ارواح الهوى ..

  

ارواح الهوى ..

ناس كتير بيعتبروا ان ارواح الهوى .. عبارة عن ارواح نجاسة .. يعنى بتأثر على ميول الناس الجنسية .. بتدفعهم للاباحية او للزنا او للنجاسة او الخيانة او تعدد العلاقات الجنسية فى شكل سرى او علنى زى الدعارة والعهارة ..

بس الحقيقة هما مش دورهم كدة بس ..

مرات كتيرة بتترجم كلمة ارواح نجسة .. لكلمة ارواح غير نظيفة .. اى ارواح تلوث طبيعة الكيان البشرى ..

وارواح الهوى دى بتأثر على ميول افراد وقادة وشعوب .. علشان تقودهم خارج المشيئة الالهية ..

بتدفعهم للحروب او للتحالفات ..
بتملاهم بمحبة المال وجوع وعطش لا ينتهى .. ابار مشققة .. رغبة فى جامحة فى الامتلاك وتعظم المعيشة ..
بتدفعهم للبحث عن ملوك ارضيين اشرار ليصنعوا لأنفسهم مجد زائل ..
بتشدهم لآلهة غريبة وعبادات واسياد غير الله ..
بتجعلهم يتشبهوا بالامم حتى لو كانوا شعوب نجسة شيطانية .. تتبع الوثن والعرافة والسحرة والرجم فى الغيب واستدعاء ارواح الموتى ..
بتسيد الجسد على الروح .. بتدعمه بقوة ليعطل مسار الروح ونشاطها ..
بتعمى اذهان غير المؤمنين ..

اكتر نموذج واضح على كدة هو شاول الملك ..
ارواح الهوى ..
دفعته يقدم ذبيحة بدل صموئيل ويتعدى المشيئة الالهية ..
دفعته الى السعى المستمر لقتل داود مسيح الرب ..
دفعته الى البحث عن عرافة ليسهل الحكم عليه وتدميره من الشيطان ..
دفعته الى قتل نفسه بدلا من اللجوء للرب ..

القصة طويلة فعلا .. وليها شواهد كتابية طبعا .. بس الوقت مش مساعدنى دلوقتى ..

ها ختم معاكم بإن المسيح بيقول تعرفون الحق والحق يحرركم ..

طول ما انت بتقرى كلمة الله وملتصق بيها .. روح الله ها ينشط روحك وها تدرك بسرعة القيود وها تتلفها بسهولة ..

مجرد تواجدك فى محضر الله بشكل دائم .. بيخلى ارواح الظلمة عاجزة عن التأثير فى حياتك بسهولة ..

قيادة الناس لقبول المسيح وخلاصه .. هو افضل طريقة لتحريرهم من هذا الاستعباد والعمى ..

ولإلهنا كل المجد ..

Oct 28, 2019 9:47:27am