خطورة الموسيقى الخاصة ببني الشرير ..

 خطورة الموسيقى اللى مصدرها ابناء الشيطان .. 👉👉😢😢

الموسيقى مش اختراع جديد اخترعه الانسان على الأرض .. فعلا اول واحد سجله موسى هو يوبال اللى بدأ العزف بالاوتار ..

لكنها محاكاة لما فى السماء .. السماء مليانة انسجام وهتاف ملك فى وسطها .. حفل عرس الخروف .. سينفونيات لا تنتهى .. وملائكة وقديسون ومئات الدرجات والتداخلات من الالات .. وكائنات سماوية اصواتها كعشرات الالات تعزف معا بدون قائد ..

انهم يستقون كلماتهم وانغامهم .. فقط مما يصدره ويخرجه من اعماقه ملك الملوك وإله الالهة .. يقودهم الروح القدس بروعة تفوق اعظم الموسيقيين .. وانوار الملك تملىء كل شىء ونار تخرج من وقائد قداسته ..

والموسيقى جزء من بنية ارواحنا .. اننا مخلوقين بكلمة الله وانفاسه التى نفخها فينا .. والموسيقى هى نغمات سواء من حنجرة تبوق وتنفخ فى آلات او فى ايادى تضرب طبول او دفوف او تمر اصابعها على اوتار ..

انها كلمات ومشاعر فى شكل نغمات وايقاعات .. انها تخاطب المشاعر والفكر والروح والجسد .. انها تتداخل مع خامة الانسان ..

والموسيقى الممسوحة تتميز بأن المسحة ترافقها .. فعزف داود كان يؤثر على الارواح وموجات الغضب التى تقتحم الملك شاول .. 🔥🔥

والشعب هتف وسقطت اسوار اريحا .. وكان لهم موسيقى للتجمع للحرب وللهجوم .. ويكلمون بعضهم بأناشيد واغانى روحية ..

لكن المشكلة ان ابليس نزل لأجواء سماوية وقرر يكون بينافس على مجد وعبادة بتتقدم ليه .. فملى اشخاص وخدام له بموسيقى شيطانية هائلة القوة ..

اللى بيسمعوها بيملاهم باللى له وبيرافق حياتهم بأجناده المدمرة .. بيستعبدهم له علشان يكملوا عبادته للابد .. اغانى الهلاك تملاهم .. وتفيض النجاسة والتدمير والكراهية من اعماقهم ..

واللى بيسمعوا موسيقته .. بيعيشوا اجوائه وبتملاهم احلامه ورغباته .. وبيشل حركتهم ناحية انوار الرب وبيشل حواسهم فى الظلام ..

القصة فعلا طويلة جدا جدا وليها تاريخ .. دى قصة سلاطين وعروش وسيادات .. مملكة قائمة وتسيطر على بشر وتهلكهم ..

خلى بالكم من اللى بتسمعوه .. فما يدخل القلب يعيش فيه .. ويملك ويحيه او يهلكه ..

Oct 22, 2019 8:23:00am