Elohiym Image .. مقالات طويلة ..

 من شوية كنت قاعد اصلى .. لان حروب ابليس كثيفة ومازال بيضغطنى فى اجزاء من حياتى .. لكنى شوفت مشهد واضح جوايا .. شوفت راجل عبد لسيد قاسى .. شوفت السيد القاسى عمال يجلده  .. وهو كان متألم جدا بسبب جلدات السيد المستمرة .. المهم بعد شوية الرجل ده بقى اب وعنده طفل .. لاقيته هو وطفله بيتجلدوا من السيد القاسى .. يعنى الابن بقى عبد زى ابوه .. وكان الرب بيقولى .. ابليس بيكذب عليك انه اقوى وانه سيد ولازم تتجلد منه .. انت مش عبد .. لانك ابنى .. وانا عمرى ما كنت عبد .. !! ابوك قوى اوى وما فيش حد يقدر يسود عليه .. !! اول ما سمعت الكلمات دى فى روحى .. اتصدمت من قوة الاعلان .. انا كتير دورت فى موضوع بنوتنا للرب .. وابوته لنا .. لكن عمرى ما شوفتها بالقوة والوضوح ده .. احنا ما ينفعش نكون عبيد لإبليس .. لاننا وارثين جينات ابونا .. وابونا ملك .. هلليلويا 🔥🔥💪💪

 هذا هو إلهنا .. 🙇🏻‍♂️💥 دانيال ٢ : ٢١ وَهُوَ يُغَيِّرُ الأَوْقَاتَ وَالأَزْمِنَةَ. ( لديه القدرة على تغيير كل ما يتصور البشر انه ثابت ) يَعْزِلُ مُلُوكًا وَيُنَصِّبُ مُلُوكًا. ( و يزيل سلطان اي كيان يقف امام قراراته مهم كانت قوته في الظلام ) يُعْطِي الْحُكَمَاءَ حِكْمَةً، ( يستطيع ان يعطي بنيه حكمة يعجز عن فهمها او مواجهتها بني الشرير ) وَيُعَلِّمُ الْعَارِفِينَ فَهْمًا. ( و كل من يتواجد امامه بخضوع سيمتلىء بفهم واضح يسحق جهل الشرير ) و لإلهنا كل المجد من الازل الى دهر الدهور و الابد .. 🙇🏻‍♂️💥

 مش دايما اللى ماشيين مع الله بيبقوا فى قمة الراحة .. !! الراحة مش بتعمل تغيير عميق فى الخامات .. لكن الالم هو اللى بيعمل كدة .. والله بيبحث عن تغييرات عميقة فينا وثابتة وتستمر للابد .. لانه ها يخلينا نعيش معاه فى محضره للابد .. لو جربت تجيب قطعة طين وتسيبها مرتاحة فى مكانها .. ها تلاقيها بعد فترة ناشفة بنفس شكلها .. متشققة ومالهاش اى قيمة ولا ملفتة للانتباه .. . لكن لو جيبتها وعرضتها للضغط شديد واتعجنت كويس .. واتشالت منها الشوايب .. ولفت جوة ماكينة وضغطتها صوابع فخارى .. ودخلت فى الفرن واتسابت فى الشمس .. ها تلاقيها فى الاخر تحفة فنية مذهلة .. يارب اشكرك لانى مش دايما ببقى فى قمة الراحة وانا معاك .. لكنى متأكد ومدرك انى بتغير لصورتك وببقى بالالم شبهك .. 🙏🙏

 المزامير ١٤٥ : ٨ اَلرَّبُّ حَنَّانٌ وَرَحِيمٌ اول مرة اشوف الاية دى كدة .. لازم كل واحد فينا يبقى مليان ايمان وإحساس بالامان والسلام .. لان لنا إله هويته حنان ورحيم .. يعنى كل تعاملاته معانا سواء فاهمنها او لسة بنفهمها .. لازم ها تكون تعاملات مليانة بحنانه ورحمته .. هلليلويا 💪💪

 رومية ٨ : ١٤ لأَنَّ كُلَّ الَّذِينَ يَنْقَادُونَ بِرُوحِ اللهِ،  ( فقط من يخضعون من كل قلوبهم لقيادة روح الرب كسيد على حياتهم ) فَأُولئِكَ هُمْ أَبْنَاءُ اللهِ. ( هم فقط من سيظهر فيهم الروح سمات الرب الفائقة .. حياتهم ستكون معجزة .. سيرثوا ملامح الرب .. هم ابناءه ) بنخضع لك يارب .. نعم اثق انك تتغاضى عن ازمنة جهلنا في العالم و تنتشلنا للابد .. 🙇🏻‍♂️

 ايوب ٩ : ١٣ .. اللهُ لاَ يَرُدُّ غَضَبَهُ.  ( كاتب سفر ايوب بيعلن حقيقية روحية .. ان يهوه اذا امتلىء بغضب بسبب عدالته .. يعني كان مصمم انه ينصف مظلوم .. فلن يرجع عن قراره الى الابد  ) يَنْحَنِي تَحْتَهُ أَعْوَانُ رَهَبَ. ( يدخل في مصارعة وقتال بكل قوته ويتفوق على خصمه .. حتى لو كانوا فخر الاقوياء في الممالك الروحية .. و استخدم " رهب " ده وحش عملاق جداً كان معروف برعبه وقوة تدميره في قصص الشعوب وقتها .. الرب إلهنا في العلا اقدر .. وطول اليوم ها كون بعلن وبصلي الاية دي .. مجداً مجداً مجداً 💥🙇🏻‍♂️

 الخاضعين .. معروفين لدى الرب .. حتى لو لم يكرمهم أحد .. يكرمهم يهوه بنفسه .. لان اعماله ستكون ظاهرة فيهم ..  والعالم مش ها يقدر يخفي اعمال إلههم فيهم .. إشعياء ٥٨ : ١٢ وَمِنْكَ تُبْنَى الْخِرَبُ الْقَدِيمَةُ. تُقِيمُ أَسَاسَاتِ دَوْرٍ فَدَوْرٍ، فَيُسَمُّونَكَ: مُرَمِّمَ الثُّغْرَةِ، مُرْجعَ الْمَسَالِكِ لِلسُّكْنَى. 👉🙇🏻‍♂️ في عدالة للرب لا يمكن محوها من جهة اتقياءه .. مجداً مجداً مجداً 💥🙇🏻‍♂️

 اللي اعماقهم مليانة بالرب .. كل اللي بيقابلوهم بيتحرروا وبيتشفوا .. حتى لو قابلوهم للحظات .. واللي اعماقهم بدون الرب .. بتبقى اعماق لخدمة الذات .. فاضية وخالية وخربة .. وهؤلاء تحيطهم شعارات جاذبة وملفتة لا علاقة لها بأعماقهم .. وكل اللي بيقابلهم بيفضل متقيد ومريض وبياخد بنج مستمر معاهم .. علشان يوهم نفسه انه سليم وانه بيتقابل مع الرب .. اللي فعلا طالب وجه الاب بينال خلاص وحرية .. واللي بيتقابل مع الابن بيختبر فعلا حرية .. واللي بيعيش في اجواء الروح الحقيقية بيختبر حرية .. الرب يفتح العيون .. اطلب الرب مادام يوجد .. اسقطوا في يد الرب لا في يد الانسان .. لان الرب هو الوحيد اللي يعفوا فينجي ..  امين 🙇🏻‍♂️

 ما حدش يقدر ينكر ان الابن الضال كان قذر جدا ونجس جدا نتيجة عيشته مع الزوانى على وصف اخوه الكبير .. ونتيجة عيشته مع الخنازير .. وبرضه ما حدش فينا ها يجادل فى نقطة انه ابن شرير وعار على أبوه .. لانه طلب يورث ابوه وهو حى .. ورفض كل النعيم اللى له فى حضن ابوه .. وفعلا هو يستحق اللى حصله ويستحق اكتر من كدة كمان .. لكن هلليلويا .. الاب لسبب غير مدرك بفكرنا البشرى .. كان مشتاق لإبنه جدا .. وكان بيحبه جدا .. وفضل يحبه ويقبله ويكرمه بشكل دائم .. حتى وهو فى وضع مذرى ورهيب ونجس .. شكرا يارب لانى انا الابن الضال ده اللى دائم التمرد عليك .. وانت مازلت الاب اللى لسبب غير مفهوم مازال بيحبنى جدا .. ⁦❤️⁩⁦❤️⁩

 ابراهيم خليلك يا رب .. و يقعد ليس له نسل و تدفعه سارة للزواج من جارية .. و ييأس لان وارث بيته سيكون كبير عبيده .. !! لكنك عارف كويس امتى تحقق الوعد .. نعم ستكرم ابراهيم جداً .. سيكون امة عظيمة نسله كنجوم السماء في الكثرة .. انت تعرف متى تورث ابراهيم مواعيدك .. نعم هو خليلك و انت تصنعه بملامح ابدية .. مجداً مجداً مجداً 🙇🏻‍♂️💥

 امبارح قعدت افكر في قصة يعقوب .. قصة فيها كمية ألم رهيبة .. شخص شاف نفسه قيمته قليلة في بيت ابوه .. فقرر يستغل اعياء اخوه بعد الصيد الطويل .. ويجبره انه يبيع له بكوريته بطبق عدس .. تصرف وحيش جداً .. !!   وبعد شوية يخدع ابوه اللي بيحبه ويستغل ضعف ابصاره بطريقة خسيسة جداً .. علشان يجرد اخوه من اخر حاجة فاضلة له وهي بركة ابوه له ك بكر .. !! من بعيد كدة .. يعقوب ما يصلحش يكون شريك في مواعيد الرب ل إبراهيم واسحق .. لكن فجأة يظهر المفتاح الحقيقي في قصة كل واحد فينا .. " الالم " 👉 يجتاز يعقوب الالم بشكل رهيب .. يسيب امه اللي بيحبها جداً .. يهرب في رعب البرية .. يشوف لمحة من مجد السماء وياخد تأكيد انه شريك في مواعيد  .. فيتعشم ان الدنيا في صفه .. يروح لخال مخادع .. يزود فيه طبيعة الخداع وياخده بعيد عن التشكيل .. و تاني يتألم ٧ سنين و مش ها يوصل لحبيبته .. ويشتغل ٧ كمان علشان يوصل لها .. وبعد ما يوصل لها ..  يقرر يستقل عن خاله .. يهرب في رعب للبرية تاني .. هربان من خاله وعبيده الكتير .. ومرعوب من اخوه اللي خدعه من زمان ..   وبعد ما ينجح .. يكتشف ان مراته حبيبته اللي خر...

 في مرة كنت بحكي مع شخص احداث حياته صعبة وبتسعى انها تعطله عن دعوته بشكل دائم .. وقولتله انا بصدق ان  " الرب عنده امور عجيبة لسة ما نعرفهاش " .. و انا بقول كدة ..   شوفت بوابات كبيرة .. ظهرها هو الظاهر لي ..  وكانت سوداء تماماً و ليس بها اي تفاصيل .. و كأنها امور واحداث في سلطان الرب و غائبة عن ادراكنا .. و فجأة جات ايد الرب وفتح بإصبعه بوابة منهم .. و فجأة انفجر نور رهيب عند فتح البوابة .. نور كأنه من عالم تاني .. ملأ كل المشهد .. و لم اعد ارى اي ظلام .. ايماني ان الرب عنده عظائم و عوائص لم نعرفها .. كنوز مختبئة في ظلمة عن معرفتنا .. و في وقته ها يفتح احداث زي البوابات .. و عجائب سيصنعها فقط للخاضعين .. مجداً مجداً مجداً 💥🙇🏻‍♂️

 لا تحزن على علاقات الرب فصلك عنها مع بني الشرير في العالم .. حتى لو حصلك خسائر مادية او نفسية .. لان الكتاب بيقول ان الرب بيفصل بين النور والظلمة .. الرب بيحافظ على هوية النور .. وها يعرف يعوضك لانه يبني اعماله في النور  .. و لا يتراءى بمجده على مذبح نجس ( يعني شكل حياة مختلطة فيها نور وظلمة بلا تمييز ) .. والكلام ده مش للجميع .. للي فعلاً طالبين الرب من قلوبهم .. مش للي متعشمين الدنيا تمشي احسن وخلاص مع اي رياح .. لا .. مركب الرب بتمشي خاضعة في رياح الرب .. مش على كيفك تمشيها مع القصة الكسبانة .. وشكراً ..

 بحب جداً لغة الملاك وهو بيكلم ابراهيم .. بخصوص إنجاب سارة لطفل .. سأل سؤال استنكاري .. و هل يستحيل على الرب شيء ؟!!! 🤔 وكأنه مستغرب ازاي يا ابراهيم سارة مش مصدقة بعد ما سمعت وعد الرب .. هو مجرد ما قال لازم بيعمل كدة .. نعم إلهنا قادر .. وها يتمم ما خرج من فمه لكل الخاضعين مهما كانت شكل احداث حياتهم .. مجداً مجداً مجداً 💥🙇🏻‍♂️

 ١وَالآنَ هكَذَا يَقُولُ الرَّبُّ، خَالِقُكَ يَا يَعْقُوبُ وَجَابِلُكَ يَا إِسْرَائِيلُ: "لاَ تَخَفْ لأَنِّي فَدَيْتُكَ. دَعَوْتُكَ بِاسْمِكَ. أَنْتَ لِي. ٢إِذَا اجْتَزْتَ فِي الْمِيَاهِ فَأَنَا مَعَكَ، وَفِي الأَنْهَارِ فَلاَ تَغْمُرُكَ. إِذَا مَشَيْتَ فِي النَّارِ فَلاَ تُلْذَعُ، وَاللَّهِيبُ لاَ يُحْرِقُكَ. ٣لأَنِّي أَنَا الرَّبُّ إِلهُكَ قُدُّوسُ إِسْرَائِيلَ، مُخَلِّصُكَ. جَعَلْتُ مِصْرَ فِدْيَتَكَ، كُوشَ وَسَبَا عِوَضَكَ. ٤إِذْ صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ. أُعْطِي أُنَاسًا عِوَضَكَ وَشُعُوبًا عِوَضَ نَفْسِكَ 🔥🔥 اشعياء ٤٣ 💪💪

 النهاردة طول اليوم ها كون بصلي بالايتين دول .. 👇 ٩ قَالَ الْعَدُوُّ: أَتْبَعُ، أُدْرِكُ، أُقَسِّمُ غَنِيمَةً. تَمْتَلِئُ مِنْهُمْ نَفْسِي. أُجَرِّدُ سَيْفِي. تُفْنِيهِمْ يَدِي. ١٠ نَفَخْتَ بِرِيحِكَ فَغَطَّاهُمُ الْبَحْرُ. غَاصُوا كَالرَّصَاصِ فِي مِيَاهٍ غَامِرَةٍ   خروج ١٥ مهما كانت قوة العدو و خطته المحكمة و أحلامه و شهوته لتدميرنا .. فإلهنا ها يسحق كل قوة العدو و خطته و احلامه للابد .. نعم إلهنا فخر قوتنا .. مجداً مجداً مجداً .. 🙇🏻‍♂️💥

 يا فرعون .. الموت اللي في العالم بيجي فجأة وعمرك ما ها تقدر تصده بإمكانياتك .. ولا ها تقدر تتوقعه بحُكمائك .. ده زي الابقار النحيفة اللي فجأة تظهر وتقدر تاكل ابقار سمينة جدا .. لكن في الاله الوحيد اللي يقدر يعطي حكمة تغلب الظلمة .. انه الاله الذي له في هذا الموت مخارج .. 🙇🏻‍♂️

 المحزن ان الناس بيتعاملوا مع الرب كأنه واحد من الناس .. !! اذا ما اتكلموش قدامه .. يبقى مش ها يعرف اللي جواهم .. الرب يرى القلب .. 😭😭 يعني ممكن تكون بتقوله انا بحب اخويا .. و جواك بتقول انا بكره اخويا و انا ها عرف انتقم منه ..  !! و واقف عادي قدام الرب تقوله انا بحبك ليك المجد  .. !! ده شيء مقزز  .. مكرهة للرب .. لانه استهانة بعظمة قدرته .. الرب يتوب قلوبنا لان الوقت مقصر .. ❤️👉

 في امر هام الرب علمهوني زمان .. كل ما زادت اجواء العبادة الحقيقية في حياتي .. كل ما ابليس بيبقى مش عارف يكمل خداع وتخفي .. رغم انه كحية دي احد افضل مهاراته .. لكنه بيفقدها كل ما كانت انوار الرب بتزيد جوة اعماقي .. ولذلك كل ما شعب الرب ها يتحد بالروح مش بالشعارات والزحمة والعدد الكبير .. كل ما ابليس ها يتفضح .. ها تلاقي ناس ماسكين مراكز او مشاهير .. بيتصرفوا تصرفات غريبة ويقولوا كلام غريب .. والناس ها يبدأوا ينفروا منهم ويبتعدوا عنهم .. و ده على فكرة اول قصة تحريرهم من اتباع غير الرب حتى لو الشكل بيقول ان دي عبادة للرب .. فهي مش بالشكل .. اذا ما كانش الرب بيملى المشهد .. يبقى المشهد مش خاص بالرب .. امين نكمل صلاة .. فتسقط قيود الجميع .. شعب عظيم يقوم من الموت لمجد الرب .. امين .. 🙇🏻‍♂️

 المقطع ده من اشعياء ١ .. ولفت نظرى جدا الصبح .. النبى بالروح بيعلن مشكلة سدوم وعمورة .. انهم مش بيسمعوا لكلام الرب ولا للشريعة اللى خارجة من فمه .. وانا ببص على الكلمات دى .. سألت نفسى .. هو مش ده حل بسيط ان الناس يسمعوا لكلام الرب وحياتهم تنجوا .. ؟؟ 🤔🤔 الرب مش عايز اى حاجة منهم وهما بعاد بقلوبهم عنه .. لا عايز ذبائح ولا اعياد ولا اى تقدمات ولا حتى فرائض واشكال عبادة متكررة ودائمة .. ولا تكرار فى صلوات .. الرب عايز قلوب بس .. وبدأ يطالبهم فى الاية ١٦ .. انهم يسيبوا الشر ويتعلموا يعملوا اعمال الخير .. سألت نفسى هو فى حد بيعرف يطلع ويهرب بنفسه من غواية الشر .. علشان يوقف ويبدأ ينوى وينجح انه يتعلم الخير وطريقه .. 🤔🤔 ساعتها لاقيت الرب بيرد على .. فى عدد ١٨ .. انه هو الحل .. هو اللى يمحوا تأثير خطاياهم عليهم .. ويطلقهم فى طريقه .. وكل ده بعمل بسيط منهم .. انهم يبدأوا يسمعوا لشريعته وكلامه .. 👉👉 مرات كتير بنكافح نخرج من شباك الخطية .. وما بنبقاش عارفين ان الحل مش فينا وفى كفاحنا .. الحل فيه هو .. هو اللى يقدر يعمل كدة .. 💪💪 من تعلق بيه ينجو .. هلليلويا .. 🔥🔥