ابليس مدمر وقتّال ..

 

من فترة .. صديق قريب منى .. حكى لى .. انه كان فى قافلة فى احدى القرى المصرية ..

وشاف طفلة خمس سنوات تقريبا .. ابوها حرقها بأداة فى كذا جزء فى جسمها ..

وكمان دلق عليها مياه مغلية وشوه لها تماما منطقة صدرها ..

رديت عليه وقلت له ابليس بيعمل كدة و اكتر من كدة .. 😭😭

فعلا يا جماعة .. المحزن ان ابليس تماما عكس الله الى اقصى درجة .. والناس للاسف مش واخدين بالهم وفاكرينه صديق او بعيد عنهم او فرفوش ومرح ..

لأ خالص .. ده المسيح بيقول عليه انه قتال من البدء .. وبيقول عليه انه مهلك ..

وفعلا من خلال دراستى الكتابية او التجارب الواقعية مع ناس .. ابليس مدمر جدا .. وممكن يملى اعماق الناس اللى الله مش مالى قلبهم .. 😭😭

لدرجة انهم يدمروا احلى واغلى ما في حياتهم من اول ابديتهم لغاية نفوسهم او اجسادهم او شريك حياتهم او اطفالهم .. محزن جدا .. 😭😭

وطبعا قصة الشخص اللى فى السعودية اللى اغتصب اطفال ولاد اخته .. وامه بتستر عليه فحرقتهم فى اجسامهم علشان تدارى التهتكات اللى فى رحمهم قدام الطب الشرعى واخته اللى هى امهم بتستر عليه عادى لانه مش قادرة تحكم ان التشريع يحرم كدة .. 😭😭

ابليس مدمر يا جماعة .. اوعوا تمشوا فى سكته مهما كان طبله وزمره .. مهما عليت ضحكات اللى معاه .. لان الصراخ والعويل فى صحبته لن ينتهى الى ابد الابدين ..

Sep 30, 2019 3:12:51pm