Elohiym Image .. مقالات طويلة ..

  من وقت شوفت مشهد بسيط خالص ..  شوفت انسان او انسانة .. بيغرق في مياه كثيرة اوي ..  وكانت المياه دي لونها اخضر غريب كأنها بحر موت .. وكان في كائنات مظلمة بتنظر له من بعيد بسعادة كأنهم بيتفرجوا على مشهد ممتع ..  وكان خلاص بيفقد انفاسه .. وفرد ايديه وبدأ يسقط للقاع وغمض عيونه ..  و انا بقول خسارة قصته انتهت في الهلاك ..  لاقيت في لمح البصر بسرعة اكبر من اي سرعة ممكن اكون شوفتها ..  ايد الرب عملاقة ومهولة .. دخلت في عمق المياه وانتشلته وخرجت بيه في لحظة ..  و اتقفلت الرؤيا قدام عيون روحي ..  لا نتوقف ابدأ عن طلب الرب من اجل الاخرين حتى لو الواقع بيأكد انهم بيهلكوا ويموتوا ..  لان يد الرب لن تكون ابداً قاصرة على ان تخلص ..  سيدركهم الرب .. هذا الضال كان ميتاً فعاش و كان ضالاً ولم تنتهي قصته في الضلال بل وجده الرب ..  نعم إلهنا جبار ويخلص دائماً .. مجداً مجداً مجداً 🙇🏻‍♂️💥

 من وقت كنت بصلي .. لكي يعبر الرب بنا من الضيق الى الرحب ..   و كانت قدامي الاية دي .. 👇 إشعياء ٦٣ : ٩ فِي كُلِّ ضِيقِهِمْ تَضَايَقَ .. وشوفت في روحي الرب و هو قاعد مع كل شخص متضايق و لجأ له ..  وكان الرب مادد ايده في لهفة كأنه منتظر يحضن اللي جاي له ..  كان بياخد كل الضيق في حضنه .. و ملامح بتتغير و كأنه بيحزن بأحزاننا بيحس بينا جداً ..  وكان بيكمل بإبتسامة و يعطي مكانه راحة و تعافي و شفاء ..  فرحت بالمشهد ده .. لان إلهنا مش بيتفرج علينا بسلبية .. لكنه بيجدد اعماقنا من كل تلف .. هو مصمم يشفينا و يخرجنا الى الرحب و النور ..  اه بنتألم جداً .. لكننا مش لوحدنا .. هو ها يكون بيعبر بينا للابد ..  مجداً مجداً مجداً 🙇🏻‍♂️💥

 من وقت كنت بصلى .. وشوفت فى روحى المشهد ده .. شوفت مجموعة مؤمنين ماسكين سيوفهم واسلحتهم وبيحاربوا بشراسة ..بيحاربوا مجموعة قوية جدا من جنود الظلمة ..  وكانوا الجنود دول متكتلين كأنهم واقفين يمنعوا المؤمنين عن التقدم .. وميزت فى روحى ان فى ارض مواعيد ومنطقة راحة والعدو بيجتهد انه يستهلك المؤمنين ويستنزفهم قبل ما يوصلوا لها .. واثناء ما كانوا المؤمنين بيحاربوا .. وما فيش تقدم بيحصل .. بدأ المؤمنين يميزوا ان الامر محتاج مش بس الحرب بالحق والمواعيد .. لكن كمان لازم يطلبوا الرب الجبار .. وفعلا بدأوا يرفعوا قلوبهم ويرفعوا ايديهم ويصيحوا قدام اجناد الظلمة ويطلبوا الرب ويسبحوه ويعلنوا انه يخرج امامهم .. وساعتها سمعت فى روحى .. كلمات واضحة .. " انا الرب مسكن الحروب " .. ولقيت ايد عملاقة كلها نور مهول .. ايد اكبر مئات المرات من كل جنود الظلمة .. جات ومسكتهم فى قبضتها واغلقت عليهم واختفوا تماما .. واتقفل المشهد قدامى .. وادركت فى روحى ان الكنيسة محتاجة تتحد اكتر بالرب .. تلتصق بيه وتعلن اسمه وتعلن ان الحرب هى للرب .. لان وجود الرب بيخلى العدو تختل خططه ويفقد اتزانه .. انه الوقت لطلب ال...

  من وقت كنت بصلي وشوفت طريق طويل كأنه في صحراء ومليان رمل واحجار .. ويبان صعب المشي فيه ..  وانا باصص على الطريق .. كنت عارف اني لو مشيت فيه ها عطش وها جوع وها تجرح بطوب ومش هلاقي مكان انام بالليل .. فكونت بكلم نفسي وبقول .. هل ها حصل على رعاية هناك .. ؟!!! وفي نفس اللحظة الرب رد عليّ .. ألست انا الراعي صخر اسرائيل .. ؟؟!!  هلليلويا .. في لحظتها اكد لي وبيأكد لكل واحد .. انه شايف الطريق الصعب اللي ها نجتازه .. وانه موجود بشكل فعلي وثابت ..  وهو عارف هو مين بالنسبة لنا .. هو الراعي والصخر .. وها يفضل ثابت في رعايتنا الى الابد .. مجدا مجدا مجدا 💥🙏🙇🏻‍♂️

 لكل شخص في قيود وحبس .. من وقت كنت بصلي من اجل شخص هو ما يعرفش اني بصلي علشانه و لا طلب مني كدة ..  لكن الرب حاصرني بروحه للصلاة من اجله ..  و ده جمال ملكوت الرب .. الرب بيحرك الخاضعين يعملوا اي عمل بقوته في اي وقت بلا تعصب .. و انا اختبرت كدة من اشخاص مباركين ما اعرفهومش برضه بيصلوا من اجلي ..  المهم .. شوفته قاعد في زنزانة خاصة بيه .. لكنها كانت وسط مكان كبير مليان بعدد ضخم من الاقفاص الحديدية ومحبوس فيهم ناس كتير ..  سجن جماعي يعني .. المساجين بيشوفوا بعض .. لكن كل فرد محبوس في زنزانة فردية ..  المهم لاقيته كان في حالة اعياء شديد .. رغم اني اعرفه من زمان جسمانياً كان قوي مش بالضعف والنحافة اللي لاقيته فيها .. كان بيترعش من الخوف والجوع والعطش والبرد وملابسه مليانه مياه كأنه خارج من تعذيب ..  كان القفص متحاوط بشياطين فعلاً اشكالهم مفزعة .. المكان كان زي المقبرة كل اللي فيه بيتنهدوا بأنين وصراخ في انتظار الموت .. كنت بصلي من اجله وبقول يارب انت تقدر تخرجه انا بقالي وقت بقولك خرجه ..  فشوفت المسيح داخل و خلفه عدد من الملائكة .. كانوا ماسكين حراب ...

 من وقت كنت حاضر في اجتماع و بعبد الرب  و بصلي .. و شوفت رؤيا مليانة نصرة ..  شوفت عروش صاعدة من اعماق الارض و بينها مسافات جغرافية واسعة و كأنها تشكل دول مختلفة ..  كل عرش كان له طبيعة و  جنود و رياسة مختلفة في الشكل ..  حتى اشكال اسلحتهم مختلفة ..  و كانت العروش دي مستمرة في الارتفاع .. محمولة بأعمدة تزداد صعودا بها ..  اعمدة من باطن الارض كرخام اسود مفزع في تفاصيله و نحته ..  و اثناء صعود العروش .. كانت فيه موسيقى و اجواء مرعبة صادرة من كل عرش .. و كأن طبول حرب  و طريقة عزف تسبب الخوف و القهر و الضيق و الرغبة في الموت و الاستسلام .. و عرفت في روحي ان ده اعلان عن طريقة ملكهم .. هم بيسيطروا على الاجواء بسلطان كاذب لكنه يبان حقيقي و اللي مش عايش مع الرب ها يبقى متضلل و فاكرهم الالهة و فاكرهم خلاص بيملكوا بإرتفاع متزايد و ليس من يحدهم .. لكن دي كذبة ..  و انا ببص على المشهد ..  لاقيت مشهد تاني في السماء ..  عرش ابيض نازل من السماء .. شكل مهيب و ممتلىء مجد .. لدرجة انك لما تشوفه فقط تعرف ان القصة محسومة و ان العروش اللي من ا...

 كنت بصلي مع شخص عنده تحديات كبيرة .. ف شوفت ارض شقوقها عميقة جداً من كثرة الجفاف .. جفاف عامل شروخ مش سطحية لكن عميقة جداً ..  و شوفت مياه غمر اتت على الارض غطتها تماما ..  و بعد كدة شوفت المياه بتحلل و تفكك جميع الشقوق ..  دوبتها خالص  لدرجة ان الارض باقت شبعانة بالمياه و واحدة معا لا شقوق نهائيا فيها .. و قولت له كدة .. الامور اللي قدامك مستحيل علاجها .. او حلها ..  و ايدك عاجزة تماما عن تغييرها ..  كمل صلاة امام الرب ..  لان مياهه الكثيرة قادمة ..  و هو اللي ها يعمل عجائب خارج امكانيات ايديك ..  ها يغير قوانين و احداث و اشخاص بشكل فائق .. دي مياهه هو وحده ..  و دي الوحيدة اللي ممكن تخلي الارض سليمة من جديد ..  .. تهلل بالرب .. لان الرب مزمع ان يطلق بعبادتك و فرحك امامه .. قوة اعظم من ادراكك ..  اؤمن اؤمن اؤمن ..  🌊🙇🏻‍♂️💥

 من شوية كنت بفتكر مواقف لومت فيها الرب انه مش بيشيل العوائق اللى قدامى واللى انا بحس ان فيها ظلم لى ..  فشوفت فى روحى انسان بيتحرك جوة متاهة كبيرة اوى اوى اوى .. وعمال يتخبط فى جدرانها وقوته بتضعف .. لكن الرب كان بيجى و بيشاور له بإصبعه على منفذ جديد للخروج ..  الشخص ده دايما كان بيشوط ويخبط فى الحوائط والجدران بغيظ كأنه بيلوم الرب بشكل مستمر ..  بينما الرب كان مازال بيشاور بإصبعه على منفذ جديد للخروج .. وكان الرب بيكلمنى .. ان ابليس بيملى الناس باللوم والمرارة تجاه الرب تحت اى مسمى .. او لسبب انه مش بيزيل العوائق ..  لكنهم ما يعرفوش انه اصلا بيحاول يفصلهم عن الرب .. لان فقط وجود الرب معاهم ها يساوى الخروج من العوائق والمتاهات حتى لو ما اتشالوش ..  لان الرب هو المنفذ الوحيد فى قصتهم .. الرب هو الباب الوحيد لنجاتهم .. واتقفل المشهد البسيط قدام روحى .. وسابنى فى حالة من الراحة والشفاء .. لانى فهمت .. انا مش محتاج ازالة عوائق .. انا محتاج الرب .. وهو ها يعرف بعدله ينجى نفسى وينصرنى ..  بصلى ان الرب يتوب قلوب الكل ليخرجوا من سجن المرارة والعبودية لإبليس ....

  من وقت كنت بصلي ..  وشوفت جزء من جذع شجرة .. كان مكسور .. وكان جواه تراب كتير اوي وحبات رمل وحشرات صغيرة .. مهما حاولت تخبطه على الارض مش ها يبقى نظيف أبداً .. ده ممكن يتكسر اكتر .. شوفت ايد مسكته تحت مصدر مياه .. وبدأت المياه تنزل عليه وتغمره بالكامل .. شوفت المياه وهي بتدخل جوة انسجته وأليافه .. وبتدخل لمناطق جواه لا يمكن تتشاف من برة .. وممكن أصلاً ما نبقاش عارفين بوجودها .. وبدأت تكتسح الحشرات والتراب والرمل وكل اللي يقابلها ..  وكان الرب بيكلمني ان دي كلمته مياه الحياة و احنا بنصلي بيها وبنعلنها على ناس .. الكلمة دي ها تدخل لمناطق عميقة جداً جداً جداً .. وها تنضف وتشفي حتى اللي مستخبي عن عيوننا و في الظلام ..  نكمل صلاة بشكل مستمر .. شعب الرب ها يكون عابد قوي جداً بالحق في الازمنة دي .. لان غمر المياه الرهيب ده .. هو اللي الرب ها يشفي بيه نفوس وبيوت وشعوب .. وها نشوف عجائب ..  ايوة عايزين غمر المياه دي يارب .. 🌊🌊🌊 مجداً مجداً مجداً 💥🙇🏻‍♂️

 من وقت كنت بكلم الرب عن امور كتيرة صعبة بتحاصرني وبتحاصر حياة الناس ..  كأنها بتجبرهم يغرقوا ..  و انا بصلي .. شوفت شلال مياه عملاق اندفاع المياه فيه سريع جداً جداً .. وكان بيجرف كل حاجة في طريقه من قوته ..  وشوفت شخص جواه والمياه بتسحبه وقرب ينزل من نهاية الشلال ..  كان في حالة من الاعياء كأنه شرب مياه كتير ومش بيتنفس بسهولة .. بيحرك ايده براحة خالص كأنه بيحاول وخلاص .. لان قوة الشلال كانت رهيبة .. مشهد محزن انا قولت جوايا خلاص ها يقع من فوق وقصته ها تخلص وسط اشجار وحاجات عملاقة المياه برضه بتشدها في تيارها ..  لكن فجأة وهو في اعياء .. كأن صخرة اتزرعت وسط المياه دي .. وكأنها هي اللي واقفة مستنياه .. ما احتاجش يعافر يوصلها هو اصلاً ما كانش فيه اي قوة ..  وفجأة الصخرة حجزته عن الوقوع .. واحاطت بيه رغم التيار .. وكانت صخرة سهل تسلقها جداً .. وعرف يتسلق عليها و نجا من المياه الكثيرة ..  ولاقيت الرب بيقولي بوضوح .. انت ما تقدرش تنجو .. لكن انا ها كون الصخرة اللي ها تلاقيها قدامك في كل ظرف صعب .. وها تلاقيها جاهزة تماماً علشان تنقذك .. 💥🌊 ما فيش كلا...

 امبارح كنت بصلى ..   وشوفت شخص جاثى على ركبتيه بيصلى .. لكنه كان متألم جدا ..  شوفته من ظهره مشدود بسلسلة عملاقة متثبتة فى ظهره .. ببص لاقيت اخر طرف السلسلة دى .. ممسوك بإيد كائن شيطانى .. واقف محتجب فى الظلام ..  فهمت من المشهد .. ان الشخص ده بيعانى وطالب الرب لكنه مجهد تماما لدرجة انه مش عارف يعمل حاجة ولا عارف ايه سبب الاجهاد الدائم ده ..  السبب كان ثقل السلسلة دى .. والكائن اللى بيشدها فى الظلام .. المهم فضل الشخص ده بيصلى لدرجة انى حسيته بيفقد كل قوته وبينهار .. لكنه متعلق بالرب ..  وفى اللحظة دى ..  شوفت الرب فى شكل شخص مضييء لابس ملابس ناصعة .. بياضها من عالم تانى فعلا ...  وجيه ووقف فى النص بين الكائن الشيطانى والشخص اللى بيصلى ..  وعطى ظهره للرجل  وبص ناحية الظلام ..   ومسك السلسلة العملاقة .. وشدها بقوة رهيبة لدرجة انه اخرج الكائن الشيطانى من ظلامه ووقفه قدامه ..الكائن ده كان فعلا قوى جدا عضلاته وحركته على الارض وملامحه .. فعلا محارب قوى .. لكنه فعلا كان مرعوب من نور الرب وبيغطى وجهه وبيبص فى الارض كأنه متألم من...

 من وقت كنت بصلي وشوفت ..  انسان في بقعة من الوحل .. وكان مش عارف يطلع نهائياً منها .. بيعافر وبيكافح بألم شديد علشان يتحرك خطوة للامام ..  كان الطين سميك ومتماسك وكل ما بيحاول يطلع .. بيلاقي نفسه بيرجع للوراء .. تدفق مستمر للوحل ..  كان هزيل وضعيف وقرب يتصاب بالاعياء لانه مش قادر يرتاح .. الوحل كان واصل لمسافة فوق بطنه ..  مشهد مؤلم جداً .. ويبدوا ان قصته خلصت .. لان كمان على مسافة بعيدة شوفت ارض ممكن يوصل لها لكنها كانت بعيدة جداً جداً وهو مش عارف يتحرك حتى خطوة لقدام .. لكني شوفت ايد الرب بوضوح دخلت المشهد بشكل سريع جداً وغير متوقع كأنها زي البرق والرعد .. ومسكته وانتشلته تماماً من الوحل .. فجأة بقى برة الوحل ..  و اتقفلت الرؤيا قدام عيون روحي .. والكلمة اللي بتتردد جوايا .. " موسى المُنتَشل من الماء " .. الرب جاي ينتشلني وينتشل ناس كتير .. وفجأة ها نبقى برة سلطان الوحل ..  اؤمن اؤمن اؤمن يارب .. لتكن مشيئتك للابد .. 🙇🏻‍♂️ 🙇🏻‍♂️🙇🏻‍♂️

 من وقت ..  كان الرب بيكلمني انه بيعمل عمل لا يستطيع احد ان ينزعه .. وشوفت في روحي .. المسيح وملابسه كانت مضيئة جداً جداً جداً ..  وكان ماسك في ايده اوتاد من نور هائل .. وكان بيضربها بإيده في الارض وبيثبتها في عمق الارض ..  كانت اوتاد عملاقة جداً تصل لما فوق السحاب في ارتفاعها ..    وميزت في روحي بوضوح جداً أنهم مؤمنين في الزمن ده ..  ببص لاقيت ارواح وشياطين بيجتمعوا كفرق لمحاولة انتزاع الاوتاد المضيئة دي من الارض ..  لكنهم كانوا زي الاقزام جداً جداً جداً كأنهم بحجم حشرات على الارض .. والاوتاد كانت بإرتفاع ناطحات بالنسبة لهم ..  لن يتمكنوا ابداً من انتزاع غرس الرب .. وشوفت خريطة العالم .. وكل دولة فيها اوتاد نور كنقط مضيئة جداً .. وبدأت كل الاوتاد تطلع خطوط نور تتوصل ببعض في كل الدول .. زي خريطة مسارات الطائرات ..  وقتها شعرت براحة هائلة .. الملكوت ها يكون واضح جداً في زماننا ده .. المؤمنين في دول العالم ها يتوصلوا ببعض وده فعلا بدأ يحصل .. وها يميزوا قيمة الاتصالات دي ..  ها يعرفوا كويس قوة ومفاهيم الملكوت ووحدته .. ومجد الرب ها يب...

  من وقت كنت بصلي و شوفت انسان متواجد لوحده وسط جزيرة ومحاط بكمية مياه رهيبة حوالين الجزيرة دى .. وكان رايح جاى يحاول فى كل اتجاه انه يلاقى طريقة يخرج بيها من هناك .. ما كانش لاقى ابدا .. وكان بييأس ويقعد مع نفسه وسط الصخور وينوح ويبكى بشكل هيستيرى ويصرخ بندم رهيب .. والرب كلمنى انه الرجل ده امكانياته كلها خلصت .. مستحيل يقدر يلاقى حل .. ومستحيل يوصل لى .. لكن انا اللى جايله بنفسى .. انا جايله بطريقة عمر ما توقعاته او امكانياته ها تتخيلها .. ولاقيت الرب مد اصبعه على المياه .. واصبعه كان بيخرج منه نور لامع رهيب .. وعمل خط مستقيم تجاه الجزيرة دى .. ولاقيت الخط ده اتحول لكوبرى قوى جدا جدا جدا .. وبدأ الرجل ده يجرى عليه بجنون وبذهول وبسرعة رهيبة .. لانه ادرك ان ده عمل معجزى ما كانش ابدا فى خياله .. فرصته الوحيدة اللى ما كانش متوقعها علشان ينجو .. والرب كان بيكلمنى انه عنده جسور وامور معجزية لاتوجد اصلا فى توقعتنا واحنا مسجونين فى حدود واقعنا .. وان الرب بإصبعه ها يعمل احداث معجزية لمنتظريه .. وها يغير امامهم الازمنة والاوقات .. هلليلويا .. انا يارب اول واحد منتظر .. اؤمن اؤمن اؤ...

  كنت بصلي من اجل شخص عنده تحديات كتير و مش شايف اي تغيير في الاحداث .. و شوفت مشهد جميل خالص .. شوفت عود نبات او ساق نبات يشبه القصب .. بيمر عليه الزمن و شكله هو هو بدون اي تغيير او اثمار .. و فجأة جيه المسيح و وقف قدامه .. و مد ايده تجاه ساق او عود النبات ده .. و للوقت .. بدأت اوراق صغيرة تنبت من جوانب الساق دي .. اوراق لونها اخضر حاد جميلة و مليانة حياة .. و بعد شوية بدأ كل الساق يكتسي بفروع اصغر طالعة منه و تلف حواليه و اوراقه باقت كثيفة و بقى مليان حياة .. الانطباع الروحي اللي خرجت بيه .. ان المسيح قادم ليبدأ بسلطانه امور لم تكن من الممكن ان توجد لو قعدنا عشرات السنين ننتظرها .. هو ها يكون البداية العجيبة لأمور من ايده هو .. ايده هي اللي ها تطلع الاوراق .. نعم اؤمن ان الرب  مزمع ان يصنع عجائب لم نعرفها .. هو مجد الخاضعين للابد .. ونعم سطور و احداث قصتهم العجيبة .. اؤمن افتداء المسيح يغطي ازمنة اتعطلت .. و يأتي بأزمنة الرب الفائقة ..

 من شوية كنت بصلي .. وبقول يارب حروب كثيفة جداً عليّ وعلى مؤمنين كتير ..  فشوفت في روحي .. جندي في حرب وكان قاعد على الارض راكع و مستخبي وراء درع طويل شبه اللي بيبقى مع الامن ..  وكان بيتعرض لإطلاق نار كثيف عليه .. لدرجة ان صوت الطلقات كان زي المطر ..  وكان عمال يرج الدرع اللي في ايده من كتر قوة الطلقات ..  فكونت حاسس بمشاعره وبقول يارب مين ينقذ غيرك من الكثافة دي ..  وفجأة لاقيت ايد عملاقة من السما .. نزلت امام درع الجندي ده .. درع عملاق من الاسمنت .. ارتفاعه كأنه عمارة .. ومن ثقله اهتزت الارض كأنه زلزال ..  وفجأة انتهى صوت الطلقات .. وساد الهدوء والسكون التام .. لان الرب بنفسه ماسك درع مهول لا يمكن تخيله .. ليتم يارب قولك وحكمك وانصافك من جهة طالبيك للابد ..  نعم تأتي الرؤيا لمنتظريها .. ومنتظريها يركضون لمجد الرب .. مجداً مجداً مجداً 💥💥

 من وقت كنت بصلى مع شخص متألم جدا جدا .. وقصته واقعها صعب والامور متجها لوضع اسوء ..  وانا بصلى شوفت المسيح ماسك صورة تشبه ألعاب البازيل .. اللى الاطفال بيقعدوا ويركبوا قطعها المتبعثرة لغاية ما بتكمل قدامهم الصورة ..  وشوفت المسيح ماسك قطعة فى ايده وبيحطها فى الصورة .. والصورة باقت كاملة .. والرب كان بيكلمنى بصوت واضح فى روحى ..  " انا ممكن اعمل معجزة .. انا ممكن اشفى من خلال طرق كتير .. انا ممكن اخلى الاحداث ( المعجزة او الشفاء او النهاية الحاسمة ) دى اخر قطعة فى الصورة " .. !!  الكلام سمعته فى نفس الوقت اللى المسيح باصص فيه على الصورة وبيحط القطعة اللى فى ايده ..  كتير كنت بقول للرب .. ليه فى ناس كتيرة متألمة .. وفى ناس بتنتهى حياتهم فى ألم .. وفى ناس بتصنع لهم معجزة او بتوجد لهم حلول .. وكان دايما يرد على .. انه صالح وله حكمة ..  لكن المرة دى .. رد على .. رد انا حسيت انه جاوب على كل سؤال جوايا ..  اللى من بعيد عمره ما ها يعرف الفنان فى خياله ايه .. وبيرسم او ها يرسم ايه فى اللوحة ..  مش بنعرف ابدا غير لما بيخلص خالص اخر لون .. وبيوقف وبي...

 لكل شخص متألم والعدو بيهاجمه بكثافة بضربات موجعة جداً وكأنها ضربات للكسر والتدمير ..  الصبح شوفت مشهد بسيط ..  شخص منبطح على الارض وجهه للارض وبيصلي امام الرب .. ومشبك ايديه في بعض ورأسه بينهم تلامس الارض .. وكان بيصلي بتضرع وانشغال تام بالرب ..  و اثناء كدة كان في شيطان ماسك عصاية معدنية ومستمر في الضرب بحقد رهيب على ايدين العابد اللي بيصلي ..  ولاقيت الايدين بتاعته مليانة انوار هائلة .. عرفت ان الرب بيسكب مجد رهيب على العابد ده ..  و كل ما الشيطان يضرب بالعصا المعدن .. ما كانش الانسان ده بيوقف عبادة ده كان بيستمتع اكتر بالرب .. والنور المتوهج ده كان بيملى ايده اللي بتتضرب .. وما فكهومش ابداً وفضل يستمتع بالرب ..  وهنا اتقفل المشهد قدام عيون روحي .. خليك متواجد امام الرب .. اشبع بالجلوس معاه ..  لان الرب بيسكب من حضوره ومجده عليك .. لغاية لما اعدائك ها يصيبهم الخزي و نعم قوتهم ستتحطم امام مجد الرب ..  فمن يقف امام سيد الارض كلها ؟؟  مجداً م جداً مجداً 💥🙇🏻‍♂️

 من وقت كنت بصلي .. شوفت مشهد بسيط خالص .. 🙇 شوفت كف ايد انسان مليانة بكمية مجوهرات صغيرة .. شكلها اكيد جذاب .. لكن ورا ايد الانسان .. ظهرت ايد عملاقة جدا جدا جدا كانت ايد الرب .. وكانت مليانة انواع من الكنوز والعطايا الفريدة والمذهلة فى شكلها .. لدرجة انها خلت ايد الانسان كأنها بهتانة وضعيفة اوى وكأن فيها حفنة من الظلط .. !! وانا شايف المشهد .. قولت لنفسى كدة .. يا باخت اللى يبص على الرب ..  ايد الانسان صغيرة اوى .. لكن ايد الرب فعلا كبيرة اوى ..  جوايا الايتين دول في مزمور ٣٧ ..   ٢٥أيضا كنت فتى وقد شخت، ولم أر صديقا تخلي عنه، ولا ذرية له تلتمس خبزا. ٢٦اليوم كله يترأف ويقرض، ونسله للبركة. ما تستناش الناس ها تخسر صدقنى جدا .. انتظر الرب واصبر له .. وهو يصير كنزك وقوتك .. امين 🙏🙇

 كنت بصلي من اجل انسانة .. و شوفت مشهد جميل خالص ..  شوفت انها لابسة تاج مليان كريستالات تشبه الالماظ و مترصع بفصوص كتير و كان من الفضة او الذهب الابيض .. في المشهد .. قولت ده مذهل حقيقي ..  و فجأة شوفت ايد الرب بتمسك التاج ده و بتنتزعه من فوق رأسها ..  و للحظة حزنت جوايا قولت ليه كدة المشهد اتحول للحزن ده ..  لكن فجأة لاقيت ايد الرب بتتوجها بتاج جديد .. و من كثرة بهاء و مجد هذا التاج .. ما قدرتش انا في الرؤيا افتكر تفاصيل و ملامح التاج السابق ..  لان التاج ده .. كان صنعة صانع محترف .. تاج من عالم السماء و ليس الارض .. تاج مزيج من الذهب بدرجات مختلفة و مرتفع و بدرجات و احجار كريمة و نقوش مرهبة تسبب فرح و بهجة فائقة ..  كان التاج ممتلىء ببهاء و مجد من الرب ..  و وقتها فهمت الرؤيا ..  ممكن نكون مذهولين بتكريمات او مجد في العالم .. و مشغولين بصراعات و امور من العالم .. لكن اول ما بننتظر الرب .. بنكتشف ان اللي كان قبل كدة كان باهت بل زي ما بيقول بولس الرسول يحتسب ك نفاية ..  لان في درجات من التعويضات و المجد لدى الرب .. يضعها على بنيه .. و ...