المسيح يدمر اعمال الشيطان ..

 لفت نظرى كلام يوحنا الحبيب ..

وهو بيوصف ان اللى بيفعل الخطية ..

هو اللى بيضاد قوانين الله واعلاناته ..

او اللى بيفعل ما هو ضد القانون الالهى الصالح ..

او المخطىء عن الوصول الى الهدف الصحيح ..

او الغير حاصل على تأشيرة او علامة اتمامه الاهداف وادراكها بشكل صحيح ..

وده جاى فى النصوص الاصلية .. بالمعانى دى .. وها توضح قدامك افكار كتير جدا ..

اقرا الاية تانى بنفس المعانى اللى فوق ..

يوحنا الاولى ٣ : ٨

مَنْ يَفْعَلُ الْخَطِيَّةَ (( بنفس المعانى اللى فوق )) 👆👆 فَهُوَ مِنْ إِبْلِيسَ

لأَنَّ إِبْلِيسَ مِنَ الْبَدْءِ يُخْطِئُ (( بنفس المعانى اللى فوق )) 👆👆.

وباقى الاية خطير جدا جدا جدا .. وبيبين احد اهداف ظهور المسيح فى الجسد ..

لأَجْلِ هذَا أُظْهِرَ ابْنُ اللهِ لِكَيْ يَنْقُضَ ( يهدم بشكل نهائى ) أَعْمَالَ إِبْلِيسَ.

امن ان متابعتك لشخص الرب يسوع .. كافية جدا لان تقودك للسير فى تناغم تام مع قوانين الله .. وها تقودك للوصول الى الهدف الصحيح ولازم ها تكون بتحصل على تأشيرة اتمام المقاصد الالهية فى حياتك وتكون جاهزا للامتلاء بالمقاصد الإلهية الى ابد الابدين ..

بمجرد ما تبص على المسيح .. ها تلاقى قوة ابليس بتبطل .. واعماله فى حياتك بتنهدم .. هلليلويا .. المسيح فيه كل قوة الله للخلاص من قيود وخطية ابليس ..