معلومات عني ..

 معلومات عني .. 👉

انا شخص .. غيور جداً على رؤية شعب حقيقي للرب و ملكوت روحي قائم للرب في الارض يغير العالم ويسحق الظلام ويطلق المأسورين ..

لدي ظروف صعبة جداً دائماً .. و مع ذلك اشاركك واستمتع معك بكلمة الرب ..

لدي تمييز روحي وهو عطية من الرب .. وعندما اقول " الرب قالي " او " و انا بصلي شوفت " .. على الارجح ببقى على يقين من كدة ..

بساعد ناس كتير ليقوموا امام الرب .. و ده ممكن يكون في الخفاء .. وعلى فكرة ممكن يكونوا من عيلتك او من خدام اساسيين في كنيستك .. 👉🤔

وبصلي علشانهم كتير.. فما تتسرعش في الحكم عليّ اني مغرور ومش برد عليك لاني فعلا مش بلحق ..  المتسرع دائماً مخطيء و جاهل في قراره ..  

مش بصلي بإعلانات ابداً .. 👉

بتحرك بقيادة الروح في جزء كبير من حياتي .. فمش ببني في ملكوتي لكن في ملكوت الرب .. ف إوعى علشان درست او معاك شهادة او منصب ديني او تعليمي .. انك تتصور انك قادر على الحكم على توجهاتي .. اسف اقولك انت ما تعرفش اي حاجة عني .. انت فعلاً جاهل بيّ ..  👉

لست في راحة .. لكني اتعرض لألم مستمر انت مش شايفه من اجل الرب ..

انا بخضع بنسبة كبيرة للرب و لو عمل تغيير في دوري ها تتفاجيء اني ممكن اجي اكنس مكان انت بتعبد فيه مش امسك مايك اوعظ ..  فإنت ما تعرفنيش علشان تحكم عليّ .. الخضوع نهر سباحة .. لما تدخل للعمق ده .. ها تفهم قصدي هناك ..

انا مش ضد حد ولا ضد كنيسة ولا ضد عمل الرب .. اكيد لا طبعاً .. لكني ضد اشباه الكنيسة .. و اعتقد اذا كنت شايف ان تبكيت الروح هو عمل ضد بنيان الكنيسة يبقى عندك مشكلة .. لان كل رسايل العهد الجديد و قبلهم كلمات المسيح والانبياء كانت بتبكت وبتوجع اوي ..

أحياناً ببقى متهالك نفسياً لدرجة اني مش بقدر اكلمك بالتليفون اعزيك فبكتب بس ..  لكن خليك واثق اني بصلي علشانك و احيانا كتير ..

معظم ما اكتبه بقيادة من روح الرب .. لكن اكيد في انفعالات ونقائص فيّ ولست كامل بل لدي الكثير من الاخطاء .. فأنا اداة في ايد الرب .. وليس هذا تفوق مني .. لاني مازال لدي عيوب كثيرة ..

شكراً ❤️🙏