شكاية الشيطان ..

 

الموضوع ده خطير جدا جدا ..

مرات كتيرة .. الناس بيفكروا ان النعمة اللى لهم فى المسيح ..

ها تقف كحاجز منيع ونهائى بينهم وبين شكاية ابليس على حياتهم .. !!

وللاسف ده مش بيحصل زى ما هما فكرين ..

الموضوع معقد فعلا .. لكن فيه شكايات على حياتك فعلا بيبقى ابليس فعال وعامل من خلالها فى اتلاف اجزاء من حياتك ..

وده لانه عنده حق .. وبيطالب بيه فى السماويات قدام كرسى الحق والعدل اللى الله جالس عليه ..

وسبب ان الرب مش بيمنع ابليس .. هو ان الاجزاء دى فى حياتك انت مازلت مش تائب فيها بصدق أمام الرب ولا سلمتها من قلبك واردتك للرب ..

فإبليس بيطلع قدام الله يقول انا لى حقوق فى الشخص ده ومن حقى اتلف حتت فى حياته لانه بيستمتع بحاجات كتيرة من عندى .. وانا من حقى استمتع بإتلاف حاجات كتيرة من عنده ..

وعلى فكرة بيتوافق على طلبه المقدم أمام العرش .. وانت السبب لان الروح القدس بيخاطبك كتير علشان تتراجع عن حتت وتتوب .. وانت اللى رافض تماما .. ومصمم تكمل فى عنادك ..

وتشتكى ان الله مش بيدافع عنك .. او تقعد تسأل هو انا ليه بيحصلى كدة .. ؟؟

طبعا فى ايات كتيرة زى رومية ٨ : ٣٣
مَنْ سَيَشْتَكِي عَلَى مُخْتَارِي اللهِ؟ اَللهُ هُوَ الَّذِي يُبَرِّرُ.

لكن دى مش ها تتحقق معاك .. غير لو خضعت لصوت الرب فى اتجاهات كتيرة من حياتك وتوبت فعلا ..

ومازال المشتكى متواجد فى السماويات .. حتى يحسم الرب الامر ابديا ونهائيا ..

رؤيا يوحنا ١٢ : ١٠
وَسَمِعْتُ صَوْتًا عَظِيمًا قَائِلاً فِي السَّمَاءِ:"الآنَ صَارَ خَلاَصُ إِلهِنَا وَقُدْرَتُهُ وَمُلْكُهُ وَسُلْطَانُ مَسِيحِهِ، لأَنَّهُ قَدْ طُرِحَ الْمُشْتَكِي عَلَى إِخْوَتِنَا، الَّذِي كَانَ يَشْتَكِي عَلَيْهِمْ أَمَامَ إِلهِنَا نَهَارًا وَلَيْلاً.

يارب افتح عيوننا على الحق .. لكى لا نسقط امام تعييرات وشكايات الظلام .. اشرق علينا بنور وجهك يارب .. فنحيا الى الابد ونكون نور للامم وراية للشعوب .. 🔥🔥