فرق تسود .. ابليس يفصلك عن الجسد القوي ..

 

خلى بالك .. ابليس بيسعى لكسر كل مصادر للحياة اللى من الله لحياتك .. وبيجتهد انه يمنعك من نوال بركات من الله .. 👉👉

فها تلاقيه بيحاول يقودك لأفعال .. ويملاك بتوجهات .. تسمح له بالشكاية عليك فى السماويات .. لحجب حقوقك عنك .. !!

وخطط ابليس دى وتدابيره ومكائده ..لا يمكن كشفها الا من خلال كلمة الله .. والتواجد فى حضور الله والانصات لقيادة الروح القدس واعلانه ..

مثلا .. فرق تسد ..
ودى واحدة من انجح محاولات ابليس حاليا وبتشمل افراد وجماعات ومجامع وطوائف ودول ..

يمنعك او يمنعهم من الاستمرار او الانضمام لجسد قوى ( مجموعة روحية قوية ) .. ليه ؟؟

الاجابة : علشان يمنع عنك وعنكم القوة والبركة المرتبطة بهذه الوحدة وبالتالى يسهل كسرك وكسرهم وانتم لوحدكم .. وعلشان ما يكونش فيه تكتلات صحيحة وسليمة ومقادة روحيا .. وبتقدر تاخد حقوقها فى المسيح فى السماويات وتشاركه السلطان فى عالم الساكنين على الارض .. هو مش عايز منافسات هو عايز يسلب الجميع حقوقهم ويهلكهم ..

فى مزمور ١٣٣
١هُوَذَا مَا أَحْسَنَ وَمَا أَجْمَلَ أَنْ يَسْكُنَ الإِخْوَةُ مَعًا! ٢مِثْلُ الدُّهْنِ الطَّيِّبِ عَلَى الرَّأْسِ، النَّازِلِ عَلَى اللِّحْيَةِ، لِحْيَةِ هَارُونَ، النَّازِلِ إِلَى طَرَفِ ثِيَابِهِ. ٣مِثْلُ نَدَى حَرْمُونَ النَّازِلِ عَلَى جَبَلِ صِهْيَوْنَ. لأَنَّهُ هُنَاكَ أَمَرَ الرَّبُّ بِالْبَرَكَةِ، حَيَاةٍ إِلَى الأَبَدِ.

فها تلاقيه دايما مش بيحارب بكثافة غير مع الجسد اللى بيحقق فرق فى العالم الروحى .. والباقيين عادى يسيبهم يتوسعوا معماريا واجتماعيا .. وممكن كل فترة يغلس عليهم او يرعبهم او يحزنهم بأى حدث مزعج او دموى ..

وها تلاقيه بيجتهد يفكك الوحدة بين الجسد القوى .. بيشتغل على منصة الذات .. ودى ضرباته من خلالها بتكون قوية جدا .. زى ما حاول يملى التلاميذ بفكرة مين فيهم الاعظم .. علشان تزيد خلافاتهم فتتكسر وحدتهم وخدمتهم فى المستقبل ..

لكن هلليلويا .. المسيح حطم خطته نهائيا فى وقتها .. وعطاهم مناعة ضد هذه المنصة .. وكمان عطاهم بنفسه مثال لم يمحى من ذاكرتهم لما غسل ارجلهم .. ومن غير تدخل المسيح الحاسم .. كانت بذور ابليس ها تخنق عمل الله من خلال الرسل .. وها تمنعهم كلهم من اتمام عملهم فى الملكوت وربما من دخول الملكوت نفسه ..

وبسبب عمل المسيح وقوته كمثال .. ما شوفناهومش ابدا مختلفين او متحاربين فى هذه النقطة .. لان كمان خضعوا لدعم وقيادة الروح القدس .. 🔥🔥

لوقا ٩
٤٦وَدَاخَلَهُمْ فِكْرٌ مَنْ عَسَى أَنْ يَكُونَ أَعْظَمَ فِيهِمْ؟ ٤٧فَعَلِمَ يَسُوعُ فِكْرَ قَلْبِهِمْ، وَأَخَذَ وَلَدًا وَأَقَامَهُ عِنْدَهُ، ٤٨وَقَالَ لَهُمْ:"مَنْ قَبِلَ هذَا الْوَلَدَ بِاسْمِي يَقْبَلُنِي، وَمَنْ قَبِلَنِي يَقْبَلُ الَّذِي أَرْسَلَنِي، لأَنَّ الأَصْغَرَ فِيكُمْ جَمِيعًا هُوَ يَكُونُ عَظِيمًا"

يوحنا ١٣
٣يَسُوعُ وَهُوَ عَالِمٌ أَنَّ الآبَ قَدْ دَفَعَ كُلَّ شَيْءٍ إِلَى يَدَيْهِ، وَأَنَّهُ مِنْ عِنْدِ اللهِ خَرَجَ، وَإِلَى اللهِ يَمْضِي، ٤قَامَ عَنِ الْعَشَاءِ، وَخَلَعَ ثِيَابَهُ، وَأَخَذَ مِنْشَفَةً وَاتَّزَرَ بِهَا، ٥ثُمَّ صَبَّ مَاءً فِي مِغْسَل، وَابْتَدَأَ يَغْسِلُ أَرْجُلَ التَّلاَمِيذِ وَيَمْسَحُهَا بِالْمِنْشَفَةِ الَّتِي كَانَ مُتَّزِرًا بِهَا. ٦فَجَاءَ إِلَى سِمْعَانَ بُطْرُسَ. فَقَالَ لَهُ ذَاكَ:"يَا سَيِّدُ، أَنْتَ تَغْسِلُ رِجْلَيَّ!" ٧أَجَابَ يَسُوعُ وَقَالَ لَهُ:"لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ".

يارب افتح عيوننا على اهمية الجسد اللى انت رأسه .. احفظ وحدة الجسد الحقيقى .. نقى الكرمة لتأتى بثمر .. اجمع كل عظم الى عظمه .. اصنع جيشك العظيم جدا .. فى اسم يسوع ..