اختبارات مع الرب ..

 اترددت انقل القصتين دول .. خوفا من ان الناس يفتكروا اننا بندور على مجدنا او مغرورين ..


بس الحقيقة ده عمل الرب واحنا ليس لنا اى قدرة فى ذاتنا على منح البشر عطايا سماوية .. لان الله هو اللى بيملى وبيعطى الروح القدس للذين يسألونه ..

فها شارك بالقصتين لتشجيعكم على نوال اختبارات وعطايا من الرب بالايمان فى عمل المسيح الكامل من جهتكم .. ولإلهنا كل المجد ..

اللي كاتب القصتين والسرد الجاى هو صديقي الغالي ..  


عايز اشارك بإختبار هيفرق ف ايمانا الوقت الجاي
من يومين كنا ف زيارة لاخت من الناس اللي حضرت معانا ف وقت اجتماع الصلاة الثلاثاء و هي لظروف ما مش بتقدر تتحرك بسهولة و والدتها بتحضر و كانت نفسها نزورها و نصلي معاها
و فعلا رتبنا مع ايمان و طنط سامية و محب و طنط نبيلة
و اليوم المتاح للزيارة دي و اللي هيكون صعب نحدد غيره إلا بعد وقت .. كان صعب علي محب بسبب شغله و سفره تاني يوم .. إلا ان محب اختبر تغير ف الشغل غير متوقع و غير طبيعي و ده لان الوقت ده وقت البنت دي و بالفعل كان
تواجدنا ف البيت معاهم البنت و والدتها و شاركنا الناس و بدءنا نصلي و محب بدء يصلي معاها و كان الرب بيعلن ملكه و سلطانه علي حياة البنت و ماضيها و مستقبلها بشفا و حصار و سكيب .. و محب بيصلي بيسأل والدتها اللي بتصلي بألسنة هل هي بتتكلم بالسنة عن البنت ؟؟
فجاوبت لا
فمحب قال طيب ليه ؟!! و كأن الطبيعي انها تتكلم 😅😂
و كمل محب و قال .. تتكلم بالسنة 😀
تتكلم بالسنة دلوقتي 😄😍
وبصراحة كنت شايف الموضوع تحدي ايمان بالرب و عمله 😁⁦😍
فبدء يصلي بالاتجاه ده و ايمان شاركته بوضع اليد و كنا بنشارك بالصلاة و التسبيح معاهم
و فعلا وعلي غير العادي للناس .. البنت اتعمدت بالروح و اتكلمت بالسنة و اتملت بالنار 😍😄⁦❤️⁩🔥🔥🔥
هللوياااا و محسناش ان الموضوع في معافرة او صراع 😄
واللي حصل .. ان محب قال بإيمان و الرب اعطي لانه امين انه يدي 😄😍⁦❤️⁩🔥
و انا متأكد ان كل حد فينا خرج من الزيارة دي و هو منقول ف إيمانه و ف انتظاره للرب و ف توقع المجد بسهولة
و كمان عندنا ايمان ان دي كانت البداية و فعلا ..

انهارده و احنا بنصلي ف اجتماعنا ف حضور الرب و سط العبادة و محب بيصلي مع الناس كالعادة ، كان بيصلي مع حد
واللي حصل ان الحد ده اتملى بالروح و اتكلم بألسنة جديدة 🔥😍😍😍😄
وعلي غير العادي برضو الموضوع كان سلس جدا و متزيت 🍯✨
و كلنا كنا سعدااااء جدااا بحضور الرب ف وسطينا

هللويا للرب الروح اللي بيفاجئنا بإظهاراته و هيكمل يصنع ف وسطينا ايات و مجد الرب يُري علينا و كل حد ف الكنيسة هيكون مدعو و ممسوح و له خدمته المميزة بحضور الرب و قوته و سلطانه و محبته علي حياته لان ده اللي عايزه الرب 😊✨

كلها مجد بنت الملك ✨✨⁦❤️⁩🔥
بصدق جدااا اننا علي اعتاب مرحلة مختلفة و مميزة جداا .. الرب هينقلنا و يفاجئنا بما ف السموات و مجد السماويات
مجد البيت الاخير ✨🔥 هللويااااا
هنكمل صلاة و دي بداية الايات 😁✊🔥🔥🔥🔥


تعليقات

إرسال تعليق

المقالات الشائعة في هذه الصفحة ..

حماية من الالسنة الشريرة - صلاة ..

  في اية خطيرة ومعروفة .. الامثال ١٢ : ١٨ يُوجَدُ مَنْ يَهْذُرُ مِثْلَ طَعْنِ السَّيْفِ،  ( يهذر جاية في احد الترجمات .. يطلق كلمات بدون تحكم بها .. و انا مدرك ان في ناس بتقول كلمات من الشيطان .. وفعلا هما مش بيعرفوا انها منه للتدمير ولا بيعرفوا يتحكموا في لسانهم .. لان ده سلطان من الشرير .. والاسوء طبعاً اللي عارفين انها من الشرير ومستمتعين !! )  النهاردة لغاية ليلة الصلاة ما تبدأ .. ها كون بصلي بالاية دي 👇 أيوب ٥ : ٢١ مِنْ سَوْطِ اللِّسَانِ تُخْتَبَأُ، فَلاَ تَخَافُ مِنَ الْخَرَابِ إِذَا جَاءَ. ( الرب يخبئك في حمايته الكاملة من ضربات اللسان الشرير المدمرة و التي تسبب الخراب .. )  إلهنا حصن منيع وجاهز لصد وتدمير اي عدو .. يهوه صباؤوت في ارض معاركنا ..  مجداً مجداً مجداً 💥🙇🏻‍♂️
اقرأ المزيد ..

هل ممكن التحرر من قيود بسبب رفقة روح من مملكة الظلمة ؟!

صورة
  القيود انواع كتيرة اوى اوى .. لكن فى نوع منهم .. بيبقى بسبب رفقة روح من مملكة الظلمة .. الروح ده بيعمل بشكل دائم على دعم النوع ده من القيود وتقويته حوالين ذهن او مشاعر او نمط حياة حد .. هو بيعمل بنشاط في داخل الدواير المتكررة .. علشان يحبس كل واحد جواها فى صمت وهزيمة وندم وخوف ووجع مع نفسه .. ويذله ويستنزفه بهدوء .. وهو احد الاسباب الممكنة .. وراء احداث كتيرة .. ممكن ما يكونش الناس بيشاركوا بيها حد .. زى الالم داخل ذكريات موجعة او بتزداد وجعا .. زى العادة السرية والاستمرار فيها بشكل قهرى .. زى موجات غضب وهياج عصبى او انهيار نفسى شديد .. زى الخيانات الزوجية فى اتفه واقذر علاقات وقتية او مستمرة فى الظلام .. هنا ها يجى حد .. يقولى يعنى انت كدة خليت كله شيطانى ما فيش علم نفس خالص .. ها رد وها قول انا ما قولتش كدة ولم اشمل الكل .. لكنى قصدت الجزء .. وحد تانى ها يقولى .. الكلام ده برة الكنيسة وما لهوش دعوة للمؤمنين دول محميين .. ها قوله ربنا معاك وكمل فى اللى انت شايفه .. لكن مين هما المؤمنين بالنسبة للعالم الروحى .. وايه هى الحماية نفسها .. ولأ فى مؤمنين فى كنايس .. عندهم اللى انا بتك...
اقرأ المزيد ..

آلهة العالم .. و الاستغلال ال ج ن س ي للاطفال ..الاله مولوخ "مولك"و البودوفيليا !!

صورة
      حالياً بدأت دول كتير تعترف ب ال " ب و د و ف ي ل ي ا " او حرية الانتفاع و الاستغلال ال "  ج ن س ي " للاطفال .. و ده بقى بيفكرني ب إله قديم سيطر على دول وشعوب  .. اسمه  " مولك او مولوخ " .. و يهوه اعطى تشريعات واضحة لفضح هذا النموذج الشيطاني الذي تختفي من خلفه ممالك مظلمة للسيطرة على شعوب  .. الاله الشرير ده كان بيشترط في ذبيحته انها تكون طفل تحت ٣ سنوات يحترق امام امه المتألمة والمعذبة من ألم فقده .. انا اتصعقت  من نقطة ان امه تكون مرغمة .. لاني كنت متصور ان ده برضى عائلة الطفل الوثنية ..  لكن لا .. ده كان غصب عن الام ولازم تكون متألمة جداً .. و ده بيفسر ليه دلوقتي دول كتير بتفرض الاتجاه ده .. لان اللي منافي للفطرة .. زي انك تاخد طفل من امه .. هو ده اللي بيغذي الشياطين بمشاعر وذبائح تشبع رغباتهم و تديهم تسلط اكبر على الشعوب .. لان اللي بيقدم ابنه او بنته بيقول انه عبد للاله مولك او مولوخ .. و حتى لو امتلكت الدول دي ثراء او علم  .. ها تنال كمية لعنات هائلة وحروب مجاعات .. المهم مولك لسة موجود وبيغير شكله .. لان عبادات ال شيطان الحالي...
اقرأ المزيد ..

حتى لو الواقع عكس مواعيد الرب ..

 لكل شخص الرب وعده بمواعيد .. و كل الاحداث بتأكد انها مستحيل تتحقق .. 👉 عشرات المرات بيجي الشيطان يرسم مشهد امام المدعوين .. ببراعة تقترب من ١٠٠ ٪ واقعية .. بإن حياتهم مهددة بالافناء و انهم لن ينجحوا في الوصول الى رؤية تحقيق الرب لمواعيده لهم .. !!  "وَقَالَ دَاوُدُ فِي قَلْبِهِ: «إِنِّي سَأَهْلِكُ يَوْمًا بِيَدِ شَاوُلَ، فَلاَ شَيْءَ خَيْرٌ لِي مِنْ أَنْ أُفْلِتَ إِلَى أَرْضِ الْفِلِسْطِينِيِّينَ، فَيَيْأَسُ شَاوُلُ مِنِّي فَلاَ يُفَتِّشُ عَلَيَّ بَعْدُ فِي جَمِيعِ تُخُومِ إِسْرَائِيلَ، فَأَنْجُو مِنْ يَدِهِ»." (1 صموئيل 27: 1). لكن الحقيقة ان الرب بيعرف يسحق كذب مشهد ابليس .. و قول الرب لا يسقط منه حرف واحد .. 🙇🏻‍♂️💥 صموئيل الاول ٢٦ : ١٠ وَقَالَ دَاوُدُ: "حَيٌّ هُوَ الرَّبُّ، إِنَّ الرَّبَّ سَوْفَ يَضْرِبُهُ، أَوْ يَأْتِي يَوْمُهُ فَيَمُوتُ، أَوْ يَنْزِلُ إِلَى الْحَرْبِ وَيَهْلِكُ صموئيل الاول ٣١ : ٤ فَقَالَ شَاوُلُ لِحَامِلِ سِلاَحِهِ: "اسْتَلَّ سَيْفَكَ وَاطْعَنِّي بِهِ لِئَلاَّ يَأْتِيَ هؤُلاَءِ الْغُلْفُ وَيَطْعَنُونِي وَيُقَبِّحُونِي". فَلَمْ يَشَأْ...
اقرأ المزيد ..

يد الرب تنقذ بحسم - رؤيا روحية ..

 امبارح شوفت مشهد بسيط خالص .. شوفت انسان او انسانة .. بيغرق في مياه كثيرة اوي .. وكانت المياه دي لونها اخضر غريب كأنها بحر موت .. وكان في كائنات مظلمة بتنظر له من بعيد بسعادة كأنهم بيتفرجوا على مشهد ممتع .. وكان خلاص بيفقد انفاسه .. وفرد ايديه وبدأ يسقط للقاع وغمض عيونه .. و انا بقول خسارة قصته انتهت في الهلاك .. لاقيت في لمح البصر بسرعة اكبر من اي سرعة ممكن اكون شوفتها .. ايد الرب عملاقة ومهولة .. دخلت في عمق المياه وانتشلته وخرجت بيه في لحظة .. و اتقفلت الرؤيا قدام عيون روحي .. لا نتوقف ابدأ عن طلب الرب من اجل الاخرين حتى لو الواقع بيأكد انهم بيهلكوا ويموتوا .. لان يد الرب لن تكون ابداً قاصرة على ان تخلص .. سيدركهم الرب .. هذا الضال كان ميتاً فعاش و كان ضالاً ولم تنتهي قصته في الضلال بل وجده الرب .. نعم إلهنا جبار ويخلص دائماً .. مجداً مجداً مجداً 🙇🏻‍♂️💥
اقرأ المزيد ..