عندما تحاصرك الامواج .. انا قادم بمجدي ..

 امبارح بالليل كان الرب بيكلمنى وبيقولى .. لما تبقى محاصر بالامواج والغرق والموت من كل اتجاه ومش عارف تفلت منهم ولا مخرج ولا منفذ ..

وكأن دى اللحظة اللى بيظهر فيها المستحيل امامك كأنه السيد والمتحكم فى الأحداث .. وكأن كلمته وكلمة الموت نافذة ولازم هاتتم ..

هلليلويااااا .. اعرف انى جاى فى السكة وماشى على المياه .. ماشى على المستحيل نفسه وبدوس فوق الموت نفسه .. كأنهم عبيد وانا بدوس رقابهم كملك منتصر .. 🔥🔥

اعرف انى عايز اظهر قدامك بكل مجدى .. اعرف انى عايز اوريك عجائب قدرتى .. عايز اوريك انى غير مقيد بأى شىء وذراعى تحكم لى .. ومن يراهم الناس اسيادا هم عبيد لى .. 🔥🔥

مرقس ٦ : ٤٨
وَرَآهُمْ مُعَذَّبِينَ فِي الْجَذْفِ، لأَنَّ الرِّيحَ كَانَتْ ضِدَّهُمْ. وَنَحْوَ الْهَزِيعِ الرَّابِعِ مِنَ اللَّيْلِ أَتَاهُمْ مَاشِيًا عَلَى الْبَحْرِ .

هلليلويا .. لانه مش شخص عادى .. لانه الله ضابط الكل ..
أيوب ٩ : ٨
الْبَاسِطُ السَّمَاوَاتِ وَحْدَهُ، وَالْمَاشِي عَلَى أَعَالِي الْبَحْرِ.

Sep 22, 2019 12:26:25am