ازمنة من يد إلهنا ـ رؤيا روحية

 

 

الظهر كنت بتغذى  .. وذهنى مشغول بمواعيد كتيرة الرب كلمنى بيها .. وتقريبا الواقع عكسها تماما ..

وكنت بقول لنفسى .. كدة صعب خالص ..

وانا بقول كدة ..

شوفت نفسى واقف فى منطقة ظلمة ومليانة غيوم .. لدرجة ان الغيوم كانت حوالين راسى .. !!

وما كونتش عارف اشوف حاجة ..

وميزت فى روحى ان دى نظرتى للواقع الحالى ..

وفى روحى شوفت الغيوم ممتدة لمسافة بعيدة .. وكأن حدود ادراكى مش قادرة توصل لأى نور ..

لكن هلليلويا .. سمعت صوت فى روحى .. انا احضر ازمنة جديدة ..

وشوفت ايد الرب .. ايد عملاقة جاية من بعيد .. وكانت قبضة مغلقة ..

واتفتحت قدامى وخرج منها نور مهول .. واختفت الغيوم والظلام تماما ..

وعرفت فى روحى .. ان الرب ها يجى على حياة منتظريه .. بأزمنة عمرهم ما ها يقدروا يدركوها بذهنهم ..

لانها مش موجودة غير معاه هو فقط ..

وها يحضرها فى وقته .. ونعم ستكون غير متوقعة ابدا .. ومجدها مهول .. مجدها من مجده ..

هلليلويا 🔥🔥💪💪