حرب ابليس داخل الذهن البشري ..

 

يا جماعة .. مازال نظام ابليس فى الحرب مع الانسان ما تغيرش .. بس احنا اللى مش واخدين بالنا من طريقة كلامه فى اذهاننا كل يوم ..

لوقا ٤ ..
٥ثُمَّ أَصْعَدَهُ إِبْلِيسُ إِلَى جَبَل عَال وَأَرَاهُ جَمِيعَ مَمَالِكِ الْمَسْكُونَةِ فِي لَحْظَةٍ مِنَ الزَّمَانِ. ٦وَقَالَ لَهُ إِبْلِيسُ:"لَكَ أُعْطِي هذَا السُّلْطَانَ كُلَّهُ وَمَجْدَهُنَّ، لأَنَّهُ إِلَيَّ قَدْ دُفِعَ، وَأَنَا أُعْطِيهِ لِمَنْ أُرِيدُ. ٧فَإِنْ سَجَدْتَ أَمَامِي يَكُونُ لَكَ الْجَمِيعُ".

ومازال بيحاربنا بنفس الطريقة اللى حارب بيها المسيح الرأس ..
بيجى للناس يخليهم يجوعوا لحاجات اصلا ما كانوش محتاجين ليها او ما كانوش فى اشتياق ليها بالدرجة دى .. !!

وللاسف بيوهمهم ان ده احتياجهم وان السير مع الله عمره ما ها يسدد الاحتياج ده ..

لكن للاسف ده مش احتياجهم .. ده عمال يتنفس قوة هائلة وشر رهيب جوة ابسط احتياجاتهم .. وبيملاهم بجوع فظيع وبضغط هائل .. بيضيع سلامهم .. وبيستعبدهم وللاسف بيسجدوا ليه من غير ما ياخدوا بالهم وبيبقوا عبيد له .. لانهم عايزين يسدوا احتياجهم ..

ولأنهم مش عاطين مساحة لحق وفكر الله انه يسكن فيهم .. فبتلاقيهم مش مميزين .. وماشيين وراه زى ما يقول لانه هو اللى بيسدد احتياجهم .. وللاسف مش بيمتلكوا قدرة يقفوا فى وشه ويقولوله انت كذاب ..

لكن هلليويا .. المسيح اثبت ان ابليس كذاب واللى بيقوله مش حق .. ومش ها يعرف ابدا يثبت بكذبه قدام الحق ..

مازال بيعرض علينا
٨فَأَجَابَهُ يَسُوعُ وَقَالَ:"اذْهَبْ يَا شَيْطَانُ! إِنَّهُ مَكْتُوبٌ: لِلرَّبِّ إِلهِكَ تَسْجُدُ وَإِيَّاهُ وَحْدَهُ تَعْبُدُ".

النهاردة اقف بإيمان واعلان ان الرب فداك بدمه وانك منتصر فيه ومش عبد لإبليس .. والرب ها يكسر قيوده بصلواتك المستمرة وها يطلقك حر من قبضته .. وها يرد ليك نفسك .. هلليلويا .. 💪💪

Sep 27, 2019 1:00:12pm