لماذا يترك الناس الكنيسة ؟؟!! 😭

 لماذا يترك الناس الكنيسة ؟؟!! 😭😭

سؤال صعب جداً جداً جداً .. و له عشرات الاجابات ..

لكن واحدة منهم و هي هامة جداً وقابلتني ..

غياب احشاء الرأفة .. 👉😭

يمكن تستغرب و انت بتقرا .. وتقول بس كدة ؟؟!!

اه صدقني .. !!

احشاء الرأفة اللي اتكلم عنها الرسل في العهد الجديد .. مش معناها اني اشوف حد غلبان فأقول " يا حرام ده غلبان .. او حقيقي صعب عليّ خلونا نفكر نساعده او نسلم عليه في اخر الاجتماع .. "

احشاء الرأفة .. هي ان الاعضاء جميعاً يتألموا من اجل ضرر او احتمالية فقد عضو في الجسد ..

عارف يعني ايه يتألموا .. يعني يبكوا ويتوجعوا جداً بمرارة .. ويبقوا مش قادرين يعيشوا كجسد سليم غير بشفاءه ..

يعني لو ايدك اتلسعت من الحلة او رجلك اتجرحت من خشباية صغيرة ..

كل جسدك .. كل جسدك .. كل جسدك .. بيبكي ويصوّت ويجري ويشوف علاج ويتكلم فون ويحجز لطبيب ..

مش لما عضو يتألم .. جميع الاعضاء .. تقول بصوا احنا من الاصلح نستغنى عنه .. و يوجدوا العلل اللي مش موجودة ويسببوا الاسباب اللي مش موجودة .. 😭😭

يقولوا ده مش عاجبه حاجة .. ده عايز يكون الكبير .. ده بيوجعنا علشان كلنا نقوله احنا تحت امره .. ده عايز يمشي الناس على كيفه او مهرطق او معوج او مريض نفسي .. او هما اصلاً لوكال مش مستوانا او هما اصلاً مش عارفين يندمجوا معانا ربنا معاهم بقى .. خلونا يا جماعة نصلي علشانهم اصلهم غلابة لوحدهم لانهم وحشين .. !!

بينما العضو ده كان متألم تماماً و قرر يقول انه متألم ويبعد على جنب بألمه .. خسارة كان بيتمنى يكون في جسد سليم يروح يجري يشوف ماله ويعالجه .. 😭😭

يا كنيسة .. ايه اللي وصلتي له ده ؟!!!😭😭

خسارة ها تعيشي جسد عاجز .. جوة الملكوت .. فقد اعضاءه وكذب على نفسه انه سليم .. لكنه عاجز .. 😭😭😭

 

 
ملحوظة هامة جداً ..

 مش كلامي على الاغنياء .. لان الرب باركني خلال حياتي البسيطة بناس اغنياء في روحهم قبل اموالهم .. وبرضه أغنياء في اموالهم .. و الرب كان بيكلمهم بوضوح وبيخاطبهم بطرق كتير وبيضعوا كل امكانيتهم في خدمته وقمة في الاتضاع ..

لكن كلامي كان على اصحاب الذات .. اللي بيصنفوا نفسهم انهم الافضل .. بأي سبب اخر غير ترقيات الرب .. هما بيرقوا نفسهم ..  ولذلك مش بتغطيهم المسحة .. وبيتلفوا وحدة الجسد ..  تحت اي مسمى وغطاء يظهرهم رائعين ..