اهمية تواصلاتنا بالروح ..

من فترة طويلة .. والرب بيملانى .. بأهمية ان كل شعب الرب يتواصل مع بعض بشكل دائم .. تواصل مش مكالملات عادية او مقابلات وخلاص .. مش تواصل فكر ومشاعر ..

لكن تواصل بالروح .. يعنى تعمل مكالمة تليفونية او تقف مع حد .. تحكوا مع بعض فى اعلانات روحية وحاجات الرب كلمكم بيها .. سواء رؤى او احلام او ايات كتابية او صوت واضح من الرب يبنى الروح ( مش الرب قالى انك ها تسافر والقصص دى ) ..

القصة بدأت اول ما الرب كلمنى جوة الاية دى .. أفسس ٥ : ١٩
مُكَلِّمِينَ بَعْضُكُمْ بَعْضًا بِمَزَامِيرَ وَتَسَابِيحَ وَأَغَانِيَّ رُوحِيَّةٍ، مُتَرَنِّمِينَ وَمُرَتِّلِينَ فِي قُلُوبِكُمْ لِلرَّبِّ.

وشوفتها بشكل مختلف .. ان لازم شعب الرب يكلم بعضه بإعلانات السماء .. لان وانت بتكلم اللى قدامك وهو بيكلمك بالحق ده ..

الرب بيعمل معجزة بينكم .. روابط كتيرة بتتبنى فى الروح .. واعمدة حق بتثبت فى الارض .. وفعلا بتكون قوية وعليها بيتحط سقف اعلى للاعلان وبيقف عليه ناس كتيرة جدا .. 🔥🔥

ومساحات كبيرة من السلطان بتحيط حياتكم والرب بيأيد سمواتكم بقوته والروح القدس بيخلق وبينمى اللى بتتكلموا مع بعض فيه .. وروحكم بتتغذى وبتقوى .. 🔥🔥

ولذلك بقالى فترة .. بعمل كدة مع شركاء الخدمة او مع اشخاص روحيين بشاركهم دايما وبيشاركونى .. سواء بشكل غير ثابت او بشكل ثابت .. وفعلا ده بيفرق جدا جدا .. 🔥🔥

ده وقت نملى سمواتنا كلها بالاعلان .. لان ده اللى يكسر ابليس قدامنا بسهولة .. وها يتبنى من خلالنا ملكوت الرب الممتد اللى كما فى السماء ولازم ها يصبح على ارضنا .