يتحرك من عند لابان ويتجه ل ارض ابوه اسحق .. ده كان تحدى نفسى صعب .. لان عيسو اكيد مليان غضب من كل اوقات الخداع اللى يعقوب خدعه بيها .. وممكن عيسو بغضبه يدمر يعقوب بكل ما له .. ورغم ان الليلة الصعبة دى اظهر الرب فيها ملائكته تانى ليعقوب علشان يأكد معاه انه على العهد .. الا ان وصول خبر قدوم عيسو ب ٤٠٠ رجل تجاه يعقوب سبب رعب ليعقوب .. وقسم ممتلكاته لجيشين لدرجة انه قال لو عيسو ضرب جيش يتفضل الثانى .. !! وصلى صلاة عميقة اوى تعبر عن عمق علاقته مع الرب .. وخلى الجيشين بتوعه يعبروا الوادى .. والليلة دى قعد لوحد تانى زى ما كان اول مرة بيعبر البرية دى .. ويبدو انه كان بيصلى بحرارة وبيطلب قوة الرب وعهده .. لكنه ما كانش عارف ايه الخطوة الرهيبة اللى الرب ها يعملها معاه دلوقتى .. فجأة ظهر له الرب فى شكل انسان .. ولا نعلم ايه تفاصيل النقاش بينهم .. لكننا نعرف ان يعقوب ادرك انه مش ها ينفع يسيب الرب غير لما يحصل منه على بركة .. وهنا كانت المفاجأة .. تصارع مع الرب .. ...

 لماذا يترك الناس الكنيسة ؟؟!! 😭😭 سؤال صعب جداً جداً جداً .. و له عشرات الاجابات ..  لكن واحدة منهم و هي هامة جداً وقابلتني ..  غياب احشاء الرأفة .. 👉😭 يمكن تستغرب و انت بتقرا .. وتقول بس كدة ؟؟!! اه صدقني .. !!  احشاء الرأفة اللي اتكلم عنها الرسل في العهد الجديد .. مش معناها اني اشوف حد غلبان فأقول " يا حرام ده غلبان .. او حقيقي صعب عليّ خلونا نفكر نساعده او نسلم عليه في اخر الاجتماع .. "  احشاء الرأفة .. هي ان الاعضاء جميعاً يتألموا من اجل ضرر او احتمالية فقد عضو في الجسد ..  عارف يعني ايه يتألموا .. يعني يبكوا ويتوجعوا جداً بمرارة .. ويبقوا مش قادرين يعيشوا كجسد سليم غير بشفاءه ..  يعني لو ايدك اتلسعت من الحلة او رجلك اتجرحت من خشباية صغيرة ..  كل جسدك .. كل جسدك .. كل جسدك .. بيبكي ويصوّت ويجري ويشوف علاج ويتكلم فون ويحجز لطبيب ..  مش لما عضو يتألم .. جميع الاعضاء .. تقول بصوا احنا من الاصلح نستغنى عنه .. و يوجدوا العلل اللي مش موجودة ويسببوا الاسباب اللي مش موجودة .. 😭😭 يقولوا ده مش عاجبه حاجة .. ده عايز يكون الكبير .. ده بيوجعنا ع...

 المسيح بيقول .. 👉 ان الكلمات البطالة التي لا تحمل الحق او الصدق .. والتي من الشيطان .. وتعطل عمل الرب في بنيه وملكوته .. سيكون لها حساب .. 👉 فخلي بالك من كلماتك علشان ما تكونش بطالة .. علشان الخزي ما يغطيش وجهك و انت واقف قدام إله .. الحق والعدل قاعدة كرسيه .. 😭 متى ١٢ : ٣٦ وَلكِنْ أَقُولُ لَكُمْ: إِنَّ كُلَّ كَلِمَةٍ بَطَّالَةٍ يَتَكَلَّمُ بِهَا النَّاسُ سَوْفَ يُعْطُونَ عَنْهَا حِسَابًا يَوْمَ الدِّينِ.

 رسالة هامة للجميع .. 👉 ملكوت الرب .. مش متعارض ولا منقسم على ذاته ..  الراعي .. بيرعي لمجد الرب شعب ينمو في معرفة الرب الاختبارية وينمو في الحق والايمان وعطايا الروح ..  اما العابد .. فهو يعبد الرب لفترات طويلة بلا اكتفاء بصلوات واصوام وتضرعات ولجاجة الروح وألسنته واعلاناته .. هذه هي دعوته ولهذا قد خلقه الرب .. و وجوده ضرورة في الملكوت .. لانه يحارب بقوة الرب وتكليفه لإعلان سيادة الرب وملكه .. وبسبب تضرعاته .. يستجيب الرب .. ويملك بمجد .. فينهزم الاعداء .. فتسقوط قيود عن الكثيرين ..  فيأتي هؤلاء الكثيرين من جديد الى الراعي .. ليرعاهم بأمانة الرب .. فينمو شعب الرب ويمتد الملكوت ..  بإختصار احنا مش في منافسة .. احنا في ملكوت .. و كل حد فينا بيكمل التاني .. وبينفذ مهمته و دعوته بنجاح ..  فأمين ندعم بعض في وقت الرب .. ولا نكون منقسمين لان ملكوت الرب إلهنا واحد ..  واللي ها يدعو لتفريق هذا الملكوت .. سيعزله الملك .. 🙇🏻‍♂️

 بوست محزن جداً .. بس معلش نتعلم صح من كلمة الرب .. علشان نرث ازمنة الرب لنا و ما نخسرش و احنا مخدوعين وبنلومه ..  تاني بقول بشكل واضح .. وعود الرب مشروطة بخضوعك له ..  يعني لو ما باقتش خاضع ورفضت فكر الرب تجاهك ها تكون بتخسر تحقيق مواعيده .. 😭 ارميا ١٨ ..   ٧تَارَةً أَتَكَلَّمُ عَلَى أُمَّةٍ وَعَلَى مَمْلَكَةٍ بِالْقَلْعِ وَالْهَدْمِ وَالإِهْلاَكِ، 👉 ٨فَتَرْجعُ تِلْكَ الأُمَّةُ الَّتِي تَكَلَّمْتُ عَلَيْهَا عَنْ شَرِّهَا،  فَأَنْدَمُ عَنِ الشَّرِّ الَّذِي قَصَدْتُ أَنْ أَصْنَعَهُ بِهَا.  ٩وَتَارَةً أَتَكَلَّمُ عَلَى أُمَّةٍ وَعَلَى مَمْلَكَةٍ بِالْبِنَاءِ وَالْغَرْسِ، 👉 ١٠فَتَفْعَلُ الشَّرَّ فِي عَيْنَيَّ، فَلاَ تَسْمَعُ لِصَوْتِي،  فَأَنْدَمُ عَنِ الْخَيْرِ الَّذِي قُلْتُ إِنِّي أُحْسِنُ إِلَيْهَا بِهِ. بنخضع يارب حتى لو الخضوع ده كان مُكلِّف جداً وضد التيار .. 🙇🏻‍♂️🙇🏻‍♂️

 بوست محزن جداً .. وعود الرب مشروطة ..  اللي مش بيخضع للرب بيفقد ازمنته .. 😭 بكى المسيح على اورشليم .. كان لها مواعيد من الرب وما اتمسكتش بيها ..  فخلصت قصتها .. 😭 متى ٢٣ : ٣٧ "يَا أُورُشَلِيمُ، يَا أُورُشَلِيمُ! يَا قَاتِلَةَ الأَنْبِيَاءِ وَرَاجِمَةَ الْمُرْسَلِينَ إِلَيْهَا، كَمْ مَرَّةٍ أَرَدْتُ أَنْ أَجْمَعَ أَوْلاَدَكِ كَمَا تَجْمَعُ الدَّجَاجَةُ فِرَاخَهَا تَحْتَ جَنَاحَيْهَا، وَلَمْ تُرِيدُوا! ..  هُوَذَا بَيْتُكُمْ يُتْرَكُ لَكُمْ خَرَابًا 😭😭

  الصبح كنت قاعد بفكر فى " ميخائيل " .. الملاك الجبار المحارب .. اللى وقف امام ابليس وملك مملكة فارس الشيطانى .. ويعتبر حارس لشعب الله .. واللى معنى اسمه " من مثل الرب " .. لكن اول مرة اشوف اسمه بزاوية جديدة .. الملاك ده من كتر اتضاعه امام الله وطاعته .. وقبوله انه ما يكونش فى مجد لنفسه زى ابليس .. الله طبع عليه انوار اعلان إلهى .. تخلى كل اللى يشوفه فى السماويات .. يعلن مباشرة .. ويوصل له اعلان واضح مغير ومخيف ومقدس .. اعلان " من مثل الله " .. 🔥🔥 يارب ادينا نتخلى عن مجد ذاتنا .. لكى يدعى اسمك علينا .. وننال اسم من طبيعتك فى اعماقنا .. هلليلويا .. 🔥🔥 رؤيا يوحنا ٢ : ١٧ مَنْ لَهُ أُذُنٌ فَلْيَسْمَعْ مَا يَقُولُهُ الرُّوحُ لِلْكَنَائِسِ. مَنْ يَغْلِبُ فَسَأُعْطِيهِ أَنْ يَأْكُلَ مِنَ الْمَنِّ الْمُخْفَى، وَأُعْطِيهِ حَصَاةً بَيْضَاءَ، وَعَلَى الْحَصَاةِ اسْمٌ جَدِيدٌ مَكْتُوبٌ لاَ يَعْرِفُهُ أَحَدٌ غَيْرُ الَّذِي يَأْخُذُ". 👉👉💪💪

    لا يمكن ان تنمو وتستقر علاقتك مع الله بدون الايمان فى شخصه وقدرته .. العبرانيين ١١ : ٦ وَلكِنْ بِدُونِ إِيمَانٍ لاَ يُمْكِنُ إِرْضَاؤُهُ، لأَنَّهُ يَجِبُ أَنَّ الَّذِي يَأْتِي إِلَى اللهِ يُؤْمِنُ بِأَنَّهُ مَوْجُودٌ، وَأَنَّهُ يُجَازِي الَّذِينَ يَطْلُبُونَهُ. 🔥🔥 والايمان ده مش ها يزيد وينمو غير لو صدقت كلام الله واتعمقت فى كلمته واعلانه وفكره المليان بحقه وسلطانه .. رومية ١٠ : ١٧ إِذًا الإِيمَانُ بِالْخَبَرِ، وَالْخَبَرُ بِكَلِمَةِ اللهِ. يارب املانا بالايمان فيك وبالعمق فى كلمتك .. لان هما دول اللغة اللى بيها نقدر نتواصل معاك وننمى علاقتنا بيك ونمشى ملايين الطرق المعجزية معا .. 🔥🔥 Oct 13, 2019 12:30:29am

  الاعمى لا يقدر ان يقود اعمى .. لانه لابد وسيسقط الاثنان فى حفرة .. المسيح بيقول .. متى ١٥ : ١٤ اُتْرُكُوهُمْ. هُمْ عُمْيَانٌ قَادَةُ عُمْيَانٍ. وَإِنْ كَانَ أَعْمَى يَقُودُ أَعْمَى يَسْقُطَانِ كِلاَهُمَا فِي حُفْرَةٍ". 👉👉 والعالم برضه اعمى عن ادراك الله .. ولا يمكن لمبادئه ونظرياته وقوانينه واخلاقه ان تقود الانسان الى الحياة الابدية .. لان إله هذا الظهر اى ابليس اعمى اذهان غير المؤمنين .. كورنثوس الثانية ٤ : ٤ الَّذِينَ فِيهِمْ إِلهُ هذَا الدَّهْرِ قَدْ أَعْمَى أَذْهَانَ غَيْرِ الْمُؤْمِنِينَ، لِئَلاَّ تُضِيءَ لَهُمْ إِنَارَةُ إِنْجِيلِ مَجْدِ الْمَسِيحِ، الَّذِي هُوَ صُورَةُ اللهِ. 👉👉 المسيح هو الطريق والحق والحياة .. وليس احد يأتى الى الاب الا بتبعية المسيح .. يوحنا ١٤ : ٦ "قَالَ لَهُ يَسُوعُ: أَنَا هُوَ الطَّرِيقُ وَالْحَقُّ وَالْحَيَاةُ. لَيْسَ أَحَدٌ يَأْتِي إِلَى الآبِ إِلاَّ بِي." 👉👉 يارب افتح عيوننا فى هذا الصباح على كنز تبعيتك انت وحدك .. نتبعك ونمتلىء من معرفتك ونفتح لك ابوابنا فتطلقنا وتحررنا .. Oct 12, 2019 12:28:17am

    الرسول بولس بيشارك اهل كورنثوس بالكلام ده .. دى آية مهولة ينفع ببساطة تتوجه للناس اللى شايفين ان ملكوت الله بيمتد بالكلام فقط وان مواهب واعمال الروح القدس توقفت .. للاسف مش ها ينفع يمتد الملكوت بالكلام فقط .. لان فيه عالم روحى وحروب .. ولازم يستعلن الروح القدس بقوته ومسحته بإظهارات مختلفة جوة الكنيسة .. اظهارات القوة التى ترافق الكلام وتؤيده .. مرقس ١٦ : ١٧ وَهذِهِ الآيَاتُ تَتْبَعُ الْمُؤْمِنِينَ: يُخْرِجُونَ الشَّيَاطِينَ بِاسْمِي، وَيَتَكَلَّمُونَ بِأَلْسِنَةٍ جَدِيدَةٍ. 🔥🔥 كورنثوس الاولى ١٤ : ١ اِتْبَعُوا الْمَحَبَّةَ، وَلكِنْ جِدُّوا لِلْمَوَاهِبِ الرُّوحِيَّةِ، وَبِالأَوْلَى أَنْ تَتَنَبَّأُوا. 🔥🔥 Oct 11, 2019 2:50:22pm

  معاينة حضور الرب غير مقصورة على اماكن او اشخاص مهما كان جمالهم الخارجى او مركزهم .. لكنه متاح فقط للقلوب النقية .. 👉👉🔥🔥🔥 متى ٥ : ٨ طُوبَى لِلأَنْقِيَاءِ الْقَلْبِ، لأَنَّهُمْ يُعَايِنُونَ اللهَ. 🔥🔥 والنقاء يأتى بالامتلاء بكلمة الله وفكره .. يوحنا ١٥ : ٣ أَنْتُمُ الآنَ أَنْقِيَاءُ لِسَبَبِ الْكَلاَمِ الَّذِي كَلَّمْتُكُمْ بِهِ. 🙏🙏 Oct 10, 2019 11:39:52am

  اشكر الرب فى هذا الصباح .. من اجل خططتك التى لم تكتمل ولم تتحقق .. لان الذى لم يتحقق منها لم يكن ابدا يتناسب مع الحياة والمجد اللذان لك فيه .. شكرا يارب من اجل كل فواصل اوجدتها بيننا وبين كل ما كنا نتصور انه يناسبنا .. شكرا لانك تحفظنا مما لا نعلم خطورته .. اشكر الرب فى هذا الصباح .. من اجل خططتك التى لم تكتمل ولم تتحقق .. لان الذى لم يتحقق منها لم يكن ابدا يتناسب مع الحياة والمجد اللذان لك فيه .. شكرا يارب من اجل كل فواصل اوجدتها بيننا وبين كل ما كنا نتصور انه يناسبنا .. شكرا لانك تحفظنا مما لا نعلم خطورته . Oct 08, 2019 10:08:30am

  رؤيا يوحنا ١ : ١٧ و ١٨ .. 🔥🔥🔥 فَلَمَّا رَأَيْتُهُ سَقَطْتُ عِنْدَ رِجْلَيْهِ كَمَيِّتٍ، فَوَضَعَ يَدَهُ الْيُمْنَى عَلَيَّ قَائِلاً لِي: "لاَ تَخَفْ، أَنَا هُوَ الأَوَّلُ وَالآخِرُ، وَالْحَيُّ. وَكُنْتُ مَيْتًا، وَهَا أَنَا حَيٌّ إِلَى أَبَدِ الآبِدِينَ! آمِينَ. وَلِي مَفَاتِيحُ الْهَاوِيَةِ وَالْمَوْتِ. 💪💪 ببص فى النص الاصلى على عبارة " لى مفاتيح الهاوية والموت " .. ولقيتها معناها امتلك هذا السلطان بشكل نهائى لانه مرتبط بطبيعتى الحالية .. اى ان هذا السلطان اصبح لى لانى كنت ميتا وها انا حى الى ابد الابدين .. وجاية بمعنى ممتلك شخصى معروف ملكيته ومسجل انه للمالك .. يعنى بقوانين محكمة هو من حقه .. وجاية بمعنى امتلكه ملكية مطلقة كما عقلك الذى تولد بيه .. فهو ملك لك بشكل تام .. هلليلويا .. لم يعد للموت سلطان علينا .. لم تعد الهاوية تستطيع ان تبتلعنا .. لان المفاتيح والملكية صارت مع مخلصنا .. ومن ينال فيه الخلاص لن يهلك ولن يموت الى ابد الابدين .. هلليلوياااااا 🔥🔥🔥⁦💪💪💪 Oct 07, 2019 5:56:01pm

    العبرانيين ١١ " ١٧بِالإِيمَانِ قَدَّمَ إِبْرَاهِيمُ إِسْحَاقَ وَهُوَ مُجَرَّبٌ. قَدَّمَ الَّذِي قَبِلَ الْمَوَاعِيدَ، وَحِيدَهُ ١٨الَّذِي قِيلَ لَهُ:"إِنَّهُ بِإِسْحَاقَ يُدْعَى لَكَ نَسْلٌ". ١٩إِذْ حَسِبَ أَنَّ اللهَ قَادِرٌ عَلَى الإِقَامَةِ مِنَ الأَمْوَاتِ أَيْضًا، الَّذِينَ مِنْهُمْ أَخَذَهُ أَيْضًا فِي مِثَال. " الايمان هو الوحيد اللى به نقدر يكون لنا سيرة فى السماويات .. فيلبى ٣ : ٢٠ فَإِنَّ سِيرَتَنَا نَحْنُ هِيَ فِي السَّمَاوَاتِ، الَّتِي مِنْهَا أَيْضًا نَنْتَظِرُ مُخَلِّصًا هُوَ الرَّبُّ يَسُوعُ الْمَسِيحُ . العبرانيين ١٣ : ٧ اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ. العبرانيين ١٢ : ١ و ٢ لِذلِكَ نَحْنُ أَيْضًا إِذْ لَنَا سَحَابَةٌ مِنَ الشُّهُودِ مِقْدَارُ هذِهِ مُحِيطَةٌ بِنَا، لِنَطْرَحْ كُلَّ ثِقْل، وَالْخَطِيَّةَ الْمُحِيطَةَ بِنَا بِسُهُولَةٍ، وَلْنُحَاضِرْ بِالصَّبْرِ فِي الْجِهَادِ الْمَوْضُوعِ أَمَامَنَا ٢نَاظِرِينَ إِلَى رَئِيسِ الإِيمَانِ وَمُكَمِّل...