خطورة الموسيقى التى تمجد وتخدم الشياطين ..

 النهاردة راكب مواصلة لمسافة طويلة .. لاقيت السواق شاب شكله تايه خالص كأنه بيتعاطى حاجة .. 🤔🤔

المهم لاقيته بيشغل اغنية غريبة جدا .. لغة غير مفهومة ومعاها موسيقى غريبة جدا جدا !!

فى الاول كبرت دماغى عادى مش مشكلة معظم السواقين كدة ..

لكن الحقيقة ان المغنى صاحب اللغة الغريبة بدأ يكرر كلمات بشكل غريب ويدخل معاه اصوات فيها ايحاءات وحسيت بأرواح الهوى وهى بترافق كلماته وموسيقته ..

فى اللحظة دى طلعت السماعة من جيبى وشغلت اعمال الرسل وإشعياء ..

فى بوست من فترة شاركت بيه عن تأثير الموسيقى الشيطانية وتدميرها ..

بس تانى هناقش الموضوع من زاوية جديدة .. الموسيقى تحمل المسحة والمسحة كالقوة يدعمها روح لتثبت وتؤثر على ما حولها ..

قصة إليشع النبى لما طلب انه يسمع لموسيقى عواد قبل ما يتنبأ على مؤاب .. يعنى الشعب ها يحارب والصحراء خالية من الماء و ثلاث ملوك بجيوشهم ممكن يموتوا ويهلكوا وتنهزم اسرائيل .. وأليشع طالب حد بيعزف على العود !! ..🔥🔥

الاجابة ان ده مش مجرد عواد عادى .. بيعزف على آلة وترية وخلاص .. ده نبى ممسوح .. من مدرسة الانبياء اللى كانت متواجدة فى الزمن ده وقبله .. 🔥🔥

والشخص الممسوح ده .. عزف موسيقى وتسبيحات مليانة مسحة وقوة .. صنعت فرق رهيب فى اجواء السماويات وأليشع رنم وهتف وعبد الرب معاه .. وبعدها بدأ أليشع يتنبأ النبوة المدمرة ل مؤاب .. 🔥🔥

فى ملوك الثانى ٣ ..
١٤فَقَالَ أَلِيشَعُ: "حَيٌّ هُوَ رَبُّ الْجُنُودِ الَّذِي أَنَا وَاقِفٌ أَمَامَهُ، إِنَّهُ لَوْلاَ أَنِّي رَافِعٌ وَجْهَ يَهُوشَافَاطَ مَلِكِ يَهُوذَا، لَمَا كُنْتُ أَنْظُرُ إِلَيْكَ وَلاَ أَرَاكَ. ١٥وَالآنَ فَأْتُونِي بِعَوَّادٍ". وَلَمَّا ضَرَبَ الْعَوَّادُ بِالْعُودِ كَانَتْ عَلَيْهِ يَدُ الرَّبِّ، ١٦فَقَالَ: "هكَذَا قَالَ الرَّبُّ: اجْعَلُوا هذَا الْوَادِيَ جِبَابًا جِبَابًا. ١٧لأَنَّهُ هكَذَا قَالَ الرَّبُّ: لاَ تَرَوْنَ رِيحًا وَلاَ تَرَوْنَ مَطَرًا وَهذَا الْوَادِي يَمْتَلِئُ مَاءً، فَتَشْرَبُونَ أَنْتُمْ وَمَاشِيَتُكُمْ وَبَهَائِمُكُمْ. ١٨وَذلِكَ يَسِيرٌ فِي عَيْنَيِ الرَّبِّ، فَيَدْفَعُ مُوآبَ إِلَى أَيْدِيكُمْ. ١٩فَتَضْرِبُونَ كُلَّ مَدِينَةٍ مُحَصَّنَةٍ، وَكُلَّ مَدِينَةٍ مُخْتَارَةٍ، وَتَقْطَعُونَ كُلَّ شَجَرَةٍ طَيِّبَةٍ، وَتَطُمُّونَ جَمِيعَ عُيُونِ الْمَاءِ، وَتُفْسِدُونَ كُلَّ حَقْلَةٍ جَيِّدَةٍ بِالْحِجَارَةِ".

اللى عايز اقوله ..

لو انت عازف ما ينفعش خدمتك تكون قوية ومؤثرة بدون ما تكون ممتلىء بالروح القدس وجالس مع الحق والكلمة ومليان صلوات واصوام وعبادة حقيقية ..

بستغرب من عازفين يخلصوا فقرة العزف يطلعوا برة وما بيسمعوش الحق والكلمة ولا بيقعدوا معاها وبوستاتهم فاضية وبيسمعوا موسيقى غريبة .. !! 😢😢

متوقعين ان دى خدمة .. اسف جدا دى بالنسبة للسماويات دوشة وفقرة مش خدمة .. الرب لا يقبل ذبيحة من على مذبح نجس .. 👉👉

اوعى تسمع لموسيقى شريرة او غريبة علشان ما تتعطلش حياتك وتتقيد بقيود نفسية وروحية واحيانا جسدية ..

وانا مش ببالغ .. كل كلمة بكتبها .. فى المعظم بيكون وراها قصص ناس كتيرة ..

ارجعوا إلى .. فأرجع إليكم يقول الرب .. فتيلة مدخنة لا اطفىء .. وقصبة مرضوضة لا اقصف ..

لتتوب قلوبكم .. فتشفى حياتكم وارضكم ..

ولإلهنا كل المجد ..