Elohiym Image .. مقالات طويلة ..

 الجملة دي 👇 أَخَذَتْ نِسَاءٌ أَمْوَاتَهُنَّ بِقِيَامَةٍ. العبرانيين ١١ : ٣٥ مش سهلة ابداً ..  دول نساء او رجال بيدفعوا تمن حياتهم و نفسياتهم و اجسادهم ..  دول بيحاربوا .. من اجل رؤية ميتهم يعود للحياة ..  الى من يحاربون من اجل امواتهم ..  سيؤيدكم الرب بنفسه .. و العجائب ستحدث ..  مجداً مجداً مجداً 🙇🏻‍♂️💥

  من كام يوم حصلت حاجة غريبة جدا معايا .. كنت بنقرا فى يوحنا ٨ : ٤٤ .. المسيح بيوصف ابليس وبيقول : " ذَاكَ كَانَ قَتَّالًا لِلنَّاسِ مِنَ ٱلْبَدْءِ، وَلَمْ يَثْبُتْ فِي ٱلْحَقِّ لِأَنَّهُ لَيْسَ فِيهِ حَقٌّ.  " وفجأة الرب ورانى مشهد عمرى ما شوفته فى حياتى .. ورانى انه جالس على عرشه و عرشه مليان انوار كتلة رهيبة كأنها ملايين الشموس مع بعض .. وشوفت فى روحى انه بيخرج من جواه حق والحق ده بيمتد فى عرشه والحق ده هو اللى مكون المرتفع اللى عليه العرش نفسه  .. والحق ده برضه هو اللى بيعمل ارض السماء نفسها وكل ما فيها .. وكأن كل السماء بمجدها خارجة من كيانه ومتدفقة .. وورانى الرب ان الملائكة طايرين بأجنحتهم وبيحلقوا فى السماء حول العرش ومليانين انوار بسبب امتلائهم بهذا الحق الخارج من عرشه .. وورانى الرب ان ابليس .. واقف قدام العرش وما فيش حق جواه خالص .. ورافض انه ينظر للعرش ويتملى بأنوار الحق والاعلان اللى خارج من الله .. ولاقيته باصص على نفسه بزهو وحنق وغيظ .. وبدأ ظلامه يزيد ونوره يبهت ويقل ويختفى .. وفجأة لاقيته بدأ ينزل عن طيرانه مع باقى الملائكة .. نزول كأنه سقوط فجائى او ناتج...

 الصبح و انا بصلي .. كان قدامي كلمة " يداوي " .. و شوفت في روحي .. السامري الصالح .. و هو بنشاط بيمسح بقماشة جروح الشخص المنهوب الذي بين الحياة و الموت جريح .. و بيسكب زيت و خمر   .. و بيداوي الجروح بعناية شديدة .. كأنه بيتعامل مع تحفة او اثر تاريخي هام .. بعلن ايماني ان إلهنا يعمل بنشاط في حياة الخاضعين .. لشفاءهم لشفاءهم لشفاءهم .. ليكونوا عروسة مجيدة بلا عيب .. اؤمن اؤمن اؤمن .. يهوه رفا للابد .. 🙇🏻‍♂️💥

 الملك بيتعالى على ابراهيم .. رغم ان ابراهيم لسة مخرجه هو نفسه من الاسر .. !! 🤔😭 و بيقوله .. خد انت يا ابراهيم الاملاك اللي في الغنيمة لنفسك .. !! يا جمااااال و عمق ردك عليه يا خليل الرب  ..  👇 التكوين ١٤ : ٢٢ و ٢٣ .. فَقَالَ أَبْرَامُ لِمَلِكِ سَدُومَ: "رَفَعْتُ يَدِي إِلَى الرَّبِّ الإِلهِ الْعَلِيِّ مَالِكِ السَّمَاءِ وَالأَرْضِ، لاَ آخُذَنَّ لاَ خَيْطًا وَلاَ شِرَاكَ نَعْل وَلاَ مِنْ كُلِّ مَا هُوَ لَكَ، فَلاَ تَقُولُ: أَنَا أَغْنَيْتُ أَبْرَامَ. انا ايدي مفتوحة وبتطلب وتترجى إله اغنى منك يا ملك عشرات الملايين من المرات .. إلهي يملك السماء والارض كلها مش شوية الغنائم اللي عايز تتفضل بيهم عليّ .. !! مادام شايف جواك ان الغنى بسببك انت تبقى فقير جداً جداً جداً .. و لا عايز منك حتى خيط و لا رباط لحذائي .. لانك لا يمكنك ان تُغني من يسير مع إله فائق الغنى  .. 🙇🏻‍♂️💥 يارب بخضع ليك علشان ما افقدش الغنى اللي لي فيك للابد .. ملوك ها يشوفوا ابراهيم اغنى منهم بسبب إلهه .. مجداً مجداً مجداً 🙇🏻‍♂️💥

 من شوية كنت قاعد اصلى .. وشاعر بضغط وفزع الاحداث علينا كلنا .. واضطراب جاى لغربلة الناس .. ولإسقاط معتقدات ولرجف اوثان .. كنت بقرا فى مزمور ٧٩ .. واتفاجأت بالاية دى .. آساف بيقول للرب .. ليكون انين ووجع التنهد والصمت والاعياء الشديد .. للمأسورين والمسجونين .. واضح قدامك كمن يقف امامك لتفحص قضيته .. حتى لو صوتهم مش طالع من جواهم من كتر الوجع .. وحتى لو بتحاوطهم حوائط واسوار سجون ودوشة جنود .. سواء ماديا او روحيا .. انت سامعهم وشايفهم بوضوح وها تقضى لهم .. هلليلويا 💪🔥  الجزء الاشد واللى صدمنى جدا .. كعظمة قدرتك استبقى بنى الموت .. جاية فى الاصل .. البنين الذين تم تعيينهم للموت .. او صدر عليهم قرار بالاعدام او بإنهاء حياتهم .. سواء بجوع او بعطش او بمرض او بقتل او بتعذيب .. سواء ماديا او روحيا برضه .. انت يارب عندك عظمة قدرة تقدر توصل لهم وتحطم قوة الموت امامهم .. لا يموتوا بسبب ذراعك وعظمة قدرتك  .. هلليلويا 💪🔥 اللى يتعلق بالرب ينجو .. واللى بيتنهد بوجع الرب سامعه وقادم ليخلصه .. واللى بتذكروهم أمام الرب لن يموتوا .. هلليلويا 🔥🔥

 الصبح كنت قاعد اقرا شوية مقالات عن رد فعل دول العالم تجاه فيروس الكرونا .. وكمية اراء مختلفة تماما عن مواقع التواصل الاجتماعى .. وانا بنقرا .. قولت لنفسى ايه يارب كمية الخوف المهول اللى بيغطى كل الناس .. وبيشل حركتهم وحياتهم كلها .. لاقيت الاية دى واضحة قدامى .. 👉 " الخوف له عذاب " .. خلينى اقول حاجة مهمة .. الرب كامل ولا يعيش سعيدا بإذلال او استعباد الاخرين .. لان فى ضيقنا هو فعلا بيتضايق .. اللى بيستمتع بإذلال او تعذيب غيره .. هو ابليس .. لانه قتال ومهلك .. وبيشعر بزيادة قوته او بيشعر بفرح غامر .. عندما يسمع صرخات الآخرين الاضعف منه .. وده لانه مش كامل .. وبيستمد قوته نسبة الى الاضعف منه .. 🤔🤔 الخوف له عذاب .. نعم اذا صار الخوف يعذبك .. فمصدره ابليس .. والعلاج .. انت تحتاج الى اللجوء للرب .. لان العلاج متوفر عنده .. العلاج فى محبته الدائمة لك .. وقبولك امامه فى ذبيحة ابنه الى الابد .. اقبل يسوع كمخلص كمن مات بدلا عن موتك .. وتوب .. ولك الفرح بمحبة الله لك .. الرسول يوحنا بيقول .. اللى لسة خايف وبيتعذب .. يبقى لسة ما اكتملش جواه ادراك محبة الله .. لا تكون كالابن الضال يع...

 من امبارح و ان بعلن في روحي والنهاردة ها فرح مع اجناد السماويات اللي عاينوا الحدث ده .. بابل الزانية اي تدابير الشيطان ضد شعب الرب في العالم ستسقط وستنتهي .. لا تفرح ايها الشيطان .. ان رد الرب قادم بيد ملائكته الحاملين قضاءه ومجده .. هلليلويا .. 💥💥💥 رؤيا ١٨ .. اِفْرَحِي لَهَا ( من اجل فنائها اي بابل الزانية ) أَيَّتُهَا السَّمَاءُ وَالرُّسُلُ الْقِدِّيسُونَ وَالأَنْبِيَاءُ، لأَنَّ الرَّبَّ قَدْ دَانَهَا دَيْنُونَتَكُمْ". ٢١وَرَفَعَ مَلاَكٌ وَاحِدٌ قَوِيٌّ حَجَرًا كَرَحىً عَظِيمَةٍ، وَرَمَاهُ فِي الْبَحْرِ قَائِلاً:"هكَذَا بِدَفْعٍ سَتُرْمَى بَابِلُ الْمَدِينَةُ الْعَظِيمَةُ، وَلَنْ تُوجَدَ فِي مَا بَعْدُ.

 "لاَ تَشْمَتِي بِي يَا عَدُوَّتِي،  ( لا تشمت بي ايتها الظلمة و تتصوري اني سأكون اسيرك بسقوطي في حصارك ) إِذَا سَقَطْتُ أَقُومُ. إِذَا جَلَسْتُ فِي الظُّلْمَةِ فَالرَّبُّ نُورٌ لِي." ( لاني سأقوم من جديد ولن يدوم حصارك .. لان إلهي حاضر في اعماقي بأنواره للابد )  (ميخا 7: 8). مجداً مجداً مجداً 💥🙇🏻‍♂️

 رومية ٨ : ١٤ لأَنَّ كُلَّ الَّذِينَ يَنْقَادُونَ بِرُوحِ اللهِ،  ( فقط من يخضعون من كل قلوبهم لقيادة روح الرب كسيد على حياتهم ) فَأُولئِكَ هُمْ أَبْنَاءُ اللهِ. ( هم فقط من سيظهر فيهم الروح سمات الرب الفائقة .. حياتهم ستكون معجزة .. سيرثوا ملامح الرب .. هم ابناءه ) بنخضع لك يارب .. نعم اثق انك تتغاضى عن ازمنة جهلنا في العالم و تنتشلنا للابد .. 🙇🏻‍♂️

 المزامير ١٦ : ٥ الرَّبُّ نَصِيبُ قِسْمَتِي وَكَأْسِي. أَنْتَ قَابِضُ قُرْعَتِي. زمان كانت الغنيمة بتخضع للقرعة .. و كل فرد كان له نصيب يقسم له .. كاتب المزمور بيقول الرب هو نصيبي في كل حرب ضدي .. يعني بخرج بغنيمة هي انتصاري فيه .. و دي اكبر من المكاسب المادية .. و احيانا كانوا بيرموا احجار او انواع بوص .. و كل شخص يقبض يعني يمسك قرعته .. بيبقى البوص او الاحجار عليها رموز تعبر عن ترتيب او مهام  .. هو برضه بيقول .. الرب ها يمد ايده وها يقبض قرعتي .. يعني انا مش متروك للحظ او الصدفة او لقرار اي حد .. لا .. الرب بنفسه بيحدد مصيري .. اية مذهلة ..  وها صلي بيها لغاية بكرة .. 🙇🏻‍♂️🙇🏻‍♂️🙏🙏

 جزء من التسخير والعبودية .. انك تتحط في نير او في طاحونة تلف فيها جوة خطة الناس او افكارهم او طموحاتهم بلا توقف و انت في استهلاك ونزيف .. الرب ها يكسر نير فرعون وفكره وخطته .. عن كل اسرائيل ..   الرب ها ينتشلهم كما انتشل موسى  ..   هما مش ها يكونوا عبيد و لا ها يفضلوا كدة .. دي هوية كذابة .. اتفرضت عليهم لمئات السنين .. لا مش ها تكمل القصة كدة .. دول هويتهم الحقيقية شعب للرب ولهم ميراث ارض مواعيد  .. عتق عتق عتق .. وفكاك وافتداء .. مجداً مجداً مجداً 💥🙇🏻‍♂️

 امبارح قعدت افكر في قصة يعقوب .. قصة فيها كمية ألم رهيبة .. شخص شاف نفسه قيمته قليلة في بيت ابوه .. فقرر يستغل اعياء اخوه بعد الصيد الطويل .. ويجبره انه يبيع له بكوريته بطبق عدس .. تصرف وحيش جداً .. !!   وبعد شوية يخدع ابوه اللي بيحبه ويستغل ضعف ابصاره بطريقة خسيسة جداً .. علشان يجرد اخوه من اخر حاجة فاضلة له وهي بركة ابوه له ك بكر .. !! من بعيد كدة .. يعقوب ما يصلحش يكون شريك في مواعيد الرب ل إبراهيم واسحق .. لكن فجأة يظهر المفتاح الحقيقي في قصة كل واحد فينا .. " الالم " 👉 يجتاز يعقوب الالم بشكل رهيب .. يسيب امه اللي بيحبها جداً .. يهرب في رعب البرية .. يشوف لمحة من مجد السماء وياخد تأكيد انه شريك في مواعيد  .. فيتعشم ان الدنيا في صفه .. يروح لخال مخادع .. يزود فيه طبيعة الخداع وياخده بعيد عن التشكيل .. و تاني يتألم ٧ سنين و مش ها يوصل لحبيبته .. ويشتغل ٧ كمان علشان يوصل لها .. وبعد ما يوصل لها ..  يقرر يستقل عن خاله .. يهرب في رعب للبرية تاني .. هربان من خاله وعبيده الكتير .. ومرعوب من اخوه اللي خدعه من زمان ..   وبعد ما ينجح .. يكتشف ان مراته حبيبته اللي خر...

 اشعياء ٢ .. 🔥🔥 يارب بصدق ان الكلمات دى تغطينا فى السنين الجاية .. اؤمن ان من صهيون الروحية من الكنيسة بيتك .. تخرج الشريعة .. وتنفك امم وشعوب من سلطان ابليس وتأثيراته بسبب الاعلان الظاهر فى الكنيسة .. 🔥🔥

 اشعياء ٥٧ ..  ٣"أَمَّا أَنْتُمْ فَتَقَدَّمُوا إِلَى هُنَا يَا بَنِي السَّاحِرَةِ، نَسْلَ الْفَاسِقِ وَالزَّانِيَةِ. ٤بِمَنْ تَسْخَرُونَ، وَعَلَى مَنْ تَفْغَرُونَ الْفَمَ وَتَدْلَعُونَ اللِّسَانَ؟ أَمَا أَنْتُمْ أَوْلاَدُ الْمَعْصِيَةِ، نَسْلُ الْكَذِبِ؟ ٥الْمُتَوَقِّدُونَ إِلَى الأَصْنَامِ تَحْتَ كُلِّ شَجَرَةٍ خَضْرَاءَ، الْقَاتِلُونَ الأَوْلاَدَ فِي الأَوْدِيَةِ تَحْتَ شُقُوقِ الْمَعَاقِلِ فارق معايا جدا .. وضوح الصورة الروحية .. اللى بيرسمها اشعياء بكلامه .. ابليس نجح مع الوقت انه يرسم صورة خادعة عن نفسه للناس .. والناس باقوا بيخافوا وبيترعبوا منه .. حتى اللى فى الكنيسة نفسها .. !! بينما هنا إشعياء النبى بينده على بنى الساحرة .. مش بيهرب منهم او بيقول خلينى فى حالى .. او ربنا يكفينا شرهم .. !! ده هو اللى بيجرى وراهم علشان يسقط عليهم قضاء الله .. مش خايف من ابليس .. لكنه بيطلق سلطان مهول بإعلان الرب .. وابليس وبنيه هما اللى بيهربوا من قوة اعلانات الرب اللى فيه .. 🔥🔥 هو ده الواقع الحقيقى .. الواقع كما هو فى السماء .. 💪💪🔥🔥

 النهاردة طول اليوم ها كون بصلي بالاية دي 👇 إشعياء ٣١ : ٥ كَطُيُورٍ مُرِفَّةٍ هكَذَا يُحَامِي رَبُّ الْجُنُودِ عَنْ أُورُشَلِيمَ. يُحَامِي فَيُنْقِذُ. يَعْفُو فَيُنَجِّي". الرب إلهنا ها يتحرك في احداث حياتنا بطرق ها ترعب الاعداء .. زي ما النسور بتتحرك حوالين العش لحماية صغارها .. و كل افعى او مفترس بيرتعب .. إلهنا يقدر يدخل المشهد في اي لحظة .. ويقلب شكل الاحداث .. هو إله ينقذ وينجي للابد .. 🙇🏻‍♂️

 مهما كانت الهموم اللي بتترمى جوة اعماقنا ..  برضه إلهنا مش ها يسيبنا لوحدنا .. وها يحتضن حياتنا كما الام لطفلها ..   وسنفيض بالفرح واليقين بسبب محبته الفائقة .. ونعم سيظل هو الضامن الوحيد وللابد .. مجداً مجداً مجداً 💥🙇🏻‍♂️ المزامير ٩٤ : ١٩ عِنْدَ كَثْرَةِ هُمُومِي فِي دَاخِلِي، تَعْزِيَاتُكَ تُلَذِّذُ نَفْسِي. 🎉👏

 النهاردة طول اليوم ها كون بصلي بالاية دي 👇 العدد ٦ : ٢٥ يُضِيءُ الرَّبُّ بِوَجْهِهِ عَلَيْكَ وَيَرْحَمُكَ. 💥🙇🏻‍♂️ انوار الرب فوق حياتنا .. ها تهزم وها تفضح مكايد الظلام .. و دي اعظم مراحم من الرب .. يا باختنا بأبو الانوار للابد .. مجداً مجداً مجداً 💥🙇🏻‍♂️

 امبارح كان الرب بيخاطب قلبي .. ان فيه امور تبدو مستحيلة او غير موجودة بالنسبة ليّ .. لكن هو بيبقى شايفها بوضوح ويستطيع ان يدعوها بقدرته .. هو يعرف كرمه و يعرف متى ستنبت البذور الصغيرة وتخرج من اختبائها لتكون اشجار ضخمة جداً .. يا يوسف .. رغم ان احداث حياتك صعبة جداً وفيها ظلم رهيب .. و لا يوجد رجاء في الافق .. لكن الراعي .. شايف اللي انت مش شايفه  .. مياه راحة اتية و مراعي خضر واسعة .. ستنموا وستملك .. مهما كانت قوة سهام اعدائك .. نعم أموراً جديدة وفائقة وخارج حساباتنا .. ينبتها ويرعاها إلهنا .. مجداً مجداً مجداً 💥🙇🏻‍♂️

 مستمتع جدا جدا بالاعلان ده .. 🔥🔥 فَقَالَ لَهُمُ ٱلْمَلَاكُ: «لَا تَخَافُوا! فَهَا أَنَا أُبَشِّرُكُمْ بِفَرَحٍ عَظِيمٍ يَكُونُ لِجَمِيعِ ٱلشَّعْبِ:  11  أَنَّهُ وُلِدَ لَكُمُ ٱلْيَوْمَ فِي مَدِينَةِ دَاوُدَ مُخَلِّصٌ هُوَ ٱلْمَسِيحُ ٱلرَّبُّ.  12  وَهَذِهِ لَكُمُ ٱلْعَلَامَةُ: تَجِدُونَ طِفْلًا مُقَمَّطًا مُضْجَعًا فِي مِذْوَدٍ».  13  وَظَهَرَ بَغْتَةً مَعَ ٱلْمَلَاكِ جُمْهُورٌ مِنَ ٱلْجُنْدِ ٱلسَّمَاوِيِّ مُسَبِّحِينَ ٱللهَ وَقَائِلِينَ:  14  «ٱلْمَجْدُ لِلهِ فِي ٱلْأَعَالِي، وَعَلَى ٱلْأَرْضِ ٱلسَّلَامُ، وَبِالنَّاسِ ٱلْمَسَرَّةُ». الله الممتلىء بالمجد والارتفاع والتميز والكمال .. ها يسكب على الارض سلام يسكت التوتر والخوف والفزع .. فى حياة كل من يؤمنون به ويسر بإيمانهم .. ( دى ترجمة من الترجمات ) .. يارب بصلى اننا نتملى بيك ونبص عليك وانت كامل ومليان مجد .. وبتضع وبتلمس ارضنا .. نبص عليك ونثق فيك ونتملى ايمان .. وتملانا فرح وسلام يكسر حزننا ويهزم شكوكنا .. شكرا من اجل رسالة الفرح اللى بترسلها لأرض حياتنا .. 🔥🔥💪💪

 يعقوب ٤ : ٨ اِقْتَرِبُوا إِلَى اللهِ فَيَقْتَرِبَ إِلَيْكُمْ النهاردة الصبح .. كان الرب بيكلمنى .. ان بمقدار ما اقبل انا ان يكون هو شريكا فى حياتى .. واقدم على فتح اجزاء جديدة فى حياتى له .. بمقدار ما سأجده حاضرا معى فى كل وقت .. يغطى هذه الحياة بالمجد .. هذا هو دورى الوحيد فى العهد .. ان اقبل ان يدخل الى قلبى وحياتى .. وكل ما ها كون شريك معاه .. كل ما ها يخرج امام حياتى وها يحارب حروبى .. وكل ما ادعوه وانا فى الضيق .. هلاقيه بينقذنى وسأمجده .. هلليلويا .. 🔥🔥 يارب فى هذا اليوم .. انفتح عليك اكثر مما مضى .. واقترب إليك فتقترب إلى .. 🔥🔥