المسيح يشفي الالم بسلطانه ـ رؤيا روحية

 كنت بصلي من اجل شخص مجروح جداً ..

فشوفت قلبه من جوة .. متفتح بجروح كتير اوي .. و مش بتتقفل ابدأ مهما عدى الوقت .. 

و كان قلبه بينزف و بينقبض بألم شديد و طاقته ضعيفة ..

و انا بصلي ما كوناش شايف ايه سبب استمرار الجروح ..

لغاية ما شوفت ايد المسيح بتمر على قلبه .. 

ساعتها لاقيت قطع زجاج حادة حداً بتخرج من جوة جروح القلب .. 

و بتنجذب لإيد المسيح .. ايده كانت مليانة سلطان بيجبر كل الزجاج يخرج له كأن ايده مغناطيس .. 

و اي زجاج في عمق الجرح كان بيخرج ..

و بدأت الجروح يتغير منظرها و تتقفل و تتشفي و توقف نزيف .. 

نعم اؤمن في سيادة و سلطان المخلص .. المسيح يسوع .. نعم هو رب يسود و يملك على القلوب .. و وجوده يشفي وحضوره يحسم قصص الاعماق .. 

بصلي النهاردة ان جميعنا نلجىء الى المسيح بألامنا و اوجاعنا حتى التي لا نعرف اسبابها .. و نعم نتخبر زيارات منه تخرج الزجاج و تخلص من الالم و تبرأ ..

.. و نرى عجائب و نشهد .. انه هو الرب صانع هذه العظائم وحده .. 

اؤمن اؤمن اؤمن ..