الرب لن يترك حياتك تنطفىء ..

.

امبارح كنت بصلى ..

ولاقيت قدامى الآيتين دول ..

الاية الاول " وَفَتِيلَةً مُدَخِّنَةً لاَ يُطْفِئُ، حَتَّى يُخْرِجَ الْحَقَّ إِلَى النُّصْرَةِ. " متى ١٢ : ٢٠ ..

والاية الثانية " صَوْتُ الرَّبِّ يَقْدَحُ لُهُبَ نَارٍ. " المزامير ٢٩ : ٧ ..

واول مرة اشوف الاعلان ده ..
ان الرب مش ها يسيب حياتك تنطفى عن الحق اللى قدامه من جهتك وافكاره اللى للسلام من جهة حياتك .. ولازم ها يطلق فيها صوته وقوته لغاية ما ها تتم ..

وحتى لو كانت حياتك زى الشمعة وبتطفى وبدأت تطلع دخان .. يعنى خلاص ما عادش فيها امل خالص .. وفقدت كل رجائك ..

فالرب ها يجى بصوته وكلماته وحكمه .. فى اى لحظة فى حياتك .. وها يملى قلبك بمواعيده ليك .. وها يقدر يقدح لهب نار فى الشمعة اللى بتطفى دى .. وها يخلى النار تشتعل بقوة .. حتى يخرج حقه الى النصرة ويتمم كل كلمة وعدك بيها .. هلليلويا .. 🔥🔥💪💪💪