ابليس وظاهرة النرجسية ..

 ابليس ..وظاهرة النرجسية .. والتيك توك وليكيي واليوتيوب .. !! 🤔🤔

ظاهرة النرجسية .. اول من وضعها وناقشها بشكل واضح .. هو سيجموند فرويد .. المدرسة التحليلية فى علم النفس ..

وملخصها .. هو ان فى نوعية من البشر .. بتعجب بنفسها بمجرد ما بتشوف وبتتابع وتتمركز حول تغذية ذاتها بذاتها ..

القصة لها اصول فى الاساطير .. نركسوس .. اللى عجبته صورته وهو باصص للمياه .. لدرجة انه فضل متواجد يتابعها .. لغاية ما مات ..

لكن الرب علمنى ان ابليس بيبرمج البشر من خلال الاساطير والديانات القديمة ..

ابليس نرجسى مريض ..

اشعياء ١٤ .. ١١أُهْبِطَ إِلَى الْهَاوِيَةِ فَخْرُكَ، رَنَّةُ أَعْوَادِكَ ..

الرب بيقول على لسان إشعياء النبى .. انه ها يسقط ابليس .. بفخره فى رنة اعواده .. ابليس عجبه عزفه ومهاراته .. لدرجة انه ما بقاش عارف يشوف الرب .. !!

حزقيال ٢٨ .. ١٧قَدِ ارْتَفَعَ قَلْبُكَ لِبَهْجَتِكَ. أَفْسَدْتَ حِكْمَتَكَ لأَجْلِ بَهَائِكَ.

الرب بيوصف على لسان حزقيال النبى .. ان الشيطان استمتع ببهائه .. عجبته نفسه اوى .. فأفسد حكمته .. !!

واليوم .. الشيطان يقود البشر فى نفس الاتجاه .. عشرات المواقع يعبد فيها الانسان نفسه .. وكأنه نجم كبير .. وهو عريان وفقير وتايه .. !!

عشرات بيقولوا اى كلام .. بيقلدوا اى حد .. واى حركات حتى لو رموز شيطانية .. بيعملوا اى حاجة من اجل اعجابهم بنفسه .. من اجل المال وتغذية ذاتهم .. !!

ومازالت الحية القديمة تبث سمومها داخل كل البشرية .. وتدمر طبيعة البشر بأمراضها الابدية .. !!