كلمة الرب قوة هائلة في ارواحنا ..

 

من كام يوم كنت بصلى مع حد فى التليفون ..

وشوفت ابليس بيجى يضربه بمطرقة .. ولاقيت جسمه بيتكسر تماما بعد الضربة دى كأنه زجاج ضعيف ..

لكن شوفت فى روحى ان فيه اية لازم يصلى بيها ..

قولت له على الاية .. وقولت له انت لازم تصلى بالاية دى لفترة طويلة هى والايات اللى زيها لانك بتتحارب فى الاتجاه ده ..

وفى اللحظة دى لاقيته فى روحى بيغطس جوة مياه من الاية دى ..

ولاقيته خارج من المياه وجسمه بيتشرب هذه الاية اللى هى المياه ..

وفى اللحظة دى جيه ابليس تانى يضربه بالمطرقة .. لكن ما عرفش المرة دى انه يكسره .. ومهما كان بيضربه بغيظ ما كانش بيقدر يكسر حتة صغيرة منه ..

لان جسمه بقى منيع كأنه بقى من صخر .. فعلا بقى قوى زى صخر الدهور .. زى الصخر الكامل صنيعه .. زى الرب اللى خارجة من فمه هذه الكلمات .. هلليلويا ..

هدف الاعلان ده .. ان لازم نكون بننغمس جوة كلمة الله لانها مياه الرب ولانها قوة هائلة لأرواحنا ونصرة مهولة فى معاركنا .. 🔥🔥💪💪

Oct 07, 2019 7:33:05am