خطورة الاشتراك فى اعمال تدعم ابليس ..

 خطورة كبيرة جدا .. لما تشترك فى اعمال بتدعم ابليس وانت مش واخد بالك .. 👉👉😢😢⁦🤦🏻‍♀️⁩⁦🤦🏻‍♀️⁩

مثال بسيط .. انك تلاقى بوست فيه كلام اباحى وتقرر تعمل رمز وش بيضحك او ايموشن ضحك .. او تكتب LOL ..

او تلاقى مقال او فيديو او موسيقى حزينة ومدمرة للنفس وتقرر انك تنشرها على صفحتك علشان تقول انك مصدوم او حزين ..

انت حر فى التعبير عن مشاعرك .. وانا بشجعك عن التعبير عنها .. لكنى مش بشجعك على تداول منتجات انت عارف انها من ابليس ..

العالم الروحى نشيط جدا جدا ولا يعيش بالمشاعر البشرية ولا ينتظر ضحكتك بشغف او رمز الضحك او الحب او البكاء او الذهول .. ولا ينتج اعمال بلا جدوى او فقط علشان يفرح الناس او يخليهم مشغولين وخلاص ..

امال مملكة ابليس منتظرة ايه ؟؟ منتظرة خضوعك ليها لانها هى اللى بتملى العالم بإنتاج ليها .. وانت بتخضع ليها وبتقبلها لانها هى السبب فى الانتاج نفسه اللى انت بتعيش بيه واللى انت خضعت له ..

العالم الروحى هو ارض وبذار .. ابليس بيرمى البذار .. وانت لو قبلتها فى ارضك .. بتسقط على ارضك وتعيش وتأتى بنباتات عملاقة .. تدمرك وتدمر اراضى اشخاص اخرين من حولك ..

بالمثل .. متابعة شخصية شريرة او مجموعة مليانة ظلمة فى نهج حياتهم او كلماتهم او الانتماء لهم ..

او الموافقة على اعمال عنف او تدمير او دموية حتى لو مع اعداء او اشخاص انت شايفهم يستحقوا كدة .. علشان كدة المسيح منعنا من كراهية حتى اعدائنا .. لان مجرد الكراهية او عدم الغفران هى منتجات من ابليس وبتاخدك جوة ملكوته وانت مش واخد بالك ..

لا تسجد لإبليس .. لان موافقتك بالسجود له .. وقبولك لسيادته .. والعبودية له لابد ان تدمرك الى الابد .. وارواحه بتدخل زى الثعالب الصغيرة وتهلك حياتك وتضعفك وتضعف مناعتك الروحية تدريجيا حتى الموت الابدى ..

افتكر ان تجربة المسيح فى البرية .. لسة مستمرة معانا على الارض ..

الموضوع كبير فعلا وخطير جدا جدا .. صلى واطلب ان الله يملاك بتمييزه .. ساعتها بس .. ها تقدر تتوب وها تعرف حقيقة حاجات كتير اوى ..