Elohiym Image .. مقالات طويلة ..

 يا ابراهيم .. سير امامى فى البرية المؤلمة لانى اريد ان اجعلك كاملاً .. واحيطك ببركاتى ونسلك كرمل البحر معى ..  ولا تجلس فى بيت ابيك ارض راحته لانها ستجعلك ابرام الجالس وحده .. !!

 يا داود .. عايز تبقى حبيبنا .. خليك راعي لشوية غنمات .. !!  لا دي مش محبة يا داود .. !!  ارفض اليافطة اللي ها تموتك .. و اخضع للرب و لمسحته ..  انت لن ترعى فقط بعض الغنمات .. انت سترعى شعب الرب اسرائيل .. مجداً مجداً مجداً 🙇🏻‍♂️💥

 يا موسى .. سوف يقف البحر امامك بكل قوته .. وسيخرج خلفك فرعون بجيشه ..  وهناك ستبدأ انت حريتك وستنتهى قصة عبودية شعبك .. سيكسر إلهك اعدائك وهم فى اقصى مجدهم وقوتهم ..  هناك سترى القدير .. نعم معجزاته قادمة فى الافق .. لان اسمه " عجيب " .. هلليلويا 💪💪

 يا ابراهيم .. انى مخرجك من دوائر راحتك التى تحجب استعلان مجدى امامك .. 👉 نعم اخرجك من بيت ابيك وصخبه الى البرية .. وهناك ترى مواعيدى ونسلك يكون كنجوم السماء فى الكثرة ..  وهناك فى البرية اباركك .. لان الذى فاعله انا معك رهيب .. 👏👏

 يا يوسف .. إلهك ها يحول الشر الى خير لك .. 🤔 وحتى لو كنت داخل جدران سجون مصر بلا عون .. 👉 سيخرجك بمجد لتملك فى ارض عبوديتك .. 💪 لانك تعبد الرب وحده .. وهو إله امين .. هلليلويا 💪

 لكل شخص الرب بيوكله على الصلاة والصوم من اجل شريك او صديق او ابن او ابنة او اب او ام او عدو .. و مازالوا في انفصال عن الرب و شر  .. لا تتوقع مقابلة محبتك بمحبة .. للاسف سوف تواجه ردود افعال مؤذية لكيانك بسبب قوة التشوه والموت التي تحيط بهم .. لكن لا تتراجع فقوة الرب فيك تنتصر  و ما تراه هو محاولة من مقاومة شر متألم في هزيمة وتقهقر  ..  👉 كمل و انتصر كما المسيح .. و ستفرح بهم للابد ..  نعم المحبة تنتصر .. مجداً مجداً مجداً 🙇🏻‍♂️💥❤️ لانه ونحن بعد خطاة .. مات المسيح من اجلنا .. المحبة تحتمل كثرة الاخطاء والاهانات .. وتضحي كما المسيح لان غايتها الشفاء والحياة  ..

 لكل شخص .. حاسس ان ابليس نجح يبني فخاخ وحصار حوالين حياته .. بأمور بتعيقه وبتمنعه عن دعوة الرب .. ايوة ابليس بينجح أحياناً يبني حصون وينصب فخاخ حوالين حياتنا .. لكن ما تخافش المسيح بنفسه ها يجي يحطم كل ما بناه الشيطان .. لان دي مهمته اللي هو اختارها من الاول .. انه يخلصك .. هلليلويا .. يوحنا الاولى ٣ : ٨ لأَجْلِ هذَا أُظْهِرَ ابْنُ اللهِ لِكَيْ يَنْقُضَ ( يحطم ويدمر ويهدم ) أَعْمَالَ إِبْلِيسَ. 💥💥💥

 يا ابرام .. انت خارج مع الرب لوحدك وها تسيب عيلتك .. اوعى تخاف .. الامم كلها مش ها تقدر تقرض وتدمر وجودك واسمك .. لان الرب إلهك السائر معك .. سيجعلك ابراهيم اب لجمهور كثير وسيجعل نسلك كنجوم السماء .. بل بسبب ايمانك هذا ستغطي الامم بركات في نسلك اي المسيح .. هلليلويا 💥

 يا ابراهيم اخرج من دواير راحتك حيث تسكن فى بيت ابيك حيث "نانار إله القمر " يعبدون .. 🤔🤔 وتعالى للبرية الصعبة لأنى هناك اقابلك وتعاين مجدى .. واعين لك مقر رجلك لتسكن بخيمتك امام وجهى .. 👉👉

    كمل يا ايليا امام الرب .. لان نار الروح على مذبحك .. ها ترعب ابليس وروح ايزابل وكل انبياء البعل .. 🔥🔥

 لكل شخص مميز ان الرب لن يطفىء الفتيلة المدخنة .. صلواتنا من اجل العلاقات المريضة من اهم الادوار اللي بنعملها .. لانها بتطلق قوة إلهنا للشفاء .. نعم الرب يبني و لايهدم .. و يصهر و لا يفصل .. الرب خصم للشرير الى الابد .. اما طالبي وجهه فيكون معهم و يريهم عجائب مجده ..

 يا صموئيل .. انت قلبك حساس جداً و بتنوح على شاول  .. و مش عايزه يبقى بعيد عن المسحة و عنك  .. لكن لا تستمر مستنزف في الحزن على شاول .. شاول لم يعد في طريقك .. شاول امتلىء من الكبرياء و الظلام  .. شاول سيأمر بقتل كهنة و سيتبع عرافين و سيقتل نفسه .. الرب يعطنا ابصار .. لكي لا يعيقنا شاول في طرقه .. !!

  مازال رد المسيح  هو افضل اجابة لكل شخص ابليس بيحاصره بأكاذيب انه بيهلك لوحده وسط الضغوط وان فات حقه إله .. ⁦❤️⁩⁦❤️⁩ يسوع المسيح فعلا كلامه ينبع الى حياة ابدية لانه من عند الاب خرج .. ومن يسمع صوته ويقبله لن يموت الى الابد .. ولن يهلك فى تعييرات الظلام .. هلليلويا .. 💪💪 نعم يارب كل ما تصنعه فى حياتنا هو كامل وبحكمة .. وسنفهم فيما بعد كم كان لخيرنا فى ملكوتك .. افتح عيوننا لنرى اكاذيب ابليس وتبطل شباكه امامنا فى اسم يسوع .. 🙏🙏

 من شوية كنت قاعد اصلى .. وشاعر بضغط وفزع الاحداث علينا كلنا .. واضطراب جاى لغربلة الناس .. ولإسقاط معتقدات ولرجف اوثان .. كنت بقرا فى مزمور ٧٩ .. واتفاجأت بالاية دى .. آساف بيقول للرب .. ليكون انين ووجع التنهد والصمت والاعياء الشديد .. للمأسورين والمسجونين .. واضح قدامك كمن يقف امامك لتفحص قضيته .. حتى لو صوتهم مش طالع من جواهم من كتر الوجع .. وحتى لو بتحاوطهم حوائط واسوار سجون ودوشة جنود .. سواء ماديا او روحيا .. انت سامعهم وشايفهم بوضوح وها تقضى لهم .. هلليلويا 💪🔥  الجزء الاشد واللى صدمنى جدا .. كعظمة قدرتك استبقى بنى الموت .. جاية فى الاصل .. البنين الذين تم تعيينهم للموت .. او صدر عليهم قرار بالاعدام او بإنهاء حياتهم .. سواء بجوع او بعطش او بمرض او بقتل او بتعذيب .. سواء ماديا او روحيا برضه .. انت يارب عندك عظمة قدرة تقدر توصل لهم وتحطم قوة الموت امامهم .. لا يموتوا بسبب ذراعك وعظمة قدرتك  .. هلليلويا 💪🔥 اللى يتعلق بالرب ينجو .. واللى بيتنهد بوجع الرب سامعه وقادم ليخلصه .. واللى بتذكروهم أمام الرب لن يموتوا .. هلليلويا 🔥🔥

 لكل شخص بيتحارب .. والعدو بنشاط وبكذب بيصيح امامه ليرعبه انه ها ينهزم .. 👉 لا .. دي كذبة .. من زمان الرب قالي .. لا توجد ازمنة لإنتصار الشياطين في حياتي التي يملك هو عليها .. الرب مش بينهزم ابداً .. و اقولك على حاجة كمان .. ده الرب بنفسه مش مستنيهم يجوا يهجموا علشان هو يدافع عني .. لا .. ده هو اللي بيشن هجمات عليهم بشكل مستمر من خلال حياتي وبيرعبهم .. نعم الرب مقرر ان له حرب مع عماليق من دور الى دور يعني من زمن ل زمن .. لغاية لما ها يمحي اسمهم من تحت شمسه للابد .. الخروج ١٧ : ١٤ فَقَالَ الرَّبُّ لِمُوسَى: "اكْتُبْ هذَا تَذْكَارًا فِي الْكِتَابِ، وَضَعْهُ فِي مَسَامِعِ يَشُوعَ. فَإِنِّي سَوْفَ أَمْحُو ذِكْرَ عَمَالِيقَ مِنْ تَحْتِ السَّمَاءِ". الخروج ١٧ : ١٦ وَقَالَ: "إِنَّ الْيَدَ عَلَى كُرْسِيِّ الرَّبِّ. لِلرَّبِّ حَرْبٌ مَعَ عَمَالِيقَ مِنْ دَوْرٍ إِلَى دَوْرٍ". مجداً مجداً مجداً 🙇🏻‍♂️💥

 يا موسى .. انت رضيع ضعيف في سلة بتحركها مياه .. لا اهلك معاك ولا ليك اسم  ولا تقدر تنقذ نفسك .. لكن اللي خلقك عارفك بإسمك ومجهز كل حاجة .. تموت ازاي .. ده السيد الرب بنفسه .. اوجدك لوقت مثل هذا .. ها تعيش وها تقود شعب كبير .. وها يبقى اسمك " المُنْتَشَلُ من الماء "  لان ايد الرب انتشلتك قبل ايد المصريين .. انت خاص بالرب مش بالمصريين .. مجداً مجداً مجداً 💥💥💥

 يا يوسف  .. مش ها تعيش طول عمرك متعذب ومتشوه من ذكريات اخوتك اللي رموك في بئر و اخدوك منه و رموك عبد للمجهول لشعب انت لم تعرف لغته ..  بيقتلوا نفسك و انت عايش  .. لكن لا القصة ما انتهتش .. إلهك ها يحتضنك بشفاء هائل  .. و السجن وتشويه مش ها ينتصروا على محبة وحصار إلهك .. من هناك تخرج لتملك على مصر وعلى كل بيت ابيك .. الرب يرسل التعضيدات من اجلك .. احلام الرب في اعماقك تتم وتدابيره تثبت .. نعم افرايم و منسى لابد ان يأتوا .. الاثمار والشفاء من الالم .. بسبب الضامن .. نعم إلهك حي معك في مصر .. مجداً مجداً مجداً 🙇🏻‍♂️💥

 لكل شخص بيتعرض لظلم ورفض يرد الشر ب شر زيه من اجل الرب .. جايلك اللي القضاء جواه .. وها ينقي حياتك وسط الظلم ده علشان تكون شريك لمجده .. وبرضه ها يعرف ياخد حقك من اعدائك بنار قضاءه ..  متى ٣ : ١٢ الَّذِي رَفْشُهُ فِي يَدِهِ، وَسَيُنَقِّي بَيْدَرَهُ، 👉 وَيَجْمَعُ قَمْحَهُ إِلَى الْمَخْزَنِ، 👉 وَأَمَّا التِّبْنُ فَيُحْرِقُهُ بِنَارٍ لاَ تُطْفَأُ". 🔥 ابدا مش غفلان الرب .. الى حين .. ويظهر قضاءه .. هلليلويا 💥💥💥

 لكل شخص خدمته بسيطة وغير ظاهرة .. ابسط خدمة بتعملها و انت مدعو لها من الرب وخاضع .. بتكون مؤثرة جداً جداً جداً في ملكوت الرب .. من فترة في اشخاص كتبوا ان اللي بيخدموا على الانترنت دول في واقع افتراضي و ما يفتكروش نفسهم بيعملوا انجاز  .. او بيسخروا دعوة الرب لمصالحهم او لمجدهم .. !! خلوني اقولكم اللي بيخدم على الانترنت خدمة حقيقية بيواجه ايه  .. ؟!! اولاً .. ما حدش بيدعمه مالياً بشكل مباشر  زي حضرتك يا اللي بتقف على منبر و الناس بتشوفك و بتقرر تدعمك او ملزمة تجامل مشاركتك لهم .. او بيكون لك راتب من هيئة او نظام معين انت تابع له .. فاللي بيخدم على الانترنت بيواجه ظروف اصعب منك بكتير وقد يكون بيشتغل ساعات طويلة علشان يدخل ربع دخلك لبيته وحياته وبرضه بيخدم الرب بفرح واستمتاع ربما اكتر منك .. ثانياً .. ما حدش بيدعمه كتير نفسياً .. يعني ما فيش حواليه مجموعة من الناس فرحانين وبيصقفوا له او معاه و لا بيتصور كتير معاه  .. و لا بيتصور لايڤ او فيديوهات على منابر .. بل كل اللي بيقتربوا منه .. هما فعلاً اناس محتاجين الرب وعندهم مشاكل رهيبة وقيود اتفرضت على حياتهم من الظلمة ...

 لكل شخص بيتعرض لظلم ..  اه في ظلم في العالم و العالم لن يكون فيه عدلاً لان رئيس هذا العالم شرير .. لكن تعالى اليوم بقضيتك الى يهوه .. لانه قاضي عادل .. و لن يجعل نهاية قصتك كنهاية قصة الاثيم .. لا تجلس وحدك في يأس .. بل اتجه للرب .. الرب عنده تعويضات ومفاجآت .. و من نقاء حكمه ترتعب الشياطين في حقد للابد .. التكوين ١٨ : ٢٥ حَاشَا لَكَ ( موسى بيقول للرب .. لانه لا يمكنك ان تكون هكذا يارب ) أَنْ تَفْعَلَ مِثْلَ هذَا الأَمْرِ، ( انت لا تستطيع ان تشترك في الظلم بموافقة ) أَنْ تُمِيتَ الْبَارَّ مَعَ الأَثِيمِ، فَيَكُونُ الْبَارُّ كَالأَثِيمِ.  ( لن تقبل ان تكون نهاية البار كالاثيم ) حَاشَا لَكَ!  ( لن تفعل هذا ابداً ) أَدَيَّانُ كُلِّ الأَرْضِ لاَ يَصْنَعُ عَدْلاً؟" ( لانه مستحيل ان يكون القاضي الحقيقي لكل الارض وقوانينها غير مدرك للعدل) مذهل يا ابرهيم كعادتك .. مرافعة بالروح .. الرب ها ينصفنا سريعاً لن تكون نهايتنا كالاثيم .. مجداً مجداً مجداً 🙇🏻‍♂️💥