ابليس و سلاح العار

 احد اسلحة ابليس ..

و اعتقد هو بيستمتع جداً بإستخدامه .. هو العار ..

لكل شخص مدعو من الرب .. توقع ان العدو ما كانش غافل عن استعداد قلبك و احتمالية انك تقبل دعوة الرب ..

فها تلاقيه زرع و بيزرع حوالين حياتك .. قيود عار شديدة القسوة و الاذى للنفس ..

مواقف و ذكريات و ناس و و و ..

كل ده علشان يخليك منهك تماماً و غير قادر على طلب الرب او المسير مع الرب او رؤيته هو كعدو او الدخول لإمتلاك ارضك و ميراثك او الوصول لدرجة خضوع و انسجام مع روح الرب لتبدأ رحلة الاستخدام و المجد ..

ابليس متشوه جداً و لديه رغبة انه يذل اي حد مهما كانت بساطته او عدم ادراكه للحرب .. بيهاجمه بخسة شديدة ..

عايز اقولك .. مهما كان العار اللي رافقك او لسة بيرافقك ..

إلتصق بالرب و حب الرب بمحبة صادقة .. و الرب سيتلف هذا النير .. و ستسمع صراخ عدوك بألم شديد لان الرب يسكب عليك من مجده للابد ..