ابليس المفتري مشوه السمعة ..

 كلمة " ابليس " .. جاية فى الاصل كلمة .. يونانية " ديابولوس " .. ومعناها المفترى ومشوه السمعة ..

وهو من البداية بيشوه كل منظور الكائنات اللى حواليه عن الله وبيفترى على الحق الخارج من الله ..

وده اللى عمله فى السماء لما أسقط ملائكة معاه .. لانه خدعهم وخلاهم مش عارفين يشوفوا الله ومش عارفين يشوفوا غير ذاتهم ..

وده باين اوى فى حزقيال ٢٨ .. " ٥بِكَثْرَةِ حِكْمَتِكَ فِي تِجَارَتِكَ كَثَّرْتَ ثَرْوَتَكَ، فَارْتَفَعَ قَلْبُكَ بِسَبَبِ غِنَاكَ. "

علشان كدة تقرا فى باقى الاصحاح القضاء الالهى اللى اسقط عليه ..

ومع ذلك .. نزل يكمل التشويه والافتراء بين الساكنين على الارض ..

وده اللى ظهر فى كلام العبد فى مثل المسيح عن الوزنات .. متى ٢٥

" ٢٤ثُمَّ جَاءَ أَيْضًا الَّذِي أَخَذَ الْوَزْنَةَ الْوَاحِدَةَ وَقَالَ: يَا سَيِّدُ، عَرَفْتُ أَنَّكَ إِنْسَانٌ قَاسٍ، تَحْصُدُ حَيْثُ لَمْ تَزْرَعْ، وَتَجْمَعُ مِنْ حَيْثُ لَمْ تَبْذُرْ. ٢٥فَخِفْتُ وَمَضَيْتُ وَأَخْفَيْتُ وَزْنَتَكَ فِي الأَرْضِ. هُوَذَا الَّذِي لَكَ "

وعلشان كدة ها يسقط السيد عليه عقاب مشابه ..

" ٢٨فَخُذُوا مِنْهُ الْوَزْنَةَ وَأَعْطُوهَا لِلَّذِي لَهُ الْعَشْرُ وَزَنَاتٍ. ٢٩لأَنَّ كُلَّ مَنْ لَهُ يُعْطَى فَيَزْدَادُ، وَمَنْ لَيْسَ لَهُ فَالَّذِي عِنْدَهُ يُؤْخَذُ مِنْهُ. ٣٠وَالْعَبْدُ الْبَطَّالُ اطْرَحُوهُ إِلَى الظُّلْمَةِ الْخَارِجِيَّةِ، هُنَاكَ يَكُونُ الْبُكَاءُ وَصَرِيرُ الأَسْنَانِ. "

عايز اقولك ان سلاح الابادة لإبليس .. هو اعلان الحق اعلان كلمة الله ..

وعايز اقولك ان اكبر نجاحين لإبليس انه يخليك كل اهتمامك مجد ذاتك .. وانك تكون غير مبصر الله مشوه فى عداوتك له ..

ومش ها ينفع تكتشف مدى نجاح الهدفين دول لإبليس فى حياتك الا وانت قاعد قدام كلمة الله وبتقاومه بكلمة الله ..

ها سيبلك تجربة المسيح فى البرية خير برهان روح بص عليها وانت طالب ان الرب يوريك الحق .. متى ٤ ..