مسحة زيت الابتهاج - رؤيا روحية ..

 

 

امبارح كنت بصلى ..

وشوفت فى روحى .. مجموعة من الاشخاص ..

قاعدين بيصلوا وبيتضرعوا قدام الرب .. وكلهم بيصلوا راكعين وفيه منهم اللى كان منبطح على وجهه وباصص للارض ..

كان مغطيهم تراب كتير جدا .. وطين على ملابسهم .. واجسامهم كانت فيها بقع بمساحات كبيرة وتقرحات ..

ومع ذلك كانوا كلهم بيصلوا بلجاجة وطالبين الرب ..

وفجأة لاقيت الرب من السماء ماسك اناء .. مليان زيت .. وبدأ يصبه على المجموعة دى كلها .. وبدأ الزيت ينزل عليهم وينساب حواليهم بإندفاع من غزارته وتدفقه ..

والعجيب ان الزيت ده بدأ ينزل بكل التراب والطينة اللى ماسكة فيهم .. والاغرب انه كان بينزل بالبقع والتقرحات اللى فى اجسامهم كأنهم شوية ورق طافيين على وش الزيت ده ..

حتى المجموعة دى نفسهم قعدوا يبصوا لبعض ولأجسامهم ولبسهم وهما مذهولين بشكل رهيب وبيعظموا الرب ..

وعرفت فى روحى ان فى حتت متواجدة جوة ناس كتيرة من قيود وخطايا وعقد وقناعات ما كانوش عارفين انها تنفع تنفصل عنهم وتسيبهم ..

ما كانوش عارفين ان الرب عنده مسحة بزيت ابتهاج وفرح وشفاء .. ما كانوش عارفين ان المسحة تقدر تتلف نير هما كانوا متصورين من قوته انه مش بيتكسر وانه جزء منهم ..

لكن هلليلويا .. الرب جبار يخلص .. ويعطينا اكتر جدا مما نطلب او نفتكر بحسب غناه فى المجد .. 🔥🔥

انتظر الرب لانه لا يخزى منتظروه .. 💪💪

إشعياء ٤٠ : ٣١
وَأَمَّا مُنْتَظِرُو الرَّبِّ فَيُجَدِّدُونَ قُوَّةً. يَرْفَعُونَ أَجْنِحَةً كَالنُّسُورِ. يَرْكُضُونَ وَلاَ يَتْعَبُونَ. يَمْشُونَ وَلاَ يُعْيُونَ.

أفسس ٣ : ٢٠
وَالْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ الْقُوَّةِ الَّتِي تَعْمَلُ فِينَا .

المزامير ٢٣ : ٥
تُرَتِّبُ قُدَّامِي مَائِدَةً تُجَاهَ مُضَايِقِيَّ. مَسَحْتَ بِالدُّهْنِ رَأْسِي. كَأْسِي رَيَّا.

Sep 24, 2019 2:20:50pm