خطورة تواجد وسيط لتوصيل اعلانات الرب الدورية لك .. !!

 خطورة .. و مجازفة .. رقم ١ ..  👉

انك تسمح بشخص وسيط ياخد مشيئة الرب لحياتك من الرب نفسه علشان يعلنها لك بشكل دوري او في كل قرار او في الزواج او في اي تعطيل او او او  ..  ( و ده قد يكون غير حقيقي او غير مؤكد دائماً او يهاجمه التشويش )

محتاج اناقش بعض النقط ..

اولاً ..  👉

الرب من خلال الكتاب المقدس كله .. بيطالب البشر بعلاقة شخصية معاه .. بدليل ان الذبائح جزء كبير منها فردي ..
كمان الرب حرك الانبياء لتوجيه رسائل تبكيت و تشجيع فردية .. و ده علشان يقول انه بيهتم بالافراد بشكل مباشر ..
عمل الخلاص اللي قدمه المسيح .. يخص الفرد ثم الجماعات ثم الامم و الشعوب .. و لذلك المسيح يفدي من يقبله في قلبه ..
سكنى روح الرب و الامتلاء به و معموديته هي أيضاً تعاملات فردية و ايضا جماعية ..

هذا يجعلني اسأل لما قد يعطي الرب شخصاً ما .. كلام مستمر لتوجيهك .. و لم يعطيك كلاما يدفعك لعلاقة شخصية اعمق مع كلمته و روحه ؟؟!!

ثانياً .. 👉

احتمالية ان الشخص اللي وثقت فيه ك وسيط للحصول على توجيهات دائمة و دورية من الرب ( و ده خطأ كبير ) ..

يكون تحت حرب من العدو و مسببة له تشويش في صراعات او ضغوط زمنية او روحية .. و ده يسبب انه يشاركك بأمور مشوشة تخص جزء من حياته او حياتك او حياة الاخرين ( بالذات لو شاف رؤيا او ميز مشاعر او اجواء روحية )  .. و ما كانش قادر على فصل الجزء الخاص بيه او بالاخرين عن اللي فعلاً ميزه من جهتك ..  

ممكن كمان تكون حواسه المنصتة للرب ضعفت .. لو كان شخص بدأ يهمل تكريسه .. و مشغول بأمور زمنية كتير اخرى ..  و انت طبعاً لا تعلم عنها شيء .. و لا هو ها يقولك .. او ممكن يكون مش مميز ضعف حواسه  و علاقته بالرب و مكمل  ..

الاسوء انه لو كمل يشاركك و هو فعلاً بدأت شاركته تضعف مع الرب ..  ممكن يبدأ ذهنه يستنتج امور من حياتك و نمط شخصيتك .. و يضيف كلام تشجيع حتى لو من الكتاب او يشبه صوت الرب ..

الاسوء من كدة .. لو اصطادته ارواح العرافة .. و شافته اداة ناجحة لتضليل الناس .. فممكن يبدأ يقول كلام و مواعيد منهم مش من الرب .. بعضها يتم تحت سيادتهم و تحكمهم .. او لا يتم و يشكك في صلاح الرب و إلتزامه ..

 .. 

احذر احذر احذر .. للحديث بقية .. 👇


محتاج اطلب طلب .. لا تدخل تسألني بتتكلم عن مين .. ؟؟ و لا تستخدم كلامي في اهداف اخرى .. و لا تستثني اي حد من كلامي و لا حتى انا ..

شكراً 🙏

لقراءة مواضيع مشابهة اضغط على العنوان التالي ..

تعليقات

إرسال تعليق

المقالات الشائعة في هذه الصفحة ..

حماية من الالسنة الشريرة - صلاة ..

  في اية خطيرة ومعروفة .. الامثال ١٢ : ١٨ يُوجَدُ مَنْ يَهْذُرُ مِثْلَ طَعْنِ السَّيْفِ،  ( يهذر جاية في احد الترجمات .. يطلق كلمات بدون تحكم بها .. و انا مدرك ان في ناس بتقول كلمات من الشيطان .. وفعلا هما مش بيعرفوا انها منه للتدمير ولا بيعرفوا يتحكموا في لسانهم .. لان ده سلطان من الشرير .. والاسوء طبعاً اللي عارفين انها من الشرير ومستمتعين !! )  النهاردة لغاية ليلة الصلاة ما تبدأ .. ها كون بصلي بالاية دي 👇 أيوب ٥ : ٢١ مِنْ سَوْطِ اللِّسَانِ تُخْتَبَأُ، فَلاَ تَخَافُ مِنَ الْخَرَابِ إِذَا جَاءَ. ( الرب يخبئك في حمايته الكاملة من ضربات اللسان الشرير المدمرة و التي تسبب الخراب .. )  إلهنا حصن منيع وجاهز لصد وتدمير اي عدو .. يهوه صباؤوت في ارض معاركنا ..  مجداً مجداً مجداً 💥🙇🏻‍♂️
اقرأ المزيد ..

هل ممكن التحرر من قيود بسبب رفقة روح من مملكة الظلمة ؟!

صورة
  القيود انواع كتيرة اوى اوى .. لكن فى نوع منهم .. بيبقى بسبب رفقة روح من مملكة الظلمة .. الروح ده بيعمل بشكل دائم على دعم النوع ده من القيود وتقويته حوالين ذهن او مشاعر او نمط حياة حد .. هو بيعمل بنشاط في داخل الدواير المتكررة .. علشان يحبس كل واحد جواها فى صمت وهزيمة وندم وخوف ووجع مع نفسه .. ويذله ويستنزفه بهدوء .. وهو احد الاسباب الممكنة .. وراء احداث كتيرة .. ممكن ما يكونش الناس بيشاركوا بيها حد .. زى الالم داخل ذكريات موجعة او بتزداد وجعا .. زى العادة السرية والاستمرار فيها بشكل قهرى .. زى موجات غضب وهياج عصبى او انهيار نفسى شديد .. زى الخيانات الزوجية فى اتفه واقذر علاقات وقتية او مستمرة فى الظلام .. هنا ها يجى حد .. يقولى يعنى انت كدة خليت كله شيطانى ما فيش علم نفس خالص .. ها رد وها قول انا ما قولتش كدة ولم اشمل الكل .. لكنى قصدت الجزء .. وحد تانى ها يقولى .. الكلام ده برة الكنيسة وما لهوش دعوة للمؤمنين دول محميين .. ها قوله ربنا معاك وكمل فى اللى انت شايفه .. لكن مين هما المؤمنين بالنسبة للعالم الروحى .. وايه هى الحماية نفسها .. ولأ فى مؤمنين فى كنايس .. عندهم اللى انا بتك...
اقرأ المزيد ..

آلهة العالم .. و الاستغلال ال ج ن س ي للاطفال ..الاله مولوخ "مولك"و البودوفيليا !!

صورة
      حالياً بدأت دول كتير تعترف ب ال " ب و د و ف ي ل ي ا " او حرية الانتفاع و الاستغلال ال "  ج ن س ي " للاطفال .. و ده بقى بيفكرني ب إله قديم سيطر على دول وشعوب  .. اسمه  " مولك او مولوخ " .. و يهوه اعطى تشريعات واضحة لفضح هذا النموذج الشيطاني الذي تختفي من خلفه ممالك مظلمة للسيطرة على شعوب  .. الاله الشرير ده كان بيشترط في ذبيحته انها تكون طفل تحت ٣ سنوات يحترق امام امه المتألمة والمعذبة من ألم فقده .. انا اتصعقت  من نقطة ان امه تكون مرغمة .. لاني كنت متصور ان ده برضى عائلة الطفل الوثنية ..  لكن لا .. ده كان غصب عن الام ولازم تكون متألمة جداً .. و ده بيفسر ليه دلوقتي دول كتير بتفرض الاتجاه ده .. لان اللي منافي للفطرة .. زي انك تاخد طفل من امه .. هو ده اللي بيغذي الشياطين بمشاعر وذبائح تشبع رغباتهم و تديهم تسلط اكبر على الشعوب .. لان اللي بيقدم ابنه او بنته بيقول انه عبد للاله مولك او مولوخ .. و حتى لو امتلكت الدول دي ثراء او علم  .. ها تنال كمية لعنات هائلة وحروب مجاعات .. المهم مولك لسة موجود وبيغير شكله .. لان عبادات ال شيطان الحالي...
اقرأ المزيد ..

حتى لو الواقع عكس مواعيد الرب ..

 لكل شخص الرب وعده بمواعيد .. و كل الاحداث بتأكد انها مستحيل تتحقق .. 👉 عشرات المرات بيجي الشيطان يرسم مشهد امام المدعوين .. ببراعة تقترب من ١٠٠ ٪ واقعية .. بإن حياتهم مهددة بالافناء و انهم لن ينجحوا في الوصول الى رؤية تحقيق الرب لمواعيده لهم .. !!  "وَقَالَ دَاوُدُ فِي قَلْبِهِ: «إِنِّي سَأَهْلِكُ يَوْمًا بِيَدِ شَاوُلَ، فَلاَ شَيْءَ خَيْرٌ لِي مِنْ أَنْ أُفْلِتَ إِلَى أَرْضِ الْفِلِسْطِينِيِّينَ، فَيَيْأَسُ شَاوُلُ مِنِّي فَلاَ يُفَتِّشُ عَلَيَّ بَعْدُ فِي جَمِيعِ تُخُومِ إِسْرَائِيلَ، فَأَنْجُو مِنْ يَدِهِ»." (1 صموئيل 27: 1). لكن الحقيقة ان الرب بيعرف يسحق كذب مشهد ابليس .. و قول الرب لا يسقط منه حرف واحد .. 🙇🏻‍♂️💥 صموئيل الاول ٢٦ : ١٠ وَقَالَ دَاوُدُ: "حَيٌّ هُوَ الرَّبُّ، إِنَّ الرَّبَّ سَوْفَ يَضْرِبُهُ، أَوْ يَأْتِي يَوْمُهُ فَيَمُوتُ، أَوْ يَنْزِلُ إِلَى الْحَرْبِ وَيَهْلِكُ صموئيل الاول ٣١ : ٤ فَقَالَ شَاوُلُ لِحَامِلِ سِلاَحِهِ: "اسْتَلَّ سَيْفَكَ وَاطْعَنِّي بِهِ لِئَلاَّ يَأْتِيَ هؤُلاَءِ الْغُلْفُ وَيَطْعَنُونِي وَيُقَبِّحُونِي". فَلَمْ يَشَأْ...
اقرأ المزيد ..

يد الرب تنقذ بحسم - رؤيا روحية ..

 امبارح شوفت مشهد بسيط خالص .. شوفت انسان او انسانة .. بيغرق في مياه كثيرة اوي .. وكانت المياه دي لونها اخضر غريب كأنها بحر موت .. وكان في كائنات مظلمة بتنظر له من بعيد بسعادة كأنهم بيتفرجوا على مشهد ممتع .. وكان خلاص بيفقد انفاسه .. وفرد ايديه وبدأ يسقط للقاع وغمض عيونه .. و انا بقول خسارة قصته انتهت في الهلاك .. لاقيت في لمح البصر بسرعة اكبر من اي سرعة ممكن اكون شوفتها .. ايد الرب عملاقة ومهولة .. دخلت في عمق المياه وانتشلته وخرجت بيه في لحظة .. و اتقفلت الرؤيا قدام عيون روحي .. لا نتوقف ابدأ عن طلب الرب من اجل الاخرين حتى لو الواقع بيأكد انهم بيهلكوا ويموتوا .. لان يد الرب لن تكون ابداً قاصرة على ان تخلص .. سيدركهم الرب .. هذا الضال كان ميتاً فعاش و كان ضالاً ولم تنتهي قصته في الضلال بل وجده الرب .. نعم إلهنا جبار ويخلص دائماً .. مجداً مجداً مجداً 🙇🏻‍♂️💥
اقرأ المزيد ..