مجد الرب لا يعطيه لآخر ..

 

 

من كام يوم كنت بصلى .. والرب قالى بشكل واضح .. " مجدى لا اعطيه لآخر " ..

روحت ادور علي الجملة دى و لاقيتها مع العملاق إشعياء .. "«أَنَا الرَّبُّ هذَا اسْمِي، وَمَجْدِي لاَ أُعْطِيهِ لآخَرَ، وَلاَ تَسْبِيحِي لِلْمَنْحُوتَاتِ." (إش 42: 8)

زمان كان الناس بيدعو بإسم الرب وهما بيصلوا قدام سوارى ومنحوتات واصنام او مرتفعات خاصة بالبعل وبآلهة اخرى .. وكانوا بيخلطوا بين عبادة الرب والبعل .. كان بيصلوا للى يجاوب .. الرب جاوب ماشى .. البعل جاوب ماشى .. الاثنين مع بعض ماشى .. ملائكة ماشى شياطين ماشى .. اى آلهة ماشى ..

ومهما حاول الناس انهم يصنعوا مجدهم بغلاف خارجى يبان تبع الرب .. لكن قلبهم مش معاه ..

مهما عملوا واتلمت الناس حواليهم .. برضه مش ده مجد الرب ..

الرب ها يفضل محتفظ بمجده ومش ها يديه غير لولاده اللى هو عارفهم .. واللى خاضعين ليه ..

تخضع للرب تعاين مجده .. ما تخضعش للرب لن تعاين مجده لو كنت حتى رئيس طايفة او فى اكبر المراكز الدينية .. من يعبد ذاته لن ينال مجد الرب .. لان مجد الرب لا يعطيه لآخر ..

Oct 02, 2019 9:46:15am