غيوم ابليس امام انوار الاعلان الالهي - رؤيا روحية ..

 

الصبح قومت من نومى .. ولاقيت نفسى قايم وسط مشاعر سلبية كتيرة ملهاش سبب .. مشاعر من الحزن والغم والضيق والاحباط وعدم الوضوح بلا سبب ..

وده شكل من اشكال حرب ابليس على ناس كتير ..

فتنفست فى روحى لانى عرفت ان الرب بيلفت نظرى انى اكسر آلات العدو وابدأ يوم ممتلىء بالمجد الالهى ..

فرفعت عينى وشوفت فى روحى غيوم ابليس فرشها ونشرها فى انتظارى علشان يكتم انوار الاعلان الالهى اللى ممكن توصل لحياتى النهاردة ..

فبدأت اصلى بالالسنة وأمر بإسم يسوع فى زوال هذه الغيوم .. وفعلا اختفت واختفت معاها كل المشاعر الغريبة دى .. ولا قيت نفسى منتظر استمتع بكلام الرب ..

الرب قادنى للصورة دى .. وكان بيكلمنى اننا فى المسيح اعتمدنا بالروح القدس وصارت طبيعتنا من نور ونار .. ورثنا اللى ليه .. واللى هو عمله فى ملائكته ..

وفكرنى الرب بكلماته للتلاميذ .. فى متى ٥
١٤أَنْتُمْ نُورُ الْعَالَمِ. لاَ يُمْكِنُ أَنْ تُخْفَى مَدِينَةٌ مَوْضُوعَةٌ عَلَى جَبَل، ١٥وَلاَ يُوقِدُونَ سِرَاجًا وَيَضَعُونَهُ تَحْتَ الْمِكْيَالِ، بَلْ عَلَى الْمَنَارَةِ فَيُضِيءُ لِجَمِيعِ الَّذِينَ فِي الْبَيْتِ. ١٦فَلْيُضِئْ نُورُكُمْ هكَذَا قُدَّامَ النَّاسِ، لِكَيْ يَرَوْا أَعْمَالَكُمُ الْحَسَنَةَ، وَيُمَجِّدُوا أَبَاكُمُ الَّذِي فِي السَّمَاوَاتِ.

وازاى عمل ملائكته وخدامه مليانين نار ..
العبرانيين ١ : ٧
وَعَنِ الْمَلاَئِكَةِ يَقُولُ:"الصَّانِعُ مَلاَئِكَتَهُ رِيَاحًا وَخُدَّامَهُ لَهِيبَ نَارٍ".

لان هو مليان بنار وساكن فى وقائد ابدية ..
رؤيا يوحنا ١ : ١٤
وَأَمَّا رَأْسُهُ وَشَعْرُهُ فَأَبْيَضَانِ كَالصُّوفِ الأَبْيَضِ كَالثَّلْجِ، وَعَيْنَاهُ كَلَهِيبِ نَارٍ. 🔥🔥
رؤيا يوحنا ١٩ : ١٢
وَعَيْنَاهُ كَلَهِيبِ نَارٍ، وَعَلَى رَأْسِهِ تِيجَانٌ كَثِيرَةٌ، وَلَهُ اسْمٌ مَكْتُوبٌ لَيْسَ أَحَدٌ يَعْرِفُهُ إِّلاَ هُوَ. 🔥🔥

والرب كان بيقولى ان ناره وانواره فينا .. ها تسحق الظلام وها تدمر كل آلات بيبنيها .. لان كل حاجة ابليس وجنوده بيبنوها بتبقى طبيعتها مليانة بالظلام .. والرب عطانا نكون مليانين بنوره وناره علشان نسحق وندمر كل ما لإبليس..

لان الظلمة تنهزم وتتفتت أمام النور والنار .. هلليلوياااااااا 🔥🔥🔥

Sep 19, 2019 11:55:17pm