شخص جاثي ـ رؤيا روحية ..

 من الصبح وانا شايف في روحي مشهد غريب جداً ..

شخص جاثي على ركبه وقاعد قدام كتابه المقدس وبيصلي .. حواليه مساحة ضلمة رهيبة ..

لكن نور الرب نازل على الشخص ده كأنه كشاف مسرح عامل سبوت على مقدم الحفلة ..

لكني شوفت كائنات شيطانية قي الظلام .. كل واحد ماسك رأسه وبيصوتوا بألم ومرارة رهيبة .. وبينحنوا بوجع رهيب في كل كيانهم .. وبدأوا يدوخوا ويترنحوا ويخبطوا بعض ويوقعوا بعض .. لان كلهم كان في غثيان وصراخ .. !!

ذهلت وتهللت من المشهد المهيب ده ..

ساعتها عرفت قوة المحضر اللي الشخص ده فيه .. ده محضر الرب .. وكلمات الحق اللي في كتابه وصلواته بالروح .. عاملين تدمير في اعدائه ..

افتكرت صراخ العدو يا تلفي يا تلفي ..

وها قولها بالايمان ومصدقها .. الزمن ده رغم كثرة شره وكذب ابليس فيه .. الا ان الرب ها يقيم عبيد واماء له هو .. وها يسجدوا وها يهتفوا للرب .. وجيش الشيطان سيصرخ بمرارة بسبب قوة المؤمنين الحقيقيين في هذا الزمن ..

انا مدركهم في روحي .. دول فعلا جيش بألوية .. وابليس بيجتهد انه يعطلهم ويجرحهم .. لانه يعلم جيداً ان محضر الرب فيهم سيتلف كل ما بناه لسنين للاهلاك ..

امين يارب لتنطلق العروس متسربلة ببرك ومرهبة .. أطلق قوتك في العروس .. جيشك العظيم .. ليسيطروا بيك على اجواء احتلها الكاذب ..ويطلقوا خلاصك ويحسموا حروب .. كرامتك ومجدك فيهم الى الابد امين 🙏💥