المسيح يقرع على ابواب القلوب ..

 

 

المسيح بيقول انه واقف على الباب وبيخبط .. اللى ها يفتح له الباب .. ها يدخل لحياته ..

رؤيا يوحنا ٣ : ٢٠
هنَذَا وَاقِفٌ عَلَى الْبَابِ وَأَقْرَعُ. إِنْ سَمِعَ أَحَدٌ صَوْتِي وَفَتَحَ الْبَابَ، أَدْخُلُ إِلَيْهِ وَأَتَعَشَّى مَعَهُ وَهُوَ مَعِي.

وللاسف ناس كتير .. مش بيعرفوا يسمعوا صوت خبط المسيح على ابواب قلوبهم ..

لان اللى ماليهم صوت دوشة كتيرة جوة قلوبهم .. وعمرهم ما ها يسمعوا صوته غير لو قرروا يسيبوا اللى فى ايديهم ..

ناس جواهم ..
طبل ورقص وهمسات وضحكات ..
او مصانع وتجارات و ماكينات ..
او عد فلوس وارصدة وحسابات ..
او مواتير موتسيكلات وعربيات وطيارات ولانشات ..
او قاعات ومناسبات وكتير من الحفلات ..
او شلة واكونتات وفانز وخروجات ..
او صوت المايكات وفلاشات الكاميرات ..
او دوشة ذاتهم بتعظمهم وكتير من الهتافات ..

ومئات الناس .. بيهلكوا فى عالمهم .. لانهم حبوه وحبوا دنياته وظلامه .. اكتر من انوار الرب ومحبته ..

وبيعيشوا جوة قلوبهم فى دواير جوع واستنزاف مستمرين .. وناس تخدعهم وناس تخونهم وناس تنصب عليهم .. وناس تخلى بوعودها وناس تجرحهم وناس وناس وناس ..

وهما لسة بيضمدوا جروح بجروح جديدة .. وبيسدوا عطش بعطش جديد .. وجوع بجوع جديد ..

إرميا ٢ : ١٣
لأَنَّ شَعْبِي عَمِلَ شَرَّيْنِ: تَرَكُونِي أَنَا يَنْبُوعَ الْمِيَاهِ الْحَيَّةِ، لِيَنْقُرُوا لأَنْفُسِهِمْ أَبْآرًا، أَبْآرًا مُشَقَّقَةً لاَ تَضْبُطُ مَاءً.

الرب مازال بيخبط .. هل هناك من يسمع .. ؟

هو اللى قال ..

يوحنا ٧ : ٣٧
وَفِي الْيَوْمِ الأَخِيرِ الْعَظِيمِ مِنَ الْعِيدِ وَقَفَ يَسُوعُ وَنَادَى قِائِلاً:"إِنْ عَطِشَ أَحَدٌ فَلْيُقْبِلْ إِلَيَّ وَيَشْرَبْ.

يوحنا ٦ : ٣٥
فَقَالَ لَهُمْ يَسُوعُ:"أَنَا هُوَ خُبْزُ الْحَيَاةِ. مَنْ يُقْبِلْ إِلَيَّ فَلاَ يَجُوعُ، وَمَنْ يُؤْمِنْ بِي فَلاَ يَعْطَشُ أَبَدًا.

متى ١١ : ٢٨
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ.

Sep 30, 2019 10:44:10am