خطورة ابليس انه بيعمل فى الظلام بنشاط ..

 خطورة ابليس انه بيعمل فى الظلام بنشاط ..
وللاسف مجرد ابتعادى عن نور الرب هو بداية لمناطق ظلام مدمرة ..

حتى لو فرحتنى ثوانى بتدمرنى ساعات وايام ..

كل فكرة او وقت او مشاعر او خطط او علاقات او اماكن او مواقع .. انا باخدها مع نفسى فى معزل عن الله ..

وببقى كأنى مستخبى فى الظلمة علشان الله ما يشوفنيش ..

وببقى بحاول اخمد اى صوت يفكرنى بالله .. وبحاول اخمد اى وصلة او صلاة او اتصال بينى وبين الله .. فى الوقت ده ..

وكأنى بقول لله .. بص انت مش فاهمنى ولا فاهم احتياجى ولا مجهز راحة لى .. فأنا عامل الوقت ده على كيفى وعلى مزاجى .. ومن فضلك سيبنى فى حالى دلوقتى ..

اوعى تخرج من محضر الله ابدا تحت اى ظرف .. لان برة محضره فعلا بكاء وصرير اسنان .. واللى بيضحكوا برة بيضحكوا كضحك السكارى فى طريق هلاكهم .. 😢😢

المسيح واقف على الباب ويقرع .. افتح الباب لانه هو رجائك الوحيد فعلا .. 👉👉