المحبوسين في اكاذيب الشيطان - رؤيا روحية ..

 من يومين قومت من نومى على مشهد غريب ..

ناس موجودين جوة غرفة زى كأنها زنزانة ..

العجيب انهم مش مجرمين .. لبسهم كويس جدا وشكلهم يبان محترم ..

لكنى شوفتهم قاعدين فى حزن ويأس وانهيار نفسى ..

لكن الاغرب ان شوفت ان الزنزانة دى لها باب .. ومفتوح وفى الخارج فيه نور عظيم ..

ومع ذلك شوفتهم وكأنهم مش حاسسين بالنور لان كل واحد فيهم كان عمال يتذكر مواقف ألمه والاهانة اللى اتعرضها .. لدرجة ان فى منهم اللى كان بيتألم وبيبكى وهو كأنه بيذوق بفمه مرارة الماضى وكل ما يلاقيه مر يبكى اكتر ..

النهاردة روح الرب سطع بالاية دى فى وشى بشكل واضح ..

المزامير ٤٢ : ٥

" لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟ ارْتَجِي اللهَ، لأَنِّي بَعْدُ أَحْمَدُهُ، لأَجْلِ خَلاَصِ وَجْهِهِ. "

كل واحد وواحدة وانا قبلكم .. العدو بيستمتع بأنه شايفك مسجون ومتألم بلا شفاء .. وبيغذى جواك دواير ومتاهات تتوه فيها جوة رثاء النفس ومرارة الماضى .. علشان يحجز عنك رؤية النور ..

مهما كان اللى حصل فى حياتك زمان .. الرب باعت يقولك " أَنَا الرَّبُّ شَافِيكَ" الخروج ١٥ : ٢٦

بصدق ان الله ها يطلق كثيرين الى الشفاء و الى ارض المواعيد .. الله عنده فرح وشفاء ينفع ينسيك بيهم اى حزن ومرض عديت فيه فى اى وقت .. تعالى اترمى على هذا الجبار الذى يخلص على الرب الصانع قوله ..

اعلن بإيمان هذا الحق على حياتك . أيوب ١١ : ١٦

" لأَنَّكَ تَنْسَى الْمَشَقَّةَ. كَمِيَاهٍ عَبَرَتْ تَذْكُرُهَا. " .. هلليلويا ..

Sep 06, 2019 2:00:47pm