اجواء مصر الروحية تحتاج الى الصلوات ..
بقالي فترة مميز بشكل واضح هياج من ابليس في اجواء مصر الروحية .. كل ما ارفع عيني و اصلي من اجل مصر اميز مركبات مظلمة في السماء الروحية ..
قد تشعر ان كلامي غريب لكن في مذابح للعدو بيبنيها في الظلام سواء برة مصر لإستهداف ازمنتها .. من خلال سحرة او عرافين او كلمات من لهم معرفة مؤثرة في جمهور من البشر ..
او له مذابح في الارض نفسها من طرق شيطانية كثيرة يبنيها ليضعف البلد .. ابسط نماذج بنشوفها في الميديا و ترويج حروب السحر و غيره .. مساحات الافتراءات الشديدة .. التعدي ال ج ن س ي على الاطفال .. او او او
من حوالي ١٠ سنين لاحظت نفس الحرب دي في الاجواء و طلبت نتحد و الرب باركنا جداً ..
فالروح ذكرني ببعض مما كتبت وقتها .. و أشكر الرب روحت للموقع الالكتروني و تمكنت اني ألاقي المقال القديم ( و ده احد اهداف انشاءه ) ..
فها نزل المقال زي ما هو .. 👇👇
--------------------------------
بقالى فترة كل ما اصلى فى الروح وارفع عينى لفوق .. اشعر ان مملكة الظلام فى الاجواء الروحية لمصر فى حالة من النشاط الهائل والتحرك السريع .. 🤔
لما بشوف المشهد ده ببقى عارف ان فى نشاط لمذابح شيطانية جماعية .. بوابات كتيرة معمولة من احداث ظاهرة او خفية بتتفتح على ازمنة مصر الحالية .. تجمعات وعبادة حول ذبائح للشيطان .. سواء فى شكل طقوس شفاهية او دموية او زنا او ادمان حول مذبح شيطانى .. اى شكل يسبب تفويض للظلام ..
قد يكون كلامى غريب على البعض .. لكنى مش بجتهد لإقناع حد .. اللى مميز كدة بيفهم كلامى ..
واللى مش مميز كدة بصلى علشانه انه يجلس امام الحق ويطلب الرب من جهة الامر ده .. والرب ها يفتح عينه .. ابونا غنى جدا جدا وها يديلك من كرمه .. دى عطيته للجميع مش لحد معين ..
المهم .. النهاردة ها كون بصلى لهدم هذه المذابح الشيطانية .. 👉👉
ممكن البعض يقولى .. يا عم خليك فى حالك انت مش اد القصة دى .. انت كدة داخل ضد رياسات او سلاطين .. انت بتخبط فى مناطق سيادية ..
ها رد واقوله .. المدعوين غير المتفرجين .. اللى مدعو لكدة من الرب ها يعرف ان الرب حاميه فى المنطقة دى .. وان الرب بيمنحه هو ورجاله وبناته السلطان لهدم المذابح دى .. وعلى فكرة لو مهدمنهاش ممكن توصل تأثيراتها لناس كتير غاليين وممكن توصل لإجهاض عمل للرب بينموا فى اشخاص او مناطق .. وممكن تحجب بركات عن مصر وتعطل خير ورحمة زمنيا ..
ايزابل عمالة تبنى اماكن وتعين كهنة للظلام .. لكن ايليا وركب ساجدة كتيرة اوى اوى .. ها يهدموا كل اللى عملته ايزابل وها يهدموا ايزابل نفسها .. البلد دى غالية اوى اوى .. مصر دى ثروة روحية ولا يمكن نفرط فيها ..
المهم ها بدأ اصلى ..
يارب بعلن اسمك رب الصباؤوت .. الحى الى ابد الابدين .. ان تملىء بسلطانك وحقك اجواء مصر الروحية .. بعلن ان كنيستك الروحية تنهض متسربلة بسلطانك وتحكم فى سماء مصر .. وتصدر قضائك على رياسات وسلاطين ..
ابناء هذه الارض يارب يستردون فيك ازمنتها وتعويضتها .. ليكن نور .. ليكن فاصل بين الظلمة وانوارك فى مصر ..
نعم تجهز جيل نبوى ممتلىء بالروح والحق .. لأسر ملوك روحيين فى الظلام بقيود .. لتكبيل شرفاء بكبول من حديد ..
تطلق مصر فى الازمنة الروحية .. تعطى مطر روحى يحطم الجفاف .. تنفتح اجواء للحياة وتطرد الموت ..
كل روح وآلة لإجهاض اعمالك تنكسر وتنهدم وتتلف وتفقد سلطانها وقدرتها .. كل مجلس وتجمع ومذبح فى الظلام ينشق من الوسط .. ويعلوا اسم الرب وحده ..
كل معارك لحجب بركاتك ومعجزاتك وتحريرك ورسائلك لهذا الشعب .. تحسم بسبب صلوات وتضرعات واصوام شعبك امامك .. فى اسم ابنك اعظم ذبيحة واعلى اسم فى السماويات .. نعلن ضعف وانحناء اعدائك امامك الى ابد الابدين .. فى اسم يسوع .. امين .
تعليقات
إرسال تعليق